جيل الستينيات ...وينكم؟؟؟؟

[تم مشاري]

رد : جيل الستينيات ...وينكم؟؟؟؟

امبيه شكلي زهايمر ممسووووووووووووووح مافي ذاكرة بالوقت الحالي بس ما عليكم بعصر مخي الحين عصرة مو طبيعية لازم

 

[ورود خضرا]

تذكرون مظاهراتنا لما صار اتفاقية كامب ديفيد مادري اشدخلنا فيها قصوا علينا المدرسات والبنات الفلسطينيات وسووا مظاهرة في المدرسة وخذونا معاهم نهتف معاهم بالدم بالروح نفديك يافلسطين

 

[تم مشاري]

رد : جيل الستينيات ...وينكم؟؟؟؟

اقول ورود شكلج كلش مومن جيلنا اي مظاهرات يبة مااعرفها

 

[ورود خضرا]

ليش بالسبعينات مادري عاد اي سنة
بس احنا مدرستنا متروسة فلسطن من طالبات ومدرسات فكنا نتأثر باي قضية سياسية اول بأول

 

[فوفو22]

رد : رد: جيل الستينيات ...وينكم؟؟؟؟

تذكرون مظاهراتنا لما صار اتفاقية كامب ديفيد مادري اشدخلنا فيها قصوا علينا المدرسات والبنات الفلسطينيات وسووا مظاهرة في المدرسة وخذونا معاهم نهتف معاهم بالدم بالروح نفديك يافلسطين

اذكر فيه تبرعات بس ناسية المظاهرات

تذكرون استقبل الشيخ صباح السالم لما جا من لندن ووقفا على البحر نسلم عليه

وهو بالسياره

فوفو

 

[فوفو22]

رد : رد: جيل الستينيات ...وينكم؟؟؟؟

ليش بالسبعينات مادري عاد اي سنة
بس احنا مدرستنا متروسة فلسطن من طالبات ومدرسات فكنا نتأثر باي قضية سياسية اول بأول

انا كنت برميثية انتي وين؟؟؟

فوفو

 

[تم مشاري]

رد : جيل الستينيات ...وينكم؟؟؟؟

تذكرون العيد الوطني لما كان بالشارع وسيارات اشكال وانواع ومسيره ويسكرون الشارع عشان الناس تسوي مسيرة مشي بشارع البلاجات

تذكرون لما كان عندنا شاطيء على ايام ما كان عندنا شاطيء نقعد فيه

 

[Ameeraaaaaa]

مساء الخير للحلويين
اللي كانوا زايريين واللي كانو طالعين
ان شاء الله استانستوا ؟؟
اي اتذكر سالفة المظاهرات كانت بسنة 1978لانها سنة الاتفاقية يعني انا وقتها كنت 9 سنين
بس اتذكرها حيل واتذكر هتافات الطالبات , بس انا كنت مثل الاطرش بالزفة !! مدري شنو القصة بس بعدين الوالد الله يرحمه فهمنا

وسنة 1979 او 1980 ما اذكر بالظبط بس ايام حرب العراق وايران
التفجيرات اللي صارت بالسفارة الاميركية واللي صارت بفلل الامريكان بالبدع

منيرة خالد ,, ومن وين يبتي الكوب العجيب !!تسلمين علي الصورة
ومنو تعرف طريقة شوربة العدس مالت المدارس ؟؟؟؟
شخباري صج ذكرياااااات

 

[منيرة خالد]

تذكرون مظاهراتنا لما صار اتفاقية كامب ديفيد مادري اشدخلنا فيها قصوا علينا المدرسات والبنات الفلسطينيات وسووا مظاهرة في المدرسة وخذونا معاهم نهتف معاهم بالدم بالروح نفديك يافلسطين

هلا والله بورود


اي والله اذكر ذيج السنة لما وقع اتفاقيه كمب ديفيد اطلعوا المدرسات والبنات الفلسطينيات من المدرسه وكانوا يبجون ويصارخون ويدعون واحنا اغبياء فاجين الحلوج ونبحلق فيهم ( كنت بالسالميه ) وووصلت المظاهرات لين الابراج واذكر بالليل بيتنا قريب من دوار البدع بس صوب السالميه طلعت انا واخوي نشوف المظاهرات اللي ما خلصت >> بالليل يعني الساعه 7 المغرب - عاد اللي يشوفهم وما يشارك معاهم يحذفونه بالصخر ليش مدري ترا كنا صغار بالمتوسط​

 

[ورود خضرا]

بالفنطاس

 

[منيرة خالد]

حياكم الله

مرحبا فوفو ، ام مشاري ، اميره

يا مرحبا يا مرحبا


الكوب صدته بموضوع نفس موضوعنا يتكلم عن مواليد الستينيات

 

[blue diamond]

ياااا حلوكم والله

حبايبي بطرح عليكم سؤال وباجر بشوف ردودكم عليه لان الحين حدييييييييييي دايخه

بما انكم من جيل الستينات والسبيعات الله يطول بأعماركم ان شاء الله وعاصرتوا جيل الثمانينات والتسعينات وأكيييد شفتوا تطورات حدثت في حياه المرأة بشكل عام بكل جيل سواء بالايجاب او بالسلب

شنو اهوا هالتغييرات والتطورات من وجهه نظر الشخصيه لكل وحده ؟؟
وشنو اهيا نصايحكم لحريم جيل الثمانينات والتسعينات ؟؟



:hjy5jewf:
​

 

[منيرة خالد]

شوفوا هالدينار عندي نص دينار للحين محتفظه فيه

 

