ونااااسة الأحلام أتشوّق ..
خلّ أقولكم حلمي :
حلمت .. جنّه كان فيه سيارة سافطة عند بيتنا القديم .. و داخل هالسيارة عصفور .. وكنت ميتة عليه أبيه .. جني أقول لأبوي يبااه حق منو هالسيارة ؟! لأني بقول لأبوي يطلب هالعصفور من صاحب السيارة .. جان إيقولي حق رفيجي " محمود الكندري " جني قلت وييييي فشلة .. ما تمون عليه ..
المهم .. جني صرت في بيتنا فـوق .. والعصفور عندي ..وأأكله وأعطيه عيش .. ومستااااانسة عليه .. وجنه شيطااااان يطامر ويلعب وآنا مستااانسة فيه .. جنّه أشوي أطالعه ولا يهبببل لونه أحمر بأبيض .. مع أنه يوم يبته لونه الرمادي المجولح ..
المهم .. جني ألحين بحطه في قفص .. ولا أبطل الكبت و ألاقي قفصين صغار . . ولا آخذ واحد منهم وأحطه فيه .. وجنّه القفص كان فيه أكل حق عصفور قديم .. ويوم حطيت عصفوري .. حسيت الباب مو مسكر عـدل .. و ممكن يطلع منه .. فـ قمت أضبط حديد باب القفص عشان ما يطير ..
تالي طليت من الدريشة .. ولا ألاقي السيارة درايشها مسكّرة .. و جني تطمنت أنه الريّال ما يبي العصفور خـلاص ..
..
وفسرته لي أختنا مفرفشة .. أنه حمل جريب إن شاء الله ..
..
وعقب يومين من هالحلم .. جان أحلم أنه قفص البلبل اللي عندنا في البيت فيه بلبلين .. جآن أقول حق ريلي .. أووولله بلبلين من وين ؟ جان إيقولي صدته بالشداخة ..
قفصين
بلبلين
الله كريم يارب ..
