خرافات او اساطير او الاخبار من الأولين سمعتيها وطبقتيها في حياتك

[ام يارا القمره]

طيعا معتقدات أمهاتنا وجداتنا ان رف العين يسرى في نحس يجي عندك
ام زوجي تقول اذا حكيتي انفك مثل المزكم في ضيف عزيز على قلبك يجي عندك وصادقه مره حكت انفها قالت الظاهر في احد يجي عندنا حشا ردار هههه
وإذ حكيتي باطن كفك معناه في رزق يجي عندك فلوس او هدايا
بالنسبه الاخت عبالي صحيح الي أشوفه مثلا اتذكر كذا وحده اسمها فاطمه رغم انها مملوحه بس حظها ردي
كسره كوب زجاج اذا طاح ماادري ليش يقول الشخص اللهم اجعلها خير او راح الشر
كنت اشوف مسلسلات اذا الوحده في ليله زفافها تشوف المعرس قبل الحضور هذا نحس عليها وماتتوفق طبعا الي أشوفه امريكي معقوله عندهم معتقدات مثلنا

 

[*الهنوف*]

سالفت العين صحيحه وانا شخصيا تصير معاي دايم
ان رفت اليسار لازم مصيبه تجيني
واليمين خير


بالنسبه لفطوم اللي ماتعرف شنو معني النساة عن العبط
البنت ردت عليج يعني تنسى
وانتي قلتي يعني شنو اتنسى
ضفتي الالف من كيفج معن البنت ناسيه تحط الالف يعني تدرين انها اتنسى
اظن الكل يعرف الوحام والنساة*

 

[sweet & girl]

اما الشيوخ يقولون عدم اكثار رؤيه المرايا لان بسم الله ينظر الجن عن طريقها

المعلومة هذا قريتها قبل واستغربت وااايد وتأكدت منها وطلعت صحيحة و ألي أكد لي هالشيء بعض القصص عن العين والحسد و نصائح الرقاة لهم بالابتعاد عن اطالة النظر بالمرآة بس مو معناه كلش ما تشوفين ويهج بالمنظرة المقصود ما تقعدين بالساعات قدام المراية تمنظرين بروحج وبجسمج و تحسين أنج ملكة جمال هالكون أو مافي أحد مثل جمالج باختصار تعــجبين نفسج فقط هذا المقصود ولا ترا المنظرة عاااادية والكل يحب يشوف نفسه وروتين يومي حق الحريم بس لايزيد عن حده

 

[*მէօ0օომ ~❥]

الهنوف اييي اعرف شنو يعني اتنسى بس اتوحم مر علي بس ماعرف شنو معناته

 

[Tom ♥ Jerry]

.


اذا هالكلآم مآ آنذكر لا بالقرآن و لا بالسنه لا تصدقونه
و حرآم تصدقون مثل هالخرافات !!!
من اسمها خرافات مرات يمكن اتيي بمحظ الصدفه لا أكثر ولا اقل !!!

 

[زهره الخليج]

قصت الشعر تكون ب ايام البيض كل شهر فعلا انا قص شعر قبل وكان يطوول

وهذا شي ماسويته جذي الا من قالت رفيجتي انه امهم دوم تقص شعورهم

اطراف عند اكتمال القمر..


وبالنسبه للمرايا فعلا الجن يشوف عن طريق مرايا وانا بنت غرفتي مافيها الا مرايه صغيره ..

وقبل كانت غرفتي كلها مرايا وبس احب اطالع بنفسي وبعدها صار فيني شي خالاني

اتعالج لمده خمس سنوات بسبب مرايا ...طلع في الجن يعشق عن طريق مرايا


ونصيحه لكل بنت لا تطالعون واايد بالمريا ..




وبالنسبه للاظراس متقدمه اذكر من كنا بالثانويه ياحلووها من ايام رفيجتي

تقول جدتها تقوول كل صبح تضغط علي اسنانها قلت ليه قالت عشان يدخلووون


,<<<بس كانو اسنانها مافيهم شي




,وبس

 

[زهره الخليج]

