حكيمات المنتدى كويتيات نخيتكم ساعدوني!!!

[مناير ...!]

بكل سهوله ثقلي عليه وبيستغرب ويبادر

 

[طريق السعاده]

انتي مخليته كل عالمك وطول الوقت تفكرين شلون تعيشين لحظاتك معاه بس هو معتبرك جزء من حياته وماغير كل عاداته وقابلك

الحل مثل كلام اختي مناير واختي الي تقول دلعي نفسك بنفسك قدامه عادي لاتكشخين له اكشخي لنفسك اعزمي صحباتك او خواتك واطلعي معهم وخلي لك يوم كل اسبوع او اسبوعين مشغوله عنه فيهم غير كذا سوي حمام دلع لنفسك وسوي اجواء لك انتي مو له ! ومره بالاسبوع صلحي حمام استرخاء وبلحالك وقدامه لاتعطينه كل اهتمامك عشان اهو يبلتفت لك

اما كل مادخل البيت الا انتي كاشخه تنتظرين ينتبه لك احس مو حلو كذا طنشيه ورح يبدا يدور عليك

 

[حرم راشد الماجد]

أولا :

الله يهديه لج

وثانيا :

مادري حسيت من كلامج ان انسان هادي بزياده ترا عادي انج تكونين المبادره وهالكلام مو كلامي هذا كلام دكاتره في هالعلم

نوع ريلج مايبادر هذا مو مرض ولا قلة اهتمام هذا حالة من حالات وايده وانتي خلج وااااااااااااثقه من نفسج وبادري بكل مره وين المشكله هو ريلج حلالج مافيها شي غلط

ثالثا :

موضوع تلفونه والتلفزيون شرايج ان ريلي ماعنده غير هالشغلتين بس هم انا عندي اهتماماتي اللي الها فيها عنه يعني مثلا اشتغل بالبيت والا اطلع مع بنتي
والا اقرا كتب
او اطالع معاه التلفزيون
خصصي وقت حق نفسج يعني روحي سوي اشياء انتي تحبينها والهي شوي فيها

رابعا :

استغربت وايد من كلامج لما قلتي انج تطلقتي من زوجج الاول عشان امه !!!!!!!!! اتطلق من ريال عشان امه ؟؟؟ ولنفترض ان زوجج الحالي استمر بطريقته هاذي هل راح تفكرين بيوم من الايام تطلقين ؟؟؟؟؟؟؟؟؟



انا برأيي

اول شي تشيلين سالفة شنو اللي لازم يصير بهالفتره وتركزين على شنو اللي ممكن يصير يعني لا تقولين ابي ريلي يقولي كلام حلو مثل كل العرايس

قولي بقوله كلام حلو يمكن يتجاوب ماي

ودايما دوري على حلول وسط بحيث ما تكونين تعبانه وهم ما تكونين مطنشه عالاخر

يعني قربي المسافات هو لاهي بتلفونه الهي انتي بعد باهتماماتج
ما يبادر للفراش انتي بادري ( مو عيب ولا حرام بالعكس شغله ممتعه لو اعتبرتيها جذي )
ما يسولف انتي سولفي
اتمنى تكونين فهمتيني


لان الدنيا ما تيي على هوا احد كل ريال عنده مشاكل المهم ان الواحد يعيش حياته من غير نكد ولا يدقق على كل شي


والاهم لاتقارنين بينه وبين زوجج القديم

 

[حبي مودي..]

شوفي حبيبتي انا زوجي كذا بس انا طنشت صرت اهتم بنفسي وبراحتي ومدلعه نفسي اخر دلع وطلعات واخذ دورات بالمعاهد
واذا كشخة وتزينة يكون لنفسي ماانتظر رائيه ومدحه لي صدقيني كذا انتي بترتاحين ام اذا جلستي تفكرين وتنتظرين منه وهو اصلا موسأل بعدين حبيبتي اكثر الرجال يبينون حبهم واهتمامه بالفعل مو بالكلام زي الحريم..
الله يهديه ويحققلك اللي بالك..

 

[sona87]

زين الله يهداج ما سألتي عن سبب طلاقه الأول لما اخطبوج؟
يمكن نفس السبب اللي تشتكين منه الحين ؟ ويمكن يبي يطفشج ويرد لمرته الاولى؟

سالنا طبعا قالوا البنت ماتسمع الحجي واهيا ما ادري شنووو تعرفين الحجي اللي يصير

 

[sona87]

انتي مخليته كل عالمك وطول الوقت تفكرين شلون تعيشين لحظاتك معاه بس هو معتبرك جزء من حياته وماغير كل عاداته وقابلك

الحل مثل كلام اختي مناير واختي الي تقول دلعي نفسك بنفسك قدامه عادي لاتكشخين له اكشخي لنفسك اعزمي صحباتك او خواتك واطلعي معهم وخلي لك يوم كل اسبوع او اسبوعين مشغوله عنه فيهم غير كذا سوي حمام دلع لنفسك وسوي اجواء لك انتي مو له ! ومره بالاسبوع صلحي حمام استرخاء وبلحالك وقدامه لاتعطينه كل اهتمامك عشان اهو يبلتفت لك

