حملة نيو لوك للمتردده والخوافه مثلي حيااااكم

[سحر الشرق@]

لايوقف
بقولج عن الخزامة واللي كنت متحمسة صج إني أركبها هالكلام من 6 أشهر تقريبا
المهم ياطويلة العمر
رحت الصيدلية وقلت لها ركبي لي وقالت إختاري الشكل اللي تبين
وبعدها
حددت مكانها بقلم وإهي إتنزل وترفع بشخابيطها هههه فقلت لأ موحلو مكانها
فحددتها بنفسي عشان لاتطلع نازلة أو شاقحة
المهم حطت لي نتفة مخدر بقطنة وتااااااااخ بالمسدس وانا آآآآآآ عورتني ثواني
لأنها ماخدرت المكان كلة
ومن الالم مسكت إيدها وقمت الوي فيها هههه ماإنتبهت الأ عقب ماراح الألم ههه
وبعدها عطتني إكريم عشان لاتلتهب وقالت بعد 3 أيام
حركيها كل يوم مرة أو مرتين
وإشرطت علي بعد إني ماأبدلها الأ بعد 3 أسابيع
عاد قلت لها مايصير إسبوعين قالت لأ ومن الحماس
كنت شارية مجموعة قبل لا أروح لها بجم يوم
والحمد لله إعجبت الكل
بس لما شلتها أول مرة إمعابل انا وياها كانت كبـ س وعورتني لدرجة إن الألم نفس المسدس اللي أول يوم
وفية النوع اللي لازم أحد يساعدج إصغيرة عاد هذي
وين وين لما تقدر تسكرها لج وفية ألماس يهبلون
والحين ودي اركب تحت الشفايف وحدة بس صج موعارفة طريقتها من الخوف الظاهر
​

هلا حبيبتي
كنت متحمسا خرعتييني
مدري اسويها ولا لا

رائج الصيدليه احسن من الصالون
لان شفت إعلانات صالونات تسويها

 

[سحر الشرق@]

انا ودى يكون جسمى زى كيم كردشيان << طمووحه
لازم انحف 10 كيلو
ودى اخد ابره نضاره
ودى اسوى تاتو لشفايفى <<< برا
ودى اركب اظافر
وطول شعرى
ماباقى شى مايبى تعديل

​

ان شالله تسوين كل اللي خاطرك فيه
وابر النضارة مالها تأثير سلبي بعدين؟
والنقش الي بتوقيعج حلووووو

 

[سحر الشرق@]

عزيزتي رفع لعيووووووونج

مشكووووورة

 

[أحلا اثنين]

رفع

 

[Hello_kitty]

خووووش موضووووووع

 

[Tantoshah]

أنا بعد معاكم ابي اغير شعري وحواجبي ابي اسوي شي مو عارفة شنو اهوه لووول

 

[شموع & دافئه]

بنات نصيحه والله من قلب
اللى بتسوى نيو لوك احسن لها بهالوقت تسوى ريجيم تضعف اول شى
لان صج الضعف بروحه نيو لوك تقدرين عقبه تلبسين وتتفخين اللى تهدل لووول
يعنى البداية الضعف
بعدين الاهتمام باول الصيف يكون بالضعف والعناية بالاسنان والبشرة والتبييض
اما سالفة القص والصبغ والبوتكس والنضاره خلوها اااااخر شى
ويستحسن على رمضان الله يبلغنا واياكم
انا العام سويت جذيه والكل استخف
اما التفخ خسارة فلوس شى وقتى بس حق مناسبه حدااا اقل من شهر ويختفى جنج قطيتى فلوسج بالزباله مكرم السامع
والشعر نصيحه لا تقصون الحين الدارج الطويل اهتموا فيه بس
ووخلو عنكم الصبغ اللى يحت الشعر حت
والله نصيحتى تنشرى بفلوس ......................ما حبيت اطلع ما انصحكم عن تجربه

 

[كلمه فصل]

وانا بعد ابي اتفخ خدودي
وابي ارفع حواجبي بس عند منووو؟؟

 

[سحر الشرق@]

أنا بعد معاكم ابي اغير شعري وحواجبي ابي اسوي شي مو عارفة شنو اهوه لووول

انا حواجبي سويتهم شاينيز تغير شكلي
بس تشقير طبعا
الشعر قصيته وتحسسسسفت

 

[سحر الشرق@]

