حيـــاكــم.. تجمع احلى محلات العربيد وخياطين البلوكات.

[الحرير]

ثانك يو

 

[عطـر الليل]

بنات البلوكات وينها فيه؟؟؟؟
وشلون شغلهم مثل العربيد الخام والتفصال منهم
وهل تستاهل العنوة؟؟؟

 

[اليازيه2000]

والله يعتمد على ذوووق الوحده
احلى شيء انتي تقصين الخاام والكلف والدانتيلات وتسوين اشياء ماتصورينها
انا اسوي جذي اغلب الافكار من النت بس الخام يكون شيء احسن من العربيد يكون الكل شايفه للأسف وحنا ربعنا هابين فيه هبه قشره
انا هالمره الخام خذيته من التراث الهندي متره ب35 ودخلت معاه الساده وطلع شيء خيالي
الخياط عادي هندي بس يضبط القصه
وابي اخيط مغربي للقرقيعان بس محتاااره

وموفقين يارب وكل عام وانتم بخيرررر

 

[ميار2010]

في خياط في منطقه هديه
بالجمعيه خياطه نفس الحريم
وهم عندكم خياط بجابر العلى عند الجمعيه
خياااااطهم روووووعه نفس الحريم

 

[بـشـرى]

انا اروح العربيد واروح البلوووكات بس افضل العربيد مع انهم يبطون الجبد بالقياس الا انه اقرب لى من البلوكات

وماعندي محل معين بس العربيد يالله يالله تلقين موديل مو مقلد في باجي المحلات

 

[عذبة السجآيآ]

يعطيج الف عافيه روعه هالموضوع

وبخصوص العربيد طيبه الجميله وبس شغل نظيف وروعه وصاحبته عندها مشغل وترعض فييه

اما البلوكات مالي خبره فيهم

 

[shmoo5 2ntha]

رد : حيـــاكــم.. تجمع احلى محلات العربيد وخياطين البلوكات.

أب أب

ماعندي فكره بالخياط والله

وقاعده استفيد منكم

 

[كـويـت عـسـل]

صراااااحة ماجربت العربيد من قبل

اتعامل مع خياطيييين من زماااان

واروووح لاسواااق معينة


شكرا لطرحج حيااااتي

اكيد بستفيد من الموووضوووع

حبيباتي العربيد اعرفه وين

بس البلوووكااات وين ؟؟؟

 

[.. Dior ..]

انا اكثر شي اروح للعربيد بس البلوكات مارحت له

بروح اشوف

يعطيكم العافيه

 

[زوجي نظر عيوني]

انا امس كنت بالبلوكات بصراحه روووووووعه الخامات بس اهم شي يكون في بالج موديل وانتي عاد دوري الخامات وركبي على كيف كيفج ومسوين تنزيلات اغلبهم 50% رحت شريت لي 3 قطع خام وحده حق العيد و 2 حق طلعات وسوالف بس صج يسوى وطلعو علي تقريبا ب 70 وشوي شريت من العوضي خام حق قميص وخام جلد كنت بركبه على بعض وطلع روعه وخذت من محل ماذكر اسمه ماركة الخريطه (الفيرو مارتيني) قلت بخيطه بنطلون شايفتله موديل روعه والقميص قلت لكم جلد ومن نوران يصير محلهم بره خذت قطعتين وحده شك مشغول وسلاسل روعه وركبت عليها خام وبسويها قميص
واللي سالت وين صاير البلوكات مكانهم بالمنطقة التجاريه


واذا عن العربيد الاسبوع اللي طاف رحت وخيطت لي 3 واحد من الطيبه الجميله والباقي من محلات ثانيه بس لازم تفترين كذا مكان وبعدين تحددين شنو تبين تاخذين


وسلالالالالالالالالالالالالالالالالالالالالالالالالالالامتكم

 

[دمع القلوب]

محل طيبه الجميله فصلت عنده دراعه وحده لونها عناااابي

يمكن هي انعم وحده شفتها

مو كل دراريعه حلوه

ممكن تطلعين دراعتين من عشر

اما البلوكات مالي خبره فيه والله

 

[كـــنـــزي]

انا خيطت عند العربيد دراعتين عند محل

اسمه النورين عما اعتقد مكانه فوق وسعره غالي بس فرق عن باجي المحلات احسه مميز عنهم الدراعه فيها شغل

 

[بنت السليل]

عساكم عالقوه فاعدين نستفيد وبنروح نقص خام

 

[أوتــار الهــوى]

دراعات العربيد حلوه وأسعارها حلوه
بس عيبهم ماياخذون القياس عدل
وماعندي محل معين أي دراعه تعجبني أفصلها

 

[عيالي...حياتي...]

ياهلا يا مرحبا للكل اللي شرفو ا صفحتنا بخبراتهم وتجاربهم



انا توني راده من العربيد بصراحه احلا من البلوكات وانا فصلت بالبلوكات قميص ب25
لقيته عند العربيد ب 17 واااااااو والله مت من القهر
الخياط يقولي انا قبل يشتغل بالبلوكات والبلوكات اغلا من العربيد
لان المحلات هناك اجارها اغلا من العربيد وشويه مو مثل العربيد محلات مثل الترراب

وبصراحه العربيد حلو وتلاقين اشياء حلوة
والاسعار همن مناسبه بس روحوا العربيد اللي صوب مجمع الخيمه اهو من اللي صوب محلات الذهب وارقى بالشغل..
ويسلموووووووووو

 

[الجــادل]

رد : رد: حيـــاكــم.. تجمع احلى محلات العربيد وخياطين البلوكات.

وين خياط نهاد النصف شنو اسمه

تحياتي لج يالجادل....

وهالموضع لنا كلنا وانا بعد وياكم...

الكل مستفيد بس ياليت اللي تدش الموضوع مو بس تدش تستفيد وتطلع...

لا مانبي انانيه ...

فيدي واستفيدي؟..
صج وين نهاد النصف..؟

بالبلوكات فوق اسمه اللمسات الاخيره

 

[ناتشوو]

العربيد حلو بس تعرفين اشلون تدورين فيه
شيلي الكلف الزايده او اللي تحسين رخيصة ( خاصة الكرستال اللي يحطونه)
اختاري الالوان الحلوة
كل مادورت الموديلات البسيطة منه بيكون احلى واضبط
يعني دراعات الحمولة اليومية بسهولة تحصلينها
وبعدين ماتسوى تفصال وقص خام وادور كلف ( واحتمال يخربها الخياط) علشان الدراريع اليومية
لا تتوقعين بدلات فخمة وكشخة لمناسبات مهمة منه الا نااااااااااااااااادرا
مافي محل معين اروح له
اللي يعجبني الموديل عنده افصله عنده

 

[$ بنت علمي $]

صراااااااااااحة البلوكات موديلتهم تهبل وحلوة اسعارهم بس قبل محد يعرفه والحين كلهم اعرفوا

 

[&& قيثاره &&]

البلوكات ماجربتهم العربيد انتى وحظج الخياط يايصيب ويايخيب القياسات اشوى مو مضبوطه

 

[عيالي...حياتي...]

يسلموووووووووووو
ع المرور