~ .. خذيني معاج ..~ .. راويتي الاولى .. قصه واقعيه ..!

[♥ الــزيــن ♥]

كملي حبيبتي

 

[حنطاويه عسل]

حلو البارت بس وايد قصير

ناطرينج حبوبة

 

[Danya =)]

كملي حبيبتي

إن شاء الله من عيوني

تسلمين على متابعتج ويعطيج العافيه ​

 

[Danya =)]

حلو البارت بس وايد قصير

ناطرينج حبوبة

عيونج الحلوة حبيبتي

إن شاء الله باجر احط بارت طويييييل

يسلموو على متابعتج معاااي ​

 

[بيبي ناز]

مشكوره ع القصه شكلها حلوه


نااااطرينج :eh_s(20):

 

[Danya =)]

مشكوره ع القصه شكلها حلوه


نااااطرينج :eh_s(20):

عفوا حياتي

تسلمييين على مرورج ​

 

[Danya =)]

أب

 

[بيبي ناز]

اختي كملي ناطرينج

 

[D3laa]

وييين البارت !!

 

[Danya =)]

اختي كملي ناطرينج

وييين البارت !!

سامحوني على التأخير

والخين انزل البارت إن شاء الله

وتسلموون على المتابعه

 

[Danya =)]

البارت 3



ركضت أفتح الباب

ابوي : هلا دندوشه حبيبتي
آنا : هلا يبه تفضل
أبوي : وينكم حبيبتي ما اشوفكم كله حابسين نفسكم هنيه
علي : يبه انت اللي لاهي مع زوجتك
أبوي : اممم .. ممكن تطلعون بره شوي بكلم أمكم
آنا , محمد , علي : إن شاء الله يبه

ما ادري شنو الحوار اللي دار بين أمي وأبوي .. بس أستمر وايد .. واحنا كنا ننطر ابوي يطلع من الغرفه ونطمن على أمي .. واحنا قاعدين مرت علينا منيره !


كانت تطالعنا بنظره غريبه ومرعبه ..
منيره : وين أبوكم ؟!!
احنا : .....
منيره : شفيكم انطرمتوا ؟!
علي : أبوي داخل يكلم أمي
منيره : أنت علي أو محمد ؟
علي : آنا علي وهذا محمد وهذي دانيا
منيره : هممم

انفتح الباب وطلع أبوي من الغرفه ويه يمنا ..
أبوي : ها منيره شفتي عيالي
منيره : أي
لف لنا أبوي
أبوي : هذي امكم الثانيه .. ترى منيره تحبكم وايد
محمد : ما نبيها .. احنا امنا وحده وبس

فجأه تحولت ملامح أبوي كلها وصرخ على محمد : عيييييب شهالكلام .. انت ما تستحي على ويهك

محمد : يبه احنا ما نبي ام ثانيه ما نبيها ليش يبتها هني
فجأه أبوي طق محمد طراق على ويهه

وكان أول طراق ياخذه بسبب منيره .. ما ادري شاللي خلاني اطالع ويه منيره ... ودي اعرف شنو كان شعورها .. وشلون ملامح ويها ..

كانت تبتسم ابتسامه خفيفه خبييثه .. كرهتها بهاللحظة .. عرفتها من نظراتها وابتسامتها المرعبه ..

صحيت على صوت ابوي

ابوي : مره ثانيه ان سمعت هالكلام والله اطقكم كلكم


هذا أبوي ؟ ليش صار بهالقسوه ؟ وعشان من .. عشان وحده تو نعرفها ..

راح ابوي مع مرته ..

انا : محمد تعورت ؟
محمد : لا مافيني شي مافيني شي

محمد قلبه طيب وحساس .. مع ان كان شوي شيطان .. بس كان يتأثر بسرعه وما يبين لأحد عن اللي فيه ..

دخلنا على أمي كانت بحال يرثى لها كانت تعبانه وايد .. مسدوحه بالفراش .. قعدنا حواليها .. ما حبينا نقول لها عن اللي صار مانبي نضايقها
وفجأه يت الخدامه تاخذنا على غرفنا
انا : مابي بقعد مع امي
علي : وانا بعد
محمد : وانا بعد بنام هني يم امي
الخدامه : لا بابا يقول انتو لازم ينام بكره مدرسه
انا : مابي مابي

فجأه واهيه تهاوشنا يت منيره ..

منيره : يالله يالله بسرعه غرفكم
انا : مانبي بنقعد مع امي
منيره : عشتو انتي بعد تتكلميين .. بسرعه على غرفكم والله تشوفون شي ما شفتوه الحين

ياربي شهالوقاحه .. توها يايه بيتنا من اسبوع .. واهيه تتحكم فينا وتصرخ علينا .. لا وجدام أمي .. انا بديت اخااف منها ..

