حماتي تستعرض عند اخوانها

[أم لماار]

حبيبتي
لو انج طارحه الموضوع بشكل عام احسن وكان راح يكون موضوع حلو و مهم للنقاش (حدود اللباس عند المحارم)
بس انتي مثلتيه ابحماتج فالموضوع تحول من نقاش لغيبه و اعراض ناس
والدليل كلامج عنها
الله يهديج و يهدينا وياج

 

[مملوحه السهول]

رد : حماتي تستعرض عند اخوانها

استغفرالله انتي تشوفينها جذي لانج ما تعودتي على هالشي عاادي انا البس قدام اخواني جذي

 

[ماما نونا]

بنات من صجكم اللي تقول عادي!!!!!!!!!!!!!!!

استغفر الله يارب , ركزوا معاي المره عند المره اللي اهيا نفسها عورتها من الصدر للركبه اشحال برز المفاتن عن الاخ ؟؟
اللي اهوا محرم لها امبيييييييييييييه الصراحه مو سالفة متعوده وعادي الموضوع قلة ادب وتربيه واسمحيلي يا صاحبة الموضوع بس هذا الصج

 

[( المـلاك )]

رد: رد : حماتي تستعرض عند اخوانها

الله يهديها
يمكن طبعها جذي يمكن مو قاصده

 

[~ غـــيـــر البِشـــر }}]

رد: رد : حماتي تستعرض عند اخوانها

الله يهديها

 

[*حبيبة جراح*]

وااااااااي بنات صايرين حدكم ملاقة عاد مو لي هالدرجة تغارين على ريلج من اخته يعني بالله عليج ماتلوع جبدج تقولين هالكلام انتي تقولين انج تربيتي في بيئة محترمة يعني المفروض تفكيرج يكون محترم وماتفكرين بالبنت جذي اذا انتي متعودة تلبسين عباية في بيتكم جدام اخوانج وابوج هأهيا عااادي واصلا هذا الشي الطبيعي اذا ماالبس بالبيت ولا البس برااا شرايج تروح تموت احسن عشان لاتغري زوجج واذا زوجج يطالع اخته فهذا ان دل دل على اخلاقه
يعني مو لهدرجة كل يوم وحدة طالعة بسالفة يديدة غيرتكم صارت مصااااخة يعني الحين البنت لمزيونة هذي بتطالع ريلج شتبي فيه بالله عليج والله عيب عليج تقولين هالكلام اذا اجسامكم مو حلوة اهيا شنو ذنبها الله يحفظها ويحفظ جمالها من عينكم بس
الله يشفيييييييج ​

 

[أحبه موت]

رد: رد : رد: حماتي تستعرض عند اخوانها

حبيبتي كل ناس وعالشي الي متعودين عليه يمكن اهم من زمااااااااان يلبسون هاللبس وتلقين اخوانهم تعودوا عليهم عادي عندهم
لاتحطين بذمتج
يعني بذمتج حتى لو اهي صج لبسها سكسي على قولتج شنو قصدها مثلا؟!!!! ولااااا شي يعني اخت شنو تبي من اخوها يتزوجها مثلا هههههههههههههههههه والله ما ادري شلون تفكرون

 

[الجــادل]

رد : حماتي تستعرض عند اخوانها

لا تحطين في ذمتج هذولي اخوان

يمكن هم متعودين على جذي

انما الاعمال بالنيات ولكل امرؤ ما نوى

فلا يدور في بالج هالنيات الشينه و تغارين من حماتج

لان ريلج ما يطالعها بنيه شينه هذي اخته لحمه ودمه

شلون بيخز صدرها واخزياااااااه

 

[Miss McDonald]

رد: رد : حماتي تستعرض عند اخوانها

حبيبتي لآ تظنين فيهآ ظن السسسوء يمكن اهيآ متعوودة تلبسس جذي ..!!

..

 

[7sasa]

رد : حماتي تستعرض عند اخوانها

امبيييييييييييه حدي مصدوووووووووووووووووووومه!!!!!!!!!!!!!!
وتوني ادري انه اكو ناس او بالاخص بنات ماياخذون راحتهم باللبس بالبيت!!!عيل وين بالشارع!!
عيب ومايصير برا البيت مو داخل !!!صدقيني العيب فيج مو بحماتج ولا تقولين حركاتها..
تفكيرج يصور لج تهيآت<<امبيييييييه حدها قويه هالسالفه اشلون قدرتي تكتبين هالكلام..واشلون طرت ابالج هالسوالف اساسا
طوووول عمرنا نلبس شورتات وحفر وين المشكله شللي تغير!!!!عاد اخواان عاد مره وحده وجذي تفكريين حرااام علييج والله موزيين لج..يااريت السالفه انه لبسها مو عاجبج وتشوفينه عيب وبس..المشكله انتي تفكييرج حده رايح بعيد مادري شوصله اهناك!!!مادري شكتب حددددي مصدوووومه..الله يهديييج​

وعلى فكره عنوانج حده مقزز عيييييب . اشلون قدرتي تكتبينه!!!
سوري مو قصدي اجرحج والله بس انتي مريضه لا تسكتين على روحج..مع احترامي لج​

