خدمو Ovi Contacts نوكيا مسنجر (بالخطوات والصور)

[Lays BL.ketchup]

خدمة Ovi Contacts نوكيا مسنجر (بالخطوات والصور)

بسم الله الرحمن الرحيم ..
كثرت الأسئلة عن مسنجر النوكيا المشابهه لخدمة البلاك بيري , واسم مسنجر النوكيا هو Ovi Contacts ..

واليوم لقيته ونزلته على فوني E71 لكن ما جربته فعلياً ناطره اختي تنزله عشان تبدي المغامره ..

ممنوع اليوزر نيم ع العام

المهم هذي اهي الخطوات بالتفصيل الممل :-

إضافة خدمة الـOvi Contacts

اتبعي الصور مع التعليقات:

أولاً: نفتح هذا الرابط من الموبايل :-

www.ovi.mobi

(السبب في الدخول من الموبايل هو تعرف الموقع على نوع الموبايل واخبارك اذا كان مدعوم او لا
وإذا كان مدعوم يختار لك النسخة المتوافقة)

راح يطلع لنا "جاري الاتصال" :-

ثانياً : نختار نقطة الوصول , أي طريقة الاتصال بالانترنت :-

ثالثاً: هذه صفحة الموقع الرئيسية
(نضغط على Contacts):

رابعاً : هذه صفحة Contacts
(نضغط هنا على Download Ovi Contacts):

خامساً : نضغط على Mobile client:-

بعدها بيطلب الموافقه على التحميل :-

بعد انتهاء التحميل بيبدأ تجهيز التثبيت :-

سادساً : اول ماتطلع هذه الرسالة نضغط Continue أو استمرار (بتطلع 3 مرات تقريبا) :-

سابعاً : بدء التثبيت (نضغط OK طبعا):

ثامناً : نختار مكان التثبيت سواء في ذاكرة الهاتف او بطاقة الذاكرة:-

نضغط OK:

يتـــــــــــــــــــــــــــــــــــــــبع
​

 

[Lays BL.ketchup]

رد: خدمه Ovi Contacts نوكيا مسنجر (بالخطوات والصور)

تبدأ عملية التثبيت:

تاسعاً: وبعد انتهاء التثبيت بتطلع ايقونه جديدة في التطبيقات (Applications)
نفتح اما الايقونه الجديدة هذه او الاسماء:-

عاشراً: في الاسماء بتضاف تاب جديدة باسم Ovi
نضغط على الصورة الموجودة:

راح يسألنا الحين , اذا كان عندنا حساب Ovi أو ننشئ حساب جديد ؟!
(ملاحظة: حساب Ovi يشمل حساب تطبيق Maps وحساب تطبيق Store وغيره سواء في الموبايل
أو في الكمبيوتر):

نختار الاول اذا كان عندنا حساب في Ovi
والثاني لانشاء حساب جديد

حادي عشر : عموما راح نختار الثانية:-

في الخانة الأولى اليوزر (ينكتب على هالوزن [email protected])
والثانية طبعا الباسوورد

.

هنا رقم الموبايل (عشان توصلج رسالة تأكيد التسجيل على الموبايل) - مع ان ما وصلتني رساله :\ والثاني الايميل .

ثاني عشر: نبدأ بالتسجيل :-

ندخل كود التحقق:

ونوافق على سياسة الخصوصية والشروط :-

جاري انشاء الحساب

البروفايل :

ثالث عشر : طريقة الاضافة:
نضغط على Invite friend :

موجودة في الخيارات (Options) بعد:

(Recommend to friend هذي اختارها اذا كنت ابي ادعو شخص لتحميل Ovi Contacts اختار هذا الخيار وراح يندز مسج (رسالة نصية) فيها رابط التحميل + يوزرج لهذا الشخص)

شاشة الاضافة:

فوق في البحث لو تبي تضيف واحد مسجل في Ovi
والثانية لو تبي ترسل دعوه على البريد لأي شخص يملك حساب في:

Ovi
Google Talk
Other

ومبروك عليكم المسن اليديد !!



برنامج الخدمه مجاني , لكن عشان تشبكين محتاجه للانترنت ..
لحد الآن ما ادري شكثر يحسب , لكن اتوقع مقارب لتكلفة مسنجر ويندوز لايف والله أعلم ..


