خبيرات أوروبا الله يوفق ويسهل ويسعد اللي تساعدني

[شموخي غير]

مساء الخير حبايبي
ان شاء الله بسافر بالصيف لأوروبا وسير الرحلة كالتالي:
زيلامسي . فينيسيا. باريس . لندن وطبعا لندن لان زوجي يبيها في الاخير

الخبيرات الله يعطيكم العافية ممكن تساعدوني كيف تبدأ الرحلة من اي منطقة ! وكم تبعد كل منطقة عن الثانية و
ودي اعرف بيت هايدي في اي منطقه واقرب لأي منطقه فيهم

تكفوووووون يابنات والله لأدعي لكل وحده عطتني من وقتها وساعدتني وبالنسبة للفيزة نسويها قبل 'و انا ما عندي خبره بهالامور ابد

انتظر فزعتكمممم

 

[StEllA]

هلا اختي ترا المناطق اللي انتي مختارتها حيل بعيده عن بعض الا اذا بتروحين باريس و لندن بالطياره
انتي ممكن تنزلين بفيينا و منها تروحين سالزبورغ و زل ام سي و تروحين بعدين ميونخ و طيرين منها للندن ( الغي باريس ) و بالنسبه لفينيسيا ما ادري شبعدها عن زل ام سي
و بالنسبه للفيز اي لازم اطلعينها مبجر قبل السفره على الاقل بشهر فيزا لاوروبا ( شينقن) و فيزا لبريطانيا و لازم تكونين قبل حاجزه الطيران و الفنادق عشان يعطونج الفيزا
بس بالنسبه للمناطق للي بتروحين لها انتم بتستاجرون سياره او لا بنتتقلون بالقطار ؟؟ ى جم يوم حاطين ببالكم للرحله ؟؟

 

[Galaxy world]

سلام
للاسف انه خط سير الرحله مو متناسق . المسافه بين فينيسيا و زلمسي اكثر من ٦ ساعات بالسياره و يعتمد عالزحمه.وبين زلمسي و باريس اكثر من ١٢ ساعه بالسياره. ارجو مراجعه الجدول لانه هالسفره نصها راح يكون بالدرب .
اذا ما كان عندكم خبره كافيه يفضل تسافرون بقروب

 

[اخت خالتهم]

كلش مو متناسقه الرحله انا اقول زلمسي البدايه و بعدين فيينا
و من فيينا روحي لندن

جذي رحله مرتبه وحلوه

 

[قلبي تركواز]

حبيبتي اقرب مطار لزيلامسي مطار ميونخ يبعد عنها ساعتين
تقدرين تنزلين بميونخ وتاخذين لج ليلتين وتروحين بعدها لزيلامسي
يبي لج اعاده تنظيم للمناطق

 

[شموخي غير]

هلا اختي ترا المناطق اللي انتي مختارتها حيل بعيده عن بعض الا اذا بتروحين باريس و لندن بالطياره
انتي ممكن تنزلين بفيينا و منها تروحين سالزبورغ و زل ام سي و تروحين بعدين ميونخ و طيرين منها للندن ( الغي باريس ) و بالنسبه لفينيسيا ما ادري شبعدها عن زل ام سي
و بالنسبه للفيز اي لازم اطلعينها مبجر قبل السفره على الاقل بشهر فيزا لاوروبا ( شينقن) و فيزا لبريطانيا و لازم تكونين قبل حاجزه الطيران و الفنادق عشان يعطونج الفيزا
بس بالنسبه للمناطق للي بتروحين لها انتم بتستاجرون سياره او لا بنتتقلون بالقطار ؟؟ ى جم يوم حاطين ببالكم للرحله ؟؟

الله يجعل لك بكل خطوه توفيق وسلامة ما قصرتي فديتك
رحلتي بتكون عشر ايام ان شاء الله زيلامسي 3 ايام وفينيسيا يومين وباريس يومين ولندن ثلاث ايام

ممكن تنسقين لي الرحلة :eh_s(7): اذا تقدرين

 

[شموخي غير]

سلام
للاسف انه خط سير الرحله مو متناسق . المسافه بين فينيسيا و زلمسي اكثر من 6 ساعات بالسياره و يعتمد عالزحمه.وبين زلمسي و باريس اكثر من 12 ساعه بالسياره. ارجو مراجعه الجدول لانه هالسفره نصها راح يكون بالدرب .
اذا ما كان عندكم خبره كافيه يفضل تسافرون بقروب

فديت قلبك عسى ربي يسعدك ويهنيك بشبابك وعافيتك ما قصرتي
سبق لي وسافرت بقر وبـ بس ودي هالمره بدون قروب
طيب ينفع بعض المناطق يكون التنقل بالمطار او القطار ياليت اعرف كم المسافات بينهم وشاكره لج

