خانج التعبييير وقلتي كلام مش ولابد @@@@@@

[شادن33]

مره خانج التعبير مع ريلج وقلتي كلام موحلو وشنو رده فعل ريلج

تعالي قوليلنا

ومتى اتييلج هالحاااله
انا اكثر شي في فتره ماقبل الدوره
اخربط خراااابيط
اقلب المره ريال والريال مره
يقوم اهو يعرف ان الاشااااره الحمره ولعت خخخ

يلا قولوا :ggdw:*

 

[خالتي قموش]

يشرفني اكون الفيرست
انا وايد تخوني
وردة الفعل
اكيد يزعل مع شوي بهارات

واخر مره قبل يومين
كان مزاجي متعكر بسبة المتعوسه
كان يتغشمر معاي و رديت بنفس خايسه
وعدها اعتذرت و قلت السبب
لانه قعد يحن يبي يعرف شفيني مضايقه

 

[A-b-c-]

لا انا اكثر شي وقت بدعت فيه اول زواجي لما كنت عروس امبيه خرتها صج ..
واكثر شي افصل لما اكون تعبانه وفيني النوم الله لا يوريج اقط خيط وخيط ...

 

[انصدمت فيــك]

خخخخخخ يأكثرها بعض الأحيان تجيني حاله عقده ف لساني أخلبط الكلمات وأقلبها هههه مدري وش يصير فيني
بس الصراحه قليل أزعله بكلمات. إهوو أكثر شيء يقظ علي حجي يجرح بس عنده أهو عادي بس يالله نتحمل

 

[خالتي قموش]

عاد انا باول زواجي بعد صج انهبلت
انواع الدفاشه
بس اشوه تفهم الوضع المهبول اللي كنت فيه

 

[Mrs. AL Ajmi]

انا حبيبي ريلي شكله حييل صغير جنه 17 سنه فمره طول شواربه وعرضهم ، جان ايي انا العسوله ويعني بقوله انه وناسه صار شكلك اكبر او اخشن ، المهم خاني التعبير وقتله واي حبيبي شكلك صار ريال :s141::eh_s(12):

طبعا اهو ويهه صار

انا ارقع وافهم وماكو فايده . صراحه موقف حده مو شي وصج تضايقت من نفسي . مر على السالفه فوق السنتين وليلحين ينغز :bbbiu:


قرقر واجد هههه

 

[انصدمت فيــك]

شدون أحبج פآلـْلہْ وأحب مواضيعج << داخله عرض يالحبيبه هههه
بس ضج ضج أحس عندج خبره ماشاءالله عليج تبارك الرحمن <<‏​​لَاٍْ تقولين صكتني بعين خخخخ

وان شاءالله نستفيد منج ههههه فديتج פآلـْلہْ

 

[Fatn]

اختي تقولي بايام شهر عسلها
تستحي من زوجها تقول ومره كنى بمطعم
وهوبس يناظرني
تقول وانا جوعانه مره وابي اكل
وماقدرت اكل من نظراته تقول وعصبت مرره
عاد هو حس علي
قالي كولي وش فيك ماتاكلين
تقول قلتله شلون اكل وانت عيونك علي عجزت اكل
نزل عيونك ولاتناظرني عشان اعرف اكل
هههههههههههههههه تقول بعدين استوعبت اني خربتها تقول جيت قلتله
معليش بس انا مااعرف اكل واحد يناظرني تقول ومن بعدها مستحيل يناظرني وانا اكل :eh_s(15):
ومشكووره حبيبتي :eh_s(17):*

 

[شافوك بحساسي]

يووووووووووو لازعلت انا اقط خيط وخيط

 

[انوثتي غير وياك]

فاتن ههههه موقفها موصج

 

[black rose BH]

ههههاي

واي شدووونه احب مواضيعج < جم مرة قلتها

كم انتي خفيفتن على القلب ايتها الجميلة

والله انه متعلمة ببيت اهلي كل شي اقوله يعني صريحه لووول بس بعوووابة

فعلى طول يخوني التعبير ههههههههههههههه بس قاعده احاول اصير ذربه شوي :$

 

[! بــدويه وآآيــد !]

