حبي القديم متخبطه في اتخاذ قراري ساعدوني

[the-angel]

حبيبتي وينج طمنينا عنج


اب اب اب

 

[حواري]

حبايبي سوري طولت عليكم بس والله مو ناسيتكم ادري انكم ناطرين مني خبر فديتكم و فديت ردودكم و الله ارتاح من ادش اقرا ردودكم
صارتلي سالفه لو اقولكم عنها بطقون على راسكم حبيبي و طليقي تكافخو و وين عند باب بيتنه مو صج الي صار و اخواني طلعوا و عاونوا حبيبي بالطق
والله مادري اضحك و لا ابجي استغفر الله انا زين ما اين
كان له رؤيه ياي ياخذ بنته و هو كل مايي ياخذ بنته يقط حجي و يغلط و انا ماقول حق اخواني ادري دمهم حار و بيتكافخون معاه و هو جنه نثيه يركض يروح يشتكي المهم طلعت بعطي البنيه قاعده تبجي و لامتني ماتبي تروح انا مسكتها عند الباب لميتها قلت لها ميخالف روحي شوي و تعالي هي مو راضيه واقفه ماسكه هدومي ياني جان يقولي كبرتي راس البنيه قلت له هذي يهال ماتعرف تمثل و لاتجذب هي ماتبيك و انت متنازل عنها خلاص توكل على الله لا تكثر حجي جان ياخذ البنيه يتلها من بين ايدي مثل الخروف انا هني ماتحملت بصراحه اشوف بنتي متلوله و تفرفر ماتبيه و خافت
المهم حبيبي متحلف فيه واقف عند اللفه مالت الفريج شاف الموقف داس ويه دعم سيارة طليقي من وره حيل انا مادري مصدومه على برد جبدي على مادري شنو و طليقي خله بنتي وراح حق حبيبي اول مانزل حبيبي زرده و يقوله انت ماتشوف ههههههههه
الحين انت داعمه وتقوله ماتشوف انا هني خذيت بنتي و دشيت و قلت حق اخوي و اخري دق على باجي خواني و طلعو طقو طليقي مع حبيبي قسم بالله مابرد قلبي الا بعد ماشفت هلموقف
وراحوا المخفر و صارت سالفه انا مقروده قسم بالله
اخواني يقولون حق حبيبي انت شلون دعمته يقولهم انا ياي مو منتبه و دعمته هو قام يسب و يغلط جان اطقه يستعبط يقول حق اخواني انتو ايش طقيتوا يقولوله هذا طليق اختنه و كل مره يي يسوي مشاكل وشفناه قاعد يصارخ و يتناجر معاك فشلنه جدام الييران و احنه بروحنه نبيه فصارت زلقه بطيحه
اهم شي ادق على عيال اخوي اقولهم تعالو فاككوهم ييون يزيدونه هههههههه
والله طاش ماطاش صار جدام باب بيتنه ههههههههه
انا اخرتها حسينو بينني و بيقعدني بروحي منتهيه قاضيه

نيي حق المهم الغاليه امه على كلامه ان الخطط لي لحين ناجحه و اخته تقولي امي قلبها لان ادعولي ربي يسهل لاتنسوني و سوري انا قاعده اكتبلكم من الفون و اكيد الحين ترس بدليات انشالله راح ادش المغرب و اقولكم التفاصيل بس حبيت اطمنكم حبايبي انتو

 

[شادن33]

ياحليلج جنا قاعده اشوف مسلسل هههه اخاف وايد فيه اجزااااء خخخخ
ننطر النهايه السعيدة
يلا كل ماتفضين طمنينا حبيبتي

 

[BraZiLeya]

اللي سوااه خييره ان شاءالله لي يا خطبج يقول شفتها ذاك اليوم و اعجبت فيها و بس ههههه بس صج مسلسل لوووووووووول

 

[BaiTotia]

أمبيه لو أنا منج أقعد أبجي ههههههههههههه

بس الله يهداه المفروض مايسوي معاه مشاكل أدري عصب وأنبطت جبده مسكين

لكن إذا صار من نصيبج إن شاالله بيقعد لكم قعدة طليقج دامه راعي مشاكل ولسانه شطوله

بيحطه بباله زود

 

[hend6363]

ههههههههه يا رب يخليه لك يا رب ا
موتني ضحك موقف السيارة

 

[the-angel]

الله يوفقج حبيبتي وان شاء الله خير

والموقف يمكن من صالحكم عشان يتعرف علي اخوانج ويقول ابي اخطب منكم عجبتني عايلتكم

 

[قَلبڪْ صًخرْ]

قصتج نفس بنت خالتي
بس بنت خالتي زوجها الحالي ماكان يحبها قبل لاتتزوج من الاول

حبها بعد طلاقها وامه ويدته رفضو شلون تتزوج
وحده عندها بنت ومطلقه بس اصر وتزوجها

والحين مرتاحين مع بعض

الله يوفقج

ملاحظة
ليش ريل الام حاطينه
انه بتملل او يكره بنت ريال ثاني

ياما كان ريل الام ابرك من الابو نفسه
وماتحلف الا براسه باجر

 

[حواري]

