خايفه من الم الولاده الطبيعي تنصحوني بالقيصريه

[اتعبتني جروحي]

مرحبا كويتيات شخباركم
ابي رايكم لو ماكان يهمني مانزلت هالموضوع
انا بكريه ولادتي بعد شهر وكل الي حولي يقول تجاربه لي بالولاده تخوووووووف لدرجة جلست افكر بالقيصريه وشفت اكثر من مستشفى خاص سالتكم بالله يالي جربتو الم الولاده الطبيعي لهدرجه تذبح وتخوف وماتقدرين تحملين الالم تحسين روحج بتطلع ويغمى عليج وغيره ................... كل هذا مر عليكم صحيح .
تكفون انصحون مابي اغامر خاااصه اموري طبيعيه كلها بفضل ربي بس المحاتاه والخوف مسيطر علي
ابي منكم رد يريحني وعسى ربي يريحكم دنياااااااااااا واخره ولكم الاجر باذن الله​

 

[انوثة من حرير]

رد : خايفه من الم الولاده الطبيعي تنصحوني بالقيصريه

اختي من اسمها طبيعي يعني سهالة من ربج تيسير ليش تطلبين العملية ومالج بالي تشكى تعب منسي حريم يتشكون ويردون يحملون وبعدين العملية لا تنسين تحدد ماتحملين بعدين بسرعة وعدد حملاتج مواكثر من خمس حملات والحين الله يخلي الكمام وابرة الظهر ماتحسين بشي

 

[الريشة]

حبيبتي أولدي طبيعي إن شاءالله أحسن لك من القيصرية
من صجك تبين قيصرية؟ ترى القيصرية تقعدين يومين ما تقدرين تتحركين من الفراش بسبب الجرح اللي في بطنك و لا تضحكين و لا تكحين و لا تنامين على جنب و حركتك تصير صعبة و يالله مع الوقت تقدرين تمشين عدل ، و ما يصير تشيلين شيء ثقيل عشان ما ينفتح الجرح اللي في بطنك و ما تنظفين بسرعة بالنفاس.
أما الطبيعي صج يعور وقت الولادة بس بعدين تفتكين و تقدرين عقب ساعتين تقومين من فراشك و تدخلين الحمام ، و بالعكس راح تحسين بطلعة الياهل من بطنك و هالإحساس إنجاز .
هذي معلومة سمعتها من د/ منى غريب(متخصصة بالعلاج بالطاقة):
تقول إن البيبي لما ينولد قيصرية تصير في جسمه طاقة سلبية
يعني البيبي اللي ينولد طبيعي أحسن لأنه طلع من مكانه الطبيعي سبحان الله

 

[اتعبتني جروحي]

رد: رد : خايفه من الم الولاده الطبيعي تنصحوني بالقيصريه

اختي من اسمها طبيعي يعني سهالة من ربج تيسير ليش تطلبين العملية ومالج بالي تشكى تعب منسي حريم يتشكون ويردون يحملون وبعدين العملية لا تنسين تحدد ماتحملين بعدين بسرعة وعدد حملاتج مواكثر من خمس حملات والحين الله يخلي الكمام وابرة الظهر ماتحسين بشي

ربي يكتبلج اجر الرد ياقلبي ماقصرتي

 

[اتعبتني جروحي]

حبيبتي أولدي طبيعي إن شاءالله أحسن لك من القيصرية
من صجك تبين قيصرية؟ ترى القيصرية تقعدين يومين ما تقدرين تتحركين من الفراش بسبب الجرح اللي في بطنك و لا تضحكين و لا تكحين و لا تنامين على جنب و حركتك تصير صعبة و يالله مع الوقت تقدرين تمشين عدل ، و ما يصير تشيلين شيء ثقيل عشان ما ينفتح الجرح اللي في بطنك و ما تنظفين بسرعة بالنفاس.
أما الطبيعي صج يعور وقت الولادة بس بعدين تفتكين و تقدرين عقب ساعتين تقومين من فراشك و تدخلين الحمام ، و بالعكس راح تحسين بطلعة الياهل من بطنك و هالإحساس إنجاز .
هذي معلومة سمعتها من د/ منى غريب(متخصصة بالعلاج بالطاقة):
تقول إن البيبي لما ينولد قيصرية تصير في جسمه طاقة سلبية
يعني البيبي اللي ينولد طبيعي أحسن لأنه طلع من مكانه الطبيعي سبحان الله

