حملة قراءة سورة البقره كل يوم

[& دلوعه حمد&]

جزااااااااك الله الف خير وجعله شاااهدا لكي لا علييكي غاليتي

دمتي بسلااام**

 

[مناير خزنة التاير]

:ggdw: :ggdw: :ggdw:

بنـــــــــــــات باركولي خلصت 50 يوم من القراءة المتواصلة
والله ما توقعت اني اصمل و اكمل قرايتها
يارب تمم علينا

وااي بنات واااااااايد مستاااانسة

يــــارب تحقق لي اللي بالي و ترزقني و بنات المنتدى من حيث لا نحتسب ، امــــــــــــــين

 

[[ . . Jee Jee . . ]]

الحمدلله أميرة الله يطمن قليبج حبيبتي..

مناير ماشاءالله الله يقويج ويثبتج.. ماوصيج اقريها بتمعن ولازم تكونين فاهمه المعنى من الايات وتلاوة زينة

بنات ليش ماشوف مشاركتكم يوميا او يومين بالاسبوع والله فاقدين مشاركتكم وانتوا معانا بالحمله
ماتتصورون شكثر تساعدنا ردودكم يا بنات.. مناير .. أكوا نورونا دايم

 

[kuwaitya_zoGaa]

مشكورين لكل اللى تفاعلو معاى وماقصروا يزاكم الله كل خير انا مشكلتى انه الموضوع مايطور يعنى تخيلو ان الوالده تقول للوالد فى ناس متقدمين لبنتك يقول على طول لا مو موافق من غير مايعرف منو !!!
انا تيينى قمته مو طبيعيه واذا ماتم النصيب ارتاح ... والا يشوفونى ويكونون ميتين على والام رايحه وراده اخر شى تروح من غير سبب !!! والا يكون واحد شايفنى ومعجب فينى وخلاص بيخطب يطلع واحد مايسوا يقول له لا تخطبها !!! يعنى تطلع حوداث واسباب موطبيعيه تخيلو يعنى مايتعمق الموضوع كل اللى يروحون ببدايته !!! وهالشى مضايقنى وانا موصغيره والحمدالله انا مانى ناقصه عن البنات بشى بالعكس اصلا الكل يتعجب ان لحد الحين ماتزوجت !!!
الشكوى لغير الله مذلة بس انا عادتكم خواتى اللى الله مارزقنى اياهم ناس يقولون لى انه سورة البقرة كافيه من غير رقيه شنو برايكم اسوى ؟؟؟

 

[flowers_q8]

الحمد لله رب العالمين كملت 35 يوم
كويتيه زوغه اقري الرقيه مع البقرة احسن لج وربي يرزقج بالزوج الصالح اللي يسعدج

 

[[ . . Jee Jee . . ]]

كويتيه الرقيه ترى ادعيه وايات وماي مقري عليه وصلى الله وبارك انتي اقري البقرة ولاتخلين الرقيه
قلبي معاج حبيبتي وبدعيلج

انا اليوم مخترعه من ولا شي واخاف اقيم الليل بروحي قاعده اقراها بالصاله جدام اللاب وعيوني تتلاقط..!!!!

استغفر الله استغفر الله لاحول ولا قوة الا بالله العلي العظيم... دعواتكم خواتي

 

[*^*مــــزيــــانــــا*^*]

27 مره ولله الحمد ​

 

[حـــــلا]

(رب لما انزلت الي من خيرا فقير )
اسال الله العظيم ان ينفع بة اخواتي ويرزقنا بما نتمنى

 

[أم منصور]

كويتيه الرقيه ترى ادعيه وايات وماي مقري عليه وصلى الله وبارك انتي اقري البقرة ولاتخلين الرقيه
قلبي معاج حبيبتي وبدعيلج

انا اليوم مخترعه من ولا شي واخاف اقيم الليل بروحي قاعده اقراها بالصاله جدام اللاب وعيوني تتلاقط..!!!!

استغفر الله استغفر الله لاحول ولا قوة الا بالله العلي العظيم... دعواتكم خواتي

الله يثبتج ويفك ضيقتك يارب :tek:

 

[reme]

الحمد لله قريتها امس بس ما ادري احس بخوف اني ما بقدر اقراها اليوم اعوذ بالله من ابليس

وبعد تدرون خواتي جاول اقيم الليل ما اقدرة . اصلي ركعتين عقب ابغي اجلس اذكر ادعي ما اقدر ايني نوم غير طبعي

ما ادري شو اسوي بعمر

 

[مناير خزنة التاير]

