حـــــرام اللي قـــــاعد يصير يا كويتيــــــــات ((اخذ حقه من النقاش)) بواسطة الادارة

[أم حمودي**MALL**]

رد: حـــــــــــــــرام اللي قــــــــــــــاعد يصير يا كويتيــــــــــــــــــات

شكراااااااااااا

 

[الدلع عندي]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

بيض الله وجهج والله كلامج عجبني على راسي والله

 

[aṕriliå]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

صح لسانج

 

[::كيك وعسل::]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

يارب ،
رد كيد كل من بغى الكويت بـ سوء
رد كيده في نحره ..

يارب ،
آحفظ كويتنا ، وآبعد عنا الفتنه ..


اللهم امييين

 

[هرانية وأفتخر]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

104 حياة مروي سيف الفضلي 15 سنة طالبة
105 أحمد مروي سيف الفضلي 14 سنة طالب
106 سيف مروي سيف الفضلي 13 سنة طالب
107 ماجد مروي سيف الفضلي 11 سنة طالب
108 خليفة مروي سيف الفضلي 9 سنوات طالب
109 جوليان مروي سيف الفضلي <8 سنوات/td> طالبة
110 جراح مروي سيف الفضلي 5 سنوات طفل


الله يرحمهم ويعوض اهلهم




جزاج الله خير


هرانية وأفتخر​

 

[& ام سلمى &]

رد: حـــــــــــــــرام اللي قــــــــــــــاعد يصير يا كويتيــــــــــــــــــات

اي والله كلامج صح ووالفتنة اشد من القتل

 

[AnGel GirL]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

جزاج الله خير وكلامج مهم لازم البنات كلهم يقرونه

واياج انشالله عزيزتي

تعتقدين الحل بحذف المواضيع !!

والقلوب شايله

انا حضريه وافتخر بأصلي بقبيله كبيره ويدي امير ولد امير

والبدو رفيجاتي وخواتي سنع ووطنيه وذوق

ليش هالهزات اطلع الي بالقلب

صج هذا اختبار لنا

انا مع الجويهل وتعجبني جرأته الي ما يملكها ناس وايد بس الحق ينقال بدون قله ادب يا الجويهل


والبدويات الي هاجمونا وقالوا الحضر والحضر ما ارد عليهم ولا اوصل لها المستوى

اخر كلمه

من ضمن العقوبه ساء الادب ونبي وقفه جاده من ابونا وقائدنا وحكومتنا

والنعم فيج حبيبتي ايا كنتي
اوكي تعجبج جرأته بس بشنو تتفقين معاه
الجرأه مع الحق حلوه بس بتعدي الحقوق والطعن بالشرف والفتنه مو حلوه ابدا

اي والله كلامج صح ووالفتنة اشد من القتل


والله لايوفقهم اللي يزرعون الفتنه بينا اللهم اجعل تدبيرهم في تدميرهم ياااااااارب العالمين

آمين ياااااااااارب

 

[AnGel GirL]

رد : رد: حـــــــــــــــرام اللي قــــــــــــــاعد يصير يا كويتيــــــــــــــــــا

الله يرحهم وكلامج صحيح

آمين انشالله

بيّض الله ويهج ماااااااااااااقصرتي


كلامج كلام كويتيه اصيلة

اللهم اجعل هذا البلد امناااااا وساااااااااااااااائر بلاد المسلمين

آمين يارب وماعليج قصور حبيبتي والله يسمع منج ونخلص من هالفتنه اللي صايره

الله يرحمهم فتحتي الجرح

الله يرحمهم واهمه فخر الكويــت

بنااااااااااااااااااااااات المنتدى له زووار من الخليج كله والله عيب اللى يدخل يشوف هواااش ونجرة والله عيب الناس تشوفنا افهموووا عاد وسكتوووا

هذي المصيبه المشكله كل ديره فيها مشاكل اكثر من جذي
بس قنوات الفتنه تسوي فوووكس عالمشكله لغرض في نفوسهم

اي والله صاااجه ,,

تسلمين عالتأييد

 

[AnGel GirL]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

انا بس شفت اسماء الشهدا واعمارهم مادري شقول بعضهم حيل صغار وفيه 6 خوان كلهم ماكموا ال 18 !!

