جيل الستينيات ...وينكم؟؟؟؟

[الغاليه ام احمد]

الله وياج ملح وسكر

يا حلات اهل السالميه انا بيت حمولتي وري الجامعه الامريكيه كانت روضه وسبحان الله ولدي درس فيها نفس ابوه وعماته

بس انا من سكان الشاميه ما شاء الله عليك كلكم من منطقه حولي يعني ما في احد العاصمه يعني قبل لا يشيلون روضه ابن خلدون

صارت جمعيه الاصلاح ومدرسه سكينه صارت لتربيه الاساسيه ومدرسه سكينه صارت الشاميه مشتركه واما الثانويه ليما الحين

نفس ما اهي جزائر كانت للمقررات صارت عاديه واي بس اما كليه العلوم الصحيه كانت بالفيحاء صارت بالشويخ

صاجه يا حلو السالميه تصدقين انا دخلت هالروضه اسمها روضة السالميه انا بيت عمتي كانوا ساكنين قبال المدرسه الامريكيه يم مسجد الشيخه بدريه

 

[اسرار الغلا]

رد: رد : رد: جيل الستينيات ...وينكم؟؟؟؟

:nbvppw::nbvppw::nbvppw:



هلا والله باسرار الغلا ------------- شالسالفة الربع كلهم زعولين انا وحدة مجابلة الموضوع وكل شوي احد يدش ارحب فيه ما شفتج يالله هذي العاب نارية عشانج

فدييييييتج والله

دام فيها العاب ناريه وشراخي خلاص رضيت

 

[الغاليه ام احمد]

رد: رد : جيل الستينيات ...وينكم؟؟؟؟

الله يعطيكم طولت العمر بس انا من مواليد جيلكم

يا مرحبا فيج وحياج الله نورتي المنتدى

 

[ريـــحانــة]

رد: رد : جيل الستينيات ...وينكم؟؟؟؟

بلنسبة لموضوع تربية العيال

الجيل هذا لازم تصاحبينه وتجارينه

وما نستخدم العنف معاهم

اهم شي علمته عيالي


الصراااااحه

يصارحوني بكل شي

لله الحمد

فوفو

أحس أحسـن شي المصاارحـة ...حيل تريح الوحـدة

يبيـن من ويهم غذا عندهم شي أو مكدرهم شي ؟؟ ما يقدرون يخشون عـنج ... وأول بأول ولله الحمد والمنـة يصارحون

​

 

[الغاليه ام احمد]

ماشاء الله 000 الله يطول في اعماركم وتفرحون بعيالكم واحفادكم ويجعل ايامكم عامره بذكره وشكره سبحانه:yaaaaaarb:

مشكوره ام حمنو ويطول عمرج ويخليلج حبايبج

 

[منيرة خالد]

تصبحوووووووووووون على خير


وراي قعده من الصبح لعيالي للمدارس

 

[حياتي فراغ]

رد : جيل الستينيات ...وينكم؟؟؟؟

ريحاة حياتي تسلمين وبسوي سيرج بقوقل و تسلمين لأن انا كتب التربيه دايم آخذها من جرير او ذات السلاسل ...
يعطيج العافية

 

[الغاليه ام احمد]

السلام عليكم
اشلونكم وشخباركم يا احلى الحلوين

هلا فيج دموع شخبارج واشلون العيال

 

[ريـــحانــة]

تصبحوووووووووووون على خير


وراي قعده من الصبح لعيالي للمدارس

وإنتي من أهــل الخير يالغاليـــة ...​

 

[دموع تائهه]

اشلونج منيره خالد وشخبارج

 

[ريـــحانــة]

رد: رد : جيل الستينيات ...وينكم؟؟؟؟

ريحاة حياتي تسلمين وبسوي سيرج بقوقل و تسلمين لأن انا كتب التربيه دايم آخذها من جرير او ذات السلاسل ...
يعطيج العافية

الله يعافيـــج ماسويـت شي

 

[لؤلؤية]