بالنسبه للمرايا الي نفسه فيها يطبق حديث الرسول صلى الله عليه وسلم(اللهم حسن خلقي كما حسنت خلقي) خلقي بضم الخاءوكسر القاف. وخلقي فتح الخاء وكسر القاف
وبعض الحريم اذا شافوا المرايا يقولون أعوذ بالله. من خبث والخبائث لان الجن يناظر عن طريقها
كنت خبله وغبيه ترقص قدامها واتعرى.
وعندي قصه يخوف واقسم بالله اني صادقه مره كنت ماره وأشوف وجهي بالمرايا الاوجهه مبتسم ابتسامه يخوف طبعا هذا في الظلام قلت يمكن تهيئ وأتموا مادريت انه الجني بسم الله
وفي بنات يقولون اذا صورتي بالليل يطلع في الكاميرا صورته ووحده من البنات تحلف طلع لكاميرا صوره عيون يلمع وطبعا من خوفها ماتحركت الاولدها بسم الله عليه شجاع وقالت له صورت بالجوال بالظلام وخاصه تحت السرير وطلع لي عيون بالكاميرا ولدها طالع تحت الا لقى قطوه من وين جت بسم الله

يايمه ...ربك رحمك والله لو كان عرفتي كنتي الحين مستخفه ..

 

[ام يارا القمره]

يايمه ...ربك رحمك والله لو كان عرفتي كنتي الحين مستخفه ..

ههههه اطمنك احط كل الي صار لي في زوجي :eh_s(4):

 

[مُخملْ]

بنآتْ حبيبآتيْ ،
هذي الاشيا مهما تحققت مرة ولامرتين ولا عشر
تراها بمحظ الصدفةْ وبتبقى خرافات واساطير مالها اي جانب من الصحة
(عدا البعض في اشيا صحيحه مذكورة )
لاتعتمدونها ك،نهج لحياتكمْ، اذا صار شي فمعناته بيصير شي زين ووو
مرات صح نقول عن يوم معين ان نحس والاشيا السيئة كلها تستوي فيه
بس يبقى بمحظ الصدفهْ،!

هذا تطيُّرْ !
،

الله يبارك فيكمْ

 

[ام يارا القمره]

اما الشيوخ يقولون عدم اكثار رؤيه المرايا لان بسم الله ينظر الجن عن طريقها

المعلومة هذا قريتها قبل واستغربت وااايد وتأكدت منها وطلعت صحيحة و ألي أكد لي هالشيء بعض القصص عن العين والحسد و نصائح الرقاة لهم بالابتعاد عن اطالة النظر بالمرآة بس مو معناه كلش ما تشوفين ويهج بالمنظرة المقصود ما تقعدين بالساعات قدام المراية تمنظرين بروحج وبجسمج و تحسين أنج ملكة جمال هالكون أو مافي أحد مثل جمالج باختصار تعــجبين نفسج فقط هذا المقصود ولا ترا المنظرة عاااادية والكل يحب يشوف نفسه وروتين يومي حق الحريم بس لايزيد عن حده

هذا صحيح وخاصه الرقاه يمنعون النظر في المراءه الا لوقت الحاجه

 

[ام يارا القمره]

بنآتْ حبيبآتيْ ،
هذي الاشيا مهما تحققت مرة ولامرتين ولا عشر
تراها بمحظ الصدفةْ وبتبقى خرافات واساطير مالها اي جانب من الصحة
(عدا البعض في اشيا صحيحه مذكورة )
لاتعتمدونها ك،نهج لحياتكمْ، اذا صار شي فمعناته بيصير شي زين ووو
مرات صح نقول عن يوم معين ان نحس والاشيا السيئة كلها تستوي فيه
بس يبقى بمحظ الصدفهْ،!

هذا تطيُّرْ !
،

الله يبارك فيكمْ

جزاكي الله كل خير في منها صحيح وفب بعضها طبقوها الأولين وحنا اخذنا منهم هالمعلومه

 

[ام يارا القمره]

شكرًا الهنوف على ادلائك بالرف العين اليسرى
بالنسبه يقولون يعرفون المراءه حامل بنت او ولد ولهم طرق كثيره منها حجم البطن اذا بطن مائل الى جهه اليسرى اعتقد انه ولد واليسرى بنت
وفي بعضهم تقول عن طري خاتم تربطها بالخيط وتحطها فوق بطن. الحامل اذا تحرك الخاتم معناه ولد اكثرهم يسونها اهل الشام

 

[كراميلا مرة]

انا على العموم ماصدق هالسوالف
مثل انه احنا عندنا الطفل اذا انولد يربطون جبهته وراسه عشان الجبهه ماتكون بارزه
ويحطون تحت مخدته رخامه عشان مايصير راسه بارز من وراء

وبعد البردي اسمع يقولون يخلي الجسم مافيه شعر

وبعد مادري شمعناتها هالسافه الطفل يحطون في فمه اشوي من العصيده يقولون عشان يلحق على اي وجبه مادري عزيمه
اذا مثلا دخل من الشارع وانتو توكم تتغدون يقولون ملحس من العصيده

عاد مادري بخرابيط الاوليين

 

[بنوته كيكه]

