خبر عاجل 250 شخص دخلوا على قناة سكوب وكسروها**تم دمج المواضيع المتشابهه**

[@فطفوووطه@]

لاحول ولاقوة الا بالله
توني قريت الخبر

 

[ضايعه بهدنيا]

ماني عارفه شنو الي مخليهم يسوون كل هذا بس ما احترمو احد

نظرتي للكويت حاليا نظره سوداويه احتمال كل انسان يخالفني بشي ايي بيتي ويكسره علي راسي !

عيل القضاء وحريه الراي والكلمه والقانون وينه !

 

[@ دهن العود @]

مادري احسه مسلسل او فيلم مسويته فجروه ..

 

[ضايعه بهدنيا]

الكويت الي اجدادانا تعبو عشان تكون دوله متحضره تحكمها القوانين ويفصل بين ناسها القضاء ورجال القانون جذي بارده مبرده عاجبكم شلون تنقلب غابه كل انسان ياخذ حقه بيده فيها !

مو مضيق خلقي الخبر كثر ما مضيق خلقي ردود البنات وانجرافهم ورا عواطفهم

 

[أنفاسي دخون]

حقها وما جاها تستاهل قناة الفتنه وعساها من هالحال واردى

 

[aṕriliå]

رد : خبر عاجل 250 شخص دخلوا على قناة سكوب وكسروها**تم دمج المواضيع المتشابهه**

قناة متخلفة ومالها داااااااااااااااااااااعي

 

[قمورهـ]

عاجل من مجلس الوزراء

وزير الدولة لشؤون مجلس الوزراء روضان عبدالعزيز الروضان مبنى القناة الكويت - 17 - 10 (كونا) -- صرح وزير الدولة لشؤون مجلس الوزراء روضان عبدالعزيز الروضان لوكالة الانباء الكويتية (كونا) بما يلي ..

استنكر مجلس الوزراء ما بثته قناة سكوب الفضائية مساء السبت الماضي 16 - 10 - 2010 في احد برامجها من مواد تنطوي على مساس مرفوض للاسرة وكذلك ما قام به البعض من تصرف صبياني مرفوض على مبنى القناة مساء اليوم الاحد 17 - 10 - 2010 وممارسة اعمال العنف والاتلاف لاجهزة القناة ومحتوياتها موضحا ان الجهات المعنية تتولى التحقيق في هذه الواقعة بكافة تفاصيلها وابعادها تمهيدا لاتخاذ الاجراءات القانونية المناسبة في هذا الشأن.
واذ يعرب مجلس الوزراء عن بالغ استيائه وادانته لمثل هذه الممارسات التي يجرمها القانون ويرفضها المجتمع ليؤكد بأن المرجعية في التعامل مع أي تجاوز دائما لاحكام القانون الذي تحرص الحكومة عل تطبيقه على الجميع دون تمييز ولن تتهاون في التصدي لمثل هذه الممارسات البغيضة والاعمال الغريبة على مجتمعنا الكويتي.
وستتخذ الحكومة كافة الاجراءات التي تستهدف الحفاظ على الامن والاستقرار في البلاد داعيا وسائل الاعلام المختلفة الى التزام مقتضيات الحرية المسؤولة والعمل على تجسيد روح المسؤولية الوطنية والممارسة الايجابية لرسالتها الاعلامية السامية. (النهاية) ب ش ر كونا172332 جمت اوك 10


المصدر

http://www.3almq8.com/vb/showthread.php?t=2912

 

[aṕriliå]

رد : رد: خبر عاجل 250 شخص دخلوا على قناة سكوب وكسروها**تم دمج المواضيع المتشابهه**

اي مو تدرين واحد ينطق والثاني يعد :eh_s(3):

واهم اهم شي انه طلال قبل فتره يسب

قطر واللحين يقولون منحاش لها :nocommint:

عايله 7 نجوم :fun22:

صدقتي عايلة ماادري من وين طالعة


:hjy5jewf:

 

[luuluu_009]

احسن يامالها من هالحال واكثر بقلعتها خلوها تتكسر القناه فوق راسها ان شالله
قناة فاشله حيل وتسبب الفتنه

 

[lolwah]

بصراحه الكلام اللي قاله طلال مو شويه ! محد يرضاها !!!
يطلعون مو ريايل اذا سكتوا عن هالشي
قلنا ديمقراطيه بس عاد مو جذي ! كل شي الا الشيوخ

