خالـــــــــــتي

[نااناا]

مرحبااا


يابنااات تكفوون ساعدووني شووروا علي مالي غيركم

بدوون مقدماات بقوولكم سالفتي....

انشالله قررنا بالصيف انسافر ولاول مره باخذبناتي معااي وولدي الصغير بخليه عند امي
ونااويه السفره هذي اونس بناتي يعني الالعب ةالملاهي والحائق والرحلات وكل شي يونس
راح يكوون اهم خطط برنامجنا يعني رحله كلها نشاط وحركه....

المفااجــــأه

قالت خالتي ام زووجي الي هي بنفس الوقت اخت امي
اعملوا حسابكم هالصيف بساافر معااكم دامها سفره عائليه والبنات معاكم....

خالتي على عيني وراسي واحبها بس هي حرمه كبيره اكبر من امي
ومريضه وماتحب تمش واايد ومعااهاا سكري....

اما قلت لامي كلميها مارضت لا وزعلت علي بعد ((ماالومها اختها))
حتى خوااتي مايرضوون عليها وقالولي عيب انتبهي تلمحين لها...

ياربي انتم اشراايكم؟؟:bbbiu:

وانا ناويه اروح اووربا يعني حركه ونطلع من الصبح لي وقت متأخر

 

[ޢޢޢإيمانޢޢޢะۣۨ>]

حبيبتي عشان لحد يزعل وياخذ بخاطره لا تكلمينهم في الموضوع
محد راح يوقف معاج
والكل بيطلعج غلطانه
احسن شي لا تفكرين وايد وخليها على الله وان شاء الله تتسهل الامور وتستانسووون
​

 

[mariamama]

اي عادي اخذيها معاج ماراح يزودج ولاينقصج شي

خليها تروح تستانس واخذي امج معاها يعني اذا كلش كلش يقعدون بكوفي وانتي روحي مع عيالج او خلي زوجج معاهم
تاخذين فيها اجر تونسينها

 

[gala q8]

ما ادري والله يمكن اهيا اللي توونسج باجر لي رحتي ما تدرين ..


الله يسهل امرررج ,,

 

[صوفيا الرياض]

الله يعينك من الحين ويارب تهون عالسفر

 

[شنو فيه !]

حبيبتي انتي وانتي تسولفين عن السفر مهدي لها انه فيه حركه وكله تمشي وترا ماراح نفوت فرصة وناسه علي البنات وهي من اهنيه راح تفهم انه مجهود اذا عجبها حياها الله واذا ما حبت اوعديها بعمره ولا سفره قصيره تراضونها فيها وترا عادي مدام اول مره تسافر معاكم خليها تروح وتغير جو بالعكس بتساعدكم وتبارك الروحه وانشالله تستانسون

 

[هيبة الطاووس]

لا التزام مره عوده يدتي لما راحت معانا
صارت سوالف وزعل الله يكتب لها وتهون
عن السفره واذا بتروح اخذو خدامه عشان تجابلها

 

[اميرة*بهيبتي]

اختي نانا الله يسمح دربج وييسر سفرتكم .. ماعليه اخذي خالتج اهي حسبة امج ولحتسبي الاجر فيها حطي مكانج مكانها باجر اذا ولدج بيسافر وجنتج ماتبيج تروحين معاها بحكم انج مرة كبيرة شنو بيكون موقفج ..
لا بالعكس المرة الكبيرة تونس بالسفرة ولاتلخاذين خدامة ولا شي استخيروا بهالسفرة وربج بيسرها وتكسبين فيها اجر انج ونستيها مع بناتج ..

