حياااج يابنات حواء2 --عطينا رايج شلون ممكن نخفف احنا المدرسات من القط اللي ماله معنى وتوصل المعلومه للطلاب والله اشوف الوافدات مايقطون بس احنا هباله قط بهالمعاشات ياالأبلات
فديتج دخون ماطلبتي شي انا راح اعطيج امثله من الي انا سويته كمثال
واذا بقيتي افكار اكر دشي موضوعي المثبت و موجود الرابط ماله بتوقيعي هذا الموضوع من اول صفحه لي اخر صفحه كله مهم يعلم الله اني اشغل عليه ليل و نهار و بعض المرات اخذ افكار من مواقع اجنبيه انجليزيه و فرنسيه بس عشان افيدكم و مرات اشغل بعرض 3 او 4 ايام و انزله نص ساعه علموقع بس عشان افيدكم فدشي و اخذي افكار و عروض لين تقولين بس
شوفي انا بوضحلج شغله
مليون مره اقولها بالمنتدى الوسيله مو بقيمتها او بجم خذيتيها الوسيل شلون تقدرين من خلالها توصلين المعلومه
دكتوري بالكليه كان يشرح درس كامل بوسيله وحده و هي بقلم الرصاص و استخدام التخيل عند الطلبه
ادري يمكن تقولين اشلون لاكن هو الي اقنعني ان الوسيله ممكن تكون اي شي يمر او مايمر على بالج
مع تطور طرق التدريس و الوسائل التكنولوجيا مافي شي صعب او غالي صدقيني
قبل كنه نطبع الشفيفه و نييب البروجكتر و يسوون هشفايف المركبه و غيرها و بصراحه كانت معبه و حتي حط و شيلت البروجكتر ثقيله و اذا زميلتج في القسم ماخذته تعرض عليه شفايف لابلا ضاع تعبج و مجهود ج
اما الحين عندج برنامج البوربوينت انا اسوي منه شفايف مركبه و اسوي منه افلام و اصوات و مقدمات
وفي برامج اكثر تعقيد انا دايمن استخدمهم لاكن مايصير يشتغل عليهم الواحد من غير دوره لانه راح يضيع فيهم انا عن نفسي اخذلي دروه بنت و اذا مالقيت اشتري كتاب و اتعلم عليه
بس انتي مو مضطره لانه البوربوينت فيه كلشي و مسهلج كلشي بس يبيله تعبث شوي
وهذي من اهم الامور الي يحرص عليها التوجيه وهو الداتاشو اصلن لو بتقارينين بين حصه فيها لابتوب و حصه مافيها مافي وجه مقارنه اكيد الابله الي يايبه لابتوبها حصتها ممتعه اكثر لوجود عامل الصوره و الصوت و الحركه و هذي اهم الشغلات الي تجذب الانتباه
فمن برنامج واحد تقدرين تعرضين اكثر من 10 وسئل و لاكن بشكل مطور اكثر و خيارات اكثر ومن غير ما تصرفين فلس كل مافي الموضوع تجميع صور او مؤثرات صوتيه او فيديوات من قوقل او اليوتيوب و في الاف المواقع غيرهم
و على فكره موضوعي المثبت في مواقع وايد مهمه و سهله و منقذه
لاكن للاسف ابلاتنه مايعرفون اشلون يستخدمون برنامج البوربوينت الا في عرض بدائي جدا رغم ان البرنامج معطيهم مساحات واسعه و خيارات كثيره لاكن مالومهم لازم يكون في دورات خاصه بهلبرنامج بروحه او برامج غيره و هذا لازم تتكفل فيه وزارة التربيه اذا حبت انها تطور نفسها اما اذا حبت انها تبقى على الماضي فبتكون مثل المثل الي يقول هذا سيفوا و هذي خلاجينه
وبيني وبينج الوسيله متعبه في النقل و الشيل و الحط بينما اللابتوب شيليه بجنطه مع الموزع و الداتاشو و عرضي عليه
حتى الصور في بنات يطبعون صور و يحطونهم بالصبوره اصلن حرام حبر خاصه الملون ينهب
اعرض الصور على الداتااشو احلى و ارتب و اكبر و اوضح و ممكن اضيف حتى للصوره حركه لو حبيت
