~ .. خذيني معاج ..~ .. راويتي الاولى .. قصه واقعيه ..!

[Danya =)]

ليلحين ساكته !!!!! قولي لهم عن منيرووو الحقيييرة الله ياخذها و يفكج منها


الله يكون بعونج و لا تنسين الله يمهل ولا يهمل ان شاء الله كل الي صار معاج يصير مع منيييرووو

هلا حبيبتي

الله كرييييم

تسلميين حياتي عالمتابعه :*

الله يعييينج حبيبتي ويصبرررج ويفرررج همج

كملي ناااطرينج

هلا حبيبتي

آميين يارب ويعين الجمييع

تسلميين عالمتابعه قلبي:*

اول شي صج صج صج عورتي قلبي وبجيت وااااااايد ..


وماتقصرين عالقصه اللي تكسر الخاطر ...




ويسلموؤوؤوؤوؤوؤوؤوؤوز حوبي



الموهيم : ناطرين البارت الياي

هلا حبيبتي

العفو ولو الله يسلمج ويخليييج

ويعطيج العافيه عالمرو فدييتج :*

خرا بشكلها بنت الذين كملي دانيا بلييييييز

هلا حبيبتي

ان شاء الله من عيووني

تسلميين عالمتابعه حبي :*

يبووووووي أشتغل سسحر منيررررررره

الله يصصصبرج يارب

هلا حبيبتي

أي والله مشتغل من زماان

تسلميين عالمتابعه قلبي

وااااااااااااااااي حبيبتي الله يعينج
الله ياااااااااااااااااخذها الساحرة
أخييييييييييييه تكفييييييين لا تتطلقين من فيصل وتخلين هالمينونه تتغلب عليكم
الله يحفظج ياااااااااارب

هلا حبيبتي

آميين ويعيين الجمييع

وان شاء الله ما نتطلق

تسلمييين ياقلبي عالمتاابعه :*

حبيبتي لا تطلقين من فيصل قمر قلبج وحياتج يا دانيتي

وكل اللي يسويه لج فيصل من كلام يضايقج هذا كله من سحر منيرووووه الحقيرررره وخري مناك يا رب ينتقم منج يا الظالمه ما نبيج بحياة دانيتي إشتبين أكثر من جذي يا منيروووه الحقيره حرام عليج ليش قلبج قاسي عسى ربي ينتقم منج عاجلا غير آجلا آمين يا رب العالمين

دانيتي قولي حق عمتج إن اللي فيكم كله من هالحقيره منيروه اللي دخلت السحر ببيتكم يا بعد عمري دانيتي ربي يحفظج ويخلي لج زوجج الغالي فيصل قمر قلبج تاج حياتج آمين يا رب العالمين

لالالالا يا دانتيييييييييييي لا تطلقيييييييييييين ما نبي تنحرمين من حياتج مع فيصل الغالي ويا رب يرجع لج فيصل وما يبتعد عنج

آمين يا رب العالمين

هلا حبيبتي

كل هالكلام من منيييييره حسبي الله ونعم الوكيل

والله اني ما ودي بالطلاق بس الظروف تحد :/ لأني وصلت لمرحله ما اقدر اتحمل

ويالييت اقدر اتكلم جان ما صار هذي حالناا

وان شاء الله تعرفين الباجي في اللبارتين اللي بعد

تسلمييين ياقلبي عالمتاابعه فدييتج

يعطيج ربي الف عافيه على ردج الحلو

 

[cute princess]

دانيا نزلي بارت لا اعضج

 

[•°أنـــفْــِـاسِ اَلِــــوُرَدِ°•]

دانيا ويييييين البارت ننتظركـــ غلاتي ’’’

 

[Danya =)]

بارت 36

( ما احلل اي احد ينقل القصه من غير ذكر اسمي)



آآآه من طعــم المـراره في الجــمل

و آآآه من شي ابيـــــه وما يصــير

اتعذب والحيــاه تمشي عجـــل

..

علي : دانيا .. ابوي الحين بيي .. انا بطلع اوكي؟
انا : وليش ما تظل ؟
علي : مابي اشوفه
انا : علي ظل معاي لا تخليني
علي : زين عشانج بس والا انا ما بي اشوفه
انا : مشكور

..


