~ .. خذيني معاج ..~ .. راويتي الاولى .. قصه واقعيه ..!

[Danya =)]

الله يعينج ويوفقج يارب وعادي حبيبتي الحمل حلو

<< اي مو لأنج حدج مجربته لوووووووووووووول

وهذي منيره قاهرتني شكو تصعدونها فوق دام تدرين انها ام سحوره

الله يكافيكم شرها يارب

هلا حبيبتي

آميييييين ياارب

لوووووووول أي والله حلوو

تسلميين عالمتابعه حيااتي :*

مبرووووووووووووووووووووووووووووووك دانيو بتصيرين ام
والدراسه لاحقه عليها ما بتطير
بس منيره انا شاكه فيها انها هي وراء الزياره الله يعينج عليها

هلا حبيبتي

الله يبااارك في حيااتج

الله يعيني ويعيين الجمييع

تسلمييين عالمتابعه حبي :*

انا ما كان لي نية ازف طول البارت
بس ماقدر صراحه....... ايدي تحكني
منيييييييييييييييييروووووووووووووو ام السعف والليييييييييييييييييييييييييييييييف
شكو تصعدينها شقتج
بعدين معاج انتي
ماراح ازف اكثر رأفة بحال الياهل مبروك الحمال

هلا حبيبتي

لووووووووول اذا ما تزفين ما تصيرين كيوت برنسس

والله ما ادري ليش صعدتها سامحوني تووبه من بعد زف كيوت لوووول

والله يباارك في حيااتج

وتسلميييين عالمتابعه حبي :*

بليز دانيا لاتطولين علينا ونبي بارت طوووووووووووووووووووووووووووووووووووووووووووووووويل يبرد الجبد

هلا حبيبتي

ان شاء الله من عيوووني

تسلمييين عالمتابعه حبي :*

مبرووووك حبيبتي على الحمال
الله يثبته لج ان شالله

و الله يستر من مبروووه و أبووج

يعطيج العافية حيااااتي :tek:

هلا حبيبتي

الله يباارك في حيااتج

الله يعافيج ويخلييج

وتسلميييين عالمتابعه حبي :*

مبروووك حبيبتي على الحمل والله يستر من هالمنيييرة

ناااطرينج

هلا حبيبتي

الله يباارك في حيااتج

آميين ياارب

تسلميين عالمتابعه حيااتي :*

 

[Danya =)]

مبرووك علي الحمال

و الله يستر من منيره

والله يعطيج العافيه

هلا حبيبتي

الله يباارك في حيااتج ويعاافيج

تسلميين عالمتابعه حبي :*

مبروووووك كنت متوقعه هالشي
انقهرت يوم دخلتي منيره ليش ليش

هلا حبيبتي

الله يباارك في حياااااتج

ما ادري ليش دخلتها والله

تسلمين عالمتابعه حبي :*

مبرووك قلبي عالحمل
و الله يستر من منييروووا

ناطرين

هلا حبيبتي

الله يبارك في حياتج ويخلييج

الله يسترر

وتسلمييييين عالمتابعه حياتي :*

منيييره اكيد بتحط سحر بشقه دانيااا
الله يستر منها

هلا حبيبتي

كل شي ايووز

الله يسترر

يعطيج الف عاافيه عالمتابعه حبي :*

 

[Danya =)]

بنات هذا البارت

مع إني حدي متنرفزه من اللي ينقلون القصه بدون ذكر الاسم والمصدر

لكن ما احلل لأي احد ينقلها بدون ذكر الاسم والمصدر والله فوقه


البارت 31

ابوي : دانيا !! انتي حاامل ؟!!
انا : ممم أي يبه
ابوي : لا حول ولا قوة الا بالله .. ليش انتي ياهل
انا : هذي كتبه الله
ابوي ( يكلم فيصل ) : مو بنتي كان شرطها ما تحمل الا بعد ما تخلص ؟!
فيصل : أي بس ..
ابوي : بس شنو جذي تقص على بنتي
فيصل : انا ما قصيت عليها .. بعد هذا اللي الله كاتبه
ابوي : لا والله .. صج صدمتوني بالخبر وضايقتوني .. وانت يا فيصل قصيت على بنتي وطحت من عيني .. منيره خل نمشي
مريم : خالي انا قلت لهم انتوا يهال
ابوي : أي والله ما ادري شلون بيربون ياهل
منيره : هد اعصابك وخل نمشي ..
ابوي : يالله

..


