حملة امدحي لتستمتعي (لحياة زوجيه مريحه )

[امـ خــزامـى]

السلام عليكم ورحمة الله وبركاته


اليوم اعلن لكم عن انطلاق حملتي
اللي اتمنى تستفيدون منها
وتتفاعلووون
:eh_s(9):




وصدقوني النتايج راح تبهركم :rerrerek:

امدحي لتستمتعي بحياة مريحه تخلو من الحقد والتراكمات اللي بقلوبكم


هالحمله راح اطلقها لكم
لكن عن سابق تجربه والحمدالله تغيرت حياتي للافضل ربي يتمم علينا ولا يغير حالنا الا لاحسنه

راح اتكلم واضح لكم عن الحمله

اسبابها وكيف توصلت لها

اهدافها


طريقتها


ونتايجها


نبتدي بالاسباب

مايخفى عليكم ان الشعب الخليجي جااااااااف
عاطفيا وجويا وارضيا >>>> صدق هخخخخخ


انا الاهم عندي هالجفاف العاطفي

ليش وش اسبابه
تربيتنا ولا مجتمعنا
كله جاف ومايساعد
صحيح اللحين تغيرنا وتفتحنا
بس ماننكر اننا تربينا على الجفاف

الام والاب حدهم يضمون ويبوسون بنتهم وولدهم لعمر 7 سنوات اذا مو اقل بعد

وبعدين خلاص انسي يضمون ولو ضميتي قالوا انت كبيره

واذا يعني كبرت خلاص مااحتاج حب وحنان

ليش الكلمات الزينه والحركات الحلوه حصريا على المواليد ؟


المهم انا وكل قرايبي نستحي وماتربينا ع الكلام الزين
فققررنا انا وشلتي طبعا هذا الكلام من سنين
اننا نتجراااأ وندخل بقاموسنا كلمات عاطفيه وتعليقات تفتح النفس

والكلمات الجافه واللي مالها داعي ماتنذكر وننساها

بالبدايات كان اتفاقنا بس بين بعض
ماانادي بعض الا ياحلوه
جميلتي
حبيبتي
لبى قلبك
فديتك
نعلق على بعض تعليقات حلوه ونمدح بعض ولو فيه تعليق سلبي يكون برقه
بالبدايات كنا نضحك ونستهبل بس بنفس الوقت جديين

بعدها وسعنا النطاق
نقول هالكلام السنع لاهلنا

بعض البنات اذا راحت وقالت لاخوها ابي السوق ولا ودني لاي مكان
ع طول يقابل طلبها بالرفض

بس بعد مارسلت رساله وقالت اخوي تاج راسي مالي غيرك ابي توديني لبيت خالتي
الشله مجتمعه ولاهنت ابي محل حلويات باخذ كنافه

دقيقه الا وصلها مسج ابشري


تقول انصدمت بالعاده لا وانسي وانقلعي ومو فاضي

وهالتجربه نجحت مع الكل وبسهوله تامممه



تزوجت وانا كبيرة الشله
مشاكل وجفاف عاطفي وكلام كله ذم وتطنز
انصدمت
ماتوقعت الزواج بهالشكل
اسمع انه كله حب ورومانس

بس للاسف زوجي من بيئه جافه كان يتعامل معي مثل خواته
يستظرف علي وهو بنفس الوقت يجرح احساسي

وصلت لمرحله ثقتي صارت تحت الصفر



بعدها قلت بس بعامله مثل مايعاملني وببيصير كلامي خشن مثله وبستظرف مثله وبجرحه

وصار


صحيح خف عني ماصار يجرحني مثل قبل ويعلق على شكلي واكلي ولبسي بتعليق سلبي

حسيت بانتصار

بس فتره بسيطه وبعدها عرفت ان الحقد مالي قلوبنا

وكل واحد ينتظر ع الثاني الزله عشان يرد له الصاع صاعين

حياتنا كانت موتره وكلها مشاكل

مافيها رحمه وموده واحترام

هنا قلت بس الى متى هالحرب البارده

لا انا مرتاحه ولا هو مبين عليه مع انه ماصرح

هنا تذكرت موقف الاسلام ورسولنا اللهم صل وسلم عليه واحديثه اللي كلها توجيهات وتهذيب لنا
الكلمه الطيبه والابتسامه صدقه لاخيك المسلم كيف الاهل والزوج