[ملح و سكر]

http://www.youtube.com/watch?v=lubuiyfqhis&feature=related

شوفوا هذااااااا
شخباري !!!!؟؟؟؟

اى والله شخبارى ...عفيه عليج اشلون قدرتى تطلعينهم خخخخخخ

 

[ورود خضرا]

حتى مدارس الصبيان اللي يمنا طلعو وتجمعو عند مدرستنا فكانت عندنا مدرسة مصرية عصبيييييييية والكل حاقد عليها وماخلو شي ماسووه الصبيان فيها برا المدرسة من الحرة عليها علشان خواتهم فكانت زلقة بطيحة مرة وحدة طلعو حراااات خواتهم منها

 

[$$درر والماس$$]

اذكر المضاهرات كنت انا بالمتوسط وكانت ناظرتنا فلسطنيه وعجوز حيل كانت دايما تقول ما راح اتجوز الا لما اتحرر فلسطين وكنا نضحك ونقول ما لج امل

ام مشارى الظاهر انت اللى مو من جيلنا

 

[منيرة خالد]

اليوم بسدح لكم كل الذكريات >>> بلو دايمن .......... بجاوب على سؤالج بس باجر اوكي وحياج الله معانا


للذكرى فقط
نشيد قلمي:

قلمي قلمي .. نورُ الأممِ
أنت صديقي.. عند الضيقِ
أنت هنائي .. فيكَ رضائي
يوم نجاحي .. كنتَ سلاحي
نادوا حَوْلي .. وارعوا قَوْلي
يحيا القلمُ .. هو والعلمُ



نشيد الطائر:


يا طائرا ما أجملك.. يا زهرة في الشجرِ
أنت على الغصن مَلك.. مكللا بالزهرِ
سر في هواء حملك.. وطر بغير حذرِ
لولا جهاد أمّـِك .. يا طائرا لم تطرِ



وأخيرا نشيد الأسير اللي كسر خاطري:


وقف الأسير مقيدا ****بين الأسنة والعدا
وإذا تلفت حوله****وجد السلاح مسددا
قالوا له--- ماذا أعد أميركم****للعاديات وجندا
إن بحت بالأسرار عشت****مدى حياتك سيدا
فتبسم المأسور من****هذا الكلام ورددا
عاشت بلادي حرة****ولها دمي من الفدا
أفنى ويبقى في علا****وطني الحبيب مخلدا

 

[تم مشاري]

رد : جيل الستينيات ...وينكم؟؟؟؟

تدرون امس ابوي دق علي تلفون على الساعه 1 الظهر بما اني مفتي بيت ابوي طبعا مو داعية بس الله يعافي الشيخ قوقل

قال لي يصير البنات او الصبيان ينامون بفراش واحد قلت له ما يجوز الا اذا كان كل واحد بكمبل لوحدة

على حسب الحديث الي يقول قال رسول الله صلى الله عليه وسلم (( مرو اولادكم بالصلاة بسبع , واضربوهم لعشر , وفرقوا بينهم بالمضاجع ))

بس تدرون هالحديث كان رايح عن بالي تذكرته لمن ابوي سالني فحبيت انبهكم حبايبي انا عيالي كل واحد دار بس ساعات بناتي الصغار يحبون ينامون بفراش واحد انا ما اخليهم بس الحين راح ازيد رفض

لانه ابوي لقا اختي وبنت اخوي واختي الثانية الي من ابوي نايمين بدار وحدة سوى لهم زلزال الصبح اكسرو خاطري قامو على خرعه جنهم داشين جيش

واليوم طبعا على الغدا كان هذا نقاشنا

يالله الحين قولو لي اشرايكم بالي صار

 

[الغاليه ام احمد]

السلام عليكم حبيباتي بقدملكم بطاقتي الشخصية وهي انا من مواليد احلى جيل وهو الستينات ومتزوجه وجده وعندي ثلاث بنات وولدين البنت الكبيره عندها ثلاث يهال بنتين وولد وعقبها الثانيه عندها بنت والثنتين يشتغلون اما الاولاد الكبير توه متخرج من مصر طب اسنان ومن كم يوم استلم الشغل والثاني يدرس حقوق بجامعة الكويت سنه ثالثه والقعده بنتي الحلوه اللي للحين في نظري بيبي في رابعه ثانوي علمي والله يوفقها الله يخليهم لي ويوريني برهم وما يوريني غلاتهم وانا ربة بيت انخطبت عقب الثانويه وتزوجت وما رضا اكمل دراستي لانه ما يبيني اشتغل ووالله اني ماني ندمانه على القعده في البيت لانه احنا اشدعوه يمسكنا شي ما شاء الله رحنا كل مكان وتقريبا درنا العالم ودراستي كانت في ثانويه السالميه لاني من مواليد و سكان السالميه ويا حلو السلميه وذكرياتها الحلوه

 

[فوفو22]

رد : رد: جيل الستينيات ...وينكم؟؟؟؟

هلا والله بورود


اي والله اذكر ذيج السنة لما وقع اتفاقيه كمب ديفيد اطلعوا المدرسات والبنات الفلسطينيات من المدرسه وكانوا يبجون ويصارخون ويدعون واحنا اغبياء فاجين الحلوج ونبحلق فيهم ( كنت بالسالميه ) وووصلت المظاهرات لين الابراج واذكر بالليل بيتنا قريب من دوار البدع بس صوب السالميه طلعت انا واخوي نشوف المظاهرات اللي ما خلصت >> بالليل يعني الساعه 7 المغرب - عاد اللي يشوفهم وما يشارك معاهم يحذفونه بالصخر ليش مدري ترا كنا صغار بالمتوسط​

مناير بيتنا جبال الدوار لا يكون انتي اخت ي وانا ما ادري :eh_s(12):

فوفو