كنت اسمع كلامهم وخانقتني العبره .. ومتضايقه .. شسوي ؟ِ شذنبي ؟! .. كل ذنبي إني تزوجت عشان اعيش حياة احسن من حياتي قبل ..

نزلنا تحت وطلع ابوي مع منيره .. وبعد ما طلعوا ..

فيصل : انتي تعالي معاي
انا : انا ؟!
فيصل : أي انتي عيل منوو

سحبني فيصل من يدي بقوة .. وصعدنا فوق .. وكان فيصل حيل معصب

فيصل : شفتي شفتي
انا : شنو؟
فيصل :هذا ابووج الحقير
انا : فيصل شهالكلام !!
فيصل : ابوج خايس ويستاهل .. عيل يغلط علي وانتي ساكته ؟
انا : فيصل ماله داعي هالكلام
فيصل : سمعيني زييين تقطعيين علاقتج بأبوج فاااهمه ؟!!
انا : ليش ؟!
فيصل : لا تسأليني ليش .. هذا ابوج ما ابيج تكلميينه ما اشتهيه !
انا : فيصل بس عااد حرام عليك
فيصل : انتي ما تفهميين
انا : فيـصـ ..

فجأه حسيت بطراق قوي على ويهي .. طحت عالارض .. مسكني من شعري ..

فيصل : جب ولا كلمه وان كلمتي ابوج والله تشوفين شي ما شفتيه

..

وطلع من الغرفه ..

انت يا فيصل تسوي جذي !!

طحـت من عيني طيحه .. الله يعينك علييها !!

..



قمت من الارض .. وقعدت عالكرسي .. دموعي تطيح على خدي ..

تذكرت .. قبل 8 سنوات ..

منيره تسحبني .. وتحط يدي بالنار .. تذكرت الالم اللي حسيته

كان هالحادث اول ألم من منيره ..

..

تذكرت لما شاف فيصل أثر الحرق بييدي ..

فيصل : منيره صح ؟
انا : امم أي

مسك يدي .. طالعها .. باسها

فيصل : حبيبتي لا تحاتين وعد ما أأذيج ..
انا : صج ؟!
فيصل : أي صج انا فيصل مو منيره .. تنكسر يدي اذا اذيتج

..

حبيتك وذي غلطه
حسافة حبي وإحساسي
وعمري ما تخيلتك
تكون أقسى من القاسي


..


فجأه رن موبايلي .. كان اخوي علي .. ورديت

علي : الوووووووو هلااا دانيووو مس يووو
انا : هلا والله علي
علي : شلونج شخبارج
انا : الحمدالله بخيير وانت
علي : الحمدالله تمااام
انا : متى ردييت ؟!
علي : توني من شووي واول وحده دقيت عليها انتي
انا : وناااااااسه جان قلتلي عشان اييك اشوفك
علي : لا تعبيين نفسج انا اييج .. شفيه صوتج ؟!
انا : ها لا مافيه شي .. شلوون المانيا ؟
علي : والله وانا بألمانيا كله دورات ما عندي وقت احك راسي
انا : يعني ما رحتوا سياحه او شي
علي : لا كللش
انا : يالله اهم شي رديت بالسلامه
علي : الله يسلمج
انا : علي
علي : عيونه
انا : انا حامل
علي : صجج ونااااااااااسه عالبررركه
انا : الله يبارك في حيااتك
علي : الله الله .. عيل بتييبين علي الصغير
انا : هههههه يمكن بنت
علي : خلاص اذا بنت على اسم امي

اول ما سمعت بطاري امي .. زادت دموعي ..


روحي تحتاجك يا يمه
قلبي يرتجي تكوني يمه
وتمحي بسمتك كل همه

آآآه يا يمه أبيك
وينك تعالي
والله أبيك
واللي خلق هالكون الفسيح أبيك

بس أبيك


علي : دانيا دانيا
انا : نعم
علي : لا تضايقين مو قصدي
انا : لا عادي شدعوه
علي : قاعده تبجين صح ؟
انا : لا
علي : امبله اعرفج لما تبجين .. مو قصدي اضايقج
انا : لالا مو متضايقه
علي : حبيبتي والله انزين مو قلتي ما تبين تحملين الا بعد ما تخلصين دراستج ؟
انا : أي بس الله كتب وحملت
علي : ميخالف .. ديري بالج على نفسج
انا : ان شاء الله
علي : وشلون فيصل معااج ؟
انا : ..
علي : دانيا شفيج ؟
انا : لا مافيني شي
علي : شلون فيصل؟
انا : زين الحمدالله
علي : أكيد ؟ مرتاحه معاه
انا : أي
علي : اووكي حبيبتي اخليج الحين برتاح شوي
انا : اوكي
علي : مع السلامه وديري بالج على نفسج
انا : ان شاء الله الله يسلمك ..

