جيل الستينيات ...وينكم؟؟؟؟

[ميثا الغريب]

عساكم ما نسيتوني

 

[ميثا الغريب]

تكفون لا تشرهون علي
صراحه كانت ظروف ماقدرت اتواصل معاكم

 

[ميثا الغريب]

شلونج يا أم أحمد

عمره مقبوله

 

[الغاليه ام احمد]

السلام عليكم يالغاليات

شلونكم وشخباركم وشلون العيال والاهل

ام خالد الله يسلمج حبيبتي وبشري شلون خالتج عساها بخير

ام حمنو هلا فيج شلونج وشلون الحلوات ما كبروا شوي

فطووووووووووومه هااااااااي شخبارج شلون الحلوات وخاصه اللي تبي المدرسه تموووووت ههههههههههههه

عصووووووره هلا بالغاليه الله يعينج على التدريس بس لا تطولين الغيبه والله نشتاق لج

ام عبدالله حبيبتي شخبارج وشلون العيال والدراسه وشلون النوم يلا عدليه

وووووووووووووووين باقي البنات ليش هالغيبه طولت

 

[الغاليه ام احمد]

اخت الرجاجيل حياج الله بين خواتج اخت غاليه وعزيزه

 

[الغاليه ام احمد]

هلا وغلا ميثااااا

حياج الله يالغاليه عسى ماشر طولتي الغيبه والله قعدنا نحاتيج

 

[ميثا الغريب]

شلونكم يا حبيباتي
عيدكم مبارك
وكل عام وانتم بخير بمناسبة العام الدراسي الجديد

 

[ميثا الغريب]

ماشر إنشاالله

بس كنت مااقدر اقعد اشبك لان تعابنه شوي من رجولي مضيقه خلقي

والحين الحمدالله احسن شوي

 

[ام خالد الغلا]

السلام عليكم حبيبات قلبى الغاليات اشلونكم

 

[ميثا الغريب]

ام خالد شلونج عساج طيبه
شلون العيال والأحفاد عساهم بخير

 

[الغاليه ام احمد]

الله يسلمج وعساج من عواده

وووووووووووويه ميثااااااااااااااا من رمضان ما طليتي

المهم انتي شلونج وشلون العيال والاهل

 

[ميثا الغريب]

ام أحمد شأخبار آخر الترتيبات للعرس

ودلول وين راحت أي كليه

 

[الغاليه ام احمد]

ما عليه ميثااااا الف الف لا باس عليج وما تشوفين شر

اهم شي سلامتج يالغاليه

 

[الغاليه ام احمد]

والله ميثاااا للحين وانا احوس من مكان لمكان والله كريم ما بقى شي

ودلوله راحت علوم بيولوجي

 

[ميثا الغريب]

اخباري
ابشركم قدمت تقاعد والأسبوع الجاي آخر أسبوع لي بالمدرسه

 

[ميثا الغريب]

حلو علو بيوليجي اخت خريجه السنه الطافت بس عقب سنتين حولت تربيه احياء وجولوجيا
والحين ماشاءالله مدرسة احياء ثانوي

 

[ام خالد الغلا]

الحمدالله على السلامه ام احمد نورتينا

حيالله ميثا ولهنا عليج وما تشوفين شر واجر وعافيه

اخت الرجاجيل حياج معانا ونتشرف فيج حبيبتى وكلامج درر وكله صحيح

هلا وغلا ام حمنو الله يعافيج حبيبتى

فطومه هلا والله بالغاليه واشلون الحلوات

خالتى يا الغاليات تعبانه مره كبيره والله يشفيها وياجرها وللحين تعبانه وقاعده اطل عليها عند بنتها كل يوم والله يشفيها ويشفى مرضى المسلمين اللهم امييييييييييييييييييييييييين

 

[الغاليه ام احمد]

ام خالد ما تشوف شر خالتج والله يشفيها

ميثااااا دلولتي ما تبي التدريس تبي الادله الجنائيه والله يستر

ومبروك التقاعد

 

[ميثا الغريب]

الحين اقولكم تصبحون على خير

وراي دوام لما اتقاعد اسهر معاكم

 

[ام خالد الغلا]

ام خالد شلونج عساج طيبه
شلون العيال والأحفاد عساهم بخير

هلا وغلا ميثا صج لج وحشه من زمان وولهنا عليج

انا الحمدالله بخير والحمدالله والاحفاد والعيال بخير والحمدالله

الف الف الف الف الف مبروك على التقاعد وصرتى مثلنا يلا ارتاحى