حملة قراءة سورة البقره كل يوم

[alfa2002]

بنات انا بديت ايياس مدري وش اسوي:krkrkr:

 

[Cherrrry]

حبيباتي جي جي / الفا2002
انا الحمد لله بخير
بس ماادري شنو صاير فيني صار لي يمكن اسبوع ماقريت قرآن ماادري اشفيني
حتى قيام الليل والدعاء مو دايم اصلي وادعي ماادري اشفيني حدي متخسبجه

لا لا لا لا ليييييش جذي فلاورز .. حرام كنتي مواضبه عدل ما شاء الله عليج


لا تيئسين و الصبر مفتاح الفرج ..

مهما كثرت همومج تذكري مالج غير رب العالمين تلجئين له ..


وانا قلتلكم الظروف اللي مريت فيها تقريبا حول سنتييين وانا اعاني من شغلات وايد و مشاكل و شي فوق شي .. بس الحمد لله ما يأست و حاولت اني الجأ حق الي فعلا بيده كل شي ..


يسمعج و ينطر الحاحج في دعائج يبي يشوف لو كنتي تستحقين اللي راح يعطيج ..

صدقيني ترا الله رحمته واسعه و خاش حق كل واحد الشي الزين ..

بس محتاجين نصبر لين نثبت انه احنا قد اللي راح يعطينا ..

و ساعتها بتشوفين الخير و المشاكل كلها تنحل بطريقه ماكنتي تتصورينها ..

اقولج هالحجي وانا واثقه من قدرة ورحمة رب العالمين ..


بتلاحظين شغلات تتبطل بعدها تتسكر بتعقيد اللي تقولين مستحيييييل هالشي ينحل


و بيوم و ليله كل شي يتعدل تقولين سبحان الله امس شلون كانت السالفه شاغله بالي و مالها حل عندي الحين تعدلت بطريقه ما تصورتها


تذكري انه انتي تدعين ارحم الراحمين .. و الله ما يخيب ضن اي عبد يحسن الضن فيه ..

مثل ما تتوقعين راح يعطيج اهوه يعطيج

واذا حسيتي انه ماراحي عطيج .. اهوه ماراح يعطيج والسبب انه انتي مو واثقه منه .. تدعين وانتي شاكه انه ممكن يسويه لج

مع انه تدرين اهوه الوحيد اللي يقدر يسوي كل شي

و يغير اللي مايتغير ..


ردي فكري بالكلام اللي قلته .. و بتشوفين شلون بتتحمسين تروحين نصلين و تدعين و لما يصير الشي نابع من قلبج و الدعوه تدعينها وانتي متيقنه الاجابه راح ترتاحين و تشوفين كرم ربنا




لا توقفين قرايه ..

و قيام الليل وايد مهم ..

 

[Cherrrry]

ياعل ماينقطع حسج ياتشيري ... بنات اهم شي تحريك الشفة هذا معروف بقراءة القرآن

بعد عمري مشكوووره .. و انتوا بعد

 

[Cherrrry]

نصيحه مني لكم يااااابنات

في فترة الإجازه حاولو تستغلونها وتروحون لمكه وتعتمرون بنية الشفاء وشرب ماء زمزم

لأن اعرف وحده كان معاها سرطان وهو بسبب حسد وكان كل 6 شهور تروح عمره والحمدلله تشافت منه وكانت كل ماتحس بتعب تروح تاخذ عمره وتغير حالها والله يتمم عليها العافيه


وعني انا

في الأسبوع الماضي قريت رقيه مطوله مع سورة البقره ومسكني اللم برجلي وأسبوع كامل وانا اجد صعوبه في كل شي حتى صلاتي اصلي على كرسي ولله الحمد بعد شرب ماء زمزم والرقيه المستمره فجأه خرج مني صوت مكان الألم واختفى كأن مافيني شي بس تحول الألم وصعد إلى منطقة الحوض بس متأكده انه مع الرقيه وماء زمزم راح يختفي بأذن الله

فلا تحرمون أنفسكم من فرصة الإجازه واخذوها عمره وأعلنوها رحلة علاج وشفاء والله يكتب لكم الخير

مشكوووووره عالنصايح القيمه ..

و الله يشافيج و يشافي كل مسلم يا رب و تبشرينا بالاخبار الحلوه قريب

 

[Cherrrry]

شلونكم يابنات ...

احس بضييقه موطبيعيه صارلي يومين اقرا سورة البقره من بعد انقطااع

اسأل الله الشفاء لي ولكم

لا تقطعين حبيبتي حسيتي بضيق لانه تعودتي انه تقرينها و ترتاحين

القرآن في شفاء من كل داء ..

لا تقطعين و استمري عالقرايه و بتشوفين شلون تتحسنين ان شاء الله

 

[Cherrrry]

ان شاء الله معاكم
جزاك الله خير وجعله في ميزان حسناتك

حياج الله بيبتي

و الله يثبتج يا رب

 

[Cherrrry]

السلام عليكم ورحمة الله

من قصة اختي الكادي عرفت اسم المتنتدى والحملة يلي مشتركين فيها ..

