حلمي جامعة الكويت تكفون انصحوني

[@@روح الورد@@]

انا بصراحة راي اذا انتي تبين الجامعة دشيها وقفي قيدج الكورس هذا وارتاحي احسن لج وقدمي على الجامعة ودشيها انتي قدها ترا الخلط بس بالممرات يعني علي قولت الاخوات كفتريا البنات غير عن الشباب والقاعة مو مختلطة وبعدين على قولت ام فنر الشباب محد فاضي يلحق بنت الكل يركض وراء محاضرته لا يتاخر والشباب جامعين يعني مو نفس اللي تشوفينهم بالسوق هههههههههههه

 

[بقايا العطر..}]

شوفي حبيبتي انا ما ابي الومج انج من الاول سمعتي كلامهم وما دافعتي عن اللي انتي تبينه
بس اللي صار صار
وترى الاساسية يتخرجون ب 4 سنين وكذلك الجامعه يعني من يقوول ان اهما يتخرجوون قبل واسررع !!!
وكلهم شهادتهم بكالريوس وكلهم لهم وظاايف

بس اذا انتي طموحج الجامعه ومو عاجبتج الاساسية وتبين تدخلين تخصص انتي تبينه مو تخصص اهما فرضووه عليج
فسووي اللي تبينه خصوصا ان امج راضية وابوج شبه راضي بس مشكلته المواصلات

ترى في باصات تودييج حق الكلية وتجيبج وكذلك توديج حق الكليات الثانية اذا عندج محاضرات هناك والباصات موجوودة بكل حزة
يعني ما راح تتوهقين صدقيني ...
وبالمناسبة ترى اخووج غلطان لان من زماااااااااااااااااااااان طبقو قانون منع الاختلاط واحنا ما نحتك بالشباب اصلا
غير ان الممرااات بس مختلطة اما الكلاسات والكافتيريا والاستراحة كلهم مفصولين عن بعض ..
وترى الشباب بالجامعه غير عن اللي بالسوقه مالهم خلق عمرررررررهم جااييين يدرسوون ويردوون بيووتهم مالهم خلق احد

يعني ارررقدي وامني من هالموضووع ..... ومو مشكله لي ضاعت علييج سنه عشان توصلين للي تبينه ..

اي ونسيييت شي ترى كلية الشريعه حتى مبانيييهم مفصووولة يعني ما يشوفون الشباب ولا يشوفونهم وهذا شي وااايد زييين
يا ليييت يسوونه عند الكل نبي ناخذ راحتنا شوي خخخخخخ

عموووووووووووومااا طمنينااا لي سحبتي اورااقج ودخلتي المكاان اللي تبينه وربي يووفقج ويحرسج ويحفظ ياااارب

 

[Strawberry Shortcake]

حيااتي
انا من راايي تسحبين اوزاقج وتقدمين ع الجامعه دام هاذا حلمج
واكيد الجامعه مراح تصير صعبه اذا درستي
والله يوفقج

 

[بنت غازي]

هلا وغلا

اسمعي إذا أنتي تبين الشي مااااااااعليك من أحد

بس أهم شي تكونين متكده أنك تبينه من قلب وحابته

وإذا عن أبوك أقنعيه مثل ما أنا قنعت أبوي

كنت نفسك أبوي يقول فيه شباب بالجامعه ومدري ايش

قلت عيال خالتي عندي ويشوفوني يعني أنا بحمايتهم << والله مادرو عنك

أنا كنت نفسك أبغا رياض اطفال لانه من زمان بخاطري

يوم فكرت فيها أنا بتساوى مع اللي نسبتها مو شي وادبي بعد

لا قويه

وبنت خالتي متخرجه من التربيه الاساسيه رياض اطفال سعوديه مثلي قالوا لها إذا حنا ماوظفنا الكويتيات بنوظفك أنتي يالسعوديه

مع أن أوراقها كانت كاااااااااااااااااامله

يوم شفت كذا قلت لا وألف لاااااااااااااا

بعدين فكرت بعلوم طبيه مساعده ابوي رفض رفضااااا قاطعاااااااا << دموعي خلصت ولا اقتنع

وأنا حاليا بالجامعه كلية تربيه بتخصص رياضيات لأني أعشق هالماده

اللي بقولك أياه

فكري بتخصص يكون نادر ومطلوب بسوق العمل << شرايكم بسوق العمل خخخخخخخخخ

ونصيحتي لك إذا حابه الماده

دشي الجامعه ودربك خضرررررررررررررررر

 