 

[احب المنتدى]

رد : حماتي تستعرض عند اخوانها

الله يهديها
بس يمكن انتي غلطانه و مفسره تفسير غلط

 

[MoonDiamond]

رد: رد : حماتي تستعرض عند اخوانها

مايجوز وصدقيني مادامها تو مطلقه هذا تجهيزها

بس ابقولج سالفه

مرة اخوي الله يهديها
اكثر من مره تقولي لما اكون كاشخه
فلان شافج جذي
اقولها ايه
تقولي رجاءا لاتخلينه يشوفج جذي
ومابيج تفتحين عيون ريلي عاللبس
كافي يعلق عندي على دلعج وعطوراتج!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!

انا مو قصدي وهذا اخوي
بس هي كانت تنظر للموضوع من منظور اخر للاسف!!!!!!!

 

[lovely jojo]

رد: رد : حماتي تستعرض عند اخوانها

الله يهديهـا

 

[*الهنوف*]

رد: رد : حماتي تستعرض عند اخوانها

خلاص احد من خوانها يكلمها ويقولها عدلي لبسج بالبيت انتي كبرتي..قولي لزوجج يكلمها

 

[جنى q8]

رد: رد : حماتي تستعرض عند اخوانها

الله يهديهاا يااارب

 

[رفرف]

حبيبتي يمكن مو قاصدة لا تدخلون بنوايا الناس دع الخلق للحالق

انتي ليش مو متعودة جذي يمكن اختلاف اطباع مو خباثة ..
ووايد ناس يلبسون شورتات وحفر وبديات بالبيت وعند اخوانهم عادي يكون بيتهم جذي خو مو لابسين قمصان نوم ..
والريال المتربي واللي فيه ذرة رجولة لو شنووو ما يحط عينه على اخته لو شنووووو هاذي اخته لو مفصخه ما يحط عينه عليها ..
انا ماقولج بالدين والله حتى اللي ما يعرف بالدين شي تشمئز منه النفس وحتى بالجاهلية الاخت اخت والاخو اخو مستحيل يشوفون بعض بنظرة ثانية الا اللي فيهم مرض ..

اكيد الستر زين بس لما تلبس جذي مو دليل انها بتغري اخووها !! البنات بالسووق لبسهم العن من جذي ..

 

[^ليلاس^]

رد : حماتي تستعرض عند اخوانها

لا يروح تفكيرج بعيد هذيلا اخوانها يمكن عادي عندهم يلبسون جذي انا ابيتنا البس قصير وضيج شنو بعد بالبيت باخذ راحتي

 

[عاشقه مودي]

صفي نيتج ..

 

[عــاشــقــه]

رد: رد : حماتي تستعرض عند اخوانها



آبيييييييه من صجج

حرآم ترى آلظلم ظلمآت يوم آلقيآمه

عآدي شفيهآ إذآ لبست جذي جدآم خوآنهآ ترآ إخوآنهآآآآ مو آحد غريب

إحنآ طول عمرنآ نلبس جذي جدآم إخوآنآ

بصرآآآحه آول مرهـ آشوف جذي يعني آلموضوع عآدي وآقل من عآدي

إذآ آلبنت مآ تآخذ رآحتهآ ببيتهآ وجدآم آهلهآ متى بتآخذ رآحتهآ مو معقوله بتنطر طول عمرهآ تتزوج عشآن تسوى جذي

إن بعض آلظن إثم

 

[فاقده ابوهاااا]

وااااااااااي بنات صج كليتوا البنت حرام عليكم ما تسوى عليها بغت تفضفض لكم .
بنات انا ابي اسألكم سؤال وردوا بنعم ولا لأ ومابي زياده حجي

يجوز الاخت تلبس يم اخوها شورتات وحفر ؟؟؟ شرعا يجوز ولا لأ
طبعا الجواب لألألألألألألأ
خلاص انتهت المشكله انتوا هديتوا السارق ومسكتوا المسروق وكل وحده ترد عليها وتفتخر انها تلبس عادي شورت يم اخوانهااااا حبيبتي انتي اصحي احنا مسلمين وبالشرع حرام وحتى يم الحريم الي مثلج حدودج عند الركبه وفوق الركبه حرام تشوفج المره فمابالج بالريال الي اهووو اخوج وهاللبس تلبسه عند ريلها مو شرط تلبس يم اخوانها هاللبس في بيجامات حلوه ليش التفصخ وشنو هالتربيه الوصخه الي تربت عليها انها تفصخ الحيا وتلبس شورت يم اخوها كفوووو والله خوش تربيه صج مسلمين واترفون الحلال والحرام عدل

صلوا على النبي وبسكم شقيتوا البنت وحماتها صج بنت ما اتعرف لا السنع ولا الحلال والحرام ولو اتعرف جان ما البست جذي يم اخوانها وبالنسبه للظن البنت ما قالت شي انتقدت تصرفاتها بس .. وانتوا ما شاء الله عليكم سويتوهااا اهي الغلطانه