حملة قراءة سورة البقره كل يوم

[الروح المتوهجة]

شخبار فريق الكسالى

شلون قراءة ةسورة البقرة وياكم

بفضل الله مستمرة بقيام الليل وكل قيام كنت اطلب ربي يريني رؤية صالحة في ناس محتارة في تصرفاتهم معاي والحمدلله شفتها الي شفته بالحلم
الروية
شفت الشخص الي طلبت ربي يدلني عليه واعرف قصده شنو خير ولا شر شفته وجهه مثل الحقيقة واقبل مني يبتسم وكانه الشخص يبي يسلم علي ويحضني وكنت خايفه منه ولما رفضت اسلم عليه تغير وجهه واصبح بجسم أدمي ووجه حيوان غريب ويخوف كل وجهه شعر وله اذن طويله ووجه بشع قريت ايات قرآنيه بوجهه مو حافظتهم بس في الحلم قلتهم صح فجاه انقطع راسه وطلع داخله حيات كثيرة نفس وجه الشخص واستمريت اقرا القرآن استمريت اعلي صوتي اكثر واكثر وفجاه كل هالحيات قامو يختفون قامت كل حية تاكل حية ثانيه الى ان انتهو وبعدين شفت نفسي لوني ابيض ووجهي جميل ومنور ولابسه فستان دانتيل لونه مشمشي كان شنطة بيدي وخذيت من المتبقي كان مثل النجمة الصغيرة كلها روس غريبة وحطيتها بالشنطه ومشيت

هالحلم شفته قبل صلاة الفجر بعد قيام الليل واعتقد ان تفسيره واضح :0bee2e8d89: لاحول ولا قوة الا بالله والله الشماته ما تجوز على المسلم ربي يهدي هالناس ويصلح حالهم لان اذى الناس والغدر ما ما ترضي الله والانسان لما يتعامل مع اخوانه يراعي اله قبل الناس لان ربي ما يبارك في رزقه ولا اولاده ولا عمره ولا عمله ولا صحته ومحد ضامن يومه بيكون في الدنيا ولا بيد الواحد الاحد اخلصو النيه لله في تعاملكم مع الناس لانك كما تدين تدان يعني خافو على اهلكم اذا مو هامكم نفسكم والاخره لان اله يبلي بنفس الشي ومحد احسن من احد

وهذي من بشاير قيام الليل تبارك الرحمن اسال الله ان يحفظني وزوجي واولادي من كل سوء ومن كل شر وترد كيد من كادني بنحره انه على كل شي قدير

والله افضل دعاء للظلم حسبي الله ونعم الوكيل لان الانسان اذا شعر انه قوي وانه اقوى من الله بيظلم الناس والظلم اشكال حتى باللسان اذا ماكان بالفعل لاحول ولا قوة الا بالله الانسان يظلم لانه يتفاخر بقوته ومحد قادر عليه وابسط قوته لسانه لكن نسى ان الله لايهدي كيد الخائنين

والله ما اكذب عليكم ان الرؤية مكدرة خاطري من المنظر الي شفت الانسان وصورته قبيحه وريحته كانت نتنه وغريبه كان شي مو مغسول صار له دهر فاسال الله الهداية لا حول ولا قوة الا بالله

اوصيكم بقيام الليل والله يشرح القلب والصدر ويكفيكم شر الناس وظلمهم

لا حول ولا قوة الا بالله حسبي الله و نعم الوكيل


بس ترى في هذي الرؤية بشرى خير انج اقوى من هالشخص وراح تقضين على كل شره بقوة ايمانج و صبرج و التزامج بالقراءة و الصلاة

الانسان معرض لهذي الاشياء .. هذي الدنيا و هذا نوع من البلاء .. علينا الصبر و الالتزام بصلاة و قراءة و رقية شرعية وكل شي يحفظنا من شر الناس و العين و الحسد و السحر , و ربج فوقهم هو الحافظ و هو الشافي المعافي و هو الي بياخذ الحق منهم و يكافينا شرهم


الله يقويج و يصبرج .. ولا تكدرين خاطرج خلاص انتي عرفتي هالشخص و نيته و عمله , عليج الحين تحفظين نفسج منه و انتي ادرى شنو تسوين ... و الله يحفظج و يشافيج و يعافيج يارب

 

[أم منصور]

جزاك الله خير

ما تعرفين شكثر انا حساسة افكر واستغرب ليش الناس تسوي جذي ما يفكرون بعذاب القبر من يقرا عذابه وشنو الي يصير للانسان بعد السؤال شي يخوف ما فكرو في الدنيا ان الله يبليهم بمرض بقلة الرزق وعدم البركة تدرين حتى النوم وهو الشي الطبيعي للآنسان يحرمهم منه تلاقين الناس نايمة ومرتاحه وهم محرومين من لذه النوم .