[كويتية طموحة]

شوفي حبيبتي اذا انتي تبين تصيرين مدرسة فما تفرق كلية التربية الاساسية او كلية التربية جامعة الكويت بالنهاية انتي مدرسة ونفس المعاش
بس اذا طموحج شي ثاني ف حولي على طول ولاتسمعين كلام اي احد بالنهاية هذي حياتج ومستقبلج بروحج محد بيفيدج
ولاتخافين بالنسبة حق السنة او السنتين اللي بيضيعون عليج راح تتخرجين وراح تنسين

بالنسبة حق الاختلاط الجامعة مافيها اختلاط الا بالممرات وبعض القاعات فيها اختلاط وهذي غالبا بكلية العلوم بمواد التخصص اللي يصير فيها عدد الطلاب شوية
واذا تبين كليات مافيها اختلاط حتى بالممرات عندج كلية الشريعة مبانيها مفصولة وعندج كلية البنات تخصصاتها حلوة وايد وهذي بس حق البنات
لاتخافين في باصات حق كل الكليات
انا مثلج كنت شاطرة وتخرجت ب امتياز من الثنوية ودشيت التربية جامعة الكويت قعدت سنة ونص بس موطموحي التربية كلش كان طموحي علوم بيولوجية والحمدلله هالكورس حولت علوم بيولوجية

استخيري قبل لاتخطين اي خطوة ودايما ادعي ربج ان ييسرلج ويدبرلج اللي فيه الخير

الله يوفقج يارب ويكتبلج اللي فيه الخير لج ان شاء الله

 

[الغدق]

حبيبتي أنا كنت مثلج اذبحوني رفيجاتي وأمي وأبوي كلهم تخصصي رياض
بس أنا ماأبيه أبي طب بس قلت مااقدر عليه قلت أبي عربي اوقفتلي أمي بالمرصاد
واحلفت ماكو عربي أي تخصص ثاني كيفج بس أبلة عربي أنسي ((مسكينة متعقدة من جيرانا ))
المهم زعلت وبجيت وسويت قصة وماكو تخصص ما قلت أبيه بس ياربي من داخل أبي عربي
لا وأدور التخصصات اللي اشوي صعبة يمكن اتغير رايها بس ماكو مارضت أخر شي قلتلها شوفي
أنا قررت وخلاص بتخصص عربي اسلامية ابتدائي قالت ماكو قلتها اذا توظفت مااصير ابلة
عربي اصير ابلة اسلامية بس بالجامعة هالتخصصين مع بعض المهم اهي راحت أسئلة ومادري اشسويت
بعدين قالت كيفج بس أسحنلج رياض أطفال والله حتى لما تخصصت وظليت سنة واهي تحن علي
حولي رياض , بس الحمدلله لأني تخصصت شي أحبه تعالي شوفي قريدات اشلون حلوة
وبالبداية أنا ماكنت حابه التدريس كنت أبي عربي عشان أكمل ماستر ودكتوراه بس لأني
حابه التخصص فكل ماخذيت مواد تخصص حبيت التدريس أكثر والحين أنا ميداني
وطبعا أول مادشيت المدرسة الأبلات ليش تخصصتي عربي ويسبون ويذمون بالعربي
أنا أقولهم نصيب بس بصراحة أنا مرتاحة من التخصص صح تعب وكراااف
بس عاجبني وبعدين ماكو شي اسمه صعب وسهل فيه شي اسمه
صعب أنا بإرادتي اسهله وفي شي اسمه سهل بس لأني ماأبيه أصعبه بحنتي وتحلطمي
وعلى فكرة ترا تخصص اجتماعيات عندنا وااايد سهل وحلو بس اسمه
عربي اجتماعيات ابتدائي يعني نص موادج عربي ونصهم اجتماعيات تقريبا نفس تخصصي
بس وااايد حلو وسهالات وتقدرين تتفوقين فيه , وهم الاجتماعية وااايد حلوة وزينه وسهلة
دراستها وتخصصاتها حلوة علم نفس واجتماع وخدمة وجغرافيا حتى الكسالى
يمشون حالهم فيها فمابالج بالشطار بس هالتخصصات بالتربية لازم معدلج يكون فوق ثلاث نقاط
اذا تبينهم روحي اجتماعية وتقدرين اتصيرين أبلة
, بس تاريخ آداب ماأنصحج فيه لأن الدكاترة مو شي والتخصص دسم وصعب

