حمواتج يعزمونج؟؟

[أم يزيد &سديم&]

لا تكونيين حساسة وايد
يمكن ما يبونج
بالطقاق
اللي يطقهم

 

[أبله كويتيه]

اي والله عيب مايستحون مفروض يعزمون

قاعده مثل الطرشه بزفه على قولتهم

بس اذا اهم جذي عطيهم اكبر طاف

 

[روحي تحبه غصب]

بصراحه الناس اجناس في ناس تدخل الجناين بسرعه معاهم ويحبونه ويحترمونه

وفي بتصرفاتهم يخربون علاقتهم مع اهل ازواجهم

بالنسبه لي يقولون لي بروح المكان الفلاني امشي معنا او بروح نوجب فلانه تعالى

وبالنسبه اذا مكان الجمعه تغير صار عند وحده من حمواتي يدزون مسج حياج اليوم الازواره عندي

 

[لوازم العائلة]

اهمه والله اعلم متعمدين يعني شنو مايقدرون يتفقون بالتلفون اوموجدامج
يبون يغثونج

 

[نكهةالبرتقال]

تصرفهم حده يفشل و ما يعرفون اللباقة

يعني حتى لو ما تروحين ،،، على الأقل دعوة !!

 

[حرم_طيار]

رد : حمواتج يعزمونج؟؟

حده مو عادي اشلون ما قالو لج؟؟؟؟

انا عمرهم ما قالوا لي تعالي معانا اي اي اي مكان

 

[ماكنتوشة***]

عاااادي حبيبتي فيه ناااس جذي
لاتهتمين ,,,, وطووووووووفي
ماسووا هالحركة الا بيغثونج
خلهم يطلعون اساسا" الناس اللي جذي حتى الطلعه معاهم ماتونس !!!!!!!

 

[So0oKaRa]

انا مادري ليش بعض الحموات يسوون حرب بينهم وبين هالجنه
والله مرت اخوي اعدها نفس اختي
كافي بنت الناس طالعه من بيتهم معززه مكرمه نييبها عندنا عشان نغثها؟
المفروض تكون نفس وحده من خواتنا وبالمعامله الطيبه نكسب الناس
وعندنا وعندج خير مع هالحموات الله يهديهم بس

 

[al-musk]

في طلعات تكون خاصة بس بشكل عام مافيها شي وحلوة اللمة ..وياقلبي طنشي الناس اجناس

 

[**وقفة فرس**]

ليش متضايقة؟؟؟كيفهم يعزمون ما يعزمون اهما أحرار؟؟؟
وبالنهاية يدل على تربيتهم وذوقهم وسنعهم وإذا يعرفون بالأصول ولا لأ

 

[حجيه هيونه]

يمكن راحت عن بالهم


ويمكن اذا عندهم جناين بعد يخافون يعزمونج يزعلون الباقي؟ ماتدرين


عموما بكل الاحوال لاتشغلين بالج فيهم عطيهم طاف

 

[Daleela]

اهمه المفروض يقولون لج يعني من باب الذرابة

 

[انا مو هني]

مايستحون
عادي خلاص هالموقف علمج اهما شنوو

 

[njoom1]

مشكوريننن بنات بس انا مو منغثه او متضايقه من السالفه لا والله عاااادي

اللي مايبيني انا اصلا ما ابييييه بس كتبت السالفه جذي ...
وعلى قولتكم اهم اصلا ماكو ذوق
لي بغو يتيمعون بمكان ثاني حتى مايقولون ... الحمدلله والشكر عبالهم ميته عليهم
والله طاف ولا اهتم اروح عند اهلي ... اهلي اولى

 

[ام شـامه]

واذا كانت مرت اخوج تسكب فيكم !!!
يعني تقولج نروح مع بعض نطلع مع بعض عادي وناسه ,, وعقب وقت الطلعه تهرب وتعذر !!
هذا مايحز بالخاطر !!
هذي النوعيه ماحبها تسوي نفسها داشه مع العرب وهي ماتبي !!

شلون نتعامل معااااها ,, نوروني ؟؟

 

[ساندريلا]

المجامله حلوه
بس مو كل واحد يتقنها

 

[كرز حالي.]

رد : حمواتج يعزمونج؟؟

مادري انا ماحب اعود حريم اخواني ان كل طلعه نطلعها احنا الخوات لازم يكونون معانا يعني مادق عليها واقولها نزلي بنروح وحتى لما تقعد معانا مانقولها احنا اليوم بنروح السوق بتروحين لالا مانقول.. بس اذا اهيا تدري ان احنا رايحين السوق وقالت خاطري اروح بنقول لها حياااااااااااااج
بس صج ودج مرات تطلعين مع اختج بروحكم يعني مو مجبوره كل ماطلعتي بلغتيهم ولا قلتيلهم حياكم مادري ماحب

 

[للزين هيبه]

انا وخوااتي اي لازم اذا بنطلع مكان نقوول لحريم خواني اذا كانوا عندنا
ونلزم عليهم بعد لان فشلــه
اما حمولتي اي والله يقولون سوق او طلعه او شي بس مراات

 

[للزين هيبه]

حريييم اخوااني اذا كاانوا عندنا قاعدين
اما اذا كانوا بغرفهم لا ماندقدق عليهم ونروووح نقوول لازم تنزلوون ترووحوون
لا يباا
بعدين اهما يووم خميس مايكونون الا قليل عندنا لان خميس جمعتنا انا وخوااتي

 

[miss mama]

لا ما يقولووون وعادي عندي قالو ولا ما قالو

وشدعوة مرت الاخ يعني اذا بتطلع بتقول لاهل زوجها او خواته.. الا سيده ما يشوفون الا غبرتها تبي كل شي لها بروحها لوووووووووووووووووووووووووووووووووووووووول ..فا صراحه دام احنا فينا جذي فا ما لازم نشيل بخاطرنا اذا سكبو فينااا.. وسوالف انه اخته تتعمد تغثني مع مرت اخوها الثاني وانا تكشت فيني اشوف هالشي تحت باب كيدهن عظيم يدورون السووالف .. وقلة ادب وماكو ذرابه