حمد و ساره .... و هل العشق حرام ؟؟_____ روايتي الثالثه

[Manawa]

رد : حمد و ساره .... و هل العشق حرام ؟؟_____ روايتي الثالثه

وتاليتها مع حمد شكله اخر شي ماراح يتزوجها
ناااااااااااااااااااااطرينج ياحلوه​

 

[Tom ♥ Jerry]

رد: رد : حمد و ساره .... و هل العشق حرام ؟؟_____ روايتي الثالثه

.

نآطرييييييييينج حيااااتي =**

 

[b6ooo6a*_*]

ناطرينج في بارت ولا لا :eh_s(16):

 

[kity]

ناااااااااااااااااااااااااااااااااااااااااااااااااااااااااااااااااااااااااااااااااطرتج ;**

 

[سارووونه22]

ناطرينج حبووووووووبة :yaaaaaarb: اليوم يكون في بارت طوييييييييييييييييييييييييييييييل ولا بارتين ماعندي مشكلة <<<<حدددددددددها طماعه

 

[so_what]

waiting

 

[نور البدر]

ناطرينج

 

[سارة ة]

عرووستنااا نبي الباارت
لوووووووووووووول ماا عندي صبر
والله احاااااااااااااااااااااااتي وعل نااار
:sfg::bye22:

 

[شـوـوق الكـويت]

رد : حمد و ساره .... و هل العشق حرام ؟؟_____ روايتي الثالثه

ووووووواي الله يستر بصراحه حمد ينخااف منه مودري احسن لمن جابتله طاري الزواج ارتبك
يعطيييييييييييج العاافيه حبووبه لا تطوولين علينا متابعه بصممت:aha:

 

[برشلونيه q8]

انااا معاج عروس من زمان مرتاحه لحمد الرجوله كله فيه :rerrerek:

بس في اشياء ترفع الضغط و احسه مو ريال فيها مادري ليش :016:

لما قالها لبسي قصير مادري ما احس في صبي يسوي جذي حق حبيبته :gr4uu:

و ناطرينج عروستنا انا ما رديت عليج لانه المنتدى كاان يعلق و ردي مو راضي ينحط و السموحه

و تكفين لا تختصرين عادي كتيبي على راحت راحتج

 

[Riooma]

oo ana na6er 7bebi al part alyay 7bebi oo ana na6eeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeer

 

[MiSs_CRaZya]

رد : رد: حمد و ساره .... و هل العشق حرام ؟؟_____ روايتي الثالثه

الروايه عجييييييييييييييييييييييبه

صرت من متابعينها

و ناطرينج حبوبة تنزلين البارت اليديد

 

[بطة رشيقة]

رد: رد : رد: حمد و ساره .... و هل العشق حرام ؟؟_____ روايتي الثالثه

بالانتظاااار

 

[كويتيه فالجبيل]

رد : حمد و ساره .... و هل العشق حرام ؟؟_____ روايتي الثالثه

ناطرييييييييييييييييييييينج لا تتأخرين علينا:ioljnmlk:

 

[rayona]

توني اطييح على قصتج .. :sfg:
والله رووووعه وووووعه .. :eh_s(22):
و سارة مسكينه على نياتها تكسر خاطري .. بس انشاءالله اهيا و حمد يتمون مع بعض و يختمونها بزواج .. معنه عندي احساس انهم مو لبعض ... بس انشاءالله احساسي غلط ..
و مشكوره قلبي على القصه و البارتات الحلوه و ناطرين البارت الياي ..

 

[sweet.sanfoora]

waiting

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

الجزء الخامس عشر








و ثاني يوم قعدوا مبجر و كالعاده تريقوا و طبوا بالبحر شوي و تالي راحوا رحلاتهم المعروفه و ضلوا على هل حال
سهر و لعب و سباحه و رحلات و سينما و ضحك و استانسوا حيل لين يه اليوم الي لازم يردون فيه
و كانت يومها ساره مغلقه اكثر من حمد

ساره : يا ربي ليش الايام الحلوه تطير
حمد : انتي ليش مغلقه جذي
ساره : بسرعه مرت الايام .. ما حسيت فيها
حمد : و شنو يعني مو اول و لا اخر مره ان شاء الله
ساره : يعني بنرد اهني
حمد : اهني و غير اهني ان شاء الله
ساره : ان شاء الله صج صج صج استانست مشكور حبيبي
حمد : يلا امشي نلحق قبل لا تطير طيارتنا
ساره : جان زين تطير
حمد : هههه خلصت اجازتي انا يبه بداوم .. و بسوي اوراق نقلج
ساره : خلاص بتنقلني ؟؟
حمد : اس احسن تروحين اداره ثانيه شوي بعيد عن القيل و القال
ساره : على هوالك