رد : جيل الستينيات ...وينكم؟؟؟؟

السلااااااااام عليكم يا بنااااااااات

>>>> شفت الليل بدا دوامه



شاخباااااااار الجميع..؟؟؟؟ ما شاء الله الموضوووع ماشي بسرررعه ما اقدر الحق عليه

 

[الغاليه ام احمد]

هلا فيج ياقلبي انا بخير 000وقاعده اجهز الجنطه بروح لندن بعد يومين اذا الله سهل بنت اختي تتعالج هناك صار لها ثمان شهور بروح ازورها وياريت تدعون لها في هالايام المباركه الله يشفيها وترد حق عيالها:33_1185028183:

ام حمنو تروحين وتردين بالسلامه والله يشفي بنت اختك ويردها سالمه وغانمه لعيالها 0000 حبيبتي حرصي على نفسج من البرد

 

[ريـــحانــة]

رد: رد : جيل الستينيات ...وينكم؟؟؟؟

السلااااااااام عليكم يا بنااااااااات

>>>> شفت الليل بدا دوامه



شاخباااااااار الجميع..؟؟؟؟ ما شاء الله الموضوووع ماشي بسرررعه ما اقدر الحق عليه

وعليكم السلام ورحمة الله وبركاته

حيااج يالغلا ...

 

[الغاليه ام احمد]

مشكوره يالغاليه 000 بس بغيت اتناقش وياكم بموضوع وياريت كل وحده تقول رايها شرايكنم بالكنه يعني مرت الولد 00احنا عشنا 14سنه عند حمولتنا وكنا انداريهم واندور رضاهم وبنات هالايام يبون الخاله تداريهم وتدور رضاهم وياريت اعجبهم والله اني عادتهم مثل بناتي وصديقاتي واخذ رايهم في كل شي وحده يبين بعينها وتقدر والثانيه شايفه عمرها وخبري فيها من عيد الفطر مع انها ساكنه معاي بنفس الفريج وبنتها كل يوم عندي اطرشها مع الخدامه :bbbiu:محتاره شسوي معاهاا تعودت كل مره تغلط علينا وتزعل وماتكلمنا بالشهرين والثلاثه وبعدين ترجع ولاكنها مسويه شي واسامحها علشان ولدي وبنته بس انا قررت هالمره مااسامحها لاني مليت منها ومن مشاكلها :0bee2e8d89:

ام حمنو طولي بالج اهم شي ولدج يوصلج احنا بصراحه عندنا مثل يقول (( المرا على خيالها)) يعني المفروض ولدج يلزمها بزيارتكم لكن اعيال هالوقت يبون الفكه من لسان حريمهم والله ما لومهم اكثر بنات هالوقت ما يطيعون اهلهم اشلون نبي يطيعون رياييلهم

 

[لؤلؤية]

رد : جيل الستينيات ...وينكم؟؟؟؟

الله يحييج ريحانة

 

[دموع تائهه]

هلا فيج دموع شخبارج واشلون العيال

الحمدلله بالف خير
انتي اشلونج واشلون العيال والاهل
وشلون يومج شسويتي

 

[حياتي فراغ]

رد : جيل الستينيات ...وينكم؟؟؟؟

وااااااااي قريتوا عن الكويتي اللي اغتصب الفلبينيه زوجة جارة ... لاحول ولاقوة إلا بالله

هذا الرابط ...
http://alwatan.kuwait.tt/ArticleDetails.aspx?id=66815

 

[الغاليه ام احمد]

وبعد هذا
http://www.niceq8i.tv/videos/664/

يا حلوج يا دموع ونستيني بهالاغاني ابي اسأل تطلع عندكم المحطات العربيه بالتلفزيون

 

[دموع تائهه]

فوفو
تصدقين السفارة ما رضو اييب الخدامه مو راضين
يقولون اذا انحاشت ما تطلعون من لندن الا لما تلقونها
وهي ماكملت سنه عندكم بس 8 اشهر