وسالفة ابوج المواصلات ترا نفس الاساسية أكو باصات اتوصلج للبيت واتوديج
الكلية واكو باصات من كلية لكلية كل ربع ساعة يمشي باص يعني لا اتحاتين هالشغلة
وسالفة الاختلاط ماكو الحين اختلاط الا مواد قليلة اللي اتكون مواد تخصص والطلبة يكونون اشويه
وبس سوي اللي يرحلج بس أهم شي صلي استخارة بين التخصصات اللي تبينهم وشوفي
ربج على شنو يهديج

وبالتوفيــق

 

[بدلية]

انا اقول حاولي بالاقناع الحين دام هذي رغبتج

واتوقع البنات ماقصروا بالحلول

ماتوقع ابوج او اخوج الحين عندهم عذر للرفض

ادعي ربج اولا عقب حاولي فيهم وان شااء الله الله يكتب الي فيه الخير

 

[нάγoηά cнεмίsтяγ]

حبيبتي عورتي قـلبي لأني حيل اتضايق لمه اشوف وحدة تدرس شي ما تحبـه الله يكون بعونج ويكتب لج الي فبالج يارب.. خليني اقولج شغلـه حبيبتي انتي بوضعج اللي كان يسمحلج تدخلين الجامعـه خلاج تركزين على سلبيات الكليه اللي انتي فيها،، لأنج من الأساس كنتي تقدرين تدشين الجامعه يعني اتحسين انج كنتي قادره تدخلين مجال ثاني و ان معدلج كان يسمح بهالشي.. والوضع هذا يخليج لمه اتشوفين اي سلبيه بالكليـه جدامج على طول تفكرين آنا ليش ما دشيت الجامعه مو أحسن؟!!

صدقيني ترى كل مكان له سلبيات و الجامعه مو علشان اسمها جامعه مافيها سلبيات،،، انا رفيجتي الروح بالروح بالتربية بالجامعه ياما سولفتلي عن مشاكل الجامعه ومشاكل الدكاترة و و و و ... كل طالب خلال أيام دراسته راح يمر بمشاكل سواء كنتي بالجامعه أو التطبيقي .. مشاكل الطالب لابد منها في كل مكان ... شدراج يمكن لو انقبلتي بالجامعه ما كنتي راح ترتاحين نفس الحين؟؟ وبعدين المكان اهناك نفس الشي المباني سواء التطبيقي و الا الجامعه يبيلها ترميم و تعديل حتى الجامعه !! لا تحطين فبالج هالسلبيات

فكري بالشهادة ترى الشهادة لا أخذتيها اهي اهني واهناك نفس الشي اثنينكم بكالوريوس و اثنينكم نفس الوظيفه و المعاش و و و ... ما عدا التربية اللي بالجامعه مجالها ما ينحصر بالتدريس وحسيت من كلامج انج تبين تصيرين مدرسه فما فرقت معاج هالميزه ..

انا اتوقع الاحباط اللي انتي فيه الحين لأنج مو حابة التخصص،،، وانصحج بالتحويل لأنج اذا رحتي تخصص تحبينه راح تتغير نفسيتج 180 درجة و بالج يرتاح،، انا مجربة سالفه التخصص هذي انقبلت في تخصص لايعه جبدي منه ولمه كرهت تخصصي كرهت الكليه كلها و اكره اداوم وكنت اغيب وايد كل شي بالكليه كرهته حييييييل وقلت انا لازم ظروري اطلع من هالكليه كلش ما حبيتها ،،،، سبحان الله قدري اني ما قدرت احول كليه غير ،،، و غيرت تخصصي بنفس الكليه .. والله العظيم اقووولج يوم غيرت تخصصي حبيت الكليه !! سبحان الله بمشاكلها ببلاويها بمبانيها المنتفـه حبيتها والله كل شي فيني تغير حتى نظرتي لكل شي بالكليه صار للأحسن... واكتشفت ان الاحباط اللي كنت عايشه فيه مو لأن الكليه اهي العله بس لأن العله بداخلي انا مو متقبله التخصص ولا مستقبل التخصص

نصيحتي لج تحاولين تغيير تخصصج بس بشرط لتخصص انتي تحبينه سواء يكون بالتطبيقي او انج تسحبين اوراقج وتقدمين الجامعه...... ما عليج من كلام الناس مهما تكون مشاكل المكان و الدراسه صدقيني انتي راح ترتاحين فيها دامج متقبله التخصص!! هذا اهم شي!! باختصاااار فتشي عن ميووولج بداخلج .. وروحيلها .. مافي شي راح يريح بالج الا انج تتقبلين تخصصج مهما كان المكان مو عاجبج والله يووووووووفقج و يكتب لج الخير