و راحوا حمد و ساره المطار و ردوا الكويت و كل من خذا جنطته و مشا بصوب ما كأنهم اثنين ما كانوا يتفارقون طول هل اسبوع

و صلت ساره البيت و فرحوا اهلها فيها و عطتهم الصوايغ الي يابتهم لها و قعدوا يسالونها عن كل التفاصيل

و في الليل

حمد : ساره انا هل اسبوع ان شاء الله راح اتقدم لج
ساره : صج .. والله ؟؟ بسرعه كلمت اهلك !!؟؟
حمد : امممم ساره انا راح اي اخطبج بروحي بسسسسس
ساره : شنو ؟؟ ليش بروحك وين اهلك ؟
حمد : انا ما بضيق خلقج بس اهلي مو موافقين
ساره : شننننننوووو !!! ؟؟؟؟ !!!؟؟؟ ليش مو موافقين

حمد : ساره حبيبتي تدرين انا من ولده ؟؟ تعرفين عايلتنا ؟؟ يعني سوالف انه ما يرضون شي عادي ليش تزعلين

ساره : شلون ما ازعل اهلك مو راضين فيني هذا شي ما يزعل يعني
حمد : امبلا بس المهم احنا
ساره : شنو المهم احنا بتتزوج و اهلك مو موافقين يعني و تقول بي اخطبج بروحي
حمد : انتي تبيني انا و لا تبين اهلي ؟؟
ساره : حمد اكيد ابيك انت
حمد : خلاص اشلج باهلي
ساره : مادري حمد اخاف ابوي ما يرضى ليش اهلك مو موافقين
ساره : انتي لا تيبين طاري لابوج عن هل شي و خلي الباجي علي انا
ساره : مادري حلاته اشوف خالتي و اخوانك و حريمهم
حمد : ههه مو بالاول خلني انا اشوف حريم اخواني عشان تشوفينهم انتي
ساره : ليش يعني ؟
حمد : ما اشوفهم انا الا بالعزا .. بالعروس ... بس
ساره : انزين امك ابوك
حمد : الله يرحمهم
ساره : صج ؟؟ متوفين
حمد : ايي من زمان
ساره : الله يرحمهم توني ادري
حمد : ما عمرج سألتيني عنهم انتي
ساره : انت ما تسولف
حمد : ما اسولف لانهم متوفين و انتي ما تسالني
ساره : الله يرحمهم
حمد : امين
ساره : انزين حمد شلون يعني ؟؟ عمتك خالتك اي احد ما يصير جذي
حمد : ويي ساره خلاص المهم انا
ساره : مادري مو مرتاحه اخاف اهلي ما يرضون
حمد : انشالله بيرضون
ساره : انزين شلون افتح وياهم الموضوع
حمد : عطيني رقم ابوج و انا بكلمه
ساره : خوش

و عطته ساره رقم ابوها
و اتصل حمد ثاني يوم على بو ساره و قاله انه بيتقدم يخطب ساره و ابوها كل الي قاله هذي الساعه المباركه
و ام ساره من الفرحه ان معرس بحجم بدر بيتقدم لبنتها زهبت الحلو و الموالح و رتبت الديوانيه و الصاله
عشان يتوزعون الحريم و الريايل و تزهب الصحون و ساره شايفه و ساكته

لين رن الجرس

ابو ساره راح و فتح الباب

حمد : السلام عليكم
ابو ساره : عليكم السلام حياكم حياكم
حمد : الله يحييك
دخل حمد و عين ابو ساره على الباب بيشوف في احد بعد بيدخل
ابو ساره : وين الجماعه
حمد : ها .. الحين عمي اقول لك
ابو ساره : خوش حياك
حمد : عمي ميخلف خالتي ام ساره تكون موجوده ؟؟ و لو ساره مره وحده بعد
ابو ساره : اي ميخلف الحين اناديهم
دخلت ام ساره و اهي مغلقه لان حمد ياي بروحه بدون اهله

حمد : خالتي ادري ان المفروض اي مع اهلي .. بس الله يسلمكم انا امي معطيتكم عمرها و ابوي لاهي باموره و الصراحه لم قلت له ما رحب بالفكره كلش ..