ما اقول غير جزاها الله خير اختي شيري ويعل كل هالأجر لكل قارئة في ميزان حسناتها

خواتي انا بديت قبل كم يوم بقراءة سورة البقرة يوميا من تصفحي للموضوع بالكامل

وادعي عند انتهاء سورة البقرة ان يوفقني ربي بالشخص الذي اتمناه وهو من العائلة

لكن مدري ويش فيني مرات اقول في نفسي ياترى هل الشخص الذي اتمناه يتمناني او يفكر فيني ؟؟؟؟

وادعي وادعي بنية الله يجمعنا


والله اني مستحية من ربي واقول افوض امري لله بالزوج المناسب

وتالي اقول يارب وفقني معا واجمعنا زوجين متحابين


خواتي قد يكون شي تافه يلي كتبته

لكني اتمنى ربي يرزقني زوجا اقر به عينا

وبالاخص اني على مشارف الثلاثين من العمر ولست بموظفة ..

شورن علي خواتي وهل من دعاء اقرب به هذا الشخص ويطلبني للزواج

وآآآآسفة ع الاطالة ​

تسلمين حبيبتي عالدعاء ماتقصرين ..


بالنسبه حق الدعاء.. يفضل انه تقولين اللي بخاطرج و الله يفهمج و يعرف اللي بنيتج .. و يتقبل الدعاء ان شاء الله لو كان في خير لج ..


و احسن شي انه لما تدعين قولي يا رب اذا كان فلان ولد فلانه فيه خير لي .. قربه مني و ارزقني فلان زوج صالح لي يعيني في امور ديني و دنياي


و اعطيج نصيحه وكلي امرج حق رب العالمين .. اهوه عارف نصيبج وين .. و عارف الزين لج و طول ما انتي تدعينه و تصلينله و تقرين القرآن ماراح يخيب ضنج و يمكن يرزقج اللي احسن من اللي تتمنينه ..


و قولي اعوذ بك من بواري و تأخر زواجي و اللهم اكفني بحلالك عن حرامك واغنني بفضلك عن من سواك


و الحي بالدعاء و خليج واثقه انه الفرج قريب.. و بتشوفين كل خير

اهم شي استمري عالبقره محد يعرف قيمة هذي السوره الا اللي جربوها

 

[Cherrrry]

باررررررررررررركو لي ....


امس بديت اقراها ...


وقريتها كامله في ساعه وعشر دقائق ...



بس لو تقدرون تساعدوني شلون انظم وقتي في الشغل علشان اقراها ...



ام حمووود

مبروووووووووووووووووووك

الله يتمم عليج حبيبتي استمري :ggdw:

 

[Cherrrry]

ما شاء الله عليكم بنات وعسي الله يتمم عليكم
والله شئ مفرح لما اشوف التزامكم واستمراركم بالقرايه


الحمدلله قريتها اليوم وعسي الله يتقبل منا جميعا

(( ما ابي الا دعائكم ان الله يكشف عني همي وغمي ويشافيني وكل مرضي المسلمين))

الله يفرج همج و يشافيج يا رب العالمين ..

ويعطيج كل اللي تتمنينه

 

[Cherrrry]

انا قريتها امس الحمدالله
وقبلها قريتها بس ماكملتها قلت بنوم عيالى واكملها الانهم كانو على راسى ونمت معاهم هههههههه
ويوم الاثنين بطلت الصفحة عشان اقراها ودق على زوجى مسافر قالى انا بالطريج اختبصت وقعد اسويلة عشا واغير بالدار اشوى الانة صارلة فترة مسافر وخذانى الوقت
والحين بفتح الصفحة واقرها دام عيالى يلعبون بدارهم وان شالله اكملها كلها عن اذنكم

حاولي تدورين وقت اليهال نايمين و ماعندج شغل عشان تقدرين تقرينها بدون لا يقاطعج شي..


و ان شاء الله الله يعينج و تلاقين الوقت المناسب و ماتقاطعينها ابد

 

[ريماا]

الله يفرج همج اميرة الورد وهذا حال الدنيا مو كل يوم تصفالنا
مشكورة جيجى وجارى التحميل

 

[Cherrrry]

بنات انا بديت ايياس مدري وش اسوي:krkrkr:

لا تيأسين ..


واقري ردود البنات اول الصفحات شوفي شلون كانوا يأسييين و شلون تعدلت احوالهم ما شاء الله


تيأسين من رحمة رب العالمين ؟

شفتي الرحمه اللي في قلووب الامهات .. هذي ذره موزعه على كل خلق الله


والباقي عنده

تتوقعين بعد هالشي راح تيأسين؟


المسأله مسألة وقت



و يقيييييين في انه الله قادر يفرج همج مهما كان صعب

لانه الوحيد اللي قادر على كل شي


اكيد مع استمرارج في القرايه شغلات وايد تعدلت حتى لو كانت بسيطه ..


و في شغلات تتعدل و ترد تتسكر بويهج ..

هذا كله اختبار من رب العالمين يبي يشوف صبرج ..


لا تقنطوا من رحمة الله ..