المحتليين العراقيين وقتها ماكانوا يرحمون لا صغير ولا كبير ولا مره ولا ريال

صح لسانج
ولمره المليوون
من طق باب الناس طقوا بابه

صح بدنج حياتي

الله يرحمهم

على مشاكلنا اللي ما تخلص عايشين عيشه يحسدونا عليها العالم
صج اللي عنده مثل الكويت يحب ادينه مقلوبه

ايه والله محسوووووووووودين ولاتشوفين تعليقات اللي حاقدين عالكويت باليوتيوب تكفون خلونا على قلب واحد

الله يرحم شهدآإآنآ
معآج حق آختي مشكوره

آمين والعفو بس كلمة الحق تنقال وضايقني وايد اللي قريته من بعض البنات

 

[AnGel GirL]

رد : رد: حـــــــــــــــرام اللي قــــــــــــــاعد يصير يا كويتيــــــــــــــــــا

حبوبة .. انتقادنا ماهو للبدو أو الحضر و لا للسنة و الشيعه و لا للحكوميين و غير الحكوميين

الانتقاد (( من وجهة نظري الشخصية )) ينصب بالطريقة اللي تعامل فيها البعض مع القضية

الغلط غلط .. و ما لازم ينسكت عنه

انا احضرية سنية بنت نواخذة و أصولي قبلية .. و يشهد الله ان انتقادي للجويهل أكبر من انتقاد البعض له .. و ما أوافقه بأشياء وايد

لكن النقد يتوجه للطريقة اللي تعاملوا فيها معاه .. غلط يا جماعة و عيب .. من متى الكويت جذي؟؟

من متى و احنا نتعامل بشريعة الغاب؟؟؟؟

وين الديمقراطية اللي يتكلمون عنها؟؟ وين الدستور اللي عاقدين الندوة عشان يدافعون عنه؟؟؟؟؟؟؟؟؟

شنو هالفوضى ؟؟؟؟؟؟؟؟؟؟؟؟

بتقولين لي اجتماعيا اللي صار صح؟؟؟ بقولج غلطانة .. مو من شيم العرب انهم يتيمعون 50 شخص على واحد

بتقولين لي شرعا صح و ما فيها شي؟؟؟؟؟ بقولج هم غلطانه .. اللي صار حرام .. و الله لو انه قطو اللي داش عليهم ما عاملوه بهالطريقة .. القطو جان كشوه و هوشوله لين يطلع .. و بعدين القطو اذا مات عندج و ذبحتيه متعمده تصومين ثلاث أيام (( هذا شرعا)) فما بالج بالنفس البشرية؟؟؟؟

و ان تكلمتي .. قاموا يتطاولون على أصلج و فصلج .. انا وحده اتهموني اني عيمية (( مع احترامي الشديد للعيم )) لأني بس انتقدت الطريقة الهمجية اللي تعاملوا فيها البعض مع الحدث !!!!!!!!! جنه الكويت بس بدو و عيم

عييييب يا بنات و الله العظيم عيب عليكم

احترموا الناس يحترمونكم .. اشلون يصير الاحترام؟؟ لما اشوف تعامل الناس بطريقة حضارية مع الأحداث راح أحترمهم .. غير جذي لأ

القصة مو قصة أصل و لا فصل .. و لا قصة سنة و شيعة .. و لا هي قصة حكوميين و معارضة

انا ماني مع احد كللللش .. لا مع الجويهل و لا مع غيره .. بغض النظر عنه و عن فكرة و عن تاريخة (( على فكرة الحظر اللي مو عاجبين البعض أكثر ناس علما بتاريخ الجويهل .. و هذا اللي يخليهم يتحفظون و لا يتبعون فكرة و لا يحترمونه .. لأنهم أعلم الناس ببلاوية .. عموما الله يفك عوقه ))

احنا ننتقد الأوضاع و الفوضى اللي صايره .. و الله ما سمعنا من أهلنا قبل انهم تعاملوا مع أحد بهالطريقة

