حملة قراءة سورة البقره كل يوم

[flowers_q8]

مبروك فلورز كملتي 15
انا الحمد الله قبل شوي قريتها
يشريني عنج فلورز ان شاء الله احسن اليوم

الحمد لله رب العالمين اليوم انا باحسن حال
انا مستانسه باخوتكم ربي لايحرمني منكم يارب
جزاج الله خير حبيبتي
ربي لايضيق لج صدر ربي يرزقج كل ماتتمنين يارب
انتي شخبارج حبيبتي يارب باحسن حال

 

[الكادي-83]

يابنات نصيحة مجرب

اللي لها حاجه وتبيها تنقضي تتبع اللي بقوله وبتشوف كل خير

- تحافظ على صلاتها في وقتها حتى لوكانت نايم تحط المنبه عشان يقعدها

- في جوف الليل الأخير تقف بين يدي الله تستشعر قربه منها وان مايرها إلا هو وتحاول تبكي وتقول كل اللي في خاطرها

-تتوضى قبل صلاة الفجر وتجلس على سجادتها تستغفر حتى يأذن وتردد معه وبعده تدعي بأسماء الله الحسنى وتقول اللي تبيه وتتمناه يتحقق

-تقول بين الأذان والإقامه (( لا إله إلا أنت سبحانك إني كنت من الظالمين )) 100 مره وبعدها
(( ربي إني لما أنزلت إلي من خير فقير )) 100 مره

والله طبقتها ولقيت كل خير وأشياء أكثر من كذا بس بكتبها لكم في الجزء الثاني من قصتي

الله يوفق الجميع

 

[حـــــلا]

جزاج الله كل خير يا الكادي وبارك الله فيج

 

[شوق2007]

اللهم لك الحمد اللهم اني أسألك الثبات لي ولخواتي ويارب تحفظنا وتتم علينا يارب ثبتنا واشرح صدورنا للأسلام واجعلنا على نور منه اللهم امين

 

[[ . . Jee Jee . . ]]

الكادي ناطرتج.. وكتبت دعوتينج بوريقه صغيرة عندي لزقتها بكتيب الاذكار.. الله يرزقج منها اجر من دعائي فيهم كل مرة ان شاءالله.. وناطرة الجزء الثاني على أحر من الجمر .. ما أحوجنا لمثل هذه القصص من لسان صاحبها والله تبث فينا امل وايمان وتقربنا اكثر لله وتزيدنا حباً في التقرب له اكثر واكثر سبحانه فلا تطولين علينا عفيه ...

بنات..
تشيري وين تغط فجأة ؟

 

[الكادي-83]

الكادي ناطرتج.. وكتبت دعوتينج بوريقه صغيرة عندي لزقتها بكتيب الاذكار.. الله يرزقج منها اجر من دعائي فيهم كل مرة ان شاءالله.. وناطرة الجزء الثاني على أحر من الجمر .. ما أحوجنا لمثل هذه القصص من لسان صاحبها والله تبث فينا امل وايمان وتقربنا اكثر لله وتزيدنا حباً في التقرب له اكثر واكثر سبحانه فلا تطولين علينا عفيه ...

بنات..
تشيري وين تغط فجأة ؟

مشكوره ياعمري وانا ما أملك القدر ولاكن أسأل الله أن يكون الفرج قريب حتى يسهل علي كتابة نهاية قصتي اللي أتمنى تمون نهايتها كما أتمنها

وبأذن الله يكون قريب والفرج قريب

 

[Cherrrry]

شلووووووونكم بناات


سوري طولت عليكم بس والله بالغصب اشبك و يالله يمديني ارد على رسايل البنات عشان لا اطول عليهم بالرد

فمو قاعده اشوف الموضوع كل يوم

بس انا ماكم و مو قاطعه الحمد لله


وانتوا ما شاء الله عليكم الله يتمم يا رب و ماتقطعون وتتمون على هالحماس

و يعطيييكم كل اللي في بالكم يا رب



و مشكوووووووووورين اللي سألو عني الله لا يحرمني من هالصحبه الحلوه

 

[Cherrrry]

