جيل الستينيات ...وينكم؟؟؟؟

[الغاليه ام احمد]

مرحبا يااحلا جيل ..............مع اني من اواااااااااااخر الستينات بس تقريبا ذاكره كل شي بالايام الحلوه
ايام الفريج اللي عايله وحده من صج
تطلعين برا عند الباب .. يصارخ عليج ولد الفريج براس العاير دشيييييييييييييييييي داخل والا يحذفج بصخرا يعني عشان ما يناديج باسمج وينتبه اخوج وييلج يطقج ... يعني دشي داخل بسرعه .................
كنت مليحه السكه وكانو يخافون علي من اصحاب البقالات كان كل فريج فيه بقاله او بقالتين ايرايين وكنت لما باروح مايخلوني لا انا ولا جم وحده وخاصه سكتنا اهل بجد .................
الله على الكيكه السويسرول عشتو كنا نسميها الكيكه الطويله كانت ب150 فلس الكامله يعني غاليه بذيج الايام وكاكاو المثلث وكاكاو عصار كلهم تغير طعمهم الحين ...
من يذكر كاكاو تريز ... الاصفر يابنات ...........
تذكرون قلم بو اربع الوان ................ الحين موجود ومتوفر قبل كان غالي وعزيز نحطه بالخيط ونلبسه قلاده يعني كشخه عندي بواربع الوان ...ونخاف عليه من البوقات .....
قلم الرصاص المخطط كانت امي تيبه حقنا لانه اصلي الحين وينه الاصلي كله تقليد ..........
تذكرون كروت صور الفنانين ......مثل الجنجفه ..... نتفاخر بالكميه اللي عندنا ..........
العروسه اللي تغمض وتفتح .... للحين عندي وحده محتفظه فيها صج انها بدون الصوت اللي فيها بس كل ماتطري علي اروح اطالعها احبها لانها هديه العالي حقي لما نجحت ب اولى ابتدائي...
وتذكرون النشاطات بالمدرسه ... تذكرون مسابقه انظف بنت .... وي كل سنه نتنافس عليها ونفرح بالجائزه اللي اذكر مره كانت بودره بيبي جونسون مع ماشات على الحيوانات ....
واي بنات ...... ياحلوها من ذكريات ...
وعلى فكره انا بعد من هواة الا من عاشقات القرايه الظاهر السيتينات زمن القراءه ....

ضماي هو وهناي يا مرحبا فيج

 

[دموع تائهه]

كل اللي وراهم دوامات
مع السلامه وتصبحون على خير

الحين الموجودين زام الليل

اشريكم نلعب حيله
شوفولنا ربازه زينه

 

[ريـــحانــة]

الصراحـــة الصورة هاذي ابدااااع

بدعتي أم أحمــد ..لا وفي منه أخضررر صح

ياااحلو ايام قبل حتى شيادرهم غييييييييييييييييييييير

 

[الغاليه ام احمد]

لقيت هالاعلان


الرياض-ا ف ب: اعلنت المحكمة السعودية العليا ثبوت رؤية هلال شهر ذي الحجة مساء أمس ليكون اليوم «الاحد» اول ذي الحجة وبالتالي عيد الاضحى في 16 نوفمبر.
واكدت المحكمة في بيان نشرته وكالة الانباء السعودية «ثبوت رؤية هلال شهر ذي الحجة مساء اليوم «أمس» السبت وبذلك يكون الوقوف بعرفة يوم الاثنين التاسع من شهر ذي الحجة الموافق في الخامس عشر من شهر نوفمبر».
اما عيد الاضحى فسيكون «يوم الثلاثاء العاشر من ذي الحجة الموافق في السادس عشر من نوفمبر».
وكانت مصادر مقربة من د.صالح العجيري ذكرت أمس ثبوت رؤية هلال ذي الحجة في السعودية، ما يشير إلى أن غداً هو أول أيام شهر ذي الحجة.
وكل عام وانتم بخير.

ان شاء الله باكر اول ذو الحجه وان شاء الله ناويه اصوم

 

[$$درر والماس$$]

وانا بعد موجوده

 

[ريـــحانــة]

عـلى طاري الربااازة

كنا نخشهـا بالجنطـة ونلعب فيها الصبح بالمدرسـة قبل الطاابور

نسخــن هههههههههههههه

 

[الغاليه ام احمد]

سلااااااااااااااااااام على احلاااااااااا جيل
وااااااااااااااي انا ويني فيه عنكم ماشالله متى وصلتوا ص56 حرام عليكم متى يمديني اقرا كل هذااااااااااا
فوفو يسلوا على هالموضوع بس عاد لو مخليته بداية السبعينات يالله معاااااااااااااكم معااااااااااااااكم
يحلوناااا والله وياحلو جيلناااااااا احببببببببه :33_1185028183::33_1185028183::33_1185028183:

وعليكم السلام يا كنفاني يالله معانا لحقي القراءة وشاركينا

 

[فطووومة]

وانا بعد وياكم


ما وراي شي متقاعدة

 

[الغاليه ام احمد]

مسااااااااااااااااااء الخير

مساء النور اهلا وسهلا بالحلوين

 

[masoo 511]

ياحلوكم ما شاءالله وصلتوا لهذي الصفحة انا بديت معاكم البداية وغطيت بالويك اند اشوة المنتدى في وايد من مواليدنا وانا اللي كنت اظن انه بس حق البنوتات زين ماكو وحدة منكم من ثانوية الروضة ان شاءالله احصل وياحلو الصور والعكوس وصورة الشرشف القديم اللي حاطينه

 

[الغاليه ام احمد]

اميره اشلونج ...ترى حتى انا احب القراءه موت ...للاسف عيالى ولاواحد فيهم يحب القراءه ...