انا ماصدق هل الاشياء

 

[الغلا كله لبوي]

يوم كنا صغار وباليل نبي نشرب ماء جدتي كانت ترفض وتقولنا نامو الغزيل تقصد الغزال راح يجيكم ويسقيكم ماء

ليه ترفض تعطينا ماء ماادري واذا صحينا تسألنا تبون ماء نقول لا تقول اجل الغزيل جاكم البارح وعطاكم ماء وحنا مستأنسين

وفرحانين ان الغزيل جنا

ههههههههههههههههههههههههه ياحليل سوالفهم وخرابيطهم

 

[ام يارا القمره]

يوم كنا صغار وباليل نبي نشرب ماء جدتي كانت ترفض وتقولنا نامو الغزيل تقصد الغزال راح يجيكم ويسقيكم ماء

ليه ترفض تعطينا ماء ماادري واذا صحينا تسألنا تبون ماء نقول لا تقول اجل الغزيل جاكم البارح وعطاكم ماء وحنا مستأنسين

وفرحانين ان الغزيل جنا

ههههههههههههههههههههههههه ياحليل سوالفهم وخرابيطهم

يمكن الطفل على اساس مايتبول في الليل وهو على فراشه

 

[Ray.Bana =$]

آمبييييه خرعتوووني انا المرايه مجابلتها 24 ساعه اروح وارد عليها

 

[اريج الجوري]

بالنسبه الأسامي يقولون ان الاسم يجلب صاحبها خير او نحس مدى الحياه
مثلا ألاحظ اسم امل دائماً مقروده مع زوجها طبعا شفت كذا وحده اسمها امل
وكذا اسم وبعضهم يغيرونها يبيون حظ حلو وهنا يأتي من سياق حديث رسول الله ( بحسن اختيار الأسماء،

صح صح اعرف ثنتين اسمهم امل وما توفقوا بزواجهم ،،،

ووحده ثانيه امل عمرها اللحين 36 وما تزوجت الله يرزقها يارب ،،،

 

[اريج الجوري]

يوم كنا صغار وباليل نبي نشرب ماء جدتي كانت ترفض وتقولنا نامو الغزيل تقصد الغزال راح يجيكم ويسقيكم ماء

ليه ترفض تعطينا ماء ماادري واذا صحينا تسألنا تبون ماء نقول لا تقول اجل الغزيل جاكم البارح وعطاكم ماء وحنا مستأنسين

وفرحانين ان الغزيل جنا

ههههههههههههههههههههههههه ياحليل سوالفهم وخرابيطهم

اي امي قبل كله تقول لنا هالسالفه يمكن عشان ما نبلل الفراش بالليل ،،،

او يمكن عشان كنا في بيت عربي والمطبخ بعيد وظلمه وامي خوافه تخاف تطلع بالليل ،،،

عاد مره قلت هالسالفه لعيالي مالي خلق اجيب ماي وابتلشت فيهم الا بيشوفون الغزيل قبل لا ينامون ،،،

ههههههههههههههههههه

 

[اريج الجوري]

يقولون بعد ان القهوه اذا انكبت معناه خير ورزق ،،،

ويقولون اذا كانوا ناس يأكلون ودخل عليهم احد يقولوله حماتك تحبك ،،،

ولا تطالعون الجدر اللي على النار بعدين ما يغلي الماي ،،،

ولا تضحكون الجاهل بالليل بعدين ما ينام ويتحلم أحلام مزعجه ،،،

واذا الناس كثروا الضحك يقولون الله يكفينا شر هالضحك ،،،

واذا كان الجاهل في راسه دائرتين وراه ولد واذا دائره وحده بنت ما ادري العكس ،،، هع

واذا الحامل خشمها كبر وانتفخ يعني فيها ولد ،،،

واذا صارت حلوه بحمالها وخفيفه حركتها ونشيطه بنجيب ولد واذا صارت شينه وتعبانه حيل وثقيله يعني بنت لان البنت تاخذ زين أمها ،،،

واذا طق مطر بيوم العرس يعني العروس بنصير غاليه عند زوجها واهله ،،،

عاد عرسي مطرررررر وما شفت الغلا اللي يقولون ،،، هههههههههه

ولا تلعبون بالمقص تفتحونه وتسكونه بعدين امج وابوج يتهاوشون ويتطلقون ،،،

وغيرها يكثر بعد ما يحضرني اللحين ،،،

وانا اشوف انه اكثرهم خرافات واساطير مالها اساس او كان لها اساس وقصه حقيقه بالماضي لكن تحرفت وتغيرت مع الزمن ،،،

تحياتي ...