،



مره كان يقول لي سالفه ان واحد كل مايشوفه يسأله ماكو شي بالطريج
قلت له قطيعه وهذا شكو يسأل شكو بخلق الله اهو بيربي عيالنا ؟ قال اي بس الي يسأل عمي قلت حتى لو ماله شغل
قال انتي محد يسألج قلت لا محد يتجرأ اصلا يدرون بجعمهم قال انتي مره وعادي تجعمين بس انا اتوهق:/ قلت له ليش انت مو رجال؟؟ بعدين انصدم وطقيت ستوب قلت له قصدي يعني انت رجال بالعكس المفروض تجعم اكثر خخخخخ قال مسكي لسانج بس وعدلي اسلوبج

ومره واقف عالمنظره وماسك خصري يقول يهب ياضعفج بس تاكلين عيوش ماتمتنين قلت له اي عبالك مثل بوكرشه ومسكت كرشته قلت له اي شهر ؟ خزني قال شقلتي ؟؟ انا من الاحراج رحت وراه وخشيت وجهي قلت والله مو قصدي اضحك فهمتني غلط قال لسانج مفلوت ترى لووول

ياكثر مالساني يزل ويخورها بس مو قادره اتذكر لووول

 

[الجوهرا]

ذذكرتيني بوقف كل مأتذكره افصل من الضحك
مره كنت نايمه بييت اهلي ودق علي زوجي الحبيب مشتاق
وانا كنت حدي نعسانه ويكلمني بتليفون ولاغفيت وهويسولف
مندمج بالكلام جان اصحى واطلع عرض اسوي نفسي اني معاه
واقوله خلنا نروح طيور الجنه ولايقول شكو طيور الجنه قلت ها مدري انت تقول
قالي انتي اصلا شكلج نايمممه وزعل وثاني يووم لما شبعت نووووم راحت للبيت اراضيه

 

[انصدمت فيــك]

بدويه وأيد ههههههههه واي فشيله بس تدرين لو زوجج واحد ثاني ماعداها لج.
خخخخخخ

 

[Al-RoRo77]

وايد يصير معاي شغل التحشيش
الفتره الأخيره صايره اقط خيط وخيط ومادري شقول كلام مو مفهوم واهوا من ويها باين انه مو فاهم ومصدوم عاد اقوله
"ادري ماتدري شقلت لأن انا مادري شقاعده أقول" هههههههه
وبدويه فديتها ذكرتني بموقف واقوى موقف صارلي معاه !!
ريلي الله يسلمكم بطوط وله شوية صدر بما انه بطوط p:
عاد بيوم كنت مادري شفيني ادلعه ومستانسه عليه زياده واحوس عنده واهوا مستانس علي
المهم جان فجأه ايي عنده وامسك صدره واقول حليب حليب وااااااي والله ع طول لمن قلت حليب انصدمت وتنحت واهوا ماقصر عطاني ذيج النظره مع الابتسامه الجنابيه "ابتسامة التنقيد والصدمه"
ولمن جفت نظرته بسرعه حضنته وقلتله غشمره شفيك غشمره والله اتغشمر
وع فكره ترى حضنته علشان اخش ويهي من الفشله علشان مايطالع ويهي هههههههههههه
ثانكيو شدونه فديتج انا

 

[ماني من الناس]

انا اول ماتزوجت نسيت شلون يتحجون والله خخخ

اتكلم شوي فصحا شوي عامي

انعفست خخخ

 

[● عـِـِـِزۈة آخ‘ـَـۈاْنـهـآ «-~]

هههههههههههههههههههههه

بدوية وايد ونونوة ريلها بدعتووووو


انااا ي كثر قطاتي عدو وخربطو بس ماعلى بالي
شي حالياً

 

[دلـــوعته]

هههههههههههههههههههههههه

^ فاطسه عالفصلاات هع

شدووووون بصراحه يا وخيتي انتي مواضيعتس تووحفه تذكريني بالعضوه ( مي ) الله يذكرها بالخير

نرجع لمحور الموضووع هههههه

النوم ونا ادراكما النووم اول ما يخوني التعبير يقولي روحي نامي كككككككك

اما لا اندمجت في سالفه بدال ما اقول يا اخي. اقووول يا اختي وش فيتس كككك بالاتس بعد هههههههه

مررره كنا نسولف عن لوشنات نيفياا وشوي دخلنا بجوالات نوكيااا قمت انا جبت العيد

قلت بصرااحه نيكيااا جوالاتهم تهبل ما اشوف الا ابو الشباااب انسدح ضحك هههه انا صار وجهي طماطه



لااا ذكرت شئ رجعت لكم

 

[شادن33]

يشرفني اكون الفيرست
انا وايد تخوني
وردة الفعل
اكيد يزعل مع شوي بهارات

واخر مره قبل يومين
كان مزاجي متعكر بسبة المتعوسه
كان يتغشمر معاي و رديت بنفس خايسه
وعدها اعتذرت و قلت السبب
لانه قعد يحن يبي يعرف شفيني مضايقه

قموووووش لا مو من صالج الزعععععل بسج زعل خخخخخ

 

[شادن33]

دلوووعته اشوه يامعوده انهاعند ريلج خخخخ
ماني من الناس ياختي انتي حالتج مستعصيه اشلج بالفصحى احنا بالعامي ونخربط لا تشتتين الرياال خخخخ
عزوه اخوانها تعالي مره الثانيه وقولي لنااا