 

[aṕriliå]

رد : عاجل من مجلس الوزراء

وليش ماسكتوا فجر واخوها يوووم سبواااا عايلة المالج الصبح ؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام خالد 78]

استغفر الله العظيم

 

[صباحيه]

العضوه ضايعه بالهدنيا بالعكس درود البنات الي مو عاجبتج ردة فعل لاي كويتي يحب ديرته ويخاف على امنها ويحب شيوخه انتي يمكن مو متابعه قناة سكوب الي متراستها الدبه فجر التعيس هي واخوها على قولة العضوه اخو الست من افتحوا هالقناه حطوا الفتنه بالكويت ان كان بين سني او شيعي او حضري او بدوي والي يصدمني انها بكل وقاحه تتكلم وبكل برود وتتغلط على شيوخها وتاج راسها الصباح وربي عيب الي اتسويه كل العالم يشوف وياخذ فكره غلط عن الكويت من خلال قناتها الي مادري شنو نوعها هي سياسيه او دراميه او غنائيه ... مسلسلات عراقيه افلام تركيه وكل اشوي حاطه لها مذيع مادري من وين ويسبون يغلطون على الحمايل ويرفعون يوقدرون الي يبون .... للاسف الي سوته راح يقلب عليه وعلى كل اهل السعيد احنا نبقى مع حكامنا الصباح غصبن عنها وكل الفتنه راح اترد عليها ...... والي سووه اليوم مايسويه الا الرياييل وتسلم يمناكم الي سويته ماقدرت تسويه الحكومه واحنا معاكم عائلة المالك الصباح الكرام الله يحفظكم ويجعل كيدهم في نحورهم ... وانشالله ماترد قناة سكوب السخيفه المثيره للفتن

 

[أنفاسي دخون]

انا بعرف طلال يوم كان بالمجلس شنو سوا ويوم انك مسوي روحك ريال انت واللي معاك يعني رجاجيل ستروا حريمكم بنتك بالجامعه الله يستر على لبسها هذي مشكله البدو الحضارة عندهم بالتفصخ

ومنو انت تتطاول على شيوخك بس بس ياقناة الفتنه شمتوا الناس فينا واستانست قناة الحضيرة لقت جنازة وتشبع فيها لطم للعلم احسن عيشه شعبنا وكله متذمر يبي اللي يعطيكم على راسكم بس ذبحتونا انتوا والسور

قناة سكوب اكثر قناة تسب الكويت واكثر قناة تحط اغاني وطنيه
وحزة اذان يتسلطون كله اغاني

وحلقات فجر كلها دعاره وبويات شنو قدمتي للكويت غير شماتت الاعداء والفضايح

حسبي الله ونعم الوكيل عليج وعلى الرياييل اللي وراج مالت بس

والشرهه موعليهم على اللي يدزن مسجات ويدقون عليهم يمجدونهم حسستونا قناة حكومه مؤقته

يا قلبي انتي ما عرفتي ولا بخصتي البدو عدل !!!

وطلال السعيد من يقول انه بدوي !!!!

 

[دلع السلاطين]

انتو ماتعودتو علي سكوب وحركاتها
كل مره وبين فتره وفتره تطلع لنا بطلعه يديده
يبيون يسوون جوو لهم

 

[ice_cream]

فجر السعيد تتحدث مع ال بي بي سي

فجر السعيد تتحدث عن تعرض قناة سكوب للاعتداء


http://www.youtube.com/watch?v=Z-lKUyTWUic

 

[مس لوتس]

يستاهلون

 

[chanel N22]

زين يسون فيهم يستاهلون
وعلى قوله رفيجتيخســـــــــران يامعــــــــــــاند المطــــــــــران وعقبال الجويهل


:edbf4317b9::lololoe:

 

[أنفاسي دخون]

رد: فجر السعيد تتحدث مع ال بي بي سي

والله لا العن شكلش يالفضيحه

الصباح والمالك تاج راسش وراس طوايفش

 

[sara-25]

رد : خبر عاجل 250 شخص دخلوا على قناة سكوب وكسروها**تم دمج المواضيع المتشابهه**

هذى اكشنات فجر السعيد بس تلاقونه فلم من برامج الواقع وانتوا صدقتوا شدعوه ترى ديرتنا ديرت طيبين ترى هذا مسلسل