هالشي اهوه سبب في تأخير استجابة الدعاء

انه تدعيين و ما تكونين واثقه من انه راح يستجيب لدعائج لانه بكل بساطه انتي يأستي منه
و من التفكير في حل و لقيتي انه ماله حل


ماله حل بالنسبه لج .. بس مافي شي ماله حل عند رب العالمين ..


خليج واثقه انه قادر على كل شي


ادري انه كلنا نعرف انه الله قادر على كل شي

بس في ناس من داخلهم يحسون انه هالشي اللي يمرون في مستحيل يتعدل ..

مع انهم واثقين من الله .. بس مو واثقين انه راح يساعدهم اهما بالذات


هالشي اكبر غلط


انا ما اقولج قصي على نفسج و رددي انه الله راح يحل مشكلتج لأ بالعكس


خليج وااااااااااثقه

انه بالذات هذي المشكله اللي متعبتجلو مهما كانت الله راح يحلها و قريييب بعد


و بتشوفين شلون الاستجابه تكون لما تكونين واثقه و متيقنه انه راح يحل مشاكلج و يفرج همج



و لا تيأسين حبيبتي

كثري بالدعاء

والصلاة

و حاولي تتحرين وقت الاستجابه للدعاء

طبعا كل وقت الله يستجيب اذا كان الدعاء من القلب و بتيقن

لكن في اوقات احب للدعاء و معروفه انها اوقات استجابه

بين الاذان و الاقامه

اخر ساعه من نهار يوم اليمعه (قبل اذان المغرب بساعه)


يوم اليمعه بشكل عام يوم مبارك


الثلث الاخير من الليل يكون قبل اذان الفير


بعد كل صلاة


عند السجود لانه العبد يكون اقرب شي الى الله في وقت السجود


عند نزول المطر


و اي وقت تقومين تتوضين و تحسنين الوضوء و تصلين ركعتين ارب العالمين تطلبين فيها اللي تبينه

راح تلاقينه كريم بالعطاء و يعطيج كل اللي تبينه ان شاء الله و يفرج همج


لا تيأسين حبيبتي و استمري عالقرايه صدقيني راح ترتاحين و بفرج همج خليج واثقه من هالشي

 

[flowers_q8]

جزاج الله خير شيري هالكلام احسه لنا كلنا
كلام طيب

 

[flowers_q8]

ياحلوكم كلكم وياحلو كلامكم كلكم ربي يجمعنا دوم على طاعته بالدنيا
وربي يجمعنا بالفردوس الاعلى
قريت ردودكم واتشجعت وان شاء الله الحين بتوضأ واصلي العصر وارد اقرا البقرة

 

[alfa2002]

شكررا شيررري ماقصرتي وانا واثقة في ربي وان ربي مايرد عبد لجا الية بس الشيطان شاطر يقعد يوسوس لي ويقول لاتدعين يمكن انت مسوية شيئ في حياتك يمنع عنك الاجابة وايياس ويضييق صدري يعني اقعد الوم نفسي على ذنوبي الله يغفر لي واجلس اقلب كل شيئ اذنبته في حياتي لو كلمة قلتها من غير قصد واحاسب نفسي>>>يااارب اغفر لي

 

[فيفي محمد]

تدرون يابنات والله تميت اقراها ثلاث شهور متواصله مع الالحاح بالدعاء لشغله معينه في بالي بسسسسسس الله مااستجاب لدعائي لان فييه خيره ومرات نحن انشوف شي وايد مناسب بس الله سبحانه ايشوف انه هذا الشي ابدا مايناسبنا والبارحه سمعت شيخ يتكلم عن الدعاء وان الله يقول للملائكه لاتعطون عبدي فلان الي يطلبه لان هذا الشي فيه ضرر مو نفع وصدقوني نفسيتي واااااايد تعبت بس الحمدالله مرات المحنه اتصير منحه وبسبب ايماني وتوكلي قدرت اجتاز الاختبار الي الله حطاني فييه وثقو بالله ان الله ماينسي عبده ابد

 

[أميرة الورد]

ريما ما قصرتي حبيبتي

شيري حبيبتي يعطيج العافيه عل هالكلام الطيب وسبحان الله قاعدة أدعي حق شغله والظاهر مالي نصيب فيها صج متضايقه ومتكدرة بس ان شاء الله تكون خيره لي يارب

 

[Luxurious]

قوه بنات انا من فتره صرت اقره سورة البقره من فتره والحين ليومكم هذا انا مواظبه عليها ولا بعد بليوم كذا مره اقراها صارت موصعبه علي مثل اول مره والحين من كثر مااقراها صرت مااحس انها طويله الحمدالله وبعد مواظبه على صلاة الليل ماافوتها واصوم

 

[kuwaitya_zoGaa]

واى بنات سوره البقره من زمان عنى ماقريتها بس صرت اقرا قران عادى
والحمدالله صرت اقيم الليل يعنى شوي شوي

 

[Miss Golden]

تصدقون من زمان ماقريت سورة البقره..

اقرا باجي السور بس ان شاءالله اقراها كثر ما اقدر..


يزاكم الله خير بنات..

​