امممممممممممم
اسمعي ياطويلة العمر
شعري كان حلو او بالاصح عادي
طوله كثافته نعومتته عاديه مايله للجاف
من تزوجت بعد سنه سنتين
تغير
طاح
انا بكل بساطه مصلعه من قرام تشوفين فروة راسي
ومن ورا شعرتين
وصارلي على هالحاله 4 سنوت
راجعت دكاتره مره يقولون فقر دم خفيف ومرات يقولون لا مافيج شي وراثي
للعلم كل عايلتنا شعرها زين ماكو احد تساقط كذا
ومايعطوني شي بس بخاخ
وصراحه انا ما استمر
فخلاص قلت ادويه وبخاخات خلاص ماعاد استخدم ابد برجع للطبيعي
صبغاات ما اصبغ الا نادرا ومن زمااااااااااان مو صابغه
الحين صارلي شهر
رجعت للحنا
اخلط معاه سدر وحلبه ومحلب وحبة سودا وزبادي وعسل
مره بالاسبوع
اغسله بماي بعده وادهنه مره
بتونك الفازلين مره بنارجيل << شرايج فيهم وايهم افضل
وقت يمكن اسوي كل فتره 10 ايام جذيه خلطه قريت عنها للتنعيم
عسل وقهوه وحلبه وزيت زيتون وزيت جوز الهند
شامبو استخدم جونسون للاطفال
شريت حبوب للشعر اسمها ماتركس 500 ما ادري اذا مرة عليج
مدحها الصيدلي لزوجي
وصايره اخذها كل يوم
اممممم
ايه بناتي وحده 3 سنوات وحده سنه ونص
استخدم لهم نفس البرنامج شرايج زين او واجد عليهم صغار
طبعا ما عدى الحبوب ما ياخذون اكيد
انطر رايج
لان جد نفسيتي تعبانه من شعري
مهما كشخت لبس ومكياج شعري يشوه منظري
الله المستعان بس
اهلييييييييييييييييييييييييييييييين حبيبتي حاسه فيج وبمشكلتج بس ان شاء الله الحل عندي بس اهم شي ييبي ورقه وقلم وسجلي اللي بقولج اياه عدل وفهمي اول عشان تطبقينه بطريقه سهله
اول شي يوميا تشربين مااي وايد مو اقل من 8 قلاصات ماي باليوم اهههههههههههههههم شي
ثانيا الشاور مالج يكون بماي بارد مو حار ولازم الشامبو اللي تستخدمينه تخفيفنه اول بشوي ماي وشامبو جونسون زين اذا مرتاحتله تمي عليه
ثالث شي يوميا لمده اقل شي خمس دقايق سوي مساج لفروة راسج بشكل خفيف
رابع شي انتي واللي انا تقريبا اكتشفته انه والله العالم سبب تساقط شعرج بدا من بنتج الاولى يعني عقب الولاده تدرين ليش لانه في حريم وقت الحمل ياخذون الفيتامينات مالتهم 9 اشهر تقريبا فالجسم يتعود عليهم ولما الحرمه تولد وخلاص تكون اصلا فاقده دم وايد وتترك كل هالفيتامينات فطبيعي انه حاله شعرج بتسوء وخصوصااا الحديد ونفس ما اكرر واقول الحديد اهو اللي يغذي الدم ويزوده بالاكسجين وبالتالي يوصل الفيتامينات لكل جزء بالجسم واهمها الشعر وانا من حالتج اتوقع انه فيج نقص حديد حتى لو بسيط ترا وايد ياثر عشان جذي روحي اقرب صيدليه واخذيلج حبوب الحديد الباكستانيه حبه يوميا لمده ست اشهر عقب ما اتريقين عدل مدل وتكون معدتج متروسه تاخذينها مع قلاااااااص عصير برتقال ولازم لاقبلها ولا عقبها عالاقل بساعتين ماتكونين شاربه لاجاي ولا قهوة ولا مشروبات غازيه ولا ككاو والاحسن لو تخففينهم او تقطعينهم بالمره لانه هالاشياء تعيق امتصاص الحديد وكثرتها تسبب انيميا وهالحبوب بتكون اساس العلاج ان شاء الله
وتروحين محلات جي ان سي وتاخذين منهم حبوب البيوتين 2500 حبه باليوم عقب الغدا بس لازم مايكون عندج مشكله بالرحم او المبايض هالحبوب للكثافه والتنبيت عجيبه اخذيهم ثلاث اشهر بس وفي تجربه وحده بموقع اجنبي شعرها كان في فراغ من الاكستنشن وخلال جم شهر نبت هالفراغ
وبعدين اهتمي باكلج وخلي يكون صحي ويوميا لازم تكونين عالاقل ماكله 6 حصص من الفواكهه والخضرا عشان تغنيج عن الملتي فايتمن وشربي حليب واكلي بيضتين يوميا والسمج عشان الاوميغا ثري وخلي اكلج على طول صحي بصحي هاذا من ناحيه الاكل والفيتامينات وتفذيه حرفيااااااااااااااااااااااااااااااااااااااااااااااااااااااااااااااااااااااااااااااااااااااااااااااا.