 

[شموخي غير]

كلش مو متناسقه الرحله انا اقول زلمسي البدايه و بعدين فيينا
و من فيينا روحي لندن

جذي رحله مرتبه وحلوه

مشكوره ع المرور الله يسعدك ويوفقك ياقلبي
ياليت اذا تكون نفس الرحلة بس ممكن استفيد منج وترتبينها لي اذا تقدرين

 

[شموخي غير]

حبيبتي اقرب مطار لزيلامسي مطار ميونخ يبعد عنها ساعتين
تقدرين تنزلين بميونخ وتاخذين لج ليلتين وتروحين بعدها لزيلامسي
يبي لج اعاده تنظيم للمناطق

ودي انظم الرحلة على نفس المناطق مؤ مشكله لو التنقل يكون بالقطار او المطار اذا ممكن تفيدوني
ومشكورة يالغالية والله يسعدك ويوفقك دنيا وآخره

 

[Alrem_q8]

امممممم بما ان المده ١٠ ايام ومصممه ع المناطق المذكوره اشوف احسن شي انج تروحين من الكويت الى ميونخ وبعدها بالقطار الى زلامسي ٣ ايام وبعدها بالقطار فينيسيا يومين
بعدين طياره من مطار فينيسيا الى مطار شارل ديقول باريس ويومين باريس بعدها بالقطار الى لندن




^^^^ احس الجدول مضغوط وكله تنقلات دام ماحجزتوا لي الحين حاولي تزيدين عدد الايام
او الغي اليومين اللي بفينيسيا وروحي لها زياره من زلامسي عن طريق مكاتب سياحيه تروحون الصبح وترجعون بليل بالباص )) بس راح يكون تعب ومشوار طويل

 

[اخت خالتهم]

مستحيييل تتضبط صدقيني
10 ايام حيل شوية
شيلي يوم روحة ويوم رده بيبقالج منهم بس 6 ايام

شوفي روحي ميونخ زلمسي فينيسيا عقب لندن

ممكن جذي تضبط شوي

 

[Pink_Roses]

بيت هايدي بسويسرا


الاماكن اللي بتورحين لها ما يكفي لها 10 ايام غيري يا تخلين السفرة النمسا والمانيا او لندن وباريس

ماراح يمديج تشوفين شي الوقت راح يضيع بالسفر من مكان لي الثاني

حتى لو افترضنا ما تبين تروحين بالقطار تبين طياره اسرع هم راح يضيع الوقت بالجك ان بالمطار

 

[شموخي غير]

امممممم بما ان المده 10 ايام ومصممه ع المناطق المذكوره اشوف احسن شي انج تروحين من الكويت الى ميونخ وبعدها بالقطار الى زلامسي 3 ايام وبعدها بالقطار فينيسيا يومين
بعدين طياره من مطار فينيسيا الى مطار شارل ديقول باريس ويومين باريس بعدها بالقطار الى لندن




^^^^ احس الجدول مضغوط وكله تنقلات دام ماحجزتوا لي الحين حاولي تزيدين عدد الايام
او الغي اليومين اللي بفينيسيا وروحي لها زياره من زلامسي عن طريق مكاتب سياحيه تروحون الصبح وترجعون بليل بالباص )) بس راح يكون تعب ومشوار طويل

اي صحيح هو مضغوط بس هذه اجازتنا عشر ايام ويعجبني تنسيقج ومدري المدة بين زيلامسي لـ فينيسيا بالقطار وشاكره لج حبيبتي عسى حياتك كلها توافيق وسعاده

 

[شموخي غير]

مستحيييل تتضبط صدقيني
10 ايام حيل شوية
شيلي يوم روحة ويوم رده بيبقالج منهم بس 6 ايام

شوفي روحي ميونخ زلمسي فينيسيا عقب لندن

ممكن جذي تضبط شوي

طيب لو شلت باريس وخليها لندن اقدر اروح من لندن يوم زياره لباريس والشانز وارد بالليل لندن
ويعطيه العافيه تعبتج معي

 

[شموخي غير]

بيت هايدي بسويسرا


الاماكن اللي بتورحين لها ما يكفي لها 10 ايام غيري يا تخلين السفرة النمسا والمانيا او لندن وباريس

ماراح يمديج تشوفين شي الوقت راح يضيع بالسفر من مكان لي الثاني

حتى لو افترضنا ما تبين تروحين بالقطار تبين طياره اسرع هم راح يضيع الوقت بالجك ان بالمطار

صح كلامج اكثر الوقت بيضيع وانا ماحسبت حساب هالشي وشكرا للتنبيه وبالقطار التنقل أسهل ما يضيع الوقت واكثر متعه والله يوفقك دنيا وآخره