هذا غير انه الكذب محرم بشريعتنا الا بحاله وحده
الكذب على الزوج بكلمات الحب والمشاعر الجياشه والمديح

وطبعا رجعت فيني الذاكره لشلتي واتفاقيتنا اللي طبقناها ونجحت



انا كلامي من البدايات كان لطيف ورقيق
بس



للاسف ماكنت امدحه

كنت اتوقع ان المدح ياأثر في الانثى بس

مع مرور سنتين ونص من زواجي
ومعرفتي بزوجي

عرفت انه ثقته بنفسه مو ذاك الزود


وانا من بعد تحطيمه لي اول الزواج الثقه راحت :eh_s(8):

فقررت امدحه واحب له مثل مااحب لنفسي
احبه يمدحني
انا بعد بمدحه
يتغزل فيني
انا بتغزل

......الخ




ذكرت لكم اسبابي


انتقل للهدف من هالحمله


بس بعد مااشوف حماسكم ومشاركاتكم




بانتظاركم جميلاتي

:eh_s(22)::

 

[امـ خــزامـى]

عن أبي حَمْزَةَ أَنسِ بنِ مالكٍ رضي اللهُ عنه خادِم رسولِ الله صلى الله عليه وسلم قال : 'لا يُؤمِنُ أحَدُكُمْ حتى يُحِبَّ لأخِيهِ ما يُحِبُّ لِنَفْسه'. رَواهُ البُخاري ومُسلم.



مفردات الحديث:

'لا يؤمن': الإيمان الكامل.

'أحدكم': من يدعي الإيمان والإسلام منكم.

'لأخيه': المسلم والمسلمة، وقيل : لأخيه الإنسان.

'ما يحب لنفسه': مثل الذي يحبه لنفسه من الخير.





اضيف لكم هالحديث اللي كلنا نعرفه بس للاسف ننسى نطبقه



راح اشررح اكثر واوضح مثل ماوعدتكم


وقلبي مفتووووح لكم وبكل رحااابه


اذا شفت تعليقاتكم ومشاركتكم معي بهالحمله


اللي راح احدد لها بالبدايات

اسبوووع واحد
تلتزموووون بالمدددح


وعقبها كل وحده تقولنا وش يصير معها من تطورات

وان شااااءالله الكل يشوف النتايج المرضيه

 

[latkt7as]

موووضوع حلووو

صاجه الكلام الحلوو له دور كبير
حتئ يجيب الراحه النفسيه بين الزووجين

ومع الوقت تلقين كل واحد ياخذ كلمات الثاني ويقولها

يعني مثال

من فتره زوجي يلعب مع ولدي
قال له يناديه باسم الدلع ويضحك
اكتشفت اني من تزوجنا ماناديته باسم دلعع
الا جم مره اول زواجنا ودقرني لانه وقتها
لاهي عني بحبيبته

الكلام الحلووو مثل السسحر

 

[فروحته]

ما شاء الله عليج والله صج الموضوع هدا يا بوقته جنج تدرين عني
أنا اولآ مو كويتية و عشت بمجتمع غير عن المجتمع الخليجي
بس ليمة ارتبطت و الشريك كويتي اكتشفت ان انا الي اعاني من الجفاف اهوا ما يعافي من هالشي
بالعكس طول الوقت يقول كلام حلو و يمدحني و يتغزل وانا ما ابادله هالشي
حتى انه ينزعج من هالشي بس ما يبينلي كلش
ويحاول يعلمني شلون اصير نفسه واتحرر من الجفاف الي انا معيشة نفسي
فيه بعض المرات احاول بس ارد حق طبيعتي بسرعة مادري ليش؟
ان شاء الله استفيد من موضوعج فالتعامل معاه لان ودي اتغير عشانه يستاهل
فديتج وعساج عالقوة