و اخواني كلن لاهي بحياته و يوم قلت لهم ما اغبي عنكم محد حب يساعدني او يشاركني فرحتي .. و عماتي و خالاتي حريم كبار ما اقدر اتعبهم معاي و انا ما

عندي خوات بنات .. احنا 3 شباب بالبيت بس و انا اصغرهم
انا ادري ان ساره جوهره و تستاهل ايبلها نص الكويت عشان اطلب ايدها بس هذي ضروفيو و يا ريت تسامحوني
ام ساره : ويي الله يرحمهم .. مسكين انت و الله يما
حمد : الله كريم .. عمي بو حمد الصراحه انا من شفت تربيتك لساره و اخلاقها معانا بالدوام و بالسفر عرفت انها و نعم البنت الي تستاهل تشيل اسمي
بو ساره : تسلم
حمد : و انا اليوم لي الشرف اني اطلب ايدها منك تكون زوجتي على سنة الله و رسولف
بو ساره : و الله يا ولدي هذي الساعه المباركه .. ميخلف احنا تدودهنا شوي لانك داش علينا بروحك .. بس عطني جم يوم اشاور البنت و ارد لك خبر
حمد : عمي انا مستعيل .. و ساره تعرفني من الدوام زين .. و اذا بتسالون اتوقع تدرون انا منو و من ولده
و الحين ساره باجازه باقي لها بعد يومين
فيا ريت تكلمها الحين و تشوف رايها عشان نخلص شوية امور على الاقل انا مابي اطول عمي
انا عمري 35 سنه يعني مو صغير .. و العمر يركض
ساره انحرجت و قامت دشت داخل .. و راحت وراها امها

ساره : واي فشله
ام ساره : ميخلف يما سمعتي ضروفه المسكين .. قطع قلبي

دخل بو ساره : ساره يبا .. الكلام كله صار جدامج و انتي عاجل و كبيره و قوليلي اشرايج ؟؟ تبين تفكرين اقوله يعطينا جم يوم ؟ على هواج يبا الي تبينه اسويه
ساره استحت و سكتت
ام ساره : انت روح خلني وياها شوي انا اكلمها

ام ساره : ها يما حبيبتي اشقلتي ؟؟
ساره : مادري يما صار كل شي بسرعه
ام ساره : يعني تبيني اقوله ينطر
ساره : هاه .. مادري يما انتي اشرايج ؟
ام ساره : انتي ما تشوفينه بالدوام ؟؟ شلونه ما تعرفين
ساره : بالدوام كلهم يحبونه و ريال محترم و معروف
ام ساره : اي ماشالله كافي اسم عايلتهم
ساره : و مادري له هيبه بالدوام و رسمي
ام ساره : انزين يما ما تحسين انه كبير عليج ؟؟
ساره : لا عادي الفرق مو وايد 13 سنه مو وايد
ام ساره : اي على قولتج بيني و بين ابوج 15 سنه
ساره : شلون الحين يما

عاليه : تطلعين غبيه اذا رفضتييه .. هذا ما ينرفض يا شقول
ام ساره : دشي دارج و مو شغلج
عاليه : زين زين .. يا ربي يدز لي واحد مثله و افتك
ام ساره : ايا جليلة الحيا من شنو بتفتكيين
ساره : هههه يما تتغشمر خليها
ام ساره : انزين يما شلون الحين ؟؟ اقول لابوج موافقه
ساره : الي تشوفونه انتي و ابوج
ام ساره : الله يوفقج يما

و راحت الام و كلمت الابو و قالت له ساره موافقه و ردت قعدت وياهم بدون ساره الي كانت تسمع الحجي من الصاله
ابو ساره : و الله يا حمد احنا شارينك و الله يسهل امورك و يرضون اهلك بالنهايه

حمد :انا المهم عندي ساره مومهم احد يشاركني هل فرحه و انتوا انشالله بتصيرون اهلي
ابو ساره : انت ولدنا من غير ما تقول
حمد : تسلم عمي
حمد : بخصوص المهر و الدزه عذروني انا مااعرف بسوالف الحريم و لا عندي الي يساعدني .. انا بعطيها 10 الاف دينار و انشالله تيزيكم و اذا ما يزتكم