 

[Alrem_q8]

اي تقدرين تروحين باريس من لندن بنفس اليوم وترجعين ومن زلامسي لي فينيسيا تقريبا خمس ساعات الى ست ساعات
صج تعب بس حلو المشوار في ناس ماعجبهم وتحسفوا بسبة التعب والحر اللي بفينيسيا لكن خالتي راحت وحمدت ربها انها راحت لانها ماحسبت حساب فينيسيا وتعرفت ع وحده كويتيه بالنمسا جان تقول لها رحتوا فينيسيا قالت خالتي لا قالت روحو احسن لكم احنا باجر بنروح وراحت خالتي معاها بنفس الباص


وبنت عمي راحت فينيسيا مع زوجها بسياره مأجرينها لما وصلو كرهوا فينيسيا بسبب الحر وقعدوا يوم وكنسلوا اليوم الثاني




شوفي نصيحه اذا تبين سفره حلوه وفيها راحه
اختاري بين وجهتين ((لندن وباريس ))او (( النمسا والمانيا وفينيسيا ايطاليا ))


اذا اخترتي الوجهه الاولى اقعدي اسبوع في لندن وبهالاسبوع راح تشوفين تقريبا كل شي بلندن واطلعي رحلات للمناطق البريطانيه عن طريق المكاتب اللي بشارع العرب مثل رحله الى مزارع الفراوله ورحله الى برايتون ورحله الى ملاهي التون تاور حييل حلوه ))) تقريبا ٣ ساعات ونص طريج وتقعدون فيها حوالي خمس ساعات وبعدها ترجعون
وبعدين بالقطار الى باريس ٣ ايام حتى المده تكفي تشوفين كل الاشياء المهمه بباريس مثل برج ايفل قوس النصر تتمشين بالشانز وتدشين متحف اللوفر وتروحين قصر فرساي وفوق هذا يوم كااامل بيورو دزني




اما اذا اخترتي الوجهه الثانيه طبعا الوصول يكون لمطار ميونخ بعدها مبشارة بالقطار الى زلامسي او كابرون (( زلامسي وكابرون يم بعض تقريبا بينهم ٨ كيلو الفنادق بزلامسي اغلى الهدوء اكثر بكابرون )) واقعدي فيها اسبوع وبهالاسبوع مره تروحون لقرية سالزبورج من ٩ الصبح لي ٦ المغرب مره تروحون انسبورك تشوفون السوارفسكي واذا تبين تروحين فينيسيا بالباص روحي وعندج شلالات كريمل و قمة الثلج بكابرون وبحيره زلامسي وفي دوله حييل حلوه اسمها سلوفينيا عاصمتها ليوبليانا هالدوله صغيره وبحدود النمسا بينها وبين زلامسي تقريبا ٣ ساعات فيها قريه اسمها بليد عجييييييييبه شوفي صور بالنت لبحيرة بليد ،، تقدرين يوم تخصصينه لدولة سلوفينيا تروحين من الصبح لي الليل اول تروحين للعاصمه ليوبليانا تشوفين احسن مافيها وبعدها تروحين بليد لازم تصادفين الغروب ببليد حييل حلوه الجزيره للتصوير ،، وبعد الاسبوع اللي بالنمسا سواء بكابرون ولا زلامسي ترجعين لميونخ وتقعدين فيها ٣ ايام اليوم الاول شوفي شنو اهم اااماكن بميونخ واليوم الثاني روحي زياره لمنطقة قارمش حيل حلوه وقريب من ميونخ فرق اقل من ساعتين والثالث اذا في مجال وطيارتكم متأخر كملي وشوفي الاماكن الحلوه بميونخ






اذا اخترتي النمسا والمانيا يفضل تأجرين سياره الاستلام والتسليم يكون من ميونخ وطبعا الوصول والمغادره من مطار ميونخ


اذا اخترتي لندن وباريس خلي الوصل عن طريق مطار هيثرو لندن وبالرده مكار شارل ديقول باريس عشان ماتضطرون ترجعون للندن عشان الطياره
وان شاءالله عمرج طويل وبتروحين لكل الدول اللي تبينها
وسفره سعيده مقدما ^_^

 

[StEllA]

انا اوافق اختي الريم بكلامها ترا ١٠ ايام شويه و حرام بضيع الوقت بالتنقلات بدون ما تستانسون و تستمتعون بالاماكن
اختاري اما النمسا و المانيا و سويسرا اذا تحبين طبيعه اكثر
او باريس و لندن اذا تبين تمشي و تسوق
و الاختيار راجع لج

 

[أمانيQ8]

بيت هايدي بسويسرا ...