السلام عليكم بنات توني أمس بالليل رجعت من العمرة والحمد لله كنت حاطة ببالي انها رحلة علاجية لي ولبنتي عمرها 6 شهور بس بقولكم شنو صار فيني هناك مورياء ولاتشهير بعمري ولاغيره أبد أبد بس للعبرة بنات وعلشان أثبت للناس اللي ينفون تأثير سورة البقرة بالصورة هذي وبهالسرعة المهم...
طفت السبع عالكعبة وصليت ركعتين وبدينا السعي بأول شوط مر بسلام وكان هدوء وكل واحد يدعي بروحه بس انا على كرسي لأني تعبت من الطواف وصار فيني رقعة ورجفة حتى ماأقدر أشيل بنتي المهم وبالشوط الثاني بالسعي مرينا على ناس وايديييين اشكثرهم ماشاء الله ويدعون دعاء جماعي ويقولون الله أكبر الله أكبر ويرددون دعاء مع بعض وأنا من الخوف منهم وصراخهم صار فيني شبه إغماءة أخف وايد من اللي كل مرة تييني وشخصت عيوني فوق وزوجي لاحظ ان قعدتي موعدلة ويوقف بسرعة ويكشف ويهي ويقرا علي ايقول اشفيج ؟تسمعيني؟ أنا أحاول أأشر له بإدي المهم على ماصحيت وكنت أشرب ماي زمزم واحنا واقفين بمكاننا مدة ويمرون علينا هالمجموعة مرة ثانية وأحس اني بصرخ بصييييح ماني عارفة وين أقوم ووين أنحاش وهم مساكين يدعون ماسووا شي بس دعاءهم كله الله اكبر ولما طافوا وراحوا قلت حق زوجي خلاص مابي أكمل شوف ياأنا يااهم <<<<<ياحليلج مدينه ملاهي مومناسك .. واتكلم بحده فشلة من زوجي .. المهم وكملنا الشوط ولما صادفناهم المرة الياية وأقعد أرفس بالكرسي وأحاول اوقفه بريولي وأقول حق ريلي بصراخ وخر رووووح وقف مابي مااااابي ماااابي وهو مطنشني ويمشي ويتعمد يروح صوبهم وأنا أصييييح مثل الياهل مادري اشفيني بمسك نفسي مادري اشفيني أحس كأنهم مجموهة كلاب أو شي موانسان واحس انهم يايين صوبي بياكلوني <<<ههههه احساس غريب كل ماتذكر اللي سويته اظحك على نفسي المهم قلت ماب أعطي نفسي على كيفها وادعي يارب تشيل كل خوف من قلبي إلا الخوف منك وأقول حق زوجي خل نتعمد نروح صوبهم ولماقربنا قريت الكرسي (وسبحان الله مادري اشلون طلعت مني الكرسي ) اقراها بصوت عالي وأصيييح مادري اشفيني والحمد لله مرة عن مرة أحس صرت أقوى وقدرت أطالعهم وأشوف أشكالهم طلعوا المساكين أوادم مووحوش مادري شنو هالاحساس اللي ياني وللعلم كنت أشرب كلاس ورا كلاس من ماي زمزم وكنت اقرا فيه الفاتحة 7 مرات ولما خلصنا على ماتعشينا كانت الساعة مادري جم بس خلصت من العشا وأذن الأذان الاول وسمعت الاذان أحس بطير من مكاني وتميت ماسكة الكرسي ويوم خلص تقريبا رحت بسرعة انخشيت بالفراش شنو اللي كان فيني احساس غريب بس ماكنت بحط ببالي وقريت البقرة وايد وايد باليوم كنت اقراها مرتين وقريتها بماي زمزم وكنت اقرا وأشرب وأشرب بنتي وادعي حيل انه سبحانه يشافيني قبل لاأرجع الكويت والحمد للله بنتي من يومين ماقام ييها التشنج وأنا بعد وتشافيت من البواسير اللي فيني والم ركبتي راااااح ولله الحمد كنت ادعي بعد ماأقرا البقرة وأشرب زمزم انه سبحانه يشافيني من كل داء قلبي ونفسي وعضوي وخلقي وكل داء وسبحانه ربي ماقصر استجاب لي ربي حبيبي وباستمر على قرايت البقرة بس أمس ماقريتها مع لوية المطار وإجراءات العودة ...ومبروك ياكادي على هالعدد الحلو وعسى ربي يثبتج ويثبتنا ويشافي صاحبتج اللي ذكرتي لنا عنها والله اني حاسة فيها بس أنا أهون منها بوايد الحمد لله أنا أخف منها عسى ربي يثبتها ويغفر لها ويزيد عزيمتها على اتمام العلاج لأن ابليس يخوف بأشياء ويحاول بكل الطرق بس ماقول غير الحمد لله على نعمة الاسلام
وسامحوني عالاطالة
عمره مقبوله حبيبتي
و ما شاء الله الله استجابلج و الشفاء شوي شوي ان شاء الله بس الاهم انه حسيتي بتغير لما جاهدتي بهالشي و غصبتي نفسج تسمعين الدعاء و التكبير
هذا كله من تأثير القرايه و الدعاء
الله يتمم شفائج انتي و بنتج و يرزقج كل اللي تتمنينه يا رب
انا ابي ابدي اليوم معاكم
ادعووولي
بنااااااااااااااات
وموفقين
الله يوفقج حبيبتي بهالخطوه الايجابيه و ان شاء الله يعينج على طاعته و حسن عبادته
قوليلنا شنو يصير معاج و حاولي تستمرين عليها
ما شاء الله .. الله يثبتج مابقى شي
![[ . . Jee Jee . . ]](/data/avatars/m/5/5136.jpg?1621060203){kind=avatar}