هذا بنسبه للابتوب و التكنلوجيا انا اعتمد على هلموال بدرسي بنسبة 60 % و ممكن اكثر و انوع مابين شفيفه مركبه مابين صور مابين فيديو
في طرق ثانيه و تكون بالصبوره نفسها بس تعتمد عالموضوع نفسه ممكن اسوي جدول بالسبوره نفسها و اخلي البنات يوصلون عاد انتي و شطارتج شنو بتحطين بجدول عبارات صور ارقام رموز هني عاد لمساتج و ابداعج
انا بنسبه لي وسايلي كلها مصدرها واحد وهو الكرتون الي قلتلكم عنه هذا فيه بلاوي و مصايب كلشي سويت منه الي يخطر عالبال و الي مايخطر
هههههههههه
و الله من صجي
حتى سوي طاوله كامله عن الاتكيت و اشلون توزيع الصحون و الله كان حده يهبل هدرس و البنات استانسوا و من شافوا الطاوله عرفوا الدرس فوفر على نفسي حتى مقدمة الدرس و استخدمته في تحديد نقاط الاخطاء الي تكون عطاوله و خليتهم بنفسهم يعدلونها و يرتبونها
كان عندي درس في وايد نقاط يبت اكواب كارتون ملونه
وصفيتهم و حطيت تحتهم النقاط بورقه مكتوبه و خليت الطالبات يكشفون عنهم و النقطه الخطأ حط علكوب علامة خطأ و العكس صحيح
شرايج اني مره سويت مجسم محل ملابس من كرتون
يبت الكرتون تيبته من كل صوب و ما خليت الا وجه واحد منه مفتوح و يبت اوراق تعليف الهدايه و غلفته من بره و من داخل حطي الارضيه جلاد شمواه عشان توحي انها زوليه و السقف ابيض ساده و الطوف اوراق تغليف بس شكلها مثل السيراميك اخترت ان يكون فيها وحدات مربعه
و قصيت من المجلات اشكال جياس و ملابس معلقه و ناس تطالع و وزعتهم بالكرتن و ثبت حديده من طرف لي طرف ثاني بحيث توحي انها ستاند و يبت ملابس بواربي تنانير نفانيف بنطرونات و سويت شكل علاق بالكرتون و علقتهم عليه و ثبت مع كل نفنوف نقطه و خليت البنات ييون و يختارون الزي و يقرون النقاط اصلن كانوا البنات يتناجرون عشان يشاركون
و من بره حطيت شكل دريشه و من فوث طبعت بورقه فاشيون
اصلن الموجه كانت تشجعني و حدها مستانسه صدقيني الشغل الي تسوينه بيدج ارخص و اضبط و احلى من الجاهز
و مافي مثله اصلن لانج انتي الي سويتيه و كل هذا ماكلفني حتى دينار لاني خذيت ملابس البواربي من بو 100
وبس
مره كان عندي درس الهرم الغذائي عرضته مثل الشفيفه المركبه على البوربوينت و طلعت المجموعات وحده وحده و اشرح عليها
و بطلت المجلات و الجرايد و نقيت من هلاكل صور شكثر حتى من الجريده قصيت و قسمتهم لمجموعات و كل مجموعه تقوم تدور مصادرها البروتين يدورن اللحم و الدياي و البيض و الكربوهيدرات يدورون المعكرونيا و العيش و الدهون يدورون الزبده و الزيت و الفيتامينات يدورن الفواكه و قمنه نتناقش بفوايد كل صوره
حتى البنات قالولي انهم وايد استفادو من هدرس و تعلموا شغلات ماكانوا يعرفونها مو منهم و الله احنه ماعندنه وعي غذائي ناكل وبس و ماندري شلقصه انا من تخصصت اقتصاد منزلي ( القديم الي مسانده علوم ) و من خذيت مقررات التغذيه و انا احرص على اكلي حتى ضعفت و صرت رشيقى
ههههههههههه
يالله الفال لكم اقروا بالن شوي و انتو تعرفون كل شي و تصيرون سمبتيك
هذي امثله اتمنى ساعدكم بفهم معنى الابداع و التميز و التوفير بنفس الوقت
وسوري طولت عليكم بس احب انقل تجاربي و انجازاتي