ام منصور


تسلمين حبيبتي اجمعيييين





شيخة البلادين


مشكوره بعد عمري الله يتمم عليج يا رب و ترتاحين على طول و ما تقطعين ابد




بـنت بـلادي


اجمعييييييييييييين يا رب .. مشكوره ماتقصرين حبيبتي توكلي على الله و كملي و الله يفرج همج يا رب





نور80


لازم تقرينها كامله حبيبتي

لو حسيتي في البدايه صعبه ممكن تجزئينها خلال اليوم .. على ما تتعودين بس بعدها حاولي تقرينها كامله لانه يفضل نقراها مع بعض جم يوم بس تتعودين يصير كل شي سهل جربي




خليدة


امييييييييييييين تسلمين عالدعاوي الحلوه الله يعطيكم اللي في بالكم يا رب




يعني لازم أحط اسم


الله يوفقج حبيبتي اقريها و بتشوزفين الخير ان شاء الله






شاطره


ما شاء الله عليج استمري حبيبتي




flowers_q8


الله يتمم عليج حبيبتي و يسهل امورج




امي جنتي وناري


موفقه حبيبتي






girl_in_abottle


الله يسهل امورج حبيبتي و يسهل كل عسير يا رب






ام كتكوت

الله يتمم عليج و تقرينها حبيبتي


لا توقفين و بوقت تكرمين الدوره عطيتج الحل:ggdw:





kuwaitya_zoGaa


الله يتمم عليج حبيبتي

لا توقفين ما شاء الله عليج




اهات الشوق


شدي على نفسج حبيبتي وان شاء الله راح تقدرين تكملينها




pink-rose


الله يتمم عليج حبيبتي





مس-ديور


لا حبيبتي حاولي تشدين على نفسج لا توقفين و لا تتكاسلين

اقريها و شدي على نفسج و بتتعودين ان شاء الله





الكرستال

الله يوفقج حبيبتي

استمري معانا







*^*مــــزيــــانــــا*^*


اي حبيبتي تقدرين تقرين من الموقع مال القرآن بعد



http://www.quranflash.com/quranflash.html




أميرة الورد


الله يفرج همج يا رب


استمري بالقرايه والله يريحج و يفرج هم ان شاء الله





الكادي-83


تسلمين حبيبتي عالنصايح و ناطرين الجزء الثاني من قصتج





شوق2007

امييييين يا رب

 

[Cherrrry]

ماشاءالله ام منصور الله يتقبل منج..

والله معاج ان شاءالله يالي بالبطل .. بقولج على شي والله العظيم قمة الراحة..

الحين وانتي تقرين القرآن.. اهو مستحب انج تقرينه بصوت حزين ويستحب انج تبجين وانتي تقرين...
ومرة سمعت انه اللي يصعب عليه البكاء يستحضر مشاهد من النار وعذاب الآخرة وعذاب القبر ووحشته ولحظة وضع الجسد في التراب وكله راح نشعر فيه ... وراح تبجين ...

جربي تشكين لله همج وانتي تقرين...

انا عيوني تتعلق بالسقف مرات .. احس بالله يطالعني بهاللحظة احس فيه ... ماعرف اوصفلج بس راح تحسين باحساسي لما تجربين...



......




تشيري بليس رد يقولي اشياء.. قمت اشك بنيتي .. بـ شكثر آنا مؤمنه انه راح يتغير حالي ..
اخاف اكون من داخل مو مصدقه .. فاهمتني؟ اشك بنفسي.. احس اني مو قاعده اسوي هالشي صح..
وانه الله ماراح يغير فيني شي لاني حاسة اني مو مؤمنه بالتغيير اللي بيصير 100%

شلون ازيد ايماني من هالناحية؟

مع اني والله صرت نهائيا ماحب اسمع اغاني.. واذا احد حط على اغنيه بالتلفزيون اذكرهم يكتمون
صاروا يكتمون مايزفوني لول ومستانسة من هالشي..
ومستانسه اني ماقمت احش.. ومارضى بالحش ..


بس الضيقه ماتروح.. وشكي بايماني بالامل بتغيير وزوال هالهم مايروح ويفارجني....


وبقولج شي برا الموضوع.. اهو سؤال.. اذا تحسين نفسي ولا لأ....
لما افكر بالموت والقبر ... احس اني راج اتعذب لو شنو سويت... احس انه مهما سويت راح اتعذب
ادري انه شي بيدي ما اذنب.. وقاعده احاول والله اني ما اذنب بشي.. بس هالتفكير دايما ببالي من زمان وماعرف ليش جذي افكر !