..

حاسه بنفسي اني مخنوقه وتعبانه .. ودي اشكي .. بس لمن ؟ منو يسمعني .. ماكو الا وحده .. بس شلون اوصل لها !!

يت على بالي فكره وقررت اني انفذها باليوم الثاني .. حطيت راسي ونمت .. ما حسيت بشي .. الا لما رد فيصل وسمعت صوت الباب ..


في الصبح قعدت من النوم .. فيصل راح الدوام بدون ما اكلمه ولا يكلمني ولا شي .. واول شي يه على بالي أمي

خذيت موبايلي ودقيت على امل ..

انا : هلا امل
امل : هلا والله
انا : شلونج
امل الحمدالله وانتي
انا : تمام .. امل ممكن اطلب منج طلب ؟
امل : آمري حبيبتي
انا : ما يآمر علييج عدوو .. انتي فاضيه الحين ؟
امل : أي فاضيه
انا : تقدرين تاخذيني لمكان ؟
امل : أي افا عليج بس وين ؟
انا : خذيني المقبره .. خذيني قبر امي
امل : دانيا شفيج ؟ متضايقه ؟
انا : لا بس ودي ازور امي
امل : ووين فيصل ؟
انا : فيصل مو هني .. تقدرين اتوديني ؟ اذا ا تقدرين عادي
امل : لالا اكيد اقدر الحين يايتج
انا : تسلميين امل ما راح انسى لج هالمعروف
امل : حبيبتي شدعوه ما سويت شي يالله تجهزي
انا : اوكي باي
امل : باي

بدلت هدومي ودزيت لفيصل مسج اني بروح مع امل .. ليما يتني امل وصعدت معاها السياره ..
وكنت ساكته طول الطرييج

امل : شفيج دانيا .. شكلج وايد متضايقه؟
انا : لا مافيني شي امول .. بس ولهانه على امي
امل :الله يرحمها

وصلنا المقبره ..

امل : انزل معاج ؟
انا : لالا انا بنزل شوي وارد .. وثانيا شمس وايد لا تعبين نفسج
امل : اوكي ناطرتج


مشيت ومشيت .. وصلت قبر امي .. وقعدت .. آآه يا يمه شكثر مشتاقلتلج ..

هنا سنين من عمري اعيش وداخلي مجروح
هنا قلبي رحل عني وكثر الحزن قاسيته
هنا جرحي ترك دفتر مسجل به الم مفتوح
هنا قلبي رفض بعدك وغصب البعد خاويته
دخيلك ليه يايمه خنقتي صوتي المبحوح
دخيلك كيف هالدنيا تذل الشخص في بيته
كبيره صدمة الدنيا تجازيني كثير النوح
يكون آخرها حرماني من أغلى حب حسيته
فمان الله يايمه فمان اللي عطى هالروح
وداعك يصرخ بروحي وانا بالقلب خبيته
ياقبر امي اذا تسمح بجيلك لابغيت ابوح
بجيلك لانفذ صبري واحس العمر مليته
بجيلك واجلس قبالك واحط ايدي على هاللوح
واحس ايدي بايدين امي ياليته صدق ياليته



وعيت على صوت امل ..

امل : دانياا دانيا
انا : نعم
امل : شفييج طولتي صار لج ساعه تقريباا !!
انا : ساعه !!
امل : أي شوفي الساعه جم
انا : اسفه امل ما حسيت لنفسي
امل : لا عادي حبيبتي بس خفت عليج
انا : امل مستعيله والا عادي ابقى شوي بعد !
امل : لا مو مستعيله بس ما راح اخليج تبقين بعد
انا : لييش ؟!
امل : شوفي حالتج حرام تسوين بنفسج جذي .. ترحمي علييها .. ترى انتي حامل لا تنسين
انا : بس شوي
امل : دانيا حبيبتي طيعيني .. مره ثانيه وعد اييبج اوكي؟
انا : ان شاء الله
امل : يالله قومي


بفقدك ياروحي بانت خلة اليتم بوجهي مدامع

يتيما وحيدا غريبا .. منكسرا بعدك والله انني



صعدت السياره وهم كنت ساكته واحس بدوخه من الشمس ومصدعه .. وصلنا البيت

انا : ما راح تنزلين
امل : اممم .. يالله بنزل بقعد معاج شوي
انا : اووكي

نزلنا انا وامل .. ودخلنا البيت واول ما دخلنا شفنا فيصل بويها .. وكان مصعب حددده .. ​

 

[• قلبه نصيبي •]

يمه ماتوقعت فيصل جذي يسوي بس حاسه مو منه !