وبعد شوي وصل ابوي .. فتحت له الباب ودخل قعد معاي انا وعلي .. وهالمره بدون منيره ..

ابوي : السلام عليكم
انا ,, علي : عليكم السلام
ابوي : دانيا شمسووي فيج هالحقير ؟
انا : ممم يبه .. لا بس شوي مشاكل وانا ييت برتاح شوي عند علي
ابوي : انا قلت لج هذااا ما يستاهلج . خله يولي تطلقي منه
انا : يبه انا حامل شكو اتطلق منه
ابوي : بالطقاااق بس تولدين خل يطلقج
علي : هذا مو حل
ابوي : انا ابوج وافهم بمصلحتج .. خلاص انا اكلمه يطلقج لا تظلين معاه
انا : يببه هذا مشاكلي وبحلها بروحي تكفى لا تكلمه
اابوي : مو علللى كيييييفج انتي ما تعرفين مصلحه نفسج
انا : بس يبه
ابوي : لا بس ولاشي .. انا بروح مع السلامه

وطلع ..

علي : اوووووووف هذاا شكووو
انا : ما ادري علي انا محتاره وضايعه ما دري شالحل !
علي : ما عليج من ابوووي
انا : علي احنا مسـ ..
علي : شنو ؟
انا : ما ادري

وبجييت ..

علي : دانيا شفيج قوليلي
انا : ما ادري علي بس برتاح شوي
علي : اوكي ارتاحي واذا تبين شي قوليلي
انا : مشكور
علي : دانيا انا عندي فكره
انا : شنو ؟
علي : شوفي شرايج اخذج انا وانتي واقول حق فيصل و امل ايوون أي مكان مثلا كوفي شوب ونقعد وتسولفون .. طلعي كل اللي بخاطرج واهوه يطلع اللي بخاطره وتتفاهمون
انا : امممم خوش فكره .. اوكي
علي : خلاص انا ادق على امل او فيصل واقول لهم
انا : اوكي

..

ليش اذا بقول عن السحر ما اقدر .. ليش ينربط لسااني .. يارب عطني القوة عشان اتكلم ..


..

باليوم الثاني كلم علي فيصل وامل واتفقنا نتلاقه في كوفي شوب ..

ووصلنا الكوفي شوب ..

علي : انا بقعد عالطاوله هناك مع امل وانتي قعدي مع فيصل وتكملوا ..
انا : ان شاء الله

انا : السلام عليكم
امل .. فيصل : عليكم السلام
امل : انا اخليكم تاخذون راحتكم ..

..


فيصل : شلونج دانيا؟
انا : الحمدالله انت شلونك؟
فيصل : ماشي الحال
انا : اممم
فيصل : دانيا انا ادري تعبتج معاي بس ما ادري شفيني
انا : انت ليش تسوي جذي؟
فيصل : ما ادري ما ادري دانيا غصبا عني
انا : زين والحل ؟
فيصل : ما ادري دانيا ما اقدر اوعدج اني اتحسن اخاف اوعدج واخلف بوعدي نفس كل مره
انا : ليش ما تحاول .. انت ما قاعد تعطي نفسك فرصه تحاول
فيصل ( عصب ) : شتبييييين اسووي شتبين ؟
انا : فيصل قاعده اكلمك شوي شوي هد اعصابك
فيصل : وليش تطلعيييين العيب فيني ؟ انا وانا .. انتي بعد فيج عيووب
انا : انا @@ .. اوكي انا فيني عيوب قولي شنو هالعيوب
فيصل : ما ادري شوفي نفسسج
انا : تقول جذي لأن ما عندك كلام .. اصلا انا مافيني شي
فيصل : لأنج متروسه عقد !
انا : انا متروسه عقد ؟!
فيصل : أي
انا : مشكور عن اذنك
فيصل : وين رايحه بعد ! ما كملنا كلامي
انا : خلاص ما عندي أي كلام معاك
فيصل : لا اذا ما عندج كلام معاي عيل عندج كلام مع من ؟!
انا : شقصدك ؟
فيصل : انتي ادرى
انا : صج انك وقح


كان كل شي فيني يغلي .. كنت معصبه ومتنرفزه .. خذيت كاس الماي وكبيته بويهه

فيصل : انتييييي شسويتي
انا : خلاص طلقني .. ما ابييييك .. الحين انا اللي اقول لك ما ابييك
فيصل : طقاق ما يهمني بس شبتسوين باللي ببطنج هاا قوليلي؟
انا : شبسوي ؟ بقطهم عليك .. مو انت ابوهم ؟ ربهم بروحك
فيصل : اوكي خلاص روحي لا تاأذيني

..