وبعدين اخذي تونيك كمينوموتو وتلاقين طريقته بردودي الاولى للبنات واستمري عليه ست اشهر وبتشوفين النتيجه شلون وزيت النارجيل وتونيك الفازلين استغني عنهم واستخدمي هاذا يوميا مع المساج اللي قلتلج عليه اول شي ويمكن بالبدايه تلاحظين شوي تساقط عادي هاذا لانج تركتي الاشياء اللي عندج وكنتي تستخدمينها والشعر الميت والضعيف يطيح قاعد والقوي يظل وبيطلع شعر يديد لانه ترا البصيله ماتموت لاتخافين
وخلطتج مالت الحنه والسدر عجيييييييييييييييييييييييييييييييييبه الصراحه ماقدر اضيف عليها وخليها مع الاشياء اللي كتبتهم لج مره بالاسبوع وترا السدر للتنبيت عجيب بس ترا اذا هديتيه يطيح شعرج بس انصحج انج تتركين خلطتج الثانيه واستمري بس عالاولى عشان لا اتعبين شعرج وترا حتى الصبار الطبيعي مع ماي الجرجير عجيييييييييبه هالخلطه
وترا البخاخات اللي عند الصيدليات صج انها تنبت بس تراها تهيج الفروة وتسبب قشرة واذا تركتيها تعددددددددددددددددم الشعر والحبوب اللي قاعده تاخذينهم الصراحه اول مره اسمع عنهم اتوقع انهم ملتي فايتمن بس انتي الحين محتاجه للحديد اكثر والبيوتين فاستغني عن اللي عندج واستخدمي اللي قلتلج عليهم واستمري على كل شي قلتلج عليه وباذن الله بتلاقين نتايج تسرج
وبناتج الله يحفظهم الزغيرة تو الناس عليها بس ام 3 سنين اول شي شربيها ماي وايد واستخدميلها شامبو جونسون بعد مخفف بماي وخليها تستخدمه على طول حتى لما تكبر وسويلها اسبوعيا خلطه الحنه والسدر مالتج عشان شعرها يكثف ويطول من الحين وعشان بعد شعرها يتعود عليه وخليها تشرب حللللللللليب وتاكل بيض وفواكهه وخضرا وسمج وخليها تقلل من المشروبات الغازيه والككاو والمقالي والبطاط وهالاشياء وبنتج الثانيه لما توصل لنفس العمر 3 سنين سويلها هالاشياء والله يخلي بناتج لج ويخليج لهم يارب واي استفسار ثاني من عيوني
لاتخافين حبيبتي امشي عاللي قلتلج عليه حرفيا وباذن الله بتشوفين اللي يسرج.
واي استفسار حبيبتي من عيوني ولايردج الا كيبوردج. وانسي شعرج ولاتفكرين فيه لانج اذا فكرتي وايد بتتعب نفسيتج وهالشي ياثر عالشعر انسي واهتمي بشغلات ثانيه :eh_s(8):
ومنتجات الي قلتي عنها موجوده بسعوديه ؟ القها بصيدليات ؟