ونسيت اقولج اني قبل ما أغير تخصصي كان معدلي حددده موووو شي تخيلي كان 2.19 و بعد ما حولت عديت الثلاث نقاط الحمدلله من اول كورس حولت فيه و درجاتي كله امتياز وجيدجدا مرتفع ما انزل عن جذيه مع اني كنت كارهه الكليه قبل ما احول و مع اني يوم حولت ظليت بنفس الكليه بس حبيتها بعد التحويل لأن بالي ارتاح وانشالله انتي بعد الله يريح بالج يارب

 

[الدلـع كـلـه]

الله يعينج ويوفقج...

شوفي حبيبتي مالج شغل بأحد انتي اللي بتدرسين والا هم

هذا مستقبلج ...!!

فكري عدل وربي يفرجها ان شاءالله

على فكره انا اعاني مثل معاناتج بس انا ع التخصص اهلي يبون تخصص وانا ابي تخصص ثاني

والجامعه عادي موسهله ولا صعبه بس اكيد يبيلها دراسه وتعب وجهد وانتي قدها بأذن الله

 

[أم منيـرة]

اذا انتي تبين الجـآمعه روحي الجـآمعه ..
بس قبل لا تسحبين روحي عمادة الجامعه الشويخ ، قوليلهم عن نسبتج وأضمني قبولج السنه الجـآيه الكورس الأول ..
عشان ما تسحبين وتتوهقين ..

وعموما دامج تبين التدريس .. كلهم سوا " ألتربية الأساسيه & التربية جآمعة الكويت " كلهم بكـآلوريوس ماتفرق ..

ونصيحه ادخلي الشي الي تبينه .. عشان تبدعين بمجـآلج ..

وموفقه ..

 

[جوود الووفا]

حدي عارفه شعورج لاني صج حاسه فيه ومريت بمثل الضيقة اللي مريتي فيها

أنا دخلت نفس تخصصج بناءً على رغبة الوالده الله يطول بعمرها لانها اخصائيه بروضه وبالبدايه كنت حييل متضايقه ومشمأزه من الكليه

وكل كل شي بدون مبالغه ودرجاتي نازله وكنت مادري شالطبخه وحييل كرهت تخصصي والكليه

بس بالكورس الثاني بديت أتأقلم مع الكليه و تخصصي وأحس حيل ارتحت الحمدالله فيه وقمت أجيب امتياز بالمواد وحبيت الاطفال من الزيارات الميدانيه اللي نروحلها

وألحين أنا سنه ثالثه والله أحمد ربي اني مادخلت للجامعه ولا دخلت مكان ثاني واني سمعت كلام امي ولو موتخصص رياض الاطفال حلو

جان ماشفتي هالتخصص يسكرونه بالكليه ..

فكري عدل بكلامي وفكري بقرارج عدل وترى الجامعه اللي اعرفه لازم اول كورس تجيبين معدل عشان تحولين للتخصص اللي تبينه

يعني يمكن تحولين ويمكن ماتقدرين تحولين ويضيع عليج كورس .. وبالنهايه ترى مدرسة الروضه أريح من اللي بالمدرسه

لان ان شاء الله انتي باجر بتتزوجين وتجيبين عيال ماراح يصير لج خلق للتدريس والغثا تدرسين فالبيت وتدرسين فالمدرسه

لاحد يأثر عليج فكرري بمستقبلج وفكري بالشيء اللي ترتاحين له بعدين بحياتج ؛)

ولاتضيعين نفسج علشان والله المكان موعاجبني أو إن اسمها جامعه .. لأنج إنتي من البدايه حابه التخصص



والسموحه ع كلامي بس والله خفت عليج وحبيت انصحج

 

[{ عبره وهلت }]

حبيبتي انا بجامعة الكويت ! تخصص ريآض اطفآل ..
اقول لو اني بالتربيه الاساسيه جان باقيلي سنه وخالصه
سبحآن الله ..

مواد وشعب مفتوحه ماتلقين كليتنا صغيره وبنات يقعدون بره على العتب وبالحديقه
يعني نفس الشي ..


استخيري وشوفي اللي كاتبه لج الله ..
اهم شي القناعه !

