حسبي الله ونعم الوكيل ... والله مايخافون من الله ناس مايخافون من الله ولا يعرفون الله اصلا
لما قريت كلامج قلت قهر ان مانقول الاذكار ولا نقرا المعوذات عن عيون ناس مانتوقع العين ولا الحسد منهم انا كلش ماخطرلي انه الخدم يحسدون والله مافكرت فيهم نهائيا يسحرون مايحسدون شهالقاعده اللي بمخي مادري حسبيي الله علييييييهم بس
لا تنسين الاذكار اذكر نفسي قبل لا اذكرج وتوها مذكرتني شندوخة وخل تبقق عيونها لين تشبع
شنو هيفا عندج؟ والله اني احس انه مافي اجمل من اللي يكتبون بهالموضوع
مشكورة حبيبتي على ردج وياحلو قرقتج انا افرح برد فيه كلمتين لي متصورة فرحتي بردج؟
بنات شنو علامات العين/ الحسد؟
والاحلام الي فيها جنون تخرع صاحبها تعتبر علامة شي؟ خاصة اني بين فترة وفترة لازم احلم بواحد واقوم ميته من الخوف.. ومرات اقوم وجسمي جنه فيه ابر بكل مكان.. من زمان ماحسيت بهالاحساس بس بقت الاحلام بين فترة وفترة ..
هلا جيجي حبيبتي اسعدني كلامج وربي يحفظج وعايلتج الكريمة من كل اذى يارب ويجعل طريقكم نور وبركة وهدايه
انا بقولكم جزا من قصتي يمكن البنات يستفيدون منها يارب
الوقت الي كنت فيه مسحورة الفترة ما كانت قصيرة اخذت من عمري وراحتي كثير وانا ما كنت اصدق بوجود سحر وعين لكني بنفس الوقت مؤمنه بان الله هو الحافظ --- اكثر الاشارات الي تدل على وجود سحر
اذا حلمتي ان قط ينط عليج ويعظج من بين الابهام والأصبع الثاني ويمسك في ايدج وما يتركها اي وحده تشوف هالحلم تتاكد مليون بالمية ان هذا سحر وتفكه هذا عن تجربة سنين كل احلامي بقطط كثيرة حولي وقط ينط علي ويعضني ويتمكن فيني
ودايما احلم بان بيتي فيه اسود ونمور وحيوانات تخوف حياة وضفادع واشياء مو حلوة هذا دليل سحر
جيجي حتى الي يقرون على الناس صعب يفرقون بين السحر والعين لان اعراضهم متشابهه لكن انا السحر الي تعرضته مبين مدفوع عليه الاف حسبي الله ونعم الوكيل فيها يارب اشوف حوبتي فيها اكثر واكثر ابيه ام منصور صارت شريه لا تلوموني الحمدلله على كل شي
اقولكم شنو صار فيهاالي سحرتني صار فيها سرطان بالرحم وشالو الرحم وزوجها طلقها وتزوج عليها وحده صاحبة اسحار يعني الاثنين يشتغلون على بعض واللهم اجعل كيدهم في نحرهم واكفيني شرهم -- والله ابتلاهم بامراض ويكفي ان لو تشوفينعهم تقولين ليش ويوهم ما فيها عافيه انشالله ما تشوفين هالأشكال عمرج يارب ويكفيج شر الناس وحسدهم .
جيجي عليج بالاستحمام بالماء المقروء عليه ايات السحر المذكورة بقصة سيدنا موسى واذا حابة احطها لج لاني عن تجربه صج صج تفك والي فيها سحر اول ما تستحم بالماي المقري عليه تشهق وبعدين بتحسين بفرق كبير بين حالتج قبل الاستحمام وبعده اذا ما حسيتي بشي ما فيج شي
عن نفسي اذا استحميت الحين ما احس بفرق اللهم الا النفسية تصير فوق والوجه منور
يارب نور وجهنا بالطاعة يارب
ولا تستغربين من حسد الخدامات ومكرهم سواء لج ولزوجك اعرف وحده جابت خدامه اندنوسيه تولعت في زوجها واكتشفت ان صوره ماليه درجها تدخل الغرفه وتاخذ من صوره والحمدلله انها قدرت عليها قبل لا تكبر المشكله وتكون صاحبة البيت في الشارع يعني هذي كانت ناوية من ورا الصور وهالحب شي
حتى الرجال لام ينتبهون لهم هم اقولج سالفة واحد وحيد ابوه واسم العايلة رنان وفلوس وشركات الولد جميل واخلاق وتربيه اشتغلت في الشركة سكرتيرة من الجنسيات العربيه لو تشوفين حكرها ما تتحملين تطالعين وجها -- الله وكيلج جاية وحاطة عينها عالولد وحلمت بالخير والعز والشركات تصير باسمها وفعلا صار ياحبيبتي صار بالسحر واهله ما عرفو الا بعد ما طاح الفاس على الراس وما قدرو يسوون شي لا اهما بسكوتهم ولا حق الولد حتى بع\دين يقولون ان الشي صار وما قدرنا نسوي شي حق الولد ساكتين ومسبهين شغل محترم يعني الاهل طخختهم بالسحر عشان يكمل شغلها والحين الجنطة والجوتي والبدلة شانيل لكن بنات هذا طريق ربي يحلي فيه الدنيا للانسان يعطيها اكثر واكثر واكثر لكن اول شي بعذاب القبر بتشوف اكثر واكثر واكثر شنو تجي الدنيا بعذاب جهنم وعذاب القبر الله يكفينا ويكفيكم شرها ويرزقنا بالحلال ونعيش على خبزة يابسه لكنها صحة وعافية ورضى من الله ونور لنا يارب اكفينا بحلالك عن حرامك
اخر شي ترى قريت البقرة بس احب اقرق عليج جيجي مرة ثانية حبيبتي انتي
احبج في الله
![[ . . Jee Jee . . ]](/data/avatars/m/5/5136.jpg?1621060203){kind=avatar}
يا شندوخة اكيد بعرف ضروري الحين بدزلج 