بنات نصيحه والله من قلب
اللى بتسوى نيو لوك احسن لها بهالوقت تسوى ريجيم تضعف اول شى
لان صج الضعف بروحه نيو لوك تقدرين عقبه تلبسين وتتفخين اللى تهدل لووول
يعنى البداية الضعف
بعدين الاهتمام باول الصيف يكون بالضعف والعناية بالاسنان والبشرة والتبييض
اما سالفة القص والصبغ والبوتكس والنضاره خلوها اااااخر شى
ويستحسن على رمضان الله يبلغنا واياكم
انا العام سويت جذيه والكل استخف
اما التفخ خسارة فلوس شى وقتى بس حق مناسبه حدااا اقل من شهر ويختفى جنج قطيتى فلوسج بالزباله مكرم السامع
والشعر نصيحه لا تقصون الحين الدارج الطويل اهتموا فيه بس
ووخلو عنكم الصبغ اللى يحت الشعر حت
والله نصيحتى تنشرى بفلوس ......................ما حبيت اطلع ما انصحكم عن تجربه

حلو كلامج حبيبتي
بس في بنات ضعيفات وايبون ضعف يبون المراحل ال بعدين
والتفخ انا شخصيا ما حبيته
اصلا احس يكبر الوجه ويصير موشي
ومشكووووورة

 

[سحر الشرق@]

وانا بعد ابي اتفخ خدودي
وابي ارفع حواجبي بس عند منووو؟؟

انا حيل متحمسه على رفع الحواجب
بس اخاف انه يكون حرام
ياريت البنات يفيدونا

 

[المريوم]

انا بعد وووووووودى ارفع حواجبى واسوى امتلاء للشفايف بس عند منو ياليت دكتور شااطر

 

[Q8yatمحدمثلنا]

تصدقين ...كنت مقرره مايجي 1/1/2011 الا انا مسويه نيو لوك...(خزامه_غمازه__حقن نضاره__شد الجفون العلويه للعين__فراكسل_شد الصدر_و...خلفيه برازيليه)...شبقى؟؟ماخليت شي

والشي الوحيد اللي سويته للحين(الخزامه) ..لو اقولج كم مره خزمت خشمي..:krkrkr:

اول مره رحت للصيدليه وخرمته يوم رديت البيت والا مكانها باخر الخشم ..من صوب الخدود..مت من العوار..قمت شلتها

وخليتها اسبوع ..ليما سكرمكانها..رديت مره ثانيه للصيدليه.. وخزمت خشمي...وطلع مكانها زوين بس مرتفعه..احس

الخزامه بالخياشيم مو بالخشم:cxxxp:..قعدت يومين ماعرف انام من العوار..وقامت تصب مثل صديد..جان

اقوم واطلعها...وعقب ماعالجت مكانها ب(ميبو) توكلت على الله(المحاوله الثالثه) وخذيت ترجيه حق

بنتي.وحطيت علامه بخشمي بالمكان المناسب للخزامه(بعد استشارة هنديه بالسوق)هههه...ووقفت

قدام المرايه...وعقمت الترجيه وخشمي... جان اغزها..جان اصيح ذيك الصيحه.. جان ابطل عيوني..والا

مكانها يهبببببل.:rerrerek:.غير اللي قبلها:dddds:

الله يعيني على الباجي...ياخوفي كل شي اسويه ثلاث مرات..:23_asmilies-com:

 

[مستقله]

واااااااااو
وااااااااو
موضوعج يه بوقته أمبيه جنج قاعده تقرين أفكاري


ياربي مليت من نفسي
صج والله زهقت

صارلي مده أبي أسوي شي يديد علي أبي بس لمن أطل ع نفسي بالمرايه ماأعرفها لووووووول<<قويه

قبل كل ماله وأحلو

بس من حملت بالأخير أعتفست



أووووووف

وعلى فكرة كلام شموع دافئه

مليون إتيرليون صصصصصصصصصصصصصصصح
والله أهم شي الضعف إهو بروحه نيولوك

للي متينه وإلي ضعيفه تمتن


صارلي شهر أسوي دايت وأخربط

ومو قادرةأسجل نادي لأن فيني نقص فيتامين دال

ونقص حديد مؤثر على حيييل كله تعبانه وعظامي تعورني مايصلح لي الرياضه للأسف<<قلت قصه حياتي