الموضوع تجميع ..!​

 

[Lays BL.ketchup]

وهذا فيديو من يوتيوب عن الخدمه :-

http://www.youtube.com/watch?v=4yjmDQOyEvM

 

[bintmasr2009]

مشكورة حبوبه وجارى التجربة

 

[Lays BL.ketchup]

مشكورة حبوبه وجارى التجربة

العفو حياج الله :eh_s(6):

 

[Ms.N.]

والله شي حلو وتوني ادري عنه
جربي وجيكي عليه واذا حلوو قوليلنا
عساس اضبطه عندي

مشكوووررره

 

[QT]

معلومة ممتازة قبل ما اشتريه



مشكووووووووووووووووووووووووووووووووو
وووووووووووووووووووووووووووووووو
وووووووووووووووووووووو
وووووووووووووو
ووووووووووو
ووووووو
وووو
ورة

 

[دندنه23]

عندي استفسار؟

بالضبط حق شنو هالخدمه بس للماسنجر المحادثه اللي نفس الاب توب ولا جات ولا شنوووو ومعقوله ماياخذ فلوس على المحادثات ؟؟

 

[Lays BL.ketchup]

حياكم الله , وان شاء الله بقولكم بالتفصيل عن المحدثات بعد التجربه ..

عندي استفسار؟

بالضبط حق شنو هالخدمه بس للماسنجر المحادثه اللي نفس الاب توب ولا جات ولا شنوووو ومعقوله ماياخذ فلوس على المحادثات ؟؟

هالخدمه مثل الماسنجر اللي على اللاب توب , لكن على الموبايل ..
بس مو Window Live اللي متعودين عليه , الـOvi Contact ماسنجر خاص لاجهزة النوكيا الحديثه ..
نفس ماسنجر البلاك البيري الخاص بأجهزة البلاك بيري ..
وما تقدرين اتضيفين الا اللي عندهم اجهزة نوكيا ومسوين لهم يوزر ..

--------

التحميل مجاني , لكن عشان تسولفين من خلال الخدمه تحتاجين واحد من هالثلاث طرق:
- يا وايرلس (مجاني من اي مكان) ..
- او تحطين خط الايقو على موبايلج وتشبكين منه (وايضا مجاني , ما يحسب عليج الا تكلفة اشتراك الايقو الشهريه مالت الاب توب) ..
- أو تشتركين بخدمة زين انترنت حق الموبايل (14 بالشهر استخدام غير محدود للانترنت على الموبايل - سواء عشان الماسنجر او التصفح العادي للانترنت) .. وهالطريقه اهي نفس طريقة خدمة البلاك بيري مسنجر من زين ..
- او تشبكين من خطج العادي ويحسب عليج مبلغ بسيط ..

-------

يعني اذا عندج (خط ايقو - او شابكه وايرلس) راح يكون مجاني اكيد ..
لكن اذا شبكتي من خطج على طول ممكن يحسب عليج مقدار بسيط , بس لما اجرباسولف فيه , اقولكم بالضبط شكثر يحسب عليج ..

واي سؤال انا حاضر ..
​

 

[جماااانة]

انا جهازي n97

فيه نفس البرناامج بس للحين ماعرف لشنووو .؟؟؟

 

[روح الدنيا]

ميرسي خااااااااااااااااااالص

 

[cherry kisses]

موضوعج رووووووووعه يعطيييييج العافيه

 

[دندنه23]

انا عندي فالبيت dsl اشبك منه وعندي تلفون نوكيا e71 بس شلون الطريقه احس صعبه مثلا النك نيم والباسورد وشللون اضيف ايميلات ممكن تشرحين لي شوي اوضح مع الصوره

 

[شوفو الجمال]

انا عندي إي72 حطيت خط الايقو بس موراضي يشبك شلووون

 

[shai5at al3arab]

وي تعقدت خل اسحب اخوي معاي اخليه يعلمني

يعطيج العافية

 

[Bluella]

وانا من زماااان ادوووووووووره
يعطييييج الف عافيه حببوبه ما قصرتي والشرح واضح
بس انا فوني E66 قالي ur phone is not supported
ان شالله اجربه على فون ثاني
بس ان في برنامج يضيف حتن ال بي بي ;p

 

[x.swar]

جزاج الله خير ...
الحين انا عالصامت .. بس اطالع بعيوني ههههههههه
كلها يومين واشتري الجهاز ان شاء الله وراح تدوخين معاي دووووختين هههههه