فديتك والله كلامج ريح قلبي ربي يريحج دنيا واااااااااااااخره
بس عندي سؤال الم الطبيعي يذبح حيييييييييييييل ؟

 

[درة أهل الطولات]

الناس تتمنى الطبيعي وانتي تبين قيصري

اطلبي كمام

وبس

سهالات ان شاء الله

 

[اتعبتني جروحي]

الناس تتمنى الطبيعي وانتي تبين قيصري

اطلبي كمام

وبس

سهالات ان شاء الله

ربي يسهلها عليج ياقلبي وين مارحتي شاكره ردج

 

[أأأميرة الورد]

رد : خايفه من الم الولاده الطبيعي تنصحوني بالقيصريه

التساهيل من رب العالمين
اخذي كمام أو ابرة الظهر وان شاء الله ماراتحسين بشي
الخوف طبيعي حتى اللي مجربه الولادة راح تخاف
بس الحمدلله بس تشوفين البيبي راح تنسين الالم
الجنه تحت أقدام الأمهات

 

[MissChoco]

انا بجريه وخوافه بس اذا حصلي يولدوني طبيعي مستحيل اختار قيصريه!!

لو العوار يذبح على قولتهم جان ماولدو مرتين واربع وست مراات جان قالو بس مانبي نولد
بس ربج يسهلها كلها جم ساعه تعصري فيها و وراها بييلج ضناج بينسيج العواار
وعوار الطبيعي بس بحزة الولاده اما القيصري مساكين يتعورون جم يوم ،، وانتي شوفي نفسج تبين عوار بو يوم او جم يوم!!
وحطيلج كمان وشفطي او اخذي ابرة ظهر


والله يسهل ويهون عليج يااااارب

 

[آجمل نسآء آلدنيآ]

آنـآ جربـت آلقيصريـه .. ولـوو بيـدي مـــآولدت قيصريـه بس هذآ آمــر ربـي ..
ع قـولت آلدكتـور عووووصمـآن .. لوول آلطبيعي طبيعي

..

تعـوذي من آبليــس ولآتفكرين بـآلعمليــه وآللـه يكتـب لـج آللـي فيـه آلخيـر ..
وبعديـن كل طلقــه و آلـم و عـوآر بــآجره .. وصـدقيني مـن تطلعيـن بـآلسلآمـه آن شــآءآللـه من غرفـة آلولآده رآح تفكريـن بـآلولآده آللـي بعدهـآ
​

 

[ورد و ريحان]

حبيبتي انا ولاداتي قيصريات ولاتتخيلين العذاب اللي امر فيه
وصرت اكره الحمال بسبب العمليه
والله يسهل عليج وتولدين طبيعي لانه بكل شي فيه اهون من العمليه
اختي ولدت بالحكومي وحطولها كمام
تقول والله ماحسيت بشي وحييييل كانت هينه
ادعي الله يهونها عليج ان شالله

 

[كويتيه مذهله 87]

حبيبتي أولدي طبيعي إن شاءالله أحسن لك من القيصرية
من صجك تبين قيصرية؟ ترى القيصرية تقعدين يومين ما تقدرين تتحركين من الفراش بسبب الجرح اللي في بطنك و لا تضحكين و لا تكحين و لا تنامين على جنب و حركتك تصير صعبة و يالله مع الوقت تقدرين تمشين عدل ، و ما يصير تشيلين شيء ثقيل عشان ما ينفتح الجرح اللي في بطنك و ما تنظفين بسرعة بالنفاس.
أما الطبيعي صج يعور وقت الولادة بس بعدين تفتكين و تقدرين عقب ساعتين تقومين من فراشك و تدخلين الحمام ، و بالعكس راح تحسين بطلعة الياهل من بطنك و هالإحساس إنجاز .
هذي معلومة سمعتها من د/ منى غريب(متخصصة بالعلاج بالطاقة):
تقول إن البيبي لما ينولد قيصرية تصير في جسمه طاقة سلبية
يعني البيبي اللي ينولد طبيعي أحسن لأنه طلع من مكانه الطبيعي سبحان الله