بنات ابي اقولكم شي
اليوم كنت داشة على الحملة و اقرا تجاربكم عن الرقيه ، فقمت و خذيت بطل ماي و حطيت فيه ماي زمزم و رحت داري تقريبا الساعه 2:30الظهر ، صليت ركعتين و استغفرت 100 مرة و قلت سيد الاستغفار ، وفتحت البطل و قريت الفاتحة 7 مرات و المعوذات كل وحده 3 مرات وبعدين فنحت المصحف وبديت اقرا البقرة (مثل كل يوم بس كل يوم اقراها بدون صلاة) المهم بنات انا قمت اقرا و انفخ بالماي كل شوي بس مادري ليش هالمرة وانا اقرا حسيت قلبي قامتني و تييني البجوة بس ما بجيت و تخف و مرة ثانية قلبي يقمتني و تييني البجوة ولا ابجي واحسن اني خايفة شوي ، و هم وانا اقرا حسيت ان راسي قام يعورني و خشمي و شوي من عيوني (عوار الراس صوب حواجبي ) خاصة احس عيوني اليسار تصير ثقيلة شوي بس انا كملت الحمدالله و لما خلصت جان اذن العصر و لما خلصت استغفرت 100 مرة وقلت سيد الاستغفار و صليت العصر
مادري بنات هذا شي عادي ولا لا ؟ انا قلت بقولكم شصار معاي عشان تساعدوني

 

[akwa]

بنات بعد ما نقرى على الماى الرقية والبقرة شنو اسوي؟؟؟؟؟؟

وطريقة السدر والعسل شلون؟؟؟؟؟؟؟؟؟؟؟؟؟

 

[flowers_q8]

ان شاء الله بعد شوي بقرا البقرة والرقيه
بنات ميته ودي اقيم الليل بالبقرة كل يوم اقول اليوم بس اقوم حده حده وبس يمديني اصلي ركعتين وادعي تقريبا 10
دقايق وبعدين يأذن الفجر
اشلون علموني متى اقعد بالضبط واشلون الطريقه وشنو الاشياء اللي تعيني ؟
واذا تعرفون ادعيه حلوة لقضاء الحاجه علموني عفيه​

 

[رذاذ المطر]

السلام عليكم

بنات حبيت اقولكم ان اراقبكم من بعيييييييد ومن بداية الحملة قريت سورة البقرة تقريبا

29 و 30 يوم ماذكر بالضبط

وقطعتا شهرين حابة ارد اقراها

البنات اللي تجيهم اعراض عادية لازم تصير لانها اعراض عين وحسد وسحر

اي وحدة تصير فيها تنميل بالرجل اعتقد ان فيها سحر (والله اعلم )

حبيت انصح البنات يقرون سورة الرحمن وطه

اللهم اشفني لا شفاء الا شفاؤك شفاء لايغادر سقما

 

[زلابيا]

الحمدالله صارلي 47 يوم

 

[kuwaitya_zoGaa]

اول شى مشكورين كلكم على كلامكم الحلو وتشجيعكم لى انا حاليا عندى عذر شرعى وان شاء الله بخلص وناويه اقرا الرقيه ... وحاليا الحمدلله والشكر لله ... انا امس كملت 72 يوم
واشكر الكل وانصحكم بنات بكتاب تحفة الذاكرين ... شى موطبيعى وكتاب لاتحزن لعايض القرني .

 

[[ . . Jee Jee . . ]]

بنات شقصه الخوف.. انا ماتوقعت احد يقول نفسي انصدمت من ردودكم.. اكيد له قصه !!

مناير هذا معناته قاعده ترقين نفسج ولما ترقين نفسج وتحسين بجذي لازم تكملين والله اعلم .. اهم شي البقرة مانقطعها..

بسألج.. انتي تخففيين ماي الزمزم بالماي العادي؟ انا اقرا بزمزم.. اليوم بقرا رقيتي وبقرا بعدها نفس طريقتج ان شاءالله..


أكوا.. انا اعرف السدر ولشب والملح.. ماعرف العسل جان تبين بقولج..


فلورز حبيبتي شوفي انا اقوم الليل 1 ونص او 1 وشي واخلص قبل الثلاث ان شاءالله.. ويمديج تصلين الشفع والوتر بإذن الله.. ويمديج تستغفرين لين يأذن الفجر.. الله يتقبل منج حبيبتي..

بزيدج شي... اذا باقي جذي 10 دقايق على الفجر الثاني صلي ركعتين وانوي تصلينهم بنيه طلب الشفاء من الله والراحة... وقعدي حمدي الله وصلي على النبي وادعي اللي تبين ..

كويتيه لا توقفين .. اقري من كتاب تفسير او من سايت القرآن وكلنا معاج..

 

[flowers_q8]

الحمد لله قريتها توني وكملت 36 يوم
وقريت الرقيه
اليوم حسيت ان فيني ضيق تنفس ماادري هذا عادي والا من القرايه؟
نفسيتي طيبه
الحمد لله
بس حسيت بضيق تنفس وانا اقرا البقره ماودي اقرا بس غصبت نفسي

 

[[ . . Jee Jee . . ]]

سحائب انا التنميل مرة بربوة الساق مادري شسمها.. من تحت الركبه من ورا.. ومرة بيدي ومرة بجتفي ... ماله مكان محدد..


فلورز .. ضيق تنفس ولا ضيق بالبلعوم ؟ يعني تنفسج عادي بس تحسين جنه ضييق بهالمكان..


تشيري لج وحشة

 

[alfa2002]

وانا بعد نفس الحالة جايني ضيقة صدر شيئ مو طبيعي وعصبية وكتمة واحلام تخوف