حملة ... نيولوك أنثى ... مع حيـــادر..... بدأ التسجيل

[ام عفاف الكويت]

ابي خلطات منج ههههههههههههههههه
بس تعالي راعيني المعاش موقفينه هههههههه لاني غايبه امبيه اتشرط
بس صج خلطه الرموش احس 3 علب وين طاروا مادري معبيتهم بمسكره لوريال فاضيه ويهبل
ابي

 

[حيادر]

واي الله يعينج انا اموت خوف من الابرة لووووول

يوم الاثنين بروح اخذ تحليل دم ومن امس احاتي لوووووووول



افا عليج ماطلبتي شي انتي بس امري

بعدين تعالي ليش تعبين الخلطة بغرشة ماسكارا؟

انا حاطتها بغرشة عادية واستعمليها بقطنة الاذون ليش تحبين الحوسة لووووووول

 

[ام عفاف الكويت]

احسن مابطلها وتكب اعرف نفسي ههههههههههههه وبالمسكرا اضمن تتوزع عدل
فديتج تحاليلي سويتها يوم العمليه كانوا مره وحده ساحبين دم
تعالي شمسهرج

 

[قطوه ورديه]

باقي اسبوووع حياج

الله يحييج حبيبتي

 

[قطوه ورديه]

مريوم بعد 10 ايام او 15 يوم يبدا يطيح الخيط بروحه امي تقول

لاتحاتين حبيبتي الخياط يذوب بروحه ويطيح



بنات حياكم التسجيل باقيله بعد اسبوع يمديكم تسجلون


نوي

دلع

عفيا عليكم زين تسوون علشان لاتحسون ان العناية شي ثقيل او يبيله مجهود

خلوه روتينكم حتى لو بدون حملات

الله يحييج حبيبتي
موفاهمه الحين شنو لازم اسوي
يعني الحين احط خلطات وجذي ولا بعد اسبوع
ترا من صج مو فاهمه مو تضحكون

 

[ام عفاف الكويت]

انا نفسج قلبي مافهمت بالاول
من تاريخ 1-1
لازم نكتب يومياتنا
يعني قمت من النوم غسلت ويهي بصابون وتكتبين نوعه ومسحت ويهي بالسكينول وهالسوالف
لازم كل يوم لج جزء بالعنايه
شعرج جسمج ويهج اظافرج

 

[حيادر]

مريوم ماكو عشتوا فازعة من النوم صايرة صحية

امس كان اول يوم لي بالنادي ولعبت وتعبت وماشية على نظام غذائي وقلت بخلي قومتي ونومتي صحية لان اساسا ماراح اقدر اروح النادي العصر احتمال باي وقت يتصون يقولون فيه مكياج

فلازم اروح الصبح

بعدين الصبح النادي هدووووووووء مو طبيعي اينن وحمام السباحة فاااضي

فامس رديت البيت هلكانة ونمت على 9 وشي من التعب

قعدت 3 وشي الفير شبعانة نوم لوووول ويوعانة

قعدت كليت فواكه وشربت حليب وقلت برد انام على ا5 بس مايتني النومة قاعدة اسويلي توقيع يديد بحطه الحين

وعلى الساعة 10 بتريق وعلى ال12 بروح النادي عقبها بتغدى مشويات وبروح المركز بسوي جلسة حق جسمي لان خلصت الدورة

والعشا عشا خفيف وبعدين بنام مبجر

 

[ام عفاف الكويت]

وناسه ميته واسوي رياضه ومسسسسسسسسسسساج
بس ممنوع فطفط شسوي

 

[حيادر]

قطوة وردية الحين البنات لانهم متحمسين فقاعدين يهتمون بروحهم من الحين وكل وحدة تقول شسوت

بس الحملة الفعلية وتسجيل اليوميات الالزامي يبدي من تاريخ 1 يناير
تدخلين كل يوم تكتبين شنو سويتي وشلون اهتميتي بنفسج مثلا حطيتي خلطة ولا كريم ولا سنفرة ولا سويتي حمام مغربي ومن هالسوالف عرفتي

 

[ام عفاف الكويت]

ماشاء الله جم وصل عددنا
واللى اشتركوا بالحملة الاولي يشتركون بعد
لا لا لا مابي ابي افوووووووووز

 

[حيادر]

نطري مريوم مايصير بس سوي ريجيم خفيف علشان لاتتعبين

 

[ام عفاف الكويت]

اي الله كريم
بروح انام حاطه بشعري دهن الاس يصرع ودخت من العوار

 

[حيادر]

لوووووووول مريوم وصلنا وايد مشالله للحين ماعديت الباجي بس اخر مرة كنا فوق 40 وحدة بالجزء الثاني

اقولج ابيج تعدليلي جم شغلة الحين اوكي بقسم المول انتي ليمتى قاعدة؟

 

[eldalla3]

بنات بلييييييييييييز الي تدخل وتشوف حماس البنات عن الخلطات والعناية تذكر الله بس خل تقول ماشاءالله بليييييييييز طالبتكم لان هالاهتمام والعناية ماصارت بيوم وليلة بدايتة كانت اهتمام والحين استمرااااااااااار​

 

[ام عفاف الكويت]

صااااااااااجه

حيادر امري قبل مانام

 

[حيادر]

ابيج تقفلين موضوعاتي اوكي الحين ادزلج على الخاص

 

[ام عفاف الكويت]

تصبحون على خير

 

[حيادر]

وانتي من اهله فديتج انا بعد ودي اريح بوساعة احس دخت لوووول

 

[قطوه ورديه]

انا نفسج قلبي مافهمت بالاول
من تاريخ 1-1
لازم نكتب يومياتنا
يعني قمت من النوم غسلت ويهي بصابون وتكتبين نوعه ومسحت ويهي بالسكينول وهالسوالف
لازم كل يوم لج جزء بالعنايه
شعرج جسمج ويهج اظافرج

حياتي مشكوره عالتوضيح

 

[قطوه ورديه]

بنات حدي متشجعه
امساع مسحت ويهي باسكينول اللي بالخيار
ودهنت شعري بزيت دابر
ودهنت ريولي بفازلين ولبست ادلاغ
ودهنت المنطقه الحساسه بفازلين وبس
وان شاء الله اذا شريت اغراض بقولكم