 

[Lays BL.ketchup]

انا جهازي n97

فيه نفس البرناامج بس للحين ماعرف لشنووو .؟؟؟

اذا عندج الـOvi Contact متأكده , فهذا برنامج تسوين منه يوزر (نك نيم) خاص فيج .. بعدها تقدرين اتضيفين او وحده عندها هالخدمه بموبايلها النوكيا .. وتسولفون , مثل الماسنجر العادي .. لكن خاص بالنوكيا ..
وهذا لوغو الخدمه :-

تلقينه "بالتطبيقات" ..

ميرسي خااااااااااااااااااالص

العفو خااااااااااااااااااالص ..

موضوعج رووووووووعه يعطيييييج العافيه

مرورج الروعه , الله يعافيج ..

انا عندي فالبيت dsl اشبك منه وعندي تلفون نوكيا e71 بس شلون الطريقه احس صعبه مثلا النك نيم والباسورد وشللون اضيف ايميلات ممكن تشرحين لي شوي اوضح مع الصوره

الـdsl ماتوقع بينفع , انتي محتاجه خط الموبايل مال الايقو او وايرلس البيت ..
اذا كان عندج خط الايقو , تقدرين اتطلعين الشريحه منه واتحطينها بتلفونج , وتشبكين عادي وما يحسب عليج شي ..
او الوايرلس بالجامعه او الدوام , هم عشان ما يحسب عليج ..

ومن الخطوه رقم 13 , بعد ما تفتحين عالبرنامج راح تلقين مكتوب Invite friend .. تضغطين عليها وتحطين نيك رفيجتج اذا كان عندها , وراح توصلها الدعوه وتنضاف عندج .. وتسولفون عادي ..

والنك نيم انتي تختارينه مثلا اخترتي Lay's.Bel..Ketchup .. حطي وراها ovi.com@ ..
يعني بالنهايه نكج راح يكون بهالطريقه Lay'[email protected]

والباسوورد حطيه مكان الباسوورد , يمكن مع الصور معقد , لكن اول ما تطبقين الخطوات مع التلفون راح تصير سهله .. راح تلقين ان الصور اهي نفس اللي طالع لج بالموبايل ..

انا عندي إي72 حطيت خط الايقو بس موراضي يشبك شلووون

عادي ميخالف نمشي خطوه خطوه , الموضوع سهل ..
حطي خط الايقو بتلفونج .. وروحي متصفح الانترنت .. كتبي www.ovi.mobi وراح تطلع لج الصفحه ..

ويمكن اول ما تبطلين متصفح الانترنت تطلع لج لسته صغيره اليسار , عشان تختارين اي توع تبين تشبكين منه ..
اختاري اللي مكتوب عليه MI , وبس ..

واذا انتي كلش ما عمرج شبكتي من هالموبايل لأنه يديد ! معناته تهئية الانترنت ما وصلتلج على الموبايل .. فاذا انتي مشتركه بزين او وطنيه .. قوليلهم ابي تدزونلي رسالة ضبط تهيئه الانترنت .. وهالخدمه مجانيه عباره عن رساله بس .. عشان اذا بغيتي تشبكين من خطج او خط الايقو تقدرين ..

وي تعقدت خل اسحب اخوي معاي اخليه يعلمني

يعطيج العافية

لوووووووووول وبشرينا حبوبه ..
الله يعافيج ..

وانا من زماااان ادوووووووووره
يعطييييج الف عافيه حببوبه ما قصرتي والشرح واضح
بس انا فوني E66 قالي ur phone is not supported
ان شالله اجربه على فون ثاني
بس ان في برنامج يضيف حتن ال بي بي ;p

ان شاء الله وتبشرينا فيه بعد ..
حسب علمي وبعد البحث الدقيق ..
ما تقدرين اتضيفين البي بي الا من خلال بلاك بيري , لأن البلاك بيري صممت الخدمه عشان تربح , ولو كل الفونات اقدرت تضيف البي بي جان خسرت .. لكن الاشاعه اللي سمعتها ان الاي فون ممكن يشترك مع البلاك بيري في هالخدمه , والله اعلم ..
وبرامج الـFring والـebuddy والـNimbuzz يشتغلون على اي جهاز مو شرط النوكيا ..
اما الـOvi فهو اللي ينحصر على النوكيا ..