يعني ساعات الواحد يسوي شي يضر نفسه ولا يضر غيره وفوق هذا يندم ويستغفر والله غفور رحيم لكن الي يستمر بايذاء الناس والتلاعب فيهم مو كانهم بشر كانهم حيوانات يتعاملون معاها كل يوم شكل وكل يوم حال وكل يوم مزاج لاحول وزلا قوة الا بالله ناس فعلا مريضين ونسال الله يشفيهم لان الدعوة زينه للآخيك المسلم لك مثلها وللأولادي يارب .

يارب ديم علي نعمة قلبي الطيب الي يخاف ظلم الناس ولا يعرف المكر والخداع لانه ضعيف امامك يارب احفظني واخذ رووحي مظلومه ولا اكون في يوم ظالمة .

جزاك الله خير

 

[اهات الشوق]

السلام عليكم ورحمة الله وبركاته

 

[عسل طبيعي]

شلونج ام منصور
وان شاء الله خير
متى راح اصلي وياكم؟؟؟؟؟؟؟؟؟؟؟؟؟؟؟

 

[البسمه الخجوله]

اهات الشوق

وعليكم السلام والرحمه .. شلونج اختي ؟


وين الجوهره وفلورز ولهت عليهم


انا الحين بالدوام اذا رديت البيت ان شاءالله بقرا نص البقره بعدين انام شوي بعدين اقوم اكملها :ggdw:

 

[اهات الشوق]

حبيبتي ام منصور لاتحكمين على ناس من الاحلام
هذا ترا مو كلامي هذا كلام الرسول صلى الله عليه وسلم

 

[اهات الشوق]

السلام عليكم ورحمة الله وبركاته

اهات الشوق

وعليكم السلام والرحمه .. شلونج اختي ؟


وين الجوهره وفلورز ولهت عليهم


انا الحين بالدوام اذا رديت البيت ان شاءالله بقرا نص البقره بعدين انام شوي بعدين اقوم اكملها :ggdw:

هلا والله حبيبتي شلونج وش اخبارج مع سوره البقره
انت نفسي انا في دوام ان شاء الله اقراها في البيت
صج فلورز و الجوهره وينهم ؟؟؟؟؟؟؟؟؟؟؟؟؟؟؟؟؟؟؟؟؟؟

 

[البسمه الخجوله]

^
^
^

انا الحمدلله ماشي الحال
والبقره بإذن الواحد الاحد راح استمرررر عليهااااا
دعواتج ان الله يعيني على قرايتها كل يوووووم

 

[أم منصور]

حبيبتي ام منصور لاتحكمين على ناس من الاحلام
هذا ترا مو كلامي هذا كلام الرسول صلى الله عليه وسلم

انا صار لي كم ليلة اقيم الليل واطلب ربي يراويني رؤية واضحة صالحه فيهم ومن شفت هالحلم كشيت منهم بشكل محد يتخيله وحسيت اني كنت مخدوعه فيهم وبشعوري تجاهمم اكيد اهم ينوولي الشر وانا الي ما بقلبي لهم الا الخير ولا ليش ربي راواني الرؤية يمكن بيضروني وانا محسنه النية فيهم واحبهم

لان الريحة الكريهه تعبر عن الكلام السيئ الي راح يصيبني منهم والشكل المتغير انهم كذابين ويخدعوني بالف شكل ولون
واذا واجهتهم ينكرون ويخدعون وانا ما احب هالنوعيه من الناس احب الانسان الواضح الي يحبني وحبه مخلص لله
وتذكرون رؤية الكادي في زميلتها بالعمل هذي رؤية تنبيه من الله واحسب هالشي تنبيه لاني صج من قعدت اصلي الفجر حسيت بكراهية شديده لهم وعدم احترام ونا الي ربي يعلم احمل لهم كل حب واحترام احس ان مالهم بقلبي مكان ولا ابيهم ولا ابي ذكر اسمهم وكانت صورتهم بتلفوني مسحت الصور وقلت خلاص هذي رؤية تنبيه من الله وياغافل لك ربي

بنات انا محتارة شعور كراهية مو طبيعي لهم ولا حتى ابي اذكر شي يخصهم فعلا كرهتهم من هالحلم حسيت بخوف شديد تجاهم ورعب مو طبيعي واشوف صورة الوحش الي شفته بعيونهم

الي تقدر تفيدني جزاها الله خير

 

[أم منصور]

شلونج ام منصور
وان شاء الله خير
متى راح اصلي وياكم؟؟؟؟؟؟؟؟؟؟؟؟؟؟؟

انتي متى تخلصين قولي انا مستمرة والحمدلله اختم جزئين باليوم

 

[اهات الشوق]

حبيبتي احترسي منهم

انت قلتي انهم ماسووا لج شي و كرهتيهم من الحلم
علشان لاتخلين شعور يسيطر على علاقتج معاهم
يعني تعاملي معهم عادي بس يحذر واحتراس

 

[بدرووووووووووه]

جزاكم الله خير

 

[::blackrose::]

قوة بنات شلونكم

ام منصور دقي على ام هيثم الحين وقوليلها على الحلم ام هيثم المفسره اللي قالت عنها الكادي

99476447

وقوليلنا على التفسير منها ترتاحين وتريحينا معاج

والشخص هذا معاج بالدوام؟؟!!

