خبز التبدون (احلى شي ممكن تاكلونه) ღஐღ متميز ღஐღ

[جورية كويتية]

السلام عليكم ورحمة الله وبركاته​

اليوم يايبتلكم طريقة خبز التبدون
عاد خالتي قالتلي اسمه جذي
وهذا تقليد عندنا لازم انسويه :eh_s(20):
خالتي اهي اللي اتسويه الله يعطيها العافيه
اتحط جدرها بالصاله ويتيمعون اليهال حواليها وكل واحد ينطر دوره :eh_s(9):
كل خبزه اتخلص واحد ياخذها
احنا شغلنا جذي حار بحار :eh_s(15): ​

نبدي بالمقادير :
4 أكواب طحين ابيض
4 أكواب طحين اسمر (من الخباز الايراني)
3 أكواب حليب بودر
10 ملاعق شكر
2 ملعقه خميره​

تعجبن بالماء ..​

اتخلينها تختمر .. تاخذلها ساعتين .. على حسب الجو​

...​

اتقسمين العجينه الى اجزاء متساويه جذي ​

​

ترق العجينه على شكل دايره
بعدين اتطقطقونها بطرف اصابعكم عشان اتكون جنها مشمخه
بس مو اتقضضونها !​

توضع الخبزة على الجدر من فوق لما تستوي من تحت وتبدي تنتفخ ​

ندخلها بالجدر عشان تستوي من فوق ​

بعد ما تستوي وانطلعها
نمسح وجه الخبزه بالزبده وانرش عليها شكر​

​

وممكن انرش عليها دارسين (قرفه) مع عسل ​

يتبع ..​

 

[جورية كويتية]

رد: خبز التبدون (احلى شي ممكن تاكلونه)

​

هذا شكله النهائي :eh_s(9):

بس جد يا بنات روووووووووووووووووووعه
وايد وايد حلوو
انا دايما اخذلي واخليه حق الريوق مع جبن كرافت اتينن
اتمنى اتجربونه :eh_s(22):
صدقوني ماراح تندمون :eh_s(15): ​

هذي صورة الجدر اللي يبي يشوفه
موجود بشويخ
وانا سألت خالتي اذا ممكن يسوونه بالجوله
قالتلي ما ادري ما جربت
بس اعتقد يصير ​

 

[jolie_q8]

رد: خبز التبدون (احلى شي ممكن تاكلونه)

عجيييييييييييييييييب

تسلم ايدج وايد خالتخ

اعرف هالخبز يهبل .. بس اللي كانت تسويه (الله يرحمها) كانت تعينه بتمر

واطقطقه بنواه التمر نفسها وترش على الويه سمسم

ويطلع لذيييييييييييذ

وصح اسمه خبز تبدون


جوريه,, ترا اول صورتين مو طالعين!

 

[مابي كيفي]

رد: خبز التبدون (احلى شي ممكن تاكلونه)

لووووووووووووووووووول

نصدقين شميت ريحته من اهني


يسلمووو حبوبه .. اذا فكرت يوم من الايام ادش المطبخ بسويه

 

[Angel]

رد: خبز التبدون (احلى شي ممكن تاكلونه)

تسلم الأيادي يا جورية شكله جنه خبز ايراني بس شغل بيت.

 

[bnt q8 in usa]

رد: خبز التبدون (احلى شي ممكن تاكلونه)

واي يهبل خبز التندوووووووووووووون عجيب ذقته مره من وحده يهبل
بس صاجه جولي يعجنونه بماي التمر
تسلم ايد خالتج جوريه وايدج عجيب عجيب

 

[Angel]

رد: خبز التبدون (احلى شي ممكن تاكلونه)

عجيييييييييييييييييب
واطقطقه بنواه التمر نفسها !

جولي ما فهمت شتقصدين بالضبط؟؟؟؟

 

[كلي تفاؤل]

رد: خبز التبدون (احلى شي ممكن تاكلونه)

يااسلالالالام تسلم ايدينكم..جنة خبز تميس اللى بالسعودية ..