 

[مشاعر خجوله]

اول شي حابه اقوله .. صلي و استخيري وشوفي اللي ترتاحين له وسويه ..



لكن نصيحتي لج ..

لو انتي حابه شي وهو طموحج سويه ولا يهمج كلام الناس ، فلانه قالت وعلانه قالت !! لانهم ماراح يفيدونج بشي ، لا هم اللي بيدرسون بدالج ولا هم اللي بيتعبون إذا قالوا تعب ومادري ايش !! واذا على سالفه التعب والصعوبه .. كل شي فيه تعب والصعوبه انتي بارادتج اللي تحددين مستوى الصعوبه واذا الشي هو صعب او لا !! وصدقيني كل مكان فيه دراسه سواء التطبيقي والا الجامعه .. لكن اللي عرفته ان ودج بتخصصات ثانوي مثل التاريخ .. مابي اخرعج منه او اقولج مو زين لاااااااااااا بالعكـــس اذا انتي حابته ادخليه .. هذي انا ما احب التاريخ ورفيجتي ماشاءالله راح تتخصص تاريخ لانها حابته مقتنعه فيه .. وهم بعد ذكرتيني بخواتي ، يقولون لي ويقنعوني إلا ادخل تخصص انا مو مقتنعه فيه و ما اتوقع اقدر امشي نفسي فيه ، والتخصص اللي ودي فيه وحلمي ادخله كل اللي حولي يقولون صعب ومعقد ومن هالكلااااااام .. لكن وربي وربي ما اسمع لهم دام انا حاطه فبالي شي اسويه يعني اسويه وماهمني من عابه !! وفي شغله اتذكرها كل ما حسيت باحباط او حاولوا اللي عندي يقنعوني بتخصص مابيه .. اقووولهم >> هذا اللي قبلي تخصصوا جذي وجذي واصعب مني بعد وما صار لهم شي اشمعنى يعني بتوقف علي انا ..!! وبهالجمله احس يكثر اصراري وتزيد ارادتي إلا ادخل اللي ابيه و كلاااام الناس لو تسمعينه من اليوم لي بعدين دخليه من اذن وطلعيه من الثانيه .. لان لو انتي حابه مكانج اللي انتي فيه بتبدعين فيه وبتنجحين بعد ..


واذا على سالفه ابوج .. شلووون هو ما كان اللي يوصلج للتطبيقي !! يعني حتى التطبيقي صارت الروحه لها اهون من الجامعه !!!!!!!!! لكن لا تحاتين من هالناحيه لان في باصات توصل بين الكليات و من الكليه لي البيت اتوقع، اما اخوووج .. فـ عااادي !! شنو يعني اختلاااط !! هذا السوق وهذي الاماكن العامه اختلاط !! شمعنى يمنعج عن الجامعه وهالاماكن عادي عنده !!!! ولعلمج مثل ما قالوا خواتي اللي قبلي ..الاختلاط بس بالممرات والا بالكفتريا والاستراحه لااااا وحتى الكلاساااات وخصوصا التربيه ناااااااادراً نااااااااااااادراً ماتشوفين شعب مختلطه .. لكن حتى لو اللي بالجامعه جايين للدراسه و مو يم اللي اخوج مفكر فيه !! بس بتشوفين شباب جايين جذي عبط مو مال دراسه بس حتى لو .. مايقدر يمسج باي كلمه !! لانه اذا سوى مثل هالحركات يطردونه، فما بالج بالطالب اكيد بيكون خايف على مصلحته فـ مستحيل يسوي هالحركات ..


واذا حابه تعرفين اي شي طرشيلي عالخاص وما يكون خاطرج الا طيب لان احتمال ما ارد للموضوع مره ثانيه ...



عسسسى ربي يوفقج ان شاءالله وييسر لج امووورج يااارب ويحققج لج ربي اللي تطمحين له بإذن الله ..



ولا تنسين بشرينا بآخر مستجداتج






.

 

[أميرة الغرام]

شوفي حبيبتي انا بقولج سالفتي

نسبتي بالتسعينات والكل كان يقولي دشي الكليه اسهل وابتدائي ومادري شنو

احنا تحسفنا دشينا جامعه يعني كل شخص كانت وجهة نظر تعبت حيل من الفتكير

والي تقولي ترى الجامعه كمسمى ارقى وانتي نسبتج حلوه المهم قدمت على كلية التربيه

وكان الجامعه للحين مافتحو التسجيل وكنت انطر النتايج مالت التربيه وانا مقتنعه بالتربيه

وكانت الجامعه بتفتح التسجيل بعد شهر يعني التربيه سابقتهم بشهر ..