 

[ReRez]

اول شي بخصوص اللي مو كاتبين نكج وماخذين القصه .. انا قبل صارلي جذي بالفتاة الهاربه وقمت عقب كل رقم بارت اكتب ما احلل
جذي يعني :

البارت ال 21
( ما احلل اي احد ينقل القصه من غير ذكر اسمي )
- وعقب ابدي البارت -

والله لي النهاية وانا اسوي هالشي .. لأن اللي كانو ناقلينها 5 منتديات اذبحوني من القهر

الله يعينج يارب
--------------

وبخصوص فيصل ما اتوقع من هالمره صار جذي لأن اللي سامعته ان السحر ياخذ وقت جم يوم مثلا .. مو بهالسرعه
يمكن من قبل مسويه شي والحين زادت الطين بله ..

الله يشافيه ويعافيه ويرده لج مثل ماكان .. واكيد تدرين ان مو منه واهو مو جذي .. فلا تقسين عليه

وربي ياخذ حقكم منها

 

[أغلى حبيبه]

وييييي يعني اشتغل سحر منيييره @@

 

[وردة في نهر الزمان]

الف مبروك عليك الحمال
قطع منيرو ايش تبي يايه

 

[miss fa6om]

الي نقلوا القصة الله فوقهم وبيحااسبهم .. والله يعينج عليهم
بس امبيييي ليش يطقق .. وعدج مايطقج @@
وتسلمين ع الباارت ..

 

[البارونه*_^رونه]

يا حياتي دانيا تحملي شوي يمكن من سحررر منيروو السعلووه صار فيصل جذي
وتحملي يا قلبي والله يصبرج
يسلمووووووو على البااااااااارت

 

[مـ سهله ـو]

منيرووووووووووووووووووووووووووو اشتغل سحرها حسبي الله عيها

 

[cute princess]

فيصل قاعد يتغشمر صح ؟ مو من صجه :| صدم شعوري :| مالت بس :|

 

[عطر مذهب]

اشتغل سحر منيرووو

ناطرين البارت الياي

 

[كويتية و النعم]

بدى مفعووووول السحر






وووووويعه في منيرررووووووه

:eh_s(14):

:eh_s(14):

:eh_s(14):

يعطيج العافية حياتي و تسلمييين

وناطريييين البارت اليااي ​

 

[أميرة البجع]

لالالالالالالالا ان شاء الله الله أقوى من هالساحرة وما تقدر تسويلج شي
بس يمكن فيصل صج مضايق من أبووج
بس ولو عيـــــــــــــــــــــب يمد ايده عليج.. لا وهو مواعدج ما يأذيج
يلا حبي ناطرينج والله يستر

 

[UNiQe^PRiNceSs]

waiting

 

[zooz92]

حبيبتي داانيا ما عليج من الا ينقل قصتج عطيهم طااف هذا دليل ان قصتج واااايد حلوووة

فييصل صدمني لكن شكله من السحر الله يهديييه ان شااااء الله عووورتي قلبي

يسلمووو على الباااارت الحلوووو

نااااااطرينج

 

[قلبي وينك]

الله يعينج ويعوضج ان شاء الله

 

[الصبر له حدود]

ربي يعينج حبيبتي .. ليش ماقلتيله داااااااامج تدرين وليش سمحتي لمنيره ادش شقتج ؟؟
وبهذاك الوقت مافكرتي انها ساحرتج وسحرت فيصل ؟؟
الله يعيييينج حبيبتي ويرده لج فيصل الحنون اللي يحبج ولا يستغني عنج ؟؟
يلا ننطر بااااجي البارت نبي نعرف النهاية ...

 

[UNiQe^PRiNceSs]

بل بل عليها !!!
ما انطرت ّ بنفس الليله !
سحرها اشتغل !!
الله ياخذها :yaaaaaarb:
كملي حبي ناطرينيج

 

[انا خطر]

نقل القصة دليل على نجاحها

لا تزعلين قلبي

و شفيه قلب مرة وحده فيصل << حسبي الله عليج يا منيرة

ناطرينج