شوفي يا حلوه وركزي معي <من اولها داخله حاميه خخخخخ
اول شي وقبل كل شي جيبي قاروره مويه حاره وحطي فيها اربع او خمس حبات مره تلاقينها عند العطار وقوليله عطيني اللي لونها فاتح علي عسلي وحطي في القاروره غطا ديتول الاخضر حق العنايه الشخصيه حلو؟؟ هادا يا طويله العمر كل ما دخلتي الحمام وانتي بكرامه وبعد كل شور تمسحي فيه مكان الحبوب بقطنه نظيفه وتقدري تغيري لقطنه مرتين تلاته في المره الواحده اذا الحبوب بداخلها سائل<حبوب ملتهبه
دحين اقلك ايش فايدتها اولا المره مطهر قوي ومضاد حيوي بيوقف تككون الحبوب وتلوث المنطقه من الحبوب الموجوده اصلا ورح يطهر المكان ويجففه ويشده والديتول نفس الشي وبنفس الوقت المحلول هادا رح يساعد في تفتيح المنطقه حيييييييل وبيرجعها وااو
ثانيا هاتي كريم ريتن ايه سمعتيني ايوه ريتن ايه حق الوجه وكل ليله امسحي مسحه خفيفه في مكان الحبوب والمكان اللي فيه سواد من اثار الحبوب بعد اسبوعين او ثلاث بتقولين باي باي للمشكله هادي بس الصبح لما تصحين حطي كريم مرطب لان الريتن ايه رح يقشر في الاول وحاولي قد الامكان لا تلبسي داخلي في الفتره هادي مو لانه يعور بس عشان تقللي الاحتكاك
جربي وقوليلي ايش صار معاكي حبيبتي اتمنا اني افدتك وموفقه