هههههه والله قلت له نفس كلامكم قلت له سويت مسلسل جان يعصب علي ويقولي سكتي لا اصير عليج مسلسل شائت الاقدار
الله يا ان حصل مدح من اخواني مو صج و ابوي لمن سمع قال بيعزمه على الديوانيه و الحبيب متشقق كل شوي يدق يسأل شقالو ذبحني اخر شي قلت له قالو عنك رومبو هههههه واحد من اخواني يقول مادري شفي لصبي فيه حره على طليقج اقول بقلبي بلاك ماتدري شنو بقلبه
اخته داقه علي ميته من الضحك تقولي حسينو بدع زارد الريال يقوله ماتشوف و هو الي داعمه يدور مشاكل هههههههههه
طليقي من الصدمه مو عارف شسوي ضاق خلقه عسياره و انطق و مستغرب ههههههه استغفر الله و الله كثر ماخفت ضحكت انا ببدل بنوتي الحين و بييكم اقولكم التفاصيل حبايبي ادري طولت عليكم بس والله هسالفه عفستني
خلاقوم ابدلها و اجهزها حلفت حبيبي مايي يسفط بعد مالنه خلق من الصبح طاش ماطاش

 

[Ms.A]

سالفتج تونس والله .. يارب يكتب اللي فيه الخير و يسعدج انتي و حبيبج و بنتج .. ويفككم من طليقج .. انتي كل ما شفتيه قولي اللهم اكفنيه بما شئت و ربج اللي بيكفيه لا اخوانج ولا حبيبج ولا احد ...
تستاهلين كل خير ;**

 

[نشيج الروح]

الله يكون بعونج حبوبة ...... وبقولج رأيي بشكل عام قرارج كان صح بقطع العلاقة وغلط بالتسرع بالزواج والنتيجة كانت الطلاق وعودتج لقرار كنتي متخذته وهو قطع العلاقة ...... الحين بعد ما عرفتي شنو المطلوب وأخته كلمتج المفروض ما تكلمينه نهاااااائيا عشان قلبج ما يتعلق زيادة من ناحية والشي الأهم عشان ما تتآثمين وربي يبارك لج بزواجج بإذن الله ويسهل دربج ودربه ..... والريال بشكل عام اشوفه مناسب لج ...... وآخر شي نصيييييييحة لا تسوون مسلسلات مع طليقج مهما صار عشان يكون الحق معاكم دائماً ..... لان أنتو غلطتو يوم أندعمت سيارته وانطق من اكثر من طرف ..... يعني الحين حتى لو هو غلطان راح ينحط عليكم خطا اكبر منه...... وممكن راح تصير مضاعفات نتيجة تصرف متهور منكم فأتمنى ما تعيدونها عشان ان صار ما صار حجتكم تكون قوية ويكون الأساس فيكم التصرف الراقي البعيد عن العواطف .....
وآخر شي الله يوفقج ويسهل دربج ويكتب لج كل خير ويعوضج 

 

[ناسفه البرقع]

لووووووووووووووووووووول وناااااااسه برررد جبدي :ggdw::ggdw::ggdw:


جان ناديتوووني فيني حررررررة فنااقر تشوووت :rgewrg:


وااي جان زين حاطه تحت التاير ورااااااااااااااايح رااااد عليه

 

[ورده حمرآ]

خييييييييييييييييييييييييييره
كلهـا براهييين حلووه لقرب الموافقــــه
ويلا عاااد تعبت وانا انطر النهايه السعيده

 

[عاشقة الدوحة]

استخيري ،، وناقشي معاه كل شيء بالتفصيل،، علشان الأمور تكون واضحة .. وحاولي تتصرفين بطبيعتج بدون ما تضغطين على نفسج ،، وبثقة،، من يدري يمكن زواجج يكون ناجح.. اهم شيء الأخلاق..

لا تنسين استخيري واستشيري امج وابوج.. والله يوفقج حبيبتي ..

 

[عاشقة الدوحة]

توي قريت الموضوع كامل

خلاص تفائلي اهم شيء بكرم رب العالمين .. ونصيحة حاولوا تمشون الموضوع بسرعة .. خير البر عاجله،، ماتدرون عقب شنو اللي بيصير،،

 

[ملح الدنيآ.]

ماخاب من استخار

 

[the-angel]

الله يوفقج ويسرهااا يارب

 

[أحبه حدي]

الله يكتبلج إلي فيه الخير ان شاءالله

بس يلا تعبت وانا انطر النهايه إلي ان شاءالله تكون سعيده

 

[om 3mory]

حبيبتي نصصصيحه من اخت لاختها روحي اخذيه انا مرييت بنفس تجربتج بس كنت حامل من ريلي وانفصلنا وكنت احب واحد حب ماتتصورينه يوم درا اني تطلقت وحامل وربي كان يخاف على اللي بطني جنه ولده ؟؟ استغربت في واحد يحب وحده وباعته ؟ والله بس دشيت تكرمين الحمام وييلج على ويهي ونزيف حاد وراح ولدي ومن بعد شهر خطبني وافقت مع ان اهو مدرس ويهبل وماتزوج انا يعني زوجته الاولى والحين حامل منه بالشهر الرابع؟ انتي ناقصج ثقه بنفسج وكبريائج اللي انهز لو مايبيج ماكلم خواته لو في احد يعاير زوجته ماافي مااافي ماااافي خصصصوصا لو كانت حبيبته ظمني بتعيشين حياه غيررر عن قبل دام حبيبج بيصير ريلج وذراعج اليمين حطي فبالج الفررصه ماتييلج مرتين مره بس وانتي لا تخسرين هالفرصه بنتج بعمر معين بتحتاج حق حنان ابوها لو تعطينها ماي عينج ماراح يملا عينها؟ لما تشوف ريال معاها بنفس البيت ماراح تحس شي ناقصها عند ام واب وان شالله اخوان وخوات ؟ في شي احلا من جذي ؟!! لاتخسرينه دام خاطره فيج

 

[سندس 90]

صلي استخاره ووافقي الريال ماينتطووف