طبعا انا علي الحبيبه فما قدرت اقوم الليل

بس تدرون انه قبل لا اقرا سورة البقره كانت مو منتظمه كلش تقعد بالاشهر رحت عالجت سنه ضبطت معاي بس بعدين اختربت والحين من بعد قراءة سورة البقره الحمدالله احس هرموناتي صارت مضبوطه

 

[::blackrose::]

الكادي قريت قصص البنات الواقعيه

واقشعر جسمي بصراحه لما قريت الرابط الثاني الله يتمم عليهم يارب

ويقلب السحر على الساحر
حسبى الله ونعم الوكيل

 

[::blackrose::]

ام منصور ترا اسمي ما يعبر عن الجزن مادري ليش تعتبروني متشائمه يمكن عشان اللون الاسود

على فكره انا مرة شفت ببرنامج تلفزيوني عن الورود والوانهم وشفت ورده سوده حبيتها شكلها لونها الغريب شدني

واللون الاسود ملكي

بس اذا صج مسبب ازمه لووووووووووول

عطوني اسامي حلوة
انا عصرت مخي ما طلع لي شي

 

[الجوهرة الماسية]

شلونكم بنات وش اخباركم ان شاء الله بخير
معليش انا ماصرت ادخل عشان اولادي تعبانين الله يعين

ان شاء الله برجع اتواصل معكم

الله يديم اخوتنا في الله ........... يا حبيلكم الله يسعدكم

 

[أم منصور]

انا بعد مثل اختي الجوهرة

اعتذر عن تواجدي وباذن الله بحاول قدر المستطاع اتواجد بو 5 دقايق

والي فيها الخير وربي راضي عنها تسد غيابنا الى ان تخلص مشاغلنا

قريت التفسير بابن سيرين الحلو طيب لي ما يبشر خير للشخص وللسف الشخص ما احب اشوفه جذي ولا ارضى حتلى بالحلم يكون مو زين فخايفه يكون نقص في دينه مو عارفه ليش شفته جذي الى الان مو قادرة اشيل الصوة الي ارسخت في ذاكرتي
مع العلم ان هالشخص ياما حذرته من اشياء تخص حياته وما صدقني واكو شي غلط بالموضوع شنو ما ادري بكمل قيام الليل واطلب ربي اني يثبت الرؤيا ان كانت حق ويبطلها ان كانت من الشيطان

ما احب اظلم حد وقلبي مو مرتاح

مشكورة بلاك روز وتبين الصج من اول ما قريت اسمك قلت ياربي وش هالتشاؤم ذه

وفكرت انك من نفسك بتغيرين الاسم ندور لج ( )

 

[اهات الشوق]

انا بعد مثل اختي الجوهرة

اعتذر عن تواجدي وباذن الله بحاول قدر المستطاع اتواجد بو 5 دقايق

والي فيها الخير وربي راضي عنها تسد غيابنا الى ان تخلص مشاغلنا

قريت التفسير بابن سيرين الحلو طيب لي ما يبشر خير للشخص وللسف الشخص ما احب اشوفه جذي ولا ارضى حتلى بالحلم يكون مو زين فخايفه يكون نقص في دينه مو عارفه ليش شفته جذي الى الان مو قادرة اشيل الصوة الي ارسخت في ذاكرتي
مع العلم ان هالشخص ياما حذرته من اشياء تخص حياته وما صدقني واكو شي غلط بالموضوع شنو ما ادري بكمل قيام الليل واطلب ربي اني يثبت الرؤيا ان كانت حق ويبطلها ان كانت من الشيطان

ما احب اظلم حد وقلبي مو مرتاح

مشكورة بلاك روز وتبين الصج من اول ما قريت اسمك قلت ياربي وش هالتشاؤم ذه

وفكرت انك من نفسك بتغيرين الاسم ندور لج ( )

حبيبتي ام منصور والله عورتي قلبي
خلاص حاولي ماتفكرين في الحلم

 

[اهات الشوق]

شلونكم بنات وش اخباركم ان شاء الله بخير
معليش انا ماصرت ادخل عشان اولادي تعبانين الله يعين

ان شاء الله برجع اتواصل معكم

الله يديم اخوتنا في الله ........... يا حبيلكم الله يسعدكم

سلامة عيالج حبيبتي

 

[::blackrose::]

ام منصووووووور


حبيبتي الله يسهل امرج ويوفقج يارب


بس عندي سؤال صغيرووون لانج ضيعتيني

تحجين بالف لهجه ماني عارفه انتي كويتيه ولا سعودية كلهم حبايبنا ولا انتي مكس من الاثنين