فجاه اول مادريت انهم فتحو الجامعه من ثالث يوم التسجيل رحت قدمت وصارت الامور بهدوء

يعني بعد هالشي اكتشفت انه الله هو يسير الامور علما اني كنت خلاص مقتنعه بالتربيه انطر النتايج عشان اداوم

وفعلا انقبلت بالجامعه وانقلبت بالتربيه بس طبعا داومت عالجامعه ..

وقالولي لما رحت اقدم عالجامعه خرعوني سحبي اوراق من التربيه اذا لقوج مقدمه عالثنين تنحرمين من الجامعه والكليه

وماسحبتهم ولا صار شي طلع اسمي بالاثنين

وانا الحين اول كورس لي بصراااااااااااااااااااااحه قمه بالوناسه وفعلا الشباب كلن بحاله بس وربي اتلهف الصبح يجي عشان الداوم

هههههه طولتها وهي قصيره صح !!

انتي استخيري وشوفي

 

[нάγoηά cнεмίsтяγ]

^
^
^

لوول انتي جذيه خذيتي مقعد طالبة من اللي ما انقبلوو

 

[قلب أبيض]

شوفي ياقلبي الغلط إلي سويتيه إنج سمعتي كلام غيرج مو كلامج أنتي ولا إلي إنتي تحبينه
مالج حل ألحين إلا إنج تستخيرين وشوفي لأي مكان تميلين أكثر الجامعة او الأساسية
وإلي يقولج الجامعة صعبة غلطان ثم غلطان ثم غلطان إلي يجتهد ويشد حيله بأي مكان
راح تصير الدراسة سهالة وحلوة .. وإلي مأثر عليج ومخليج مو متقبلة الكلية نوعا ما إن رفيجاتج مو معاج وصارت عندج
ردة فعل عالمكان والجو العام وترى بس لأنج ماتعودتي عليه .. كل إلي قاعد يصيرلج من نفسيتج فاستهدي بالله
ياقلبي وكلنا معاج وبننصحج بإلي فيه خير لج .. الله يوفقج يارب ويسهل أمورج ويكتبلج إلي فيه الخير يارب :sfg:
طمنينا عليج شيصير معاج :eh_s(17)::eh_s(17):​

 

[حلوه بس فصله]

تسلمون على الردود

 

[أصدق شعور]

شالفررق بين الجامعة والتطبيقي ....... كلهم بالاخيير نفس الشهادة لانج انتي اساسا تربية تحديدا ريااض اطفال ...... هالتخصص موجود بالجامعة والتطبيقي ........ الا اذا مو حابة التخصص وهذا اهم شي ....... خلاص اسحبي من التطبيقي وقدمي ع الجامعة ......... اهم شي انج تكونين بمجال انتي حاابته وماعليج من كلام أحد صدقيني حتى الدرجاات تتاثر بالنفسية .......

....

صرااحة احس النااس رافعين الجامعة فووق .... انا اسمع بنااس تتخرج من الجامعة وبالاخير وظيفتهم ولا شي ماتصدقوون انهم جامعيين ...<< تحطمت من هالشي ........ بس شنسوي

عموماا الله يوفقج

 

[**نسيت أنساك**]

اول شي بطلي المجرشيت مال الاساسيه ،

دوري تخصص تحبينه او تميلين له لانه هذا الحل الانسب

عقب اذا شفتي لا رياض اطفال ولا اسلاميه ولا فنيه ولا عربي ميوولج

وتحسين ماتقدرين تعطين حللج على طول تسحبين اوراقج

وتقديمنهم لانج لو ظليتي على شي كارهته طول الايام بتحسفين وتبجين

بسئلج بالاساسيه مو مرات تردين تبجين وندمانه

ومرات تحسين عادي اللي صار صار

...

قلتلج فكري بالاساسيه اذا ماكو الجامعه وانتي مغمضه

 

[..HwazN..]

اوول شي استخيري .. وبعدين اسالي جهة مسؤوله اذا يصير تحولين ولا لا
لان اتوقع لازم اذا تبين تحولين تكون نسبتج حلووه اللحين بالكليه .. مالهم شغل بالمدرسه

وذا يصير انا أأيد انج تحولين .. شجااب اللي جااب بيت التربيه الاساسيه والجاامععه
وكل الناس دشو الجامعه محد طول الا اللي يمااطلون