وهالجدر حلو اختى تسوي فيه فطاير

 

[jolie_q8]

رد: خبز التبدون (احلى شي ممكن تاكلونه)

اقصد عقب ما رق العجينه- تييب نواة التمر (بالكويتي الطعامه)

واطقطق العينه فيها بدون لا تقضها...

هذا قصدي

 

[جورية كويتية]

رد: خبز التبدون (احلى شي ممكن تاكلونه)

عجيييييييييييييييييب

تسلم ايدج وايد خالتخ

اعرف هالخبز يهبل .. بس اللي كانت تسويه (الله يرحمها) كانت تعينه بتمر

واطقطقه بنواه التمر نفسها وترش على الويه سمسم

ويطلع لذيييييييييييذ

وصح اسمه خبز تبدون


جوريه,, ترا اول صورتين مو طالعين!

الله يسلمج حبيبتي
اي يسوونه بعد بالتمر
بس جذي احلى :eh_s(22):

وعدلت اول صورتين
الحين اوكي :eh_s(15):



شكرا لمرورج
:eh_s(17): :eh_s(17): :eh_s(17):​

 

[جورية كويتية]

رد: خبز التبدون (احلى شي ممكن تاكلونه)

لووووووووووووووووووول

نصدقين شميت ريحته من اهني


يسلمووو حبوبه .. اذا فكرت يوم من الايام ادش المطبخ بسويه

الله يسلمج خيتووو
واذا فكرتي اتدشين المطبخ قوليلي :eh_s(6):​

 

[جورية كويتية]

رد: خبز التبدون (احلى شي ممكن تاكلونه)

تسلم الأيادي يا جورية شكله جنه خبز ايراني بس شغل بيت.

اي صح
بس يهبل
شكرا لمرورج :eh_s(8):​

 

[جورية كويتية]

رد: خبز التبدون (احلى شي ممكن تاكلونه)

واي يهبل خبز التندوووووووووووووون عجيب ذقته مره من وحده يهبل
بس صاجه جولي يعجنونه بماي التمر
تسلم ايد خالتج جوريه وايدج عجيب عجيب

الله يسلمج حبيبتي
مشكوووووووووره على مرورج
نورتي

:eh_s(17): :eh_s(17): :eh_s(17):​

 

[جورية كويتية]

رد: خبز التبدون (احلى شي ممكن تاكلونه)

يااسلالالالام تسلم ايدينكم..جنة خبز تميس اللى بالسعودية ..

وهالجدر حلو اختى تسوي فيه فطاير

الله يسلمج
وما اعرف خبز تميس
شكرا لمرورج :eh_s(9): ​

 

[جارة القمر]

رد: خبز التبدون (احلى شي ممكن تاكلونه)

جورية

تسلم ايدج وايد خالتج حبيبتي

بس ممكن سؤال

من وين هالجدر بالضبط من الشويخ


ومشكووووره حبيبتي

 

[جورية كويتية]

رد: خبز التبدون (احلى شي ممكن تاكلونه)

الله يسلمج جارة القمر

بصراحه ما ادري وين بالضبط بس اسألها وارد عليج

 

[قطوف]

رد: خبز التبدون (احلى شي ممكن تاكلونه)

 

[جورية كويتية]

رد: خبز التبدون (احلى شي ممكن تاكلونه)

حياج الله قطوف

 

[supermarket]

رد: خبز التبدون (احلى شي ممكن تاكلونه)

اذكر امي بالغزو هرتتتتتتتنا فيه

كل يوم تبدون تبدون تبدون


مفيش لحمة


بس مثل ماقالت جولي معاه تمر

 

[supermarket]

رد: خبز التبدون (احلى شي ممكن تاكلونه)

جورية

تسلم ايدج وايد خالتج حبيبتي

بس ممكن سؤال

من وين هالجدر بالضبط من الشويخ


ومشكووووره حبيبتي

في محل يم سوق الكويت والشرق الاوسط كله جدور والله نسيت اسمه