اما كل مادخل البيت الا انتي كاشخه تنتظرين ينتبه لك احس مو حلو كذا طنشيه ورح يبدا يدور عليك

يمكن صح بس لو اقولج حتى الطلعات بالحسره علي وبالترجي

حاكرني حكره تعبتني عرفتي يعني حياتنا كلها فتور بفتور

 

[sona87]

شوفي حبيبتي انا زوجي كذا بس انا طنشت صرت اهتم بنفسي وبراحتي ومدلعه نفسي اخر دلع وطلعات واخذ دورات بالمعاهد
واذا كشخة وتزينة يكون لنفسي ماانتظر رائيه ومدحه لي صدقيني كذا انتي بترتاحين ام اذا جلستي تفكرين وتنتظرين منه وهو اصلا موسأل بعدين حبيبتي اكثر الرجال يبينون حبهم واهتمامه بالفعل مو بالكلام زي الحريم..
الله يهديه ويحققلك اللي بالك..

انا ريلي طلعات بالحسره يخليني بروحي وهالشي بعد مشكله ثانيه
صدقتب التفكير ذبحني نوعي عاطفيه حيلل

الله يهديه ان شاءالله

 

[جنون هاجري]

من جد وضعك يضايق

 

[شادن33]

بعد عمري توج توا الناس علي هالكلام

وبعدين الوحده أهي اللي تعلم ريلها شلون يقول كلام حلو انتي قولي بالاول واهو راح يعتاد الكلام الحلو ويصير يقلدج لا اراديا

واذا ماقال مؤ معناته ان مايحبج يمكن اهو يعبر عن حبه بشي ثاني !!

واذا على العلاقه الخاصة. لاتبادرين انتي كل مره راح يتعود انت كشخي لمجرد الوناسه

وحاولي تغيرين في الحركات الخاصة لمنع الملل

 

[شادن33]

وترا في رياييل يتغيرون بالنسبة للعلاقه الخاصة على حسب المزاج يعني لا تحاتين

 

[Patcholli]

حبيبتي نصيحه اتغيري عليه وجسي النبض يمكن ريلج نوعه يبي يعودج انه مايعطيج ويه عشان لا يكبر راسج عليه
نصيحه وقفي هالاجواء واللبس مره وحده وخلي لبسج عادي وحتى بليل قبل النوم قوليله تصبح على خير ونامي بدون بوسه ولا شي
وكلميه عادي يعني لاتنفسين عليه بس لاتقطين روحج عليه ولا تعرضين نفسج عليه خليه اهو يستغرب ويحس شوي واذا ماحس فموضوعه ثاني

 

[merrynice]

اصبري‏ ‏عليه‏ ‏ولاتضايقين‏ ‏خلقج‏ ‏‏ ‏ولاتخليه‏ ‏يحس‏ ‏انج‏ ‏ضايجة‏ ‏خلي‏ ‏الامر‏ ‏عادي‏ ‏وبالعشرة‏ ‏انشالله‏ ‏رح‏ ‏يتعود‏ ‏عليج‏ ‏وتصير‏ ‏‏ ‏الامور‏ ‏طبيعية‏ ‏انا‏ ‏اشوف‏ ‏انه‏ ‏لسة‏ ‏متعود‏ ‏عليج‏ ‏وخصوصا‏ ‏هو‏ ‏عنده‏ ‏تجربة‏ ‏فهذه‏ ‏مو‏ ‏سهله‏ ‏عليه‏ ‏بعد‏ ‏وحاولي‏ ‏ايام‏ ‏الجماع‏ ‏اللي‏ ‏تبادرين‏ ‏فيها‏ ‏تكون‏ ‏بايام‏ ‏التبويض‏ ‏عشان‏ ‏الحمل‏ ‏والله‏ ‏يسهل‏ ‏انشالله

 

[اذوب بكلامه]

توك متزوجه فنصيحه ياقلبي انسي سالفه الجماع ولاتخططين له
لبسي وكشخي موبس قمصان نوعي واسهري معاه وحطي فيلم اوسولفي معاه ونوعي بالمواضيع
او مثلا سوي له بدي كير لإيده مساج لظهره
وجهزي طاوله صغيره حطي فيها لكم مثلا حلا او ككاوات وعصير وشغلي شموع على الطاوله
المهم انكم تسولفون وتضحكون مع بعض ومع الايام بتقوى علاقتكم

 

[جوري الصالح]

بــــادريه بأحســـاسك لا تـــــستحـــين يمــــكن طــبعه خجـــــول النــــــاس طبــــعهم مــــــو واحــــــد حبــــوبة

 

[أحلام مفقودة]

ربنا يزينك بعينه يارب

 

[amorah1]