بس منو تفهمين؟؟؟

ان انتقدتي الوضع قالوا انتوا من أنصار الجويهل .. مع ان العكس صحيح .. انسانيا اللي صار غلط .. و اجتماعيا هم غلط و شرعا أكبر غلط

ما أعتقد ان وايد ناس راح يفهمون وجهة نظري .. لأن التعصب يعمي العيون

ربي يعدينا الشر بس

والنعم فيج وبالعكس انا مو مع قانون الغاب ولا مع الغلط اللي صار سواء من الجويهل والا غيره ولا من الطق اللي صار مع اني ماشفت ولا قطرة دم بدشداشته مادري شلون 150 واحد يطقونه ومافي ولا قطرة دم هالشي استغربت منه !!!!!!! \
عموما مطلوب الحكمه بمعالجة هالامور وتسكير اي قناة تثير الفتنه او اي قناة تتعدي على شخص معين
وانا كلامي مو عاللي صار كلامي موجه للبنات هنيه بالمنتدى اللي كل وحده تغلط عالثانيه
واحترم وجهة نظرج

 

[senioreta n7oola]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

لا حول ولا قوة إلا بالله
شي مؤسـف إلي قاعد يصيـر !

 

[dnyay_mll]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

عفيه عليج والله لما حطيتي اسماء شهدائنا رحمة الله عليهم

شفتي شهدائنا

فيهم

بدو وحضر وعيم وسنه وشيعه

ماكو واحد قال انا شكوووو

كلهم انقتلو في سبيل الكويت

كلنا كويتيات حبيبتي

مع اني مااتفق معاج بان اللي تحب جويهل تحب نفسها فقط!

بس ماني معلقه على هالموضوع

سلامتك يابودعيج

 

[Tom ♥ Jerry]

رد: حـــــــــــــــرام اللي قــــــــــــــاعد يصير يا كويتيــــــــــــــــــات

.


اي و الله حرآم !
من متى آحنآ نتهاوش !
و الله قبل رفيجآتي شيعه و عآدي
و ليلحين اصلا مآ يهمهم هالكلآم !
عسى الله يهدي آلكل
و يتمم علينا هالمحبه : )

 

[&موناليزا&]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

كلامج مضبوووط 100000%

ومشكورة حبيبتي

 

[ScarletteO'Hara]

رد: حـــــــــــــــرام اللي قــــــــــــــاعد يصير يا كويتيــــــــــــــــــات

حبوبة .. انتقادنا ماهو للبدو أو الحضر و لا للسنة و الشيعه و لا للحكوميين و غير الحكوميين

الانتقاد (( من وجهة نظري الشخصية )) ينصب بالطريقة اللي تعامل فيها البعض مع القضية

الغلط غلط .. و ما لازم ينسكت عنه

انا احضرية سنية بنت نواخذة و أصولي قبلية .. و يشهد الله ان انتقادي للجويهل أكبر من انتقاد البعض له .. و ما أوافقه بأشياء وايد

لكن النقد يتوجه للطريقة اللي تعاملوا فيها معاه .. غلط يا جماعة و عيب .. من متى الكويت جذي؟؟

من متى و احنا نتعامل بشريعة الغاب؟؟؟؟

وين الديمقراطية اللي يتكلمون عنها؟؟ وين الدستور اللي عاقدين الندوة عشان يدافعون عنه؟؟؟؟؟؟؟؟؟

شنو هالفوضى ؟؟؟؟؟؟؟؟؟؟؟؟

بتقولين لي اجتماعيا اللي صار صح؟؟؟ بقولج غلطانة .. مو من شيم العرب انهم يتيمعون 50 شخص على واحد

بتقولين لي شرعا صح و ما فيها شي؟؟؟؟؟ بقولج هم غلطانه .. اللي صار حرام .. و الله لو انه قطو اللي داش عليهم ما عاملوه بهالطريقة .. القطو جان كشوه و هوشوله لين يطلع .. و بعدين القطو اذا مات عندج و ذبحتيه متعمده تصومين ثلاث أيام (( هذا شرعا)) فما بالج بالنفس البشرية؟؟؟؟