بييييييييييه اشدعووووووووه
انا والده قيصريه ماشفت الي كتبتيه لوووووووووووول

عادي تحركت واضحك واعطس :eh_s(1):


انا ما اقولج القيصريه احسن من الطبيعي بس الي ذكرتيه شوي مبالغه فيه بس حبيت اقولج هالنقطه
ونظفت 20 يوم بلضبط وبعض الي والدين طبيعي طلعوا من النفاس وبعدهم
يعني علي حسب الجسم
ممكن المتينه هي الي تتأذي مو كل القيصريات مثل ماذكرتي
انا دكتوري قالي عيشي حياتج طبيعيه وماشالله كاني مافيني الا العافيه وقالي عادي حملي بعد شهرين مافيه مشكله


بس يا صاحبه المووضوووع حبيبتي يا حلو الطبيعي تري الحين فيه ابره ظهر وفيه كمام يعني الطب تطور
شخباري تطلع روحج
وخليها علي الله لا تفكرين الحين لا بالطبيعي ولا بالقيصريه كل ش يبوقته حلووو يا حلووو

 

[{عسوله مطير]

الله يسهل علينا يآربي

وأنا معاج والله حدي خايفه

بس رد كويتيه مذهله يطمن وأتمنى الكل يكون صادق في ردودهـ

مايبالغ

 

[موجة ~ بحر]

انا مثلج كنت اتمنى القيصرية بس الحمدللهولادتي صارت طبيعيه الحمدلله والالم مثل الدورة بي اقوى شوي عوار يروح ويرد

 

[ديانا سبنسر]

اسم عليج من العملية الله يخلي الكمام تولدين ومانتي حاسة ولاتسمعين سوالف الحريم ترا بعضهم يهولون الامور وموشرط اللي واجهو يواجهج الله يهون عليج ويقومج بالسلامة

 

[أم سيف]

رد : خايفه من الم الولاده الطبيعي تنصحوني بالقيصريه

سبحان الله امي الله يحفظها تقول البكريه ربي يرحمها لدرجة انها احيان ماتحس بالالم او الالم خفيفه
بسس توكلي ع الله ولاتفكرين بهالموضوع وبعدين لو كانت تعووور لهدرجه جان ماجفتي الحريم يحملون ويولدون مره ثانيه وسادسه وعاشره بعد عليج بالاستغفار وقت الولاده والتسبيح والتهليل وكثري من التمر والله يسهل عليج

 

[ShoSho.]

انت نفففسسس حاالتيييي :؛( :؛( حديييييييييييييي خااايفة انا ما اتحمل
الله يسهلها علينا و يهونها ، اقري يس و البقره ان شاء الله بقراهم انا بعد عجييبييين

 

[مدمنة ككاو]

حبيبتي ليش قيصريه ؟ يعني فتح البطن عندج اهون من الولاده الطبيعيه !!!
من اللي تسمعينه اكيد بتخافين بس حطي في بالج انج انتي غير مو كل الحريم صار فيهم نفس الشي لا انا عن نفسي كل ولاده تختلف عن الثانيه والتساهيل من رب العالمين

ادعي واستغفري واقري سورة مريم وسورة الزلزلة وان شاء الله ربي يسهلها ويهونها عليج

ولا تفكرين لان التفكير يخليج تخافين وعضلاتج تنقبض والاعصاب تشد من جذي تتصعب الولاده انتي رخي نفسج وتوكلي على ربج

واللي الله كاتبه بيصير حبيبتي الله يفرحج بشوفة النونو وتقومون بالسلامه

 

[الباحثات عن الجمال]

البنات ما شاء الله عليهم .
طبيعي أفضل يا حبوبه ومش كل وحده بتحس بالالم ربنا يسهل عليكي توكلي على وطبيعي.

 

[هيبة ملك]

أنا نفسج خايفة