وشي هم برا الموضوع : ....
امس اختي كانت تبيني اطلع معاها.. وانا صارلي مدة طويله ماحب اطلع من البيت ... لا سوق ولا صالون ولا طبيب ولا شي ابدا ابداً.. مو متضايقه بالعكس لما اطلع اتضايق !!
المهم اهيه زعلت لاني ترددت بالرفض, بالاول قلت اوكي, عقب تحججت بشي وقلت لأ... وزعلت علي....
"الموقف عااااااااادي ويصير بين كل الخوات "
بس لو اقولج عن ردة فعلي تضحكين ... وانتي قلتيلي من قبل انج كنتي جذي ان شاءالله ماتكونين ليلحين جذي..

رحت داري.. سكرت الباب.. بجيت !
قريت اذكار المساء وانا ابجي .. وبلشت اقرا البقرة وانا ابجي ..... وتفكيري كان..
لي تضيق خلقي زيادة.. مو كافي اني بروحي متضايقه.. بعدين قمت افكر بكل خواتي..
ليش مايهتمون.. ووووو


احس روحي وصلت لمرحله الخطر ... اي شي اي شيي يبجيني..
قبل امس امي زفتني سكرت الباب وبجيت لين نمت على صوت الشيخ ماهر المعيقلي.. لاني ماقريتها يومها سمعتها وماعرف اذا اجرها نفس الشي ولا لأ .... بس ماكملتها للامانه .. نمت وفزيت على ايه اللي " ان الذين امنوا والذين هادوا والنصارى والصابئين " اذا ماتلخبطت فيها .. ورديت نمت ...



امس واللي قبله واليوم كان تفكيري كله بالدنيا.. ليش عايشة.. ياليتني اموت وانا على طاعه مثل هالايام..
ليش اشتغل واتوظف؟ بقعد بالبيت جذي على طول .. وإلخ




سوري طولت حيل.. بس اذكرج لما قلتيلي كتبي اي شي تبين تقولينه وكاني حنيت ....


نسيت اقول اهم شي..
اني قريتها اليوم الحمدلله

سوري حبيتبي عالرد المتأخر


عدل كلامج انا قلتلج كل شي تحسين في كتبي

احنا اهني عشان نساعد بعض باللي نقدر عليه


واللي فيج مثل ما قلتلج شي طبيعي


انا ليلحيين اعاني من هالشي


مالي خلق اطلع

اقول لهم اي و بعدها اهون

ساعات اقول حرام اضيق خلقهم خل اييي على نفسي عشان اهلي

اطلع و تلاقين اقل شي يضيق خلقي و عيوني تدمع و ما امسك نفسي كلش


بس احس هالشعور اقعد بقلبي استغفر



شوي و اصير احسن


و بس اروح البيت اصلي و اقعد ابجي وانا ادعي بعدها احس براحه



لا تضيقين خلقج

وخلي ثقتج في الله كبيره


هالشي لازم توصلينله



يعني فكري فيها


منو اللي بيده كللللللللللللللللللللللللل شي في الدنيا


اكيد اهوه


و ترا الله يغفر حتى لو كانت ذنوبج مثل زبد البحر


مافي ارحم من الله


تدرين الانسان لو يغلط غلطه و بعدها يروح يتوضى و يصلي ركعتين و يكون صج يبي يتوب عن غلطته على طول الله يغفرله



هذا مو بس كلام عشان يريحج لا والله صج


انزين بقولج شي تسوينه بعدها ان شاء الله راح ترتاحين



لما تصلين قيام الليل بوقت سجودج ادعي الله و قولي يا رب توريني انك راضي عني بأي طريقه بس ابي ارتاح و اعرف انك راضي عني


و ادعي اي شي تبينه ثاني


صدقيني راح يبينلج الله هالشي بطريقه انتي بتحسين فيها


بعدها راح ترتاحين والله



بس انتي لازم توصلين حق الثقه في الله


انا عارفه ساعات الانسان يكون عارف بعقله انه الله قادر على كل شي وبيده كل شي


بس داخله يحس انه مو واثق انه الله راح يستجيبله اهوه بالذات


يعني مو تشكيك في قدرة الله طبعا ..