رحنا غرفنا .. وما ادري ليش هاليوم ما ياني نوم وقعدت افكر واحاتي أمي .. خايفه عليها .. وهم خايفه اروح لها ويزفوني ..

قعدت على صوت ابوي يقعدنا من النوم ..

يمه اشتقت لصوتج الصبح وانتي تصحينا من النوم وتبدلين لي هدومي .. الله يشافيج إن شاء الله ..

قمنا وبدلنا و تريقنا ورحنا على مدارسناا ..


يوم مظلم .. شاحب .. شديد السواد .. رجعت من مدرستي الإبتدائيه اللي ما تبعد سوى بضعه امتار عن بيتنا ..

وصلت بيتنا .. كان مزحوم .. شصاير ؟! .. ليش عماتي هني واهلنا هني ؟ .. والجو كئيب والكل لابس اسود ويبجي !!! .. بديت اخاف من الوضع ..

وخفت اكثر لما شفت اخوي علي عند باب الطريج قاعد وحاط يده على يبهته ويبجي حييل .. أول مره اشوف اخوي يبجي جذي ..

ياربي شصاير ؟!! ريولي ما تشيلني ادخل البيت ..

دخلت والا عمتي تلمني واهيه تبجي .. وتقول تيتموا يا عيال أخوي

قمت من حضنها وركضت غرفة أمي .. أدور أمي جني مينونه .. ويينج يا يمه

دخلت الغرفه .. مو في فراشها .. دخلت الحمام ما شفتها .. طلعت من غرفتها رحت غرفتنا انا واخوني .. هم مو هناك .. المطبخ .. هم مو هنااك

ويينج يا يمه .. وين رحتي وخليتيني .. قعدت على حافه الدري .. اطالع بالبيت ..

حسيت كل شي ظلام .. حسيت نفسي مخنوقه حيييل .. عرفت إن أمي راحت .. و خلتني بروحي للأبد ..

وين بروح بعد عينج يا يمه .. منو لي بعدج يا يمه .. يا ليت الموت ما خذاج .. ياليت ادخل غرفتج واشوفج بفراشج وتبتسمين لي .. ياليت اللي صار حلم :eh_s(2):


يمه علامك ردي الصوت تكفين ..... ردي علي الصوت لا تذبحيني

اصرخ وانادي واتبع الصوت صوتين ..... يمه ويمه لين باح الكنيني

قالوا علامك لاتخلي المصلين ..... بوسط الجنايز مايجوز الونيني

امك خذوها من رجوه المصلين ..... شف دارها مابين رمل وطيني

خذاني الهاجس وانا بين نارين ..... قبل آصله مابين شك ويقيني

استغفر الله ليه ياحظي الشين ..... حتى المنيه ماتبيها تجيني

يمه حياتي ارهنه بين كفين ..... كفينك اللي عطفها محتويني

يمه حياتي لو تساوي ملايين ..... فدوه .. وفدوه مابقى من سنيني

يمه وداعك زود الهم همين ..... هم يروح وهم بعده يجيني

يمه وداعك زود الهم همين ...... هم يروح وهم بعده يجيني,,!



يمه خذيني معاااااااااااج ..

.... ​

 

[سيتي]

:eh_s(2): waiiting huniii ! ​

 

[3rbawia 7lwa]

شنو اخلصت القصة

 

[zooz92]

واااااايد حلوووة القصة كملي ناااطرينج

لا شكلها ما خلصت القصة

 

[3rbawia 7lwa]

مدام ما خلصت عيل ناطرين

 

[D3laa]

الله يرحمهاا


كمممملي حبووووبه متااابعييينج

 

[3rbawia 7lwa]

كملي حوبي ناطرينج

 

[Danya =)]

:eh_s(2): waiiting huniii ! ​

حبيبتي تسلميين على المتابعه

يعطيج العاافيه

 

[Danya =)]

شنو اخلصت القصة

لا ما اخلصت

حياج الله حبيبتي منوره

واااااايد حلوووة القصة كملي ناااطرينج

لا شكلها ما خلصت القصة

عيونج الحلوة حبيبتي

إن شاء الله بعد شوي انزل البارت

الله يرحمهاا


كمممملي حبووووبه متااابعييينج

آميين ويرحم الجمييع

إن شاء الله بعد شوي بحاول انزل البارت الرابع

 

[بيبي ناز]

الله يرحمها

ناطرينج