حضانات بمنطقة غرب الجليب ( عبدالله المبارك )

[مشموشته]

السلام عليكم و رحمه الله و بركاته

موضوعي مبين شنو ابي ... ما اطول عليكم

انا مسجله ولدي بمدرسه امريكيه بيدش كي جي ون انشالله

بس بصراحه في ظل هالمخاوف المنتشرة بخصوص هالمرض الي الله يكافينا شره انا وايد خايفه اودي الولد و خاصه انه عمره 3ونص و المرض خطير وايد للطفال دون سن ال 5 ... انا لي الحين ما قررت بخليه يدوام ولا لا ... بس انا ابي الولد يتعلم و يستفيد لانه اسم الله عليه عنده طاقه استيعابيه و ابيه يبدا يختلط بالاطفال من عمره لانه وحيدي ربي يحفظة

اتمنى تفيدوني الي تعرف حضانات بغرب الجليب لاني اذا وقفت قيده من المدرسه بدششه على الاقل حضانه ...

و جزاكم الله الف خير و سامحوني على الاطاله ...​

 

[ارض الاجواد]

انا الي اعرفه في حضانه اسمها الارتقاء يمكن قطعه 7
انشاءالله اني افدتج

 

[مشموشته]

تسلمين اختي ارض الاجواد

اكيد فدتيني و بانتظار ردود الخوات ما يقصرون انشالله

 

[ملح وليمون]

انا اعرف حضانة اسمها كويت بلو سكاى فى قطعه 9 هى لذوى الاحتياجات الخاصه لكن عندهم صف للnormal

 

[ليان 21]

رد : حضانات بمنطقة غرب الجليب ( عبدالله المبارك )

اللي يبي حضانة ممتازة في عبدالله المبارك يروح حضانة بروي ستار
وهذا عنوانهم وتليفونهم للمساعدة

حضانة بروي ستار ق 2 ، ت : 24363061 _ 67045907
واتمنا اني ساعدتكم
:ioljnmlk:

 

[وصـال]

رد : حضانات بمنطقة غرب الجليب ( عبدالله المبارك )

انا رحت حضانة بروي اليوم الحضانة حلوة وشرحة ومدرساتهم انجليزيات بس بسال الامهات اللي ودوا عيالهم هناك
شنو مستواهم من ناحية النظافة والأمان
صديقتي امدحت حضانة بروي ستار بس ابي اسمع شخص ثاني عشان اطمن لان ولدي ايا بعد سنين وبصراحة اخاف عليه

 

[أوركيد غيييير]

رد : حضانات بمنطقة غرب الجليب ( عبدالله المبارك )

انا رحت حضانة بروي اليوم الحضانة حلوة وشرحة ومدرساتهم انجليزيات بس بسال الامهات اللي ودوا عيالهم هناك
شنو مستواهم من ناحية النظافة والأمان
صديقتي امدحت حضانة بروي ستار بس ابي اسمع شخص ثاني عشان اطمن لان ولدي ايا بعد سنين وبصراحة اخاف عليه



عيالي مسجلتهم في حضانة بروي ستار السنة اللي طافت وهالسنة انشالله بأستمر معاهم
الحضانة فوق الممتازة بالنظافة ويهتمون صج بالياهال يطلع مرتب ونظيف والتعليم ماشالله عيالي حفظ قرآن وتعلموا الحروف والاعداد
والحمدلله ماصار لي اي موقف يضايقني هناك