و ان تكلمتي .. قاموا يتطاولون على أصلج و فصلج .. انا وحده اتهموني اني عيمية (( مع احترامي الشديد للعيم )) لأني بس انتقدت الطريقة الهمجية اللي تعاملوا فيها البعض مع الحدث !!!!!!!!! جنه الكويت بس بدو و عيم

عييييب يا بنات و الله العظيم عيب عليكم

احترموا الناس يحترمونكم .. اشلون يصير الاحترام؟؟ لما اشوف تعامل الناس بطريقة حضارية مع الأحداث راح أحترمهم .. غير جذي لأ

القصة مو قصة أصل و لا فصل .. و لا قصة سنة و شيعة .. و لا هي قصة حكوميين و معارضة

انا ماني مع احد كللللش .. لا مع الجويهل و لا مع غيره .. بغض النظر عنه و عن فكرة و عن تاريخة (( على فكرة الحظر اللي مو عاجبين البعض أكثر ناس علما بتاريخ الجويهل .. و هذا اللي يخليهم يتحفظون و لا يتبعون فكرة و لا يحترمونه .. لأنهم أعلم الناس ببلاوية .. عموما الله يفك عوقه ))

احنا ننتقد الأوضاع و الفوضى اللي صايره .. و الله ما سمعنا من أهلنا قبل انهم تعاملوا مع أحد بهالطريقة

بس منو تفهمين؟؟؟

ان انتقدتي الوضع قالوا انتوا من أنصار الجويهل .. مع ان العكس صحيح .. انسانيا اللي صار غلط .. و اجتماعيا هم غلط و شرعا أكبر غلط

ما أعتقد ان وايد ناس راح يفهمون وجهة نظري .. لأن التعصب يعمي العيون

ربي يعدينا الشر بس

نفس تفكيري بالضبط
اكثر رد عقلاني مر على بالمنتدى بكبره

 

[جناان الورد]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

والله كاانت ومااااتزال ان شاء الله الكويت مضربا للمثل في الوحده والوطنيه
أتمنى أن تبقى الكويت كما عرفناها
أداااااااااااااااااام الله عليكم نعمة الأمن والأيمان وأعز الله الكويت بالأسلام وجمعكم الله على حب الكويت
لكم حبي وودي

 

[أميره الدوسري]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

الله يوحد صفكم و صفوف بلآآد المسلمين |~

 

[گـحِـلْ |~]

رد : حـــــــــــــــرام اللي قــــــــــــــاعد يصير يا كويتيــــــــــــــــــات


هو مو تعرض لشرف وذمم النآس !

إسلوبه استفزازي ويتحمل استفزازه,

المحترم يفرض عليك الاحترام .

 

[عاشقة_الجمال]

رد: حـــــــــــــــرام اللي قــــــــــــــاعد يصير يا كويتيــــــــــــــــــات

صح لسانج حبوووووووووووووووبه

وارتقوووو بالحوار يا بنااااااات

 

[sweet december]

رد : حـــــــــــــــرام اللي قــــــــــــــاعد يصير يا كويتيــــــــــــــــــات

مادري شنو صار بس الظاهر متهاوشين انا توني دشيت

والله الجويهل مادري بصراحه اهو شنو يبي من اول ما طلع واهو يسوي مشاكل وانا مو معاه بوايد اشياء

بس حرام والله ينطق بهالاسلوب الهمجي واميه واحد على شخص واحد والله حرام احنا بالكويت اكيد والله اشك



بس صاجه اهني بالمنتدى اذا وقفتي معاهم صرتي حبيبتهم وان قلتي شي يخالفهم صرتي عدوه وخاينه

الحمدلله كلنا شيعه وسنه وحضر وبدو اخوان من زمان

انا مادري ليش الكويت صارت جذيييييييييييي

ولا المشكله خواتنا البدو حسبالهم انه اهو بس الاصل والفصل جنه ماكو حضر اصل وفصل او ماكو عيم اصل وفصل