خدامتي وصلت يا السنعات ساعدوني ذابحني الوسواس .. النجده !

[هب العطر]

السلام عليكم خواتي

بصراحه ما عرفت وين احط الموضوع فكتبته اهني

خواتي الله يعافيكم

انا خدامتي وصلت و قالوا لي تعالي استلميها من المكتب
و بعد يومين ايي مندوب الفحص الطبي


سؤالي باختصار
انا خايفه يكون فيها مرض معدي و انا مادري
و على ما يصير الفحص و تطلع النتيجه بعد عشر ايام تكون انتشرت العدوى

انا اول مره اطلب خدامه و حايسه
اشلون اتأكد منها ؟ خصوصا عندي يهال صغار
هل اخليها عندهم بالمكتب على ما يفحصونها
او اوديها مختبر خاص و اي مختبر تنصحوني

تكفون مالي غيركم من بعد الله

ساعدووني

 

[Pink_Roses]

لا تخلينها تجيس الاكل او اليهال اول فترة اذا خايفة منها خليها بس حق تنظيف فكرة انج تخلينها بالمكتب طول الفترة ما انصحج فيها لان راح تاخذ كورسات بالشطانة من الخدم اللي معاها

 

[هب العطر]

بنك روز مشكووووره ع الرد

انا اصلا يايبتها عشان التنظيف

و عندي بنوته صغيره ابيها تمسكها حزه ما انا اداوم

لان ناويه اودي الخدامه و بنتي بيت عمي الصبح

عقب الدوام اييبها

عشان جذي خايفه ع الياهل


ما تعرفون مختبرات سريعه و مضمونه ؟

 

[هب العطر]

70 مشاهده و ما في الا رد واحد


وينكم بنات

 

[ashwaq1]

خلج مع بنتج بهالعشر ايام على ما تطلع النتيجه بس لا تخلينها بالمكتب الدمار اصلا هناك
وخليها تنظف حاليا

 

[منيره آل ثاني]

مثل ما البنات قالولج خليها تنظف بس

وبعد طلوع نتائج الفحص قعديها عند بنتج

ولا توسوسين وتعوذي بالله من الشيطان

في حفظ الرحمن ورعايته