في اموركثيره منك مضايقتي وانا ساكت ..
لاجل ما نخسر بعضنا كنت احاول لاجل ما ابعدك عني ..
وانت بعنادك كذا تنهي املنا

..


ياما في حبك انا احسنت ضني
وما ابغى احس اني انا وقلبي اندفعنا
انت اخر شخص حسيته يخذلني
وللاسف منك انا وقلبي انخدعنا

...

ودّي مره تقول لي وش جاك مني ؟
وليه لو نوصل .. من الاول رجعنا ؟
سو مثلي حبني قبل تخسرني
سو كل شين يجي في مصلحتنا

..

ادري ما نيل المطالب بالتمنّي
بس عمري عشته وياك اتمنى
زي ما اعتبرك حبيبي اعتبرني
الحبيب اللي صعب تستغني عنا


http://www.6rb.com/songs/44252.html



مشيت عنه ورحت لعلي

علي : ها ؟
انا : خلاص خل نمشي ماكو فايده
علي : شصار
انا : خلاص علي خل نمشي بعدين افهمك
علي : اوكي

..

رديت البيت كنت تعبانه ومنهاره .. وقلت خلاص خل ااكمل دراستي واحط بالي فيها .. واخلي هالامور عني

وقلت لعلي اللي صار ..

علي : لا حول ولا قوة الا بالله .. شوفي بعطيج حل
انا : شنو
علي : الحين حطي بالج بدراستج ولا تفكرين بهالامور اوكي ؟ واذا دق او دز مسجات لا تردين ابد
انا : ان شاء الله هذا اللي بسويه
علي : صدقيني مرده بيفهم
انا : ان شاء الله


..

مرت الايام .. كنت اروح المدرسه واداوم .. وحاطه كل هالاشياء ورا ظهري .. والغريب بالموضوع ان فيصل كان كل يوم يدق ويدز مسجات ..

بس كنت احقره وما ارد على اتصالاته ولا مسجااته ..

وبيوم من الايام كنت توني طالعه من المدرسه

رزان : اوووف حرررررر
انا : حددده
رزان : الحين عاد السايق متى اييني .. لأازم انطر سنه
انا : هههههههه الله يعيينج
رزان : دانيااا شوفي هناك
انا : شنوو
رزان : هذا مو جنه فيصل؟
انا : ها .. أي فيصل
رزان : انتي مو قايله انه مسافر؟
انا : مم أي أي كان مسافر
رزان : شفيج لا يكون صاير ششي ومخبيه كالعاده
انا : لا
رزان : اممم كاهو يأشر لج روحي
انا : اوكي باي
رزان : باي


كنت قايله حق رزان ان فيصل مسافر .. ما حبيت اتكلم عن اموري الخاصه ولا احب اشكي لأحد ..


فيصل : داااانياااا
انا : شتبـ .. ؟

فجأه سكتت وصرت اطال بفيصل ..

كان متغير .. كان ضعيييييييف .. وويهه اسفر وشااحب ويخرع

انا : شفييك ؟
فيصل : تعباااان انا تعباان دانيا
انا : شفيييك قولي شفيك
فيصل : صعدي السياره واقول لج شفيني

صعدنا السياره ..

انا : تكلم شفيك
فيصل : دانيا انا اسوق خل نروح مكان هادي واكلمج تكفيين
انا : اوكي بس شفيك تعبان
فيصل : لما نوصل اقول لج
انا : فيصل .. وقف هنيه خلاص ..
فيصل : اوكي
انا : شفيك ؟
فيصل : دانيا تعببباااااان ردي خلاص
انا : شفييك ؟
فيصل يأشر على خواصره : هني .. يعورني
انا : بييه من متى ؟
فيصل : من جم يووم
انا : وليش ماتروح الطبييب ؟!!!!
فيصل : مابي
انا : فيصل تكفى روح الطبيب شوف نفسك تعباان
فيصل : بتردين معاي ؟
انا : لا
فيصل :تكفين فكري خذي مهله يومين فكري وعطيني اخر قرار
انا : ان شاء الله بس بشرط
فيصل : شنو ؟
انا : تروح المستشفى وتطمني !
فيصل : إن شاء الله باجر اروح

..