الفلوس انا ترا بالشوفه
ابو ساره : لا يا عمي كافي المهم انت تكون مرتاح
حمد : و العرس انا الصراحه مابي عرس

اهني ساره غلقت لانها كانت تحلم بهل ليله من زمان و خصوصا من تعرفت على حمد و اهي عايشه بعالم وردي و خيال و احلام

ام ساره : هااه .. عني بتزوجون سكاتي جذي بدون طقطقه
حمد : لا خالتي الي تبينه بيصير .. قولولي انتوا منو معازيمكم ؟؟ جم واحد يعني
ام ساره : هاااه !!! انحرجت ام ساره لان اصلا ما يعرفون احد و لا عندهم اهل .. كل الي يعرفونهم يمكن بيتين من بيوت جيرانهم و العلاقه مو قويه بعد

حمد : قوليلي مو مشكله انا على العدد اقول لكم وين نسوي العرس
ام ساره : يعني يمكن 10 حريم
حمد : خالتي انا قلت لكم اهلي مو حابين يشاركوني .. يعني تبون نحجز صاله بفندق حق ال10 حريم بس ؟؟
ام ساره : لا لا ما يسوى
حمد : خلاص انتوا اهني زهبوا البنت و يبوا مصوره و لبسوا و اذا تبون دي جي بيب لكم و لبسوا و صوروا و اخذها و نروح
ام ساره : يعني ما اعزم ال 10 حريم
حمد : و الله خالتي منحرج منكم .. انا اقول لو ما تقولون لهم يعني نطروا شوي على ما اهلي يوافقون ما ابي اسبب مشاكل مع اهلي
ام ساره : شلون يعني ما نقول لهم ؟؟ بتتزوجون بالسر ؟؟؟
حمد : لا يا خالتي الله يهداج اي سر .. بنروح المحكمه و شهود على عقد الزواج شلو ن سر
حمد : انا بس ابيكم تعطوني مهله جم يوم على ما امهد الطريج شوي شوي لابوي و لاهلي
بو ساره : اي بس ما يصير و انا ابوك نزوج البنت و ما نقول لاحد
حمد : عمي مو لا تقولون لاحد .. بتقولون لجيرانكم ما عندي مانع .. بس يعني مو لازم كل الكويت تعرف .. بس جم يوم اكلم اهلي و امهد لهم
حمد : عمي انا شاري بنتكم و راضي بلي تبونه و بس هذا شرطي الوحيد تنطرون جم يوم ..و انشالله بعدين الكل بيعرف
ابو ساره : خلاص عمي على هواك .. المهم زواجكم على سنة الله و رسوله
حمد : مشكور يا عمي و ما قصرت .. انزين انا باجر الصبح اي امركم و نروح المحكمه
ام ساره : بهل سرعه يا ولدي ؟؟ ما مدانا نجهز شي
حمد : عمتي انا بتلفون واحد ازهب كل شي باجر .. احنا الصبح نروح المحكمه نملج و بالليل نسوي حفله ضيجه بينا اشرايكم
ام ساره : خلاص يما شورتك و هداية الله
حمد : خوش عيل .. موعدنا باجر الصبح الساعه 9 انشالله انا عندكم
ابو ساره : على بركة الله

و سلم حمد عليهم و استاذن و ساره مو مصدقه انه خلال اقل من 12 ساعه بتصير مرت حمد .. و كل الي تبيه صار
ليلتها ما قدرت تنام كانت تبطل كبتها و تطلع شنو بتلبس باجر

و الصبح دخلت ام ساره عليها الغرفه و ساره كانت قاعده تزهب اغراضها و قالت لها تجهز لانه بعد شوي بيمرهم
و عل ساعه 9 مرهم حمد .. و راحوا معاه ساره و امها و ابوها

و بالسياره :
بو ساره : عمي منو بيشهد على زواجكم الحين ؟؟
حمد : انت شاهد و انشالله نشوف لنا واحد هناك
بو ساره : خير

ووصلوا و حمد شاف له واحد مصري بره قاله تعال اشهد و اعطيك 20 دينار
و راح وياهم المصري و ملجوا و سلم حمد ساره كرت البنك و فيه حساب فتح لها ياه و حط فيه 10 الاف دينار

