حلمتي قبل الحمل ؟؟

[tolay]

السلام عليكم ورحمه الله وبركاته




























شلوووووووونكم بنااااااااات

الله يسهل عليكم ولادتكم





















بدش بالموضوع علطول








قبل لاتحملين ؟؟ حلمتي حلم تفسيره حمل لج وعقبها حملتي ؟؟؟؟


يلااا كل وحده تقول شنو حلمت وطلع التفسير حمل لج سواء بنت او ولد وعقبها حملتي ؟؟

 

[ام خدود ورديه]

هلا قلبو
اي انا حلمت اني للأسف قاعده انام مع حماي اعووذ بالله سألت البنات بقسم الزوجيه قالولي حامل ان شاءالله وصج طلعت حامل ابنت

 

[فراشة الوادي]

سبحان الله نفس حلمي قبل لا احمل وجبنت بنت

 

[نادره في وجودها]

حلمت بصقر وجبت ولد

 

[دلوعة مبارك]

هــــم انا سبحان الله حلمت بصقر اشوفة فبيتنا .... وحملت وجبـــت ولد

 

[كويتيه مذهله 87]

لوووووووووووووووووووووووول

مثلكم بس مو مع حماي لوول امبيه فشله

ويووم كنت حامل هالحلم يتكرر معااي بس كذا شخص

امبيه وانا اكتب مستحيه :s

 

[بنت اكابر]

اي حلمت بخاتم وحملت والكل كان متحلم فيني

 

[tolay]

اي حلمت بخاتم وحملت والكل كان متحلم فيني

انا حلمو فيني قبل جم شهر لابسه خواتم بس للحين ماكو شي يارب قريب

 

[hneen2]

اي حلمت ان بحضني قوقعه وفتحتها لقيت داخلها فصتين وخاتم بفصه حمره وماشه مكتوب عليها بسم الله الرحمن الرحيم


واخذت الماشه ووقفت قبال المنظره ولبستها وكنت حيل فرحانه

وحملت عقبها بشهر ويبت بنوته تهبل اسم الله عليها

وعلي فكره انا مثلكم لوووول اثناء حمالي حلمت. اعوذ بالله ان شسمه مع حماي استغفر الله. ليش هالحلم مادري

والله يرزقج الذريه الصالحه يارب

 

[noo7a]

حلمت ان انا وامي و اختي و ام ريلي رايحين نشتري
فضه
واحنا بالسياره طول الطريج كانو متضايقين و مالهم خلق
وحملت بنفس الشهر بس الله ماكتب لي و طرحت


و حلمت هالمره ان امي يايبتلي اسوارتين ذهب و كانو حيييل حلوين و استانست فيهم وايد
لبست وحده و قلت حق امي كافي مابي الثانيه
وكنت فرحانه حيل
والحمدلله حملت بنفس الشهر

 

[هلا 2010]

انا حلمت اني لابسه خاتمين وحملت ولما حللت كان لي شهرين

 

[سيرين عبد النور]

انا حلمت قبل لا احمل بشهر تقريبا

انه انا لابسه خاتم رفيجتي اللي معاي بالدوام واهيا كانت صج حامل ولما طالعت الخاتم لقيت فيه مفتاح

قلت حق رفيجتي جان تقولي تفسيره بنت بس قريت بتفاسير الاحلام انه ولد

ما يندرى !!! عاد اهيا يابت بنت!!!

 

[أحلى عيون]

انا بصراحه ماتحلمت ولكن اختي تحلمت فيني اني عروس وقاعدين يحطون لي مكياج ولبسوني الطرحه ولا تدق علي اختي تقولي ماعندج شي وانا طايف على موعدي شهرين ومادري عن نفسي


من تاخرت رحت حللت وسبحان الله طلعت حامل

 

[ghadeeeer]

عاد حلمي غيييييييييييييييييييييييير
كنت بلندن مع ريلي وحلمت بأمي الله يرحمها والله والله جنها تقعدني من النوم وتقول لي يمه قومي سوي تحليل إنتي حامل
قعدت مخترعة ومن تبطلت المحلات طرت على طول لأقرب صيدلية وشريت اختبار الحمل مع إن الدورة تأخرت بس يوم وفعلا سويت التحليل طلعت حااااااااااااااااااااامل
سبحااااااااااااااااااااااااااااان الله
من بعدها ما حلمت بأي شي يتعلق بالحمل بس رفيجتي حلمت فيني إنها شرت لي جنطتين وحدة حمرة ووحدة زرقة جان أختار الزرقة وكاني فيني ولد والعلم عند الله حتى دقت لي مكالمة وآنا بلندن بتقول لي عن حلمها فيني جان أبشرها بحملي

وبعدين قمت أحلم بولد صغير يهههههههههههههههههبل اسمه الله عليه ودايم يتكرر معاي هالحلم ولما سويت السونار الثلاثي الأبعاد انصدمت تقريبا صورة اللي ابطني يشبه اللي أحلم فيه

 

[شيخه و طيبه]

واللع انا دايم اتحلم و رفيجتي تحلمت فيني بس للحين و الله كريم يارب

 

[ام ناصر 2009]

انا حلمت بقلاده قلب نصهاا فص وكنت مستانسه فيها واختي بالحلم تقولي مو ذهب قلت بقلبي مو مهم وجان البسهااا

ومن يومين حلمت احد شسمه بس ماعرفه بالحلم وكنت مستناسه خخخخخخخخخ

 

[جوليانا الحلوه]

أنا تحلمت ان زوجي يخيرني بين وساده ورديه حلوه وبطانيه زرقه جان عيني تروح للوساده الورديه وطلعت حامل وجبت بنوته حلوه الله يحفظها من كل شر وسلامتكم

 

[tolay]

وايد منكم أحلامهم صايعه هههههههههههه

 

[المكسيكيه]

انا ما حلمت بشي
ظلمه مافي شي

 

[انجبر قلبي]

اي حلمت قبل لا احمل بشهر او اقل اني تزوجن وانا متزوجة وقالولي زواج المتزوجة في المنام حمل وانجاب ولد والله اعلم والحمدلله حملت بعدها بس ما ادري اذا صج ولد او لا