بس انتي شاكه انه الله ما يسامحج

يمكن عندج شغلات بسيطه و كل انسان يغلط عادي هالشي

و كل انسان يغلط و يتوب


بس التوبه لما تكون صادقه اكيد راح يغفر لج الله


اهوه ارحم الراحمييييييييييييييييييييييييييييييييييين


لا تقطنوا من رحمة الله




بقولج شي بعد


يمكن انتي عبالج انه انا متدينه عشان جذي الله قاعد يساعدني


بالعكس انا وحده عاديه يمكن لو احد يشوفني مايدري ان انا اسوي هالشغلات

لانه هالشي يكون بيني و بين ربي

و اكيد في بنات وايد ثانيين بالمنتدى احسن مني من ناحية الديانه


يمكن اكتبلكم اهني الشغلات هذي عشان اشجعكم و اساعدكم فيها


بس انا الحمد لله يعني اعرف ربي اصلي و اصوم و اقرا قرآن

بس صدقيني انا بنيه عاديه


وحاطه في بالي ان دينه دين وسط

يعني لا التشدد صح

ولا العكس صح


الوسط احسن شي



عيشي حياتج

و لا تنسين ربج



فانتي اي شي تحسين انه ممكن تكسبين منه ذنوب بعدي عنه


و اي شي تحسين انه زين سوي




تصدقي وايد

الصدقه تطفي غضب الرب


و اي شي تقدرين تسوينه حق اي احد بأي وقت تحسين انه في مساعده لهم على طول سويه و لا تترددين


راح تلاقين الله يساعدج


لانه يمكن الشي اللي سويتيه كان بسيط بالنسبه لج

بس انقذتي الناس من مشكله عندهم



و هالشي ما يضيع عند الله




فكري في الشغلات اللي كنتي تتمنينها و صارتلج


هذي كلها من رحمة الله

بس يمكن تكون مفرقه مو مع بعض عشان جذي الانسان ما يحس فيها بشكل واضح


لانه الله ينعم علينا بنعم وايد من كثرها صرنا مانحس بقيمتها




لازم نقول الحمد لله كفايه عندنا عقل نفكر فيه


و نعرف انه الله راح يساعدنا في كل شي




مافي شي مافي حل



كل مشكله لها حل



فكري شنو الشي اللي مضايقج


و شنو اللي تقدرين تسوينه عشان تعدلين هالمشاكل



لو كانت عالضيقه القرآن احسن حل

و ان حسيتي بالقمته بتحسين بالراحه بعد الاستمرار


لانه يمكن عليج عين

وانتي اعراضج نفسي


وانا قالولي علي عين عشان جذي مو مترقعه بس الحمد لله شغلات قاعده تتعدل



وانتي بعد صدقيني راح اييي يوم كل شي يتعدل و ترتاحين

بس ثقي في الله و بتشوفين



استمري بالقرايه

و بعد ما تخلصين البقره انفثي 3 مرات في بطل ماي و حطي يمج عشان تشربين منه و كل يوم سويلج جذي

شربي ماي مقري احسن



و اقري عليه بعد المعوذات كل وحده 3 مرات


و الفاتحه 7 مرات

و تكون نيتج وانتي تقرين انه قاعده تسوين هالماي عشان تتشافين من الهم و من اي شي فيج


صدقيني بتحسين بتغير

وان شاء الله تبشرينا بكل خير



اي شي تبينه قوليلنا و كلنا نساعدج ان شاء الله

 

[أم منصور]

شيري وباقي بنات المنتدى يحفظهم ربي

ربي يتمم على الحضور يارب

امس انشغلت ورجعت البيت ماقدرت اقيم الليل وفي قيامي اختم البقرة فقدت من الناحيتين أجر القيام وأجر قراءة سورة البقرة

شعوري بالحزن لا يوصف ندمت وحسيت اني كنت ضعيفة لما فضلت النوم على العباده وحاسبت نفسي ليش ضيعت الأجر وانتظرت هذه الليلة بفارغ الصبر حتى ربي ينظر الي بعين الرضا لاني حرمت منها ليلة البارحه

يارب لا اطلبك شيئ من الدنيا انما لاتحرمني أجر طاعتك يارب وارضي عني واستر علي في الدنيا والآخره وطول في عمر والدي وزوجي بو منصور وارزقه الصحة وثبته على طاعتك واجعل اولادي من عبادك الصالحين واجعلتي من ورثة جنة الفردوس مع نبيك وحبيبك محمد مع من احب يارب العالمين

وللأخت شيري وباقي بنات المنتدى الأجر والستر في الدنيا والصحة وجنات الفردوس نلتقي جميعا على الطاعة يارب

 

[AnaMASHYA]

يجزاج كل الخير وما قصرتي ..