خلوني ساكته لاأبجي بس




بنتظر أفكاركم ومشاريعكم الحلوة

أحب هالسوالف

وصج أنا سويت خزامه قبل مرتين صارت مصخرة نفس إلي فوقي

مرتين مو قادرة تضبط مكانه
يا تكون قريبه ع الخد ومرة كانت فووووووووووق واي بغيت أموت وماقدرت أنام منها وكل ماله منجرحه ويطلع دم
وماقدرت أشلعها قويه لازقه بخشمي


وبعدجهد جهيد وأدويه ومخدر طلعتها من خشمي

وتبت بعدها أحط خزامه

 

[Heart story]

تصدقين ...كنت مقرره مايجي 1/1/2011 الا انا مسويه نيو لوك...(خزامه_غمازه__حقن نضاره__شد الجفون العلويه للعين__فراكسل_شد الصدر_و...خلفيه برازيليه)...شبقى؟؟ماخليت شي

والشي الوحيد اللي سويته للحين(الخزامه) ..لو اقولج كم مره خزمت خشمي..:krkrkr:

اول مره رحت للصيدليه وخرمته يوم رديت البيت والا مكانها باخر الخشم ..من صوب الخدود..مت من العوار..قمت شلتها

وخليتها اسبوع ..ليما سكرمكانها..رديت مره ثانيه للصيدليه.. وخزمت خشمي...وطلع مكانها زوين بس مرتفعه..احس

الخزامه بالخياشيم مو بالخشم:cxxxp:..قعدت يومين ماعرف انام من العوار..وقامت تصب مثل صديد..جان

اقوم واطلعها...وعقب ماعالجت مكانها ب(ميبو) توكلت على الله(المحاوله الثالثه) وخذيت ترجيه حق

بنتي.وحطيت علامه بخشمي بالمكان المناسب للخزامه(بعد استشارة هنديه بالسوق)هههه...ووقفت

قدام المرايه...وعقمت الترجيه وخشمي... جان اغزها..جان اصيح ذيك الصيحه.. جان ابطل عيوني..والا

مكانها يهبببببل.:rerrerek:.غير اللي قبلها:dddds:

الله يعيني على الباجي...ياخوفي كل شي اسويه ثلاث مرات..:23_asmilies-com:

خلفيه برازيليه :eh_s(10):

وش مميزاتها


ترى انا لي فتره ماسكه غلط على خلفيتي رغم انها حجمها اوكيه


بس مدري احس ودي اضبطها اكثر

انتظر ردك.:eh_s(8):​

 

[المحسودين]

يعني شنو فراكسل شد صدر وخلفية برازيليلة

تكلمي اكثر عنهم يا الغالية

 

[صدى الاشواق]

انا سويت اغلب الاشياء ضعفت نفسي وشديت جسمي وكبرت صدري وحاطه خزامه ومسويه حواجبي تاتوو ومسويه اسناني الاماميه
باقيلي الله يسلمكم

اتفخ الخلفيه مو شرط ابر او عمليات ياريت الاقي احد يفيدني شلون اتفخها
وباقيلي اعالج شعري لان حده خفيف
وويهي ودي اتفخه بس اخاف اجازف بويهي
وودي اسوي تان بصالون تنصحوني او لا ؟ انا ماشفت وحده مرت علي مويه تان بصالون فياريت تقولونلي
اووووو اي شي يديد بقولكم عنه

 

[مستقله]

أأب أأب

:eh_s(10):​

 

[غلا-زوجي]

برفع الموضوع بنصيحه ..
الحف حرااااام
العمليات نفخ الخد وغيرة هم حراااااام
تركيب الاظافر حرااااام
لعن الله النامصه والمتنمصه والواصله والموصوله_صدق الله العظيم​

 

[سحر الشرق@]

انا بعد وووووووودى ارفع حواجبى واسوى امتلاء للشفايف بس عند منو ياليت دكتور شااطر

الشفايف اعتقد سهل عادي اي دكتور مختص يضبطه
بس ما يليق عالكل
واهم شي ما يكون اوفر في بنات يتفخووووون تصير تخرع
حلو تفخ خفيف
والحواجب ودددي بس مدري شلون اذا عمليه ما اسوي اخاف
واذا شغلتها بسيطه حلو
بنات معقول محد مسوي حواجب احس نص الديرة مسويه
كله اشوف البنات مسوينها محد معانا مسويها فيدونا
اهم شي انه يكون مو حرام
مانبي ذنوب جزاكم الله خير نبي الحلال والمسموح بس