عاااادي ياقلبي لا تكبرين الموضوع

وشوفي ايجابيات ريلج

عزيزتي مافي انسان كامل

الكمال لله وحده

حمدي ربج على اللي عندج

باجر يصير عندج ولد وتشغلين نفسج معاه​

 

[لذه السكر]

عندنا وعندج خييييييييييييير والله انا اقره الموضوع واخفتني العبره

صارلي 3 سنين وريلي بالضبط نفس ريلج ماعنده خرابيط بس باااااااااااارد ثلللجه

سويت اللي قالوه البنات اكشخ واترزز وابادر ... والنتيجه اول شي تعود وصار كسوووول يتوقع مني انا اسوي كل شي بعدين تطور الموضوع ما قام يعطيني ويه ويتافف لما خلااااااااااااااص تعبت انهرت كرامتي راحت فيها


حاليا مطنشته او بصراحه مسويه نفسي مطنشه وانا محترقه من داخل ودي اصيح لين اقول بس والله ان فوق ال25 يوم حته ماطل بويهي العاده انا المه امسك ايده ابوسه اطلع سوالف هالمره قلت ستوووب بوقف كل شي والنتيجه ان عااااااااااااااااااااااااادي جني قنفه والا كرسي بالبيت اصلا من القهر حته عيد زواجي ما احتفلت فيه ولا اهتميت واهو نفس الشي مر اليوم عادي مع هوشه خفيفه

اما النتيجه مع نفسي لاني فضيت وما صار كل اهتمامي .... تعلمت احط ميك اب وقمت اسوي رياضه واجابل ولدي واقره واطالع افلام وانشالله بسجل بنادي واتعمد اكشخ ايام الدورة عشان يحس ان مو عشانه ولو ان ماكو احساس ابو الهول قاعد صمن بكمن


سوري قرقت وايد بس بخاطري افضفض موضوعج عالجرح ..ونصيحه ثقلي عليه دام توكم بالبدايه

 

[sona87]

حبيبتي نصيحه اتغيري عليه وجسي النبض يمكن ريلج نوعه يبي يعودج انه مايعطيج ويه عشان لا يكبر راسج عليه
نصيحه وقفي هالاجواء واللبس مره وحده وخلي لبسج عادي وحتى بليل قبل النوم قوليله تصبح على خير ونامي بدون بوسه ولا شي
وكلميه عادي يعني لاتنفسين عليه بس لاتقطين روحج عليه ولا تعرضين نفسج عليه خليه اهو يستغرب ويحس شوي واذا ماحس فموضوعه ثاني

قمت اسوي هالشي
تدرين مره قالي انا ما ابي امدحج وايد علشان لاتشوفين نفسج!!!:eh_s(14):


قلت له عاد انا موجذي بالعكس استانس

الله يهديه ويسخره

ومالي الا الصبر

 

[sona87]

اصبري‏ ‏عليه‏ ‏ولاتضايقين‏ ‏خلقج‏ ‏‏ ‏ولاتخليه‏ ‏يحس‏ ‏انج‏ ‏ضايجة‏ ‏خلي‏ ‏الامر‏ ‏عادي‏ ‏وبالعشرة‏ ‏انشالله‏ ‏رح‏ ‏يتعود‏ ‏عليج‏ ‏وتصير‏ ‏‏ ‏الامور‏ ‏طبيعية‏ ‏انا‏ ‏اشوف‏ ‏انه‏ ‏لسة‏ ‏متعود‏ ‏عليج‏ ‏وخصوصا‏ ‏هو‏ ‏عنده‏ ‏تجربة‏ ‏فهذه‏ ‏مو‏ ‏سهله‏ ‏عليه‏ ‏بعد‏ ‏وحاولي‏ ‏ايام‏ ‏الجماع‏ ‏اللي‏ ‏تبادرين‏ ‏فيها‏ ‏تكون‏ ‏بايام‏ ‏التبويض‏ ‏عشان‏ ‏الحمل‏ ‏والله‏ ‏يسهل‏ ‏انشالله

الله كريم
لا هذا طبع فيه ولازم يتغير
وربي يفرجها ان شاءالله

 

[sona87]

توك متزوجه فنصيحه ياقلبي انسي سالفه الجماع ولاتخططين له
لبسي وكشخي موبس قمصان نوعي واسهري معاه وحطي فيلم اوسولفي معاه ونوعي بالمواضيع
او مثلا سوي له بدي كير لإيده مساج لظهره
وجهزي طاوله صغيره حطي فيها لكم مثلا حلا او ككاوات وعصير وشغلي شموع على الطاوله
المهم انكم تسولفون وتضحكون مع بعض ومع الايام بتقوى علاقتكم

والله كل شي سويت
وريلي طول حياته دايت ما يخربط بالاكل

بس مرات اسوي كيك ياكل شوي علشان لا ازعل

وسالفة فلم لاتوصين كل يوم لووول عندنا سينما يوميه
وسالفة الجماع مضايقتني لانه شككني بعمري حسيت انه انا فيني شي