انا داشة اليوم وحبيت اشوف موضوعج..

اللهم اني اسالك صاحبة الموضوع والمشتركات علما نافعا و رزقا واسعا وشفاء من كل داء..

انا طبعت الجدول والله يعين..عسى ربي يسهل علي ولادتي ويخلي لي والديني واهلي واعيالي

قولوا آمين

 

[[ . . Jee Jee . . ]]

استمري بالقرايه

و بعد ما تخلصين البقره انفثي 3 مرات في بطل ماي و حطي يمج عشان تشربين منه و كل يوم سويلج جذي
شربي ماي مقري احسن
و اقري عليه بعد المعوذات كل وحده 3 مرات
و الفاتحه 7 مرات
و تكون نيتج وانتي تقرين انه قاعده تسوين هالماي عشان تتشافين من الهم و من اي شي فيج
صدقيني بتحسين بتغير
وان شاء الله تبشرينا بكل خير
اي شي تبينه قوليلنا و كلنا نساعدج ان شاء الله

بسوي جذي الحين .. لاني ماقريتها بعدني..
وانا ما اقيم الليل انا بس اقرا معاكم ولا اعرف الطريقة بس اذكرها مكتوبة بموضوع الكادي بقراها الحين..
شي يطمن انه الهم الضيقه لهم سبب.. مو حلو ابدا احساسي وانا ماعرف شنو اللي يخليني جذي؟
والحمدلله ردج هذا طمني اشوي انه في سبب وانتي حاسته ..

الله يريح قلبج ويرزقج راحة بال ويروح منج الهم مثل ما الشي ينغسل ويروح عنه كل شي .. الله يغسل قلبه بطاعته ومايرجع الهم يعرفله طريج ..

انتي اختي من صج .. والله انتي صج اختي

 

[pink-rose]

مشكورة يالكادي علي النصايح ويارب يجعله بميزان حسناتج ان شاء الله

بنات عندي سؤال؟؟؟
بحكم اني موظفة اجد صعوبة بقيام الليل والصراحة ودي اقيم الليل واحتسب الاجر عند الله
علشان هالشئ قمت اصلي لي ركعتين قبل ما انام يعني عالساعة 12 تقريبا وبعض المرات 11ونص
فهل يعتبر هالشئ قيام ليل؟؟؟
انزين متي الثلث الاخير من الليل؟؟ يعني الساعه جم بالضبط؟؟؟

 

[[ . . Jee Jee . . ]]

ام منصور .. ماعليه الله يعوضج اجر الليله اللي طافت.. ماعليه
ان لجسدك عليك حقاً مو جذي الحديث؟ لا تحسفين وعوضي والله يضاعف لج اجرج يارب...

السارونه آمين يارب.. ابدي معانا اليوم.. لا تأجلين والله التأجيل يخليج تطوفين الايام

 

[حـــــلا]

أستغفر الله العظيم الذي لا إله إلا هو الحي القيوم وأتوب إليه
لا إله إلا أنت سبحانك أني كنت من الظالمين

 

[pink-rose]

الحمدلله قريتها توني وكملت 47 يوم

 

[flowers_q8]

الحمد لله كملت 16 يوم
يارب دوم كلنا نقرأ القرآن كله يارب

 

[لطيفة]

و أنـــــــــــــــــــــــــــــــا بعد وياكم
الله يقدرني
آميـــــــــــــــــــــــــــــــــــــــــــــــــــــــــــن

 

[أميرة الورد]

بنات الحمدلله اليوم ثاني يوم لي أدعوا الله يتمم علي ومشكورة شيري على الدعاء حياتي

 

[[ . . Jee Jee . . ]]

<< تطالع صورة لطيفه.. وتطالع روحها بالمنظرة