حليب مفيوح بالفلفل الاسود

[نجمه*]

هلا كويتيات


مادري سمعت من وحده تقول ان الحليب بالفلفل الاسود زين حق اللي عندها الدوره وخصوصا اول الايام بشرط تشربه ثلاث مرات باليوم


بعرف منو سمعت عن هالسالفه صج والا لأ؟؟

خصوصا اني سمعت من قبل الحليب موزين للدوره والله مايندرى مادري ششرب احسلي اصم حلجي واقعد لا حليب ولا غيره...


شرررررررررررررايكم كويتيات.......؟؟؟؟؟؟؟؟ ؟؟؟؟؟؟؟؟

 

[شادية]

مشاركة: حليب مفيوح بالفلفل الاسود

مااعرف بس اي شيءحار من السوال زيين طبعا مو الفلفل

 

[سارا ديور]

مشاركة: حليب مفيوح بالفلفل الاسود

بصراااحه اول مره أسمع عن هالشي

إنزين ليش ماتجربين الحليب بالزنجبيل زين لايام الدوره وبنفس الوقت طعمه حلو

 

[BlUe SkY GuRl]

مشاركة: حليب مفيوح بالفلفل الاسود

اول مره اسمع عن هالشي ان شالله البنات يفيدونا

 

[المـ انـ يـه]

مشاركة: حليب مفيوح بالفلفل الاسود

خخخخخخخخخخ
حلوه ترا هـ الطريقه
خصوصا بالبر حطوا بس فلفل اسود شويييه
ومعروف انه يعطي حراراه للجسم
انا مجربتها والطعم يمي يمي

 

[أغلى حبيبه]

مشاركة: حليب مفيوح بالفلفل الاسود

فلفل بالحليب

اول مره اسمع

حطي زنجبيل احلى وافيد من الفلفل

 

[xxx]

مشاركة: حليب مفيوح بالفلفل الاسود

انا سامعه

الهنود وقت ولادتهم ماياخذون أدويه الا الفلفل الاسود يحطونه بكل شي

الحليب ، الشوربة

حار وينزل الوصخ

 

[عشق]

مشاركة: حليب مفيوح بالفلفل الاسود

مادري حق الدوره والا لا بس بقولج شنو صار فيني

يالي يوم ما قدرت انام فييييه مادري من شنو للصبح بس ابجي ابي انام ماني قادره

قعدت ريلي الفير راح اتصل على امه قالت له يسوي حليب ويحط فيها حبه حلوه اشوي ويغليهم

بعدها شربت قلاس كبير وقبل لا يخلص تخدرت ونمت وما قعدت الا العصر

نمت مرتاحه

 

[الحــــــلا كله]

مشاركة: حليب مفيوح بالفلفل الاسود

عشق الله يخلي خالتج احس حلت مشكلتي بجرب

بس صج انا سامعه بالحليب تفوحينه لي خلص رشي عليه شويه فلفل اسود عقب شربيه يوميا مو بس ايام الدوره يقولون يضوق وهذا كلام وحده اعرفها سعوديه

 

[حبنا الله عليه]

مشاركة: حليب مفيوح بالفلفل الاسود

انا سامعه هالمعلومه من وحده مهتمه بهالسوالف

واهي اللي قالت لي استخدمه ومثل ماقالت بنت الكويت بكل شيء ينحط بالشوربه والحليب وحتى الأكل عادي واهو علاج للدوره ويقطع البلغم وحتى مفيد للهوا في البطن .

 

[كلي تفاؤل]

مشاركة: حليب مفيوح بالفلفل الاسود

انا بعد سامعه انه مفيد ...

وخذيت لكم فرة بالنت جبت لكم فوائد الفلفل الأسود ....

ماذا قال عنه الطب الحديث؟

ان مذاق الفلفل الأسود العطري الحاد المألوف تأثيره المنبه والمطهر للجهاز الهضمي والجهاز الدوري. ويشيع عادة أخذ الفلفل بمفرده أو ممزوجاً مع أعشاب أخرى لتدفئة الجسم وتحسين وظيفة الهضم في حالات الغثيان أو آلام المعدة أو انتفاخ البطن أو الامساك أو فقد الشهية، والزيت العطري المستخرج من الثمار يستخدم ضد آلام الروماتزم وآلام الأسنان وهو مطهر قوي ومضاد للجراثيم ويخفف الحمى. وإذا استعمل مع العسل والبصل فإنه يزيل الثعلبة، كما انه يفجر الداحس. والفلفل الأسود يذكي الذاكرة ويحرك الرغبة الجنسية وبالأخص عندما يشرب مع حليب الغنم.



نقلاً موقع الحواج http://www.khayma.com/hawaj



هالله الله بحليب الغنم والفلفل الأسود لوووووول بلعوووه ازواجكم