حمواتج يعزمونج؟؟

[آجمل نسآء آلدنيآ]

رد : حمواتج يعزمونج؟؟

كـل وآحـد يعمـــل بآصلــه

عنـهم مـآآ آعزمـوج .. آصـلاً شتبيـن بعزيــمتهم

خـــلج بعيــــــــــــــــــــــــــــــــــــــده ترديـن سـآلمـه ​

 

[الاميره]

وانتي تعزمينهم بطلعاتج مع ريلج ؟؟؟!!

 

[هيبة ملك]

عطيهم طاف

 

[حبـ admant ـك]

اخذي وخلي
لا تهتمين
اهم شي انتي السنعه وماعليج من الباقي

 

[غنوة ستايل]

لا والله ما اطلع معاهم لا يعزموني ولا اعزمهم
يكفي جمعتنا بالبيت

 

[brettey]

رد : حمواتج يعزمونج؟؟

تفسيرها وحده من الثنتين
يا مافيهم سنع
يا انهم بحروني وبغثوني
وشي طبيعي بتضايق الصراحه بس اذا اهم عقولهم ناقصه طااااااااااااف

 

[الشيخه فطامي]

ياختي على الحساسسين
نفسي بالضبط
ما اقول طاااااااف
ليش ما قالولي شدعوه
بس اقولج
حزتها نفس الوقت اللي بيطلعون طلعي مع ريلج استانسي

 

[اشتياق]

الطلعه مع زوجي تسوى الدنيا ومافيها

لاتقولين رفيجات ولا اهل اذا اهو مو معاي ما احس اني غيرت جو ..

عشان جذي ما ادقق كلش على غير حبيب قلبي..

 

[سارووه الاموره]

والله الي مايبيني ما ابيه ..

 

[كويتيه مذهله 87]

الحمدالله ماعندي حوات

 

[للزين هيبه]

وانتي تعزمينهم بطلعاتج مع ريلج ؟؟؟!!

الريل شــــــكووووو؟؟؟؟؟؟؟؟؟؟؟؟؟؟؟
احنااا نقووول بناات بس يعني حموااتج يعني خوااته مو الزووج
:27d66a9c24b146327bf

 

[غلاي امي وزوجي]

والله انا ساحبين علي وانا مرة ولدهم الوحيد يطلعةن مع بنات خالتهم وجماعتهم ولا يقولون لي

 

[froha83]

عندي حماة وحدة صغيرة عمرها الحين 19
ويوم تزوجت كان عمرها 11
مثل خواتي ويمكن اكثر تطلع معاي ووين ما اروح اخذها معي
الله يديم المحة بينا:friends:
ويوفقها بدراستها يا رب

 

[sunshine22]

رد : رد: حمواتج يعزمونج؟؟

اهلي نحب ونستانس ان حريم اخواني يدخلون معانا ويشاركوننا بطلعاتنا ومناسباتنا
حمولتي بالمرررررة حتى المناسبات الرسمية مايعلمون الجناين عنها مايحبون الجنة تدخل معاهم يحسسونج انج بنت الناس موبنتهم

:33_1185028183:

نفســـــــــــي بالضبط...
مع اني اجتماعيه واللي يسولفلي سالفه اعطيه 10 سوالف...
بس مكتفين
وقدام زوجي يعني حبوباااااات وطيبات وانا الشريره
انا طبعي ماانافق وواضحه ومااحب الكذب والكلك كلش ملش
يسوون نفسهم يسألون عني جدام عيونه وجدامي بس لو انا اللي قاعده بروحي ما يسألون كلش يبون يطلعوني بالشينه قدامه
عشان جذي نزلتي لهم صارت جدام عيونه وعيونه بس لو ينزل قبلي ويروح ماانزل اكنسل ليوم ثاني يكون هو فيه موجود
لاني عرفت طبعهم
واحب اماشي الناس باطباعهم خصوصا اذا كانو مو هينيين



حسبي الله ونعم الوكيل بس

 

[sunshine22]

رد : رد: حمواتج يعزمونج؟؟

وانتي تعزمينهم بطلعاتج مع ريلج ؟؟؟!!

الزوج طلعاته غير
هذول حريم وطالعين مع بعض مافيها شي اذا اخذو مرت اخوهم ترا هالشي يقوي الروابط بينهم وهم كلهم جنس واحد حريم
مره وزوجها بالعقل ما يطلع احد عنده ذوق معاهم لانهم بيرفهون عن نفسهم من ضغط الشغل والبيت واليهال

 

[njoom1]

لووووووووول الاميره انا لو بشوف مرت اخوي طالعه مع ريلها ولو اهيبنفسها تيي وتعزمني انا ماراح اروووووح شكو رازه ويهي معااااهم؟؟؟ ريال ومرته !!!!


لوووووووول بنات انا ما اقولكم مضايقه من السالفه وشايله عليهم
لا بس اللي بط جبدي حزتها ... يعني شمعنه اهي عزموها ؟؟ وجدامي ؟؟ تبون تعزمون ناس وتخلون ناس خلاص بيناتكم ليش جدام الكل ....

 

[أنفاسي دخون]

بما اني مو عند الحموله فيطلعون على راحتهم ومو من حقي اشره عليهم او ازعل ليش انهم ما قالولي اما اذا كنت زايرتهم ومتفقين على طلعه لا والله حرام يقولون لي ما يقصرون ومرات يدقون علي قبل طلعتهم لاي مكان بكم يوم ويبلغوني

 

[cherry67]

عادي لا تهتمين عزموني ولا ما عزموني مو مهم الناس اللي مثل هذيله وخصوصا الحمولة لا تحتكين فيهم نصيحة مني لاني كليتها منهم كنت زينه معاهم وفجاة قلبو علي اذا بطلع اطلع مع عيالي ولا مع خواتي بس البعد عنهم غنيمة وطنشي لانج بتتعبين

 

[ohsofrench]

رد : حمواتج يعزمونج؟؟

انا ما يهموني ولا عندي علاقه معاهم اهم شي اسلم من شرهم