 

[ريـمـآأن..}]

عادي خليها تروح معاكم تستانس الله يوفقك

 

[حلاوه تمشي]

مادري انتي خلي كل الامور بوقته والله يحلها

 

[هيبة ملك]

نطري شوي يمكن تهون

 

[مضاوي السلمان]

الله يعين

بعض الامهات الكبار عله اذا سافروا مع عيالهم وين رايحين وبسكم ماتعبتم وليش جذيه ومن هالسوالف تكرهج بالسفره


وبعضهم الا والله مثل العسل ماتقول شي حطوني تلقوني وكله كيفكم اللي تحبونه سووه

بالنسبه لي عايشت هالفئتين من الكبار

وانتي الله يعينج وان شاء الله ما تكون من الفئه الاولى

 

[مالي خلق الدوام]

اصلا اوروبا نفسها اذا صار بالليل انت شخصيا تبين تروحين الفندق ترتاحين معناته تحمليها فترة النهار اما باليل الكل يدور الراحه. انا اقول اخذيها معاج وتوكلي على الله

 

[mahawe92Q8]

مدام اهي عازمه روحها اخذيها معاج وصدقيني مافرضت نفسها عليج الا انها شافتج اغرب وحده لها وبدون عزومه بتروح وكافي انها نقتج من باجي جناينها اخذيها اوونسيها ولاتنسين اتباشرنها عدل :::: وصدقيني ان شاء الله بتكون احلى سفره بتمر عليج وكاااافي الاجر الي بتلاقينه

 

[^^نـــواره^^]

اي عادي اخذيها معاج ماراح يزودج ولاينقصج شي

خليها تروح تستانس واخذي امج معاها يعني اذا كلش كلش يقعدون بكوفي وانتي روحي مع عيالج او خلي زوجج معاهم
تاخذين فيها اجر تونسينها

معااااهاااا


ليش ما تاخذين امج؟ ترى خووووش فكرة

وبعدين على الاقل اذا حبيتي تسهرين مع ريلج ليلة من الليالي بروحكم

تقدرين تخلين بناتج عندها وانتي مرتاحة

 

[cat-girlq8]

من صجج انتي
خالتج حسبت امج وخير ياطير خليها تروح تغير جووو خوو مسكينه ماشيه علي ريولها ماراح تشيلونها فوق راسكم
جان زين خالتي تسافر معانا راح يكون الجوو مو صج وناسه

 

[كادى الحب]

لاتعليق

 

[ام بشار]

يا حبيبتي عادي أنا أخذت خالتي أم زوجي أخت أمي وأنا اللي كنت أبيها وينا لأني ماقبلت على نفسي أطوفها واسافر وأخليها مع أنه ولدها قال نبي بروحنا بس أنا مارضيت خفت الله فيها وراعيية رب العالمين فيها لأنه كما تدين تدان وسبحان الله توفقنا واستانسنا الحمدلله توكلي على الله واخذيها ولا تحاتين الله يسهل عليكم وتروحون وتردون بالسلامة إنشاء الله

 

[نااناا]

ماشاءالله عليكم بنات تقريبا الكل مؤيد انها ترووح...
انتم على بالكم انا ماابيها ترووح لاني مااحبها قلت لكم انها على عيني وراسي
وخاتي حيل طيووبه وكريمه بعد....
بس مشكلتي انها كبيره وتعباانه وماتحب تمشي وايد
طبعا كلكم جربتوا السفر احنا في عز شبابنا اخر اليوم نتعب
والتنقل بأوربا بالمترو ومن محطه لي محطه ومش مسافات طويله
وبعد فيها سكري يعني اكل معين وابر والتزام

وتونا بعطله الربيع انا وياها وزوجي وحماتي رايحين عمره
وبالطواف والسعي كانت راكبه كرسي متحرك......
وحيل تعبت حتى كانت بعد العمره كله قاعده بالفندق اخر يوم ضغطت على نفسها ونزلت وصلت الجمعه بالحرم

 

[بالقرآن اسمو]

اخذوها عن خاطرها
واخذو خدامتها معاها
اذا ما حبت تنزل معاكم تقعد مع خدامتها بالفندق
بس حرام لا تبينين لها انج ما ودج بروحتها
بريها بيبرونج عيالج ان شاء الله