 

[smo0o]

كلامك عين العقل أم خزامى

الحمد لله أنا هذا أسلوبي مع كل الناس

أهلي و زوجي و صديقاتي

الكلمه الطيبه و الإبتسامه صدقه

 

[<<الأميره>>]

موقفه ياأم خزوم
معاج في كل كلمه
تاااابعي

 

[Jana123]

تابعي ياقلبي اينن موضوعج ماكو احلى من البشاشه للنفسج وللناس وانج تكونون القلب الحنون واللسان الحلو للكل

 

[لمساتـي]

روعه الموضوع

 

[طيبة83]

ام جزامى انا كنت فاتحة المنتدى وفيني هوشا

احس قاثني من صبح

ويوم شفت موضوعج طخيت وارتسمت الابتسامه على ويهي

معاج حبيبتي كملي

 

[ام فارس ولولوه]

والله أنا من زمان كلامي كله مدح واحترام لكل الناس
وزود هذا زوجي وايد محترم مع الكل
بس فيه ناس لما تمدحهم يحاسبون هذا نقص فيك
وايد ناس امدح صفات فيهم بعدين أنصدم بأنه ينسبون عكس هالصفة فيني
عشان جذيه ما امدح إلا نفسي وزوجي وبناتي وأهلي طبعا وبس
صج لها تأثير حلو وواضح بزوجي وبناتي واهلي

 

[ام فارس ولولوه]

والله أنا من زمان كلامي كله مدح واحترام لكل الناس
وزود هذا زوجي وايد محترم مع الكل
بس فيه ناس لما تمدحهم يحاسبون هذا نقص فيك
وايد ناس امدح صفات فيهم بعدين أنصدم بأنه ينسبون عكس هالصفة فيني
عشان جذيه ما امدح إلا نفسي وزوجي وبناتي وأهلي طبعا وبس
صج لها تأثير حلو وواضح بزوجي وبناتي واهلي

 

[قآنون كيفكـ!!]

معاج ام خزامى ..
وبقولج تجربتي ..
انا صج لما احد يقولي كلمة حلوة استانس والبي له طلبة بسهولة
عندج مثال لما نكون سهرانين وتقول اختي قومي سوي لنا شيء نشربة هني اقول مو فاضيتلج قومي انتي ونبدا سالفة التعند وتخرب السهره والجو
عكسها لما تقولي حبيبتي سوي لنا شيء نشربة اقوم وانا مستانسة
وادري اختي تساحلني علشان اقوم بس شوفي شلون اثرت فيني وانا مو طفله فمابالج لو استخدمناها مع الاطفال ..

ثاني شيء بعلق ع نقطة يمكن اهي بعيدة عن موضوعج الزوجي لكن تشملها الحملة :rerrerek:

وصلني برودكاست عن اية في القران الكريم وكيف الله عزوجل قرن الموت بالم فراق الوطن
انا على طول طروا ببالي الخدم صج صج اثرت فيني الاية خاصة اني افكر في الابتعاث وقلت يمكن اجرب شعور غربة الخدم عن وطنهم اهلهم كفاية هواء ديرتج
المهم ناديت الخدامة فيما انا اعطيها الامر قلت لها حبيبتي لو تشوفين فرحتها بس بالكلمة شلون استانست حيل عورت قلبي
صج احنا جفاف

 

[مذهلة2013]

موضوع روعه نفس صاحبته

 

[Canon~]

مووووضووع روعه

معك ومتابعينك

 

[شادن33]

ماشالله الموضوع روعه ويزاج الله خير يا ام خزووووم وفي ميزان حسناتج

والمدح في الزوج اول من يقطف ثماره الزوجه لانها أهي اللي بتستفيد

وانا مجربته بما أني اكبر منج وأقول نتائجه مضمونه بس ساعات اتعب من المدح وارد لللعاااانه ههههه