جزاج الله خير ...
الحين انا عالصامت .. بس اطالع بعيوني ههههههههه
كلها يومين واشتري الجهاز ان شاء الله وراح تدوخين معاي دووووختين هههههه

لوووووووووول يالله ان شاء الله نشوفج عالـ"عام" بعد ما تشترينه !!
مشكوره على المرور حبوبه ..

 

[Lays BL.ketchup]

مقارنه متواضعه بين برامج المراسله الفوريه N - MSN - Ovi


أنا منزله هالـ3 برامج عندي .. مجربتهم كلهم ..
الوحيد اللي "ما سولفت فيه" اهو الـOvi Contacts ..
اختي فونها قديم ماقدرت اتنزل البرنامج , باجر بالكليه ان شاء الله , احوس ادور وحده من رفيجاتي واقولها تنزله ..
وغصب اصوره واحطه لكم :eh_s(14): ..

المهم هذي مقارنه متواضعه , عشان ابسط لكم الفروقات :-





Nimbuzz

هذا برنامج مثل الماسنجر , تقدرين تنزلينه على اي تلفون .. مو شرط نوكيا ..
وتستخدمين حساب الـHotmail , أو الـYahoo أو غيره , عشان تشبكين .. يعني بالضبط مثل ماسنجر ويندوز لايف اللي بالاب توب ..
ميزته انج تقدرين تسولفين مع اي احد حتى لو كان مسجل بغير نوع ايميلج , يعني انتي Yahoo ورفيجتج Hotmail تقدرين تفتحين محادثه معاها عادي ..
انا جربته على الـHotmail ..

وهذا شكله :-

------------------------------------------------------------------------------------------------------

Mobile windows live messenger

هذا الماسنجر اللي كلنا متعودين عليه .. نقدر انحمله على اي تلفون سواء نوكيا او غير ..
وطبعاً نستخدم حساب Hotmail , ونقدر انضيف في اي شخص يستخدم الهوتميل او الويندوز لايف فقط ..


وهذا شكله :-

------------------------------------------------------------------------------------------------------

Ovi Contacts

وهذا هو موضوعنا ..
اهو عباره عن ماسنجر مثل النوعين اللي فوق ..
الفرق اللي بينه وبينهم , انه ما يستخدم الا على اجهزة نوكيا الحديثه ..
تستخدمين حساب Ovi عشان تدخلين عليه , وتقدرين اتضيفين اي شخص منزل هالبرنامج وعنده حساب Ovi ( أو حالياً حساب Gmail ايضاً ) ..

وهذا شكله :-

------------------------------------------------------------------------------------------------------

والخدمات الثلاث اللي فوق , كلها تحتاج للانترنت او الوايرلس أو خط الايقو .. كل وحده وطريقتها في الشبك ..

الـMsn العادي ما حسب علي وايد , يعني اذا شبكت 5-6 ساعات وسولفت فيه يحسب علي 200 فلس تقريبا - مرات اكثر بشوي , ومرات اقل بشوي , ومادري ليش عاد :eh_s(6): ..

الـN يحسب اكثر من الـMsn بشوي , وعموماُ كنت افضل الـMsn على الـN لأن اسهلي ومتعوده عليه اكثر , وكل رفيجاتي واهلي مسجلين بالهوتميل ..

اما الـOvi حسب ما قريت - فهو أقرب ما يكون للـ Windows Livs messenger بالتالي : سواء استخدمت الـMsn أو الـOvi فالاثنين بنفس التكلفه , الفرق ان الـMsn خاص بالهوتميل و الـOvi خاص بالنوكيا (مثل الـBBM) :eh_s(6): ..

وان شاء الله "زين" ما تضيفه لباقات الاشتراكات ويصير مثل الـBBM بالشهر 14 :eh_s(14): !!

لكن اللي عندها وايرلس او ايقو , ماراح يحسب عليها شي سواء استخدمت الـN أو الـMsn أو الـOvi ...

وسلامتكم :eh_s(6):​

 

[L a w y e R]

وناسة !

انا عندي e71 بس توني ادري عن هالسالفة

عاد عاجبني e72 اكثر ! شكلي بعطي جهازي حق اخوي واخذ اليديد لول

برايي ،،

هذي افضل اجهزة نوكيا