حوامل خبرتكم اشلون اخلي الجنين وزنه فوق 3 كيلو ؟؟

[donat]

اذا ما تحبين الحليب سويلج محلبية و هي فيها حليب و نشا و شكر و كلهم يتفخون البيبي
حطي حيلج فيها

 

[ام حلومي]

اكلي كل يوم موزه وشربي حليب طبيعي

 

[oum^zozo]

طيحيله بيض احسن شي

 

[MaFaZ]

سئليني انا .. انا كان ولدي عنونو اسمالله عليه مع اني مو ضعيفة ويمكن صج انا ما كنت اكل

جان الله يسلمج اروح بيت أمي بالتاسع اخر الثامن اول التاسع لأني ما كانت اشتهي الا اكل عندها
واكل

تمر - رهش - جبنة الكيلوات مثل جبنة الشلل والشبنة النابلسية والجبنة البلغارية غير غداي تشريب او مجبوس مرة مجبوس دياي مرة لحم وانا ما كنت اقدر اكل وايد بس هالاكلات غنية غير السلطة ضروري تاكلين سلطة تدرين بحمالي كله ما كليت وتغذيت عدل كثر اخر شي وسبحان الله اسمالله عليه ولدي صار حليو وكمل ال3 وعموما الصبيان عودهم اقوى وامتن من البنات لأنهم عظام


وولدته نتفة واي ما ينشال حتى النيوبورن كانوا كبار عليه سلم قلبه ومع الايام اسمالله عليه صار حليو

ولا تنسين ليه ولدتي بالسلامة بالاربعين تشربينه ماي التمرة ضروري حق المناعة وحق تقوية العظام

 

[ZOHOR]

شنو الوحدة لي مايبين بطنة يطلع البيبي صغير؟؟؟ انا شكله أقل من من كيلو

 

[سحابه صيف]

للرفع

 

[super pink]

اكلي تمر

 

[شرطيه حلوه]

انا اللي أعرفه اللي تاخذ شهرها كله البيبي يكبر لأن الدكتور قالي أن بالتاسع يزيد وزن البيبي بالأسبوع 250 جرام

 

[chocolate cake]

التمر

 

[قـــمـــوره]

الموضوع مررررررره مفيد يعطيك العافيه حبيبتي
انا حامل و اول حمل لي >>>>> بكريه
عاد ابي البيبي حقي يصير وزنه 3ماني طماااعه هههههههههههههههه
بس مشكلتي من حملت لين اللحين ما شربت الحليب الا 5 مرات بس
ما احبه كل ما شربت اطلعه وعقبها وقفته ...<<<< الاخت تقول قصه حياتها هههههه

 

[ملاك20]

الحليب الحليب الحليب الي ما احبه خير شر انا مغزرتها عل اللبن احب اشربه وانشالله نفس فايدة الحليب

 

[ZajiL]

صدقيني هالخبه كلها الحين ماتفيد لانه الياهل يكبر بالثامن والتاسع
يعني الياهل بالثامن يزيد بالاسبوع من 150 الى 200 غرام
وبالناسع اسبوعيا يزيد ربع كيلو

يعني الي تم كل التاسع ودش العاشر تييييييييييب بيبي فوق ال3ونص الى 4 كيلو

 

[84 Miss Chocolate]

والله بسمع كلامكم بس الحليييب مستحيييييييل حتى اذا صار بالكيك احس بطعمه و ارجع تكرمووون و المهلبيه و مشتقاتها مستحييييل ماقدر والله ماقدر بحاول اكل يوميا تمر مع اني مو زوود مع الحلويات بس الله كريييم و مشكووووووورين