رديت البيت وكنت وايد خايفه على فيصل .. وكنت احاتيه واييد .. وبذيج الليله ما قدرت انام .. كنت حاسه بأحساس مو زين ..

وباليوم الثاني دقيت عليه .. ما يرد .. دزيت مسج ما يرد ..

خفت علييه واييد .. وقررت اني ادق على اخته امل واسألها عنها ..

انا : هلا امل شلونج؟
امل : الحمدالله انتي شلونج دندوش؟
انا : تمام .. امل شفتي فيصل ؟
امل : فيصل ؟ اهمم لا ليش؟
انا : اهوه تعبان امل .. وما ادري وينه
امل : مم أي فيصل .. مم توني شايفته من شوي مافيه الا العافيه
انا : صج
امل : أي .. دانيا متى تخلصين امتحانات ؟
انا : بعد يومين
امل : اقدر امرج بعد يومين ؟
انا : أي ليش؟
امل : بطلع معاج
انا : وين
امل : بعدين اقول لج بس شوفي متى فاضيه وقوليلي
انا : اوكي

..

بخلال هاليومين ما دق فيصل .. وما دز مسج ولا شي .. كنت ادق علييه وادز مسجات بس ما يرد ابد .. خفت وايد ..

وبعد هاليومين ..

امل : يالله نزلي انا ناطرتج بالسياره
انا : اوكي

واول ما صعدت السياره .. كان امل ويها متغير .. ومتضايقه

انا : امل شصاير ؟
امل : دانيا بقول لج شي ولا تخافين خلج قويه ؟ واتمنى تتحملين انتي حامل ومو زين تتحملين الصدمات بس ما قدرنا نخش عليج اكثر !
انا : شصاير امل خرعتيني @@​

 

[انا خطر]

واااي

كسر خاطري فيصل اخاف فيه الكليه و الا مرض لا سمح الله

بس اقولج الطلاق مو حل

شوفولكم احد يفج السحر

 

[zooz92]

وييييييي سلاااامته فييييصل شنوووو فيه الله يستر اخااف الكلية

مشكووووورة حبيبتي دندوووووشة على البااااااااارت

ناااااااااااااطرينج

 

[كويتية و النعم]

ويييي سلامات فييصل ما يشووف شر

ان شاء الله مافييه شي جاايد يارب

يعطيج العافية دندووش و مشكوورة حبيبتي

 

[miss disaster]

مايشوف شر

والله يعينج ويارب يصير عندج قوه وتقولين لهم عن منيرو (وي ياعل ما كو منيره )

ويسلمو ناطريين البارت الياي

 

[فيلجـ كول ـاويه]

امبيي لايكون لالالا انشالله لا
وناطريييينج

 

[step up]

كملي كملي كملي

 

[UNiQe^PRiNceSs]

انشالله مو الي في بالي انشالله:eh_s(1):
كملي بلييييز ناطرييين

 

[cute princess]

الله يستر :\

 

[وردة في نهر الزمان]

دانيا حبيبتي ليش ماكملتي والله انا تعبت عشان ادش المنتدى مدري شفيه له كم يوم

 

[رفيف الورد]

الله يستر لايكون صار بفيصل خبر مو حلو ويعور القلب


الله يعينج حبيبتي دانيتي ويحفظج يا غلاتي من كل شر آمين يا رب العالمين

 

[miss fa6om]

امبي شنو فيي كملي كملي ناطرين
ويعطييج العاااافية ع الباارت

 

[اوراد العشق]

نااااااااااااااااطيرينج دااااانيا لالالالالالالالالالالالالا طولييين

 

[ماكينتـ*زينة*ـوشة]

خرعتينــــــــــــااا


ليش وقفتي هني

ناطرنج ..

 

[المستبــده]

مشكوره عل بارت

 

[المستبــده]

ليييش وقفتي انتي ما تكتبين كل يوووم تعورين قلبنا جذي
بليزز اذا قدرتي تكلمين كملي

 

[Low_Fat]

ويييييييييي مسكين الله يعينكم على هالبلاء ويصبركم