حمد : ساره مبروك عليج انا
ساره : الله يبارك فيك
حمد : مافيني صبر لي الليل .. استحي اقول لامج باخذها الحين
ساره :عن الشفاحه حمد .. انطر
حمد : بنطر بنطر
و قال لهم ان انشالله اليوم بالليل راح اي عندهم و ياخذ ساره

ام ساره : اليوم تاخذها ؟؟
حمد : اي خالتي اليوم انتوا الحين اقطكم السوق .. تقضوا اغراضكم
و لي رديتوا البيت بتكون الكوافيره بالبيت ناطرتكم مع نفنوف ساره و المصوره .. اي انا اصور وياها و نتعشى عندكم و نمشي انشالله
ام ساره : اي بسوين بتروحون ما اثثتوا الشقه و لا شي
حمد : الله يسلمج خالتي انا حاجر ليلتين بالفندق بنقعد هناك و تالي نروح شقتنا و الشقه زاهبه
ام ساره : خلاص حبيبي الي تبيه

وصلهم الافنيوز و قالهم ان الساعه 6 المغرب بيمرهم السايق .. و دز مسج لساره و قالها شنو تشتري

المسج ( سارو اخذي قمصان نوم سنعه مو تاخذين لي نفانيف و بجايم و اشتريلج بعد مايوه

ساره و امها افتروا بالسوق و شروا وايد اغراض

ساره : الو حمد
حمد : حياته
ساره : حمد ما نقدر نكمل وايد اغراض
حمد : شنوي عني
ساره : بس بنرد الحين ما نقدر نشيل الجياس
حمد : لا يبه .. الحين اطرش لكم السايق من الحين يشيل جياسكم يخليهم بالسياره و اخليه يفتر وياكم و يشيل اغراضكم
ساره : اي والله يا ليت لانه ابي بعد جم شغله
حمد : يالله يالله دقايق بس


و كملوا ساره و امها التشري و على المغرب ردوا البيت

كانت الكوافيره ناطره ساره .. و نفنوف من الاسطوره يهبل بسيط بس حلو وايد
خلصت ساره من المكياج و لبست النفنوف و كانت مثل اميرات الف ليله و ليله
وصل حمد و دخل و قعد و كان طالب المصوره و يايب بوفيه صغيرون على قدهم

حمد كان ناطر نزلة عروسته و مو قادر يصبر اكثر ليين بعد شوي ...... !!؟؟

 

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

توني اطييح على قصتج .. :sfg:
والله رووووعه وووووعه .. :eh_s(22):
و سارة مسكينه على نياتها تكسر خاطري .. بس انشاءالله اهيا و حمد يتمون مع بعض و يختمونها بزواج .. معنه عندي احساس انهم مو لبعض ... بس انشاءالله احساسي غلط ..
و مشكوره قلبي على القصه و البارتات الحلوه و ناطرين البارت الياي ..

هلا حبيبتي و ساره فعلا تكسر الخاطر لان هل نماين هل ايام تحسينهم غلط
و ساره و حمد تزوجوا خلاص و بنشوف اشبيصير مع الايام بينهم :ioljnmlk:

 

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

الروايه عجييييييييييييييييييييييبه

صرت من متابعينها

و ناطرينج حبوبة تنزلين البارت اليديد

حياج الله حبوبه بينا و انشاللع تعجبج القصه

 

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

انااا معاج عروس من زمان مرتاحه لحمد الرجوله كله فيه :rerrerek:

بس في اشياء ترفع الضغط و احسه مو ريال فيها مادري ليش :016:

لما قالها لبسي قصير مادري ما احس في صبي يسوي جذي حق حبيبته :gr4uu:

و ناطرينج عروستنا انا ما رديت عليج لانه المنتدى كاان يعلق و ردي مو راضي ينحط و السموحه

و تكفين لا تختصرين عادي كتيبي على راحت راحتج

هلا يا قلبي .. و بالنسبه للقصير هل اشياء على البيئه ترى .. يعني الي يكبر و حوالينه كل لبسهم جذي يشوف هل شي عادي
و حمد متربي بعايله فري و اللبس فيه حريه شخصيه
و اهو قالها بره الكويت عادي .. و ترى في وايد ناس جذي .. انا شفت متحجبات قطوا حجاباتهم بشرم .. فاذا ساره لبست شورت يعني شي عادي جدا و كلامج ماشالله يهبل و انطر تعليقاتج انا:hjy5jewf: