حوامل عند منو تراجعون و ليش ؟ ضروري الكل يشارك حدي محتاره

[ورده عنابيه]

اب اب

 

[sweeta77]

انا ارتاح حق ناهده العلي
انسانه وام قبل لا تكون دكتوره
وشاطره ماشاء الله عليها
ومو ماديه ابدا ابدا
وخياطها عجيب تردك بنت

 

[● عـِـِـِزۈة آخ‘ـَـۈاْنـهـآ «-~]

انا حالياً ب الشهر الاول عسسسى الله يتمم على خييير


واراجع عند محسن طلبه ومااااجربت ولادته
لاني اووول مره هههههه
من موضوعج حطيت في بالي دلال السالم
وبشووووف بعد



فيدوووونا بنات

 

[روعة خيال]

انا مره عند امل عبدالعزيز و زوينه بس صج اللي خياطها التجميلي روعه دكتوره خالده المجيبل تهبل تهبل

 

[ام حمد 85]

للرفع

 

[مس لوتس]

والله انا للحين ماراجعت بس شكلي براجع عند ليلي اشكناني

 

[أم عزوز21]

آنا راجعت عند د. فاطمه في بوحمراء كلينك ..

وزينه بس غيرت ورحت طيبة كلينك عند دكتوره مصريه مادري شسمها ، وماعجبني لا تعاملها ولا نفسيتها ..

والحين محتاره وين آروح ..؟؟ مفكرة بـ د. ناهده العلي أو د. أمل عبدالعزيز أو د. ايفا اللي بالراشد ..!!

 

[FuSheYa]

انا توني بجر

بس موضوووعج وايد مفيييد

 

[* بنت المطر *]

انا بعد مالي خلق دكتوري وودي اغير واحترت شكثر مدحتوا لووول

يمدحون اميره بهباني منو جربتها بنات ووين مكانها بالضبط ؟؟؟ وليلى اشكناني وين عيادتها وين ؟؟؟

 

[miss_whitemocha]

انا بجرية بالثاني و قاعدة أراجع عند دكتورة مريم بيبي بالسلام..بس محد يمدحلي إياها وانا ما أقدر أعرف إذا زينة أو شينة..
قالولي دكتورة نجمة بالسلام تهبل بس حاليا إجازة ناطرتها ترد و أراجع معاها..و كنت أبي الشاذلي بس طلع من السلام..
وهم قالوا في دكتور أردني بالسلام يهبل بس ما أعرف إسمه..وبس هذا اللي أعرفه.​

 

[نـوف]

انا مفكره اولد عند ناهده العلي اذا الله يسرلي
انا بالسادس وبروح الشهر الجاي افتح عندها ملف عشان تولدني
وببالي ان شاءالله اولد بالمواساه لان رعايتهم حلوه مثل ماسمعت


مس وايتمتش اذا اسمج صح
منو قالج ان الشاذلي طلع من السلام انا رفيجتي والده عنده قبل شهر ونص بالسلام للحين موجود
تمدحه حيل ماشاءالله بس ولادتها كانت قيصريه لان ماي البيبي انبط واهي باول الثامن حاول يولدها طبيعي بس خاف يكثر الطلق الصناعي ويضرها لانها بجر
بس حيل تمدح خياطه للعمليه تقول الجرح نطيف خط صغير لونه احمر علا حدت البطن

 

[MoTHaWi]

مشكورة على الموضوع استفدت وايد

انا توني ماعرف

بنااات فيدونا بعد

اشرايكم بماجدة اليتامى ؟؟

في ناس مادحينها لي بس ولا وحده بالموضوع طرتها مفكره اراجع عندها

شكلي بهون و اروح يا ناهده العلي و لا حيان

 

[miss_whitemocha]

مس وايتمتش اذا اسمج صح
منو قالج ان الشاذلي طلع من السلام انا رفيجتي والده عنده قبل شهر ونص بالسلام للحين موجود
تمدحه حيل ماشاءالله بس ولادتها كانت قيصريه لان ماي البيبي انبط واهي باول الثامن حاول يولدها طبيعي بس خاف يكثر الطلق الصناعي ويضرها لانها بجر
بس حيل تمدح خياطه للعمليه تقول الجرح نطيف خط صغير لونه احمر علا حدت البطن

حبيبتي انا رحت آخر شهر 7 وقلتلهم أبي الدكتور أحمد الشاذلي قالتلي طلع من زمان.. يمكن فتح عيادة ويولد بالسلام؟؟؟ مادري والله..عاد صج هذا الكل يمدح فيه..بستفسر منهم لما أروحلهم المرة الثانية.​

 

[مزاجي راقي]

انا توني طلعه من الاربعين .. وكانت ولادتي عند الدكتور اشرف بمستشفى الهادي

زوجي وداني له لأن ربعه اذكروه له .. ولآ انا اول مراجعاتي ببداية حملي كانت عند الدكتوره دلال السالم


بس للامانه الدكتور شاطر ما شاءلله وكل مراجعه عنده اطلع نفسيتي مرتاحه من اسلوبه

معن وضعي كان صعب بس التساهيل من رب العالمين

كانوا توئم سبحان الله مشيمه فيها جنين ومشيمه لآ .. وجبت قيصريه يعني ما أفيدج بسالفة الخياط والتجميلي

,

,

بس اختي وعماتي عند دلال السالم وحييييييل يمدحونها خياط وتجميلي وتضيق حتى بالمراجعه تعطيج حقج بالوقت


والله يهونها ويسهلها عليج .. وتقومين بالسلامه