لازم تجربون بنات أنصحكم وراح تتعودون

 

[M!SS.LOBY]

رووووعة الموضوع

 

[توتة UAE]

حبيت الموضوع كملي وان شا الله كل المتزوجات يشاركون ♡

 

[امـ خــزامـى]

فديتكم لبى قلووبكم شجعتووني

اشكررركم من كل قلبي واتمنى اكون محل ثقتكم فيني

ولولا محبتكم ومعزتكم واعتبركم مثل خووواتي
ماتمسكت بهالمنتدى ولو يومين مافتحته وتطمنت عليكم احس اني ضايعه


وهالموضوع لي اولا اذكر نفسي فيه لان مرااات انسى او انشغل


ولكل عرايسنا المبتدئااات لان هم الاكثر مشاكل وتصادمات بحكم ان العلاقه جديده ومو متعودين على بعض


ولحبيباتي المخضرمات اللي جربوووا كل الحلول وماستفاادوا ونسوا اسهل حل



وهذي هي اهدااافي من هالحمله
اني اساااعدكم واذكر نفسي

واتبع اسلووب الكل يعرفه بس قليل يطبقه
اوقات الخجل هو السبب

ومرات لانه الحقد والالم سيطر على القلب فاتقول مايستاااهل


وفيه اللي جربت بس مااواصلت ليش ؟؟؟؟



تقول شاف تفسه علي وصدق عمره مايدري اني صلا اجامله


ووقفت مددح


عزيزتي شي جديد عليه ماتعود على المدح ومن زووجته
فالبدايه بيشوف نفسه بس انت واصلي وبيتعوود عليه

وبيصير يرتاح وينبسط من كلامك


وشوي شووووي يتعود هو على هالكلام الحلو والمدح ويصير يبااادلك هالاسلوب
وتلقاائيا راح يتبعه



ووهذذذا هو اهم واكبر هدددف


وان شاااءالله الكل يوووصل له


و يصير زوجك يمدددحك ويعلق عليك تعليقات تفتح نفسك وتشجعك اكثر وتتمسكين بهالاسلوب وماتخلينه ابد
ويصير سر من اسرار نجاح زواجك









هنا بتوووقف وبخلي مساااحه لمشاركاتكم القمه وتجااااربكم

وبعدها نحدد مين محتاج يشارك بهالحمله

اللي مدتها بس اسبووووووووع واحد


وبعدها نتكلم عن هالاسلووب وطريقته




شاكره لكم وممتنه

 

[امـ خــزامـى]

موووضوع حلووو

صاجه الكلام الحلوو له دور كبير
حتئ يجيب الراحه النفسيه بين الزووجين

ومع الوقت تلقين كل واحد ياخذ كلمات الثاني ويقولها

يعني مثال

من فتره زوجي يلعب مع ولدي
قال له يناديه باسم الدلع ويضحك
اكتشفت اني من تزوجنا ماناديته باسم دلعع
الا جم مره اول زواجنا ودقرني لانه وقتها
لاهي عني بحبيبته

الكلام الحلووو مثل السسحر

نقاش جميل اسعدني

ومعاناتي شبيه لمعاناتك
مشكلتنا اننا كنا داخلين الحياة الزوجيه وكلنا حماس بس ماعندنا اصرار وعزيمه

اول مايدقروونا نستسلم ونضعف وممكن نكتئب

وخلاص نقول سويت وحطيت وماخليت شي بس مافاد فيه


وصدقتي الكلام الحلو سسحر انا اشهد :d:d

 

[عطورات المطيري]

هالشي من فتره صرت استعمله وهالاسلوب والكلام والحلوو للكل زوحي رفيحات الدوام كل اليحوليني لاني تومتزوجه من فتره بس هم نبهتيني بارك الله. فيج واكيد الكلمه الطيبه لها اثر بالنفس وترحع لج لانج تزرعين خير وحب ويرجع لنفس راحه وحب واحبكم يااحلي خوات وعضوات شكررراااايالغالليه