يعنى صرت رقم 6 خخخخخخخ

صاجه ملح وسكر مع انه عيالي كبار القعده 4 ثانوي لكن ما عندي وقت للقراة يالله اقرا الجرايد يا اما اكون نايمه الضحا والعصاري اقوم بالمواجيب ما شاء الله حبايبي وايد ودايما هذي والده وهذي املجه لولدها او بنتها وهذي مريضة والحمد لله وهاليومين طايحتلج بلعبة السودوكو اللي بجريدة الراي والوطن

 

[فطووومة]

هلا اختي وحياج الله

ماشالله الموضوع من زينه يمشي لا يركض ركض :RoadRunner:

اسم الله على بنات الستينات :yaaaaaarb:

 

[الغاليه ام احمد]

السلام عليكم ..زصباحكم خير وورد وجـوري

آنا متابعـة تجمعكم ...يا حلوكم ويا حلو ذاك الزمـن المخملي

كل شي فيه حللو ...براءة ومحبـة وقلوب ماتعرف غير الفرحـة والونـاســة

آنا من مواليـد 1968 ...13 / يناير

والله خواتي في صور حطيتوهـا دمعـت عيني لمن شفتهــا ...الله يذكركم الشهـادة

تذكـرون الخبااز ...أمي تطرشني الخباز مع أخووي الصغيـــر كان عمري 5 سنيـن خبازنا يم البيت

وتعطيني فوطــة علشان ألف فيه الخبز ...ولما نوصـل البيت مو من بعدة زززيكون ماكليـن نص الخبزة هههه من حلاتهــا

وكنـا كله يواعــااا ...وكل شوي ناكل ..شفاااحــة ههههههههههههه


درست بحليمة السعديـة في الفيحا ومتوسطـة الفيحا

والثانويـة كانت بجمانـــة بنت أبي طالب اللي بالضاحيــة

أيـــام حللوة ...تبقـى في الذاكرة والخاطـــر ... ياليـت عيالنـا عاشوا مثلنــا

يكســرون الخاطـر عـلى الوفـرة الماديـة اللي الحيـن إلا إنهـم أحس ما استانســوا كثرنـاا

عنـدي بنتيـن وولـد

وشكــر خااص لصاحبـة الفكــرةو فوفو ... يزاها الله خير .:eh_s(7)::eh_s(7):

يا هلا فيج صاجه والله اول الخبز الايراني له طعم وريحه حلوه اما الحين عجين ما ينعلج

 

[الغاليه ام احمد]

بنات اسمحولى زوجى وصل وانا وراى دوام ودوام لله فقط ....تصبحون على خير:ch12::ch12::ch12:

بحفظ الله توكلي وتصبحين على خير

 

[الغاليه ام احمد]

[/url][/img]
تذكرون العكوس كنا ميمعين منهم وايد
واذا زارتنا امي العوده نخليها تلعب معانا وكله غالبتنا

ويييه شخبار العكوس يا حلوهم يا ما لعبنا فيهم لا بعد نتبادل الصور لا وكله نلعب على اعتبة الباب عادي ونلعب مع عيال الفريج

 

[masoo 511]

وناسة وايد من جيلنا يحبون القراءة انا الوالد حببني فيها يمكن لان ماكو على ايامنا النت علشان جذي حبينا القراءة كنت اقرا اي كتاب الاقيه عند الوالد الله يخليه وهذاغير المجلات الايطالية اللي فيها القصص المصورة عاد اهني عندنا منتهى البزاعة نقراها ونتبادلها مع بعض

 

[ريـــحانــة]

أم أحمد صاجــة وياليتها بس عكووس لا واتيل بعد

وكله يغلبونـا لصبيــان

 

[الغاليه ام احمد]

في أحد موجـود وإلا كلكم نمتوا هههه

أطلع ؟؟

هلا يالغاليه انا موجوده بس شكلي بطفي اليوم امبجر (بعد الصلاة) لاني مو نايمه زين

 

[ريـــحانــة]

عن إذنكم بطلع شوي

 

[masoo 511]

يسعدلي مساكم جميعا 000فديتكم والله على هالموضوع الحلو اسمحو لي انضم لكم الصراحه مابغيت اكتب الا لما اخلص كل السوالف واتعرف عليكم اكثر بس لما شفت اللي انت كاتبته ماقدرت اصبر انا كنت وياج بنفس المدرسه يازين ذيج الايام :friends:ذكرتيني بابله سعاد البحر الناظره وابلة الفيزيا فريال وابله مديحه رياضيات صج ايام حلوه احس انا كان فينا براءه وماعندنا خبث ولاتهمنا المظاهر وااااي احس قلبي يعورني مشكوووووره وايد يافوفو :hjy5jewf:

حبيبتي ام حمنو انتي معاي ايام سعادالبحر توني اشوف ردج ذكرتيني بأبلة مديحة ابلتي وتذكرين مدام الفرنسي العراقية اللي اذا دخلنا غرفة المدرسات الفرنسي تشمين ريحة سيجايرها وييع هذي الطويلة وتذكرين مدرسة الاجتماعيات ابلة انيسة ومالت الفلسفة شريفة العبيد الله يذكرها بالخيرواي ياحلو ذاك الزمان :q8:وكيلتنا ابلة مريم كنا نخاف منها ياويلها اللي تخلف بالزي المدرسي