جيل الستينيات ...وينكم؟؟؟؟

[ام خالد الغلا]

هلا فى الملح والسكراى اذكرها وتذكرين ابلة الاجتماعيات ابلة بيبى وابلة الكمياء سوزان وكانت الناظرة ميسر شاهين شديدة ومس نوال مدرسة الانجليزىوكانت ذكريات حلوة ابام الدراسة وللحين عندى صديقات من ايام الثانوية

 

[الغاليه ام احمد]

هذي آخر مرة أمسي عليكم :eh_s(16)::eh_s(16)::eh_s(16):


اشدعوا كل هذا غيرة عشان آنا أصغر واحدة فيكم :balo:


ما عليه آنا لي الله:sfg:


تصبحون على خير :ch12::ch12:​

هلا وغلا فيج الشهد كله ولو ما نسيناج انتي العسل كله لج

 

[ريـــحانــة]

هلا بالغاليـة منيرة خالد

ويخلي لج عيالج ويرزقج برهـم ... اللهـم آميـن

 

[كنفاني]

كنوفه من صجج حتى انا من قراء المغامرين الخمسه ...تختخ ..ونوسا ولوزه ..انتى مثلى كنوفه وناسه وبعد روايات اغاثا كريستى

ملووووووووووووحه عندي منهم للحين خاشتهم ومتحسفه اقطهم
كله اقول اذا فضيت بقراهم وللحين مو راضيه افضاااااااااا ههههه
المشكله ان اعيش وياهم جنه صجججججججججججج اعيش الدووووووووووووووور خخخخخخخخخ

 

[دموع تائهه]

[/url][/IMG]
تذكرون العكوس كنا ميمعين منهم وايد
واذا زارتنا امي العوده نخليها تلعب معانا وكله غالبتنا

 

[الغاليه ام احمد]

رد: رد : جيل الستينيات ...وينكم؟؟؟؟

السلام علي الجميع انامن عمركم ولى الشرف اشاركم 000 مشكورة اللى حطت صور المجلات منيرة خالد انا كنت وما زلت مغرمة بالمجلات المصورة الايطالية ريما وفوتوريما ودليلة وسمر واكيد فرنكو كاسبارى الله يرحمه 0 والله دستو على وتر حساس مرات احس المنتدى بس حق الصغار الحمد لله انى مو بروحى هنى 0

يا مرحبا والفين تراحيب حياج الله ويانا يالغالية البيت بيتج

 

[فطووومة]

بنات اسمحولى زوجى وصل وانا وراى دوام ودوام لله فقط ....تصبحون على خير:ch12::ch12::ch12:

حافظج الرحمن حبيبتي وانتِ من اهله :balo:

الله يعينكم على الدوام :dfgl:

 

[كنفاني]

وانتي من اهله ملووووح
وانا بعد تصبحون على خير بكره ورانا دوامات وقعده من صباح الله خير
اشوفكم بكره انشالله
:hjy5jewf:

 

[الغاليه ام احمد]

يسعدلي مساكم جميعا 000فديتكم والله على هالموضوع الحلو اسمحو لي انضم لكم الصراحه مابغيت اكتب الا لما اخلص كل السوالف واتعرف عليكم اكثر بس لما شفت اللي انت كاتبته ماقدرت اصبر انا كنت وياج بنفس المدرسه يازين ذيج الايام :friends:ذكرتيني بابله سعاد البحر الناظره وابلة الفيزيا فريال وابله مديحه رياضيات صج ايام حلوه احس انا كان فينا براءه وماعندنا خبث ولاتهمنا المظاهر وااااي احس قلبي يعورني مشكوووووره وايد يافوفو :hjy5jewf:

حياج الله ام حمنو عسى اعجبتج مواضيعنا

 

[دموع تائهه]

السلام عليكم اشلونكم صبايا الاربعين ...ويسعد مساكم .....تدرين اشلون دموع انا راح اروح لندن انشالله اشرايج التقى معاج ...انتى وين ساكنه ..

انا في portsmuoth حياج ياقلبي

 

[الغاليه ام احمد]

السلام عليكم جيل الستينات اليوم الصبح شفت الموضوع ولا رحبتو فينى الا الؤلؤية المهم ممكن اشنرك معاكم انابعد احب القراة من كنت صغيرة وايام المراهقة كلنا اقرا ريما وسمر وكنت بالمدرسة كل ادش نشاط المكتبة وانا جدة ومتقاعدة وحيااللة الخوات

يا مرحبا فيج يا ام خالد الغلا والله مو حاكرتج بس اطلع على ما اخذ حرارة ولد بنتي وأرد

 

[$$درر والماس$$]

ملح وسكر تصبحين على خير

 

[ريـــحانــة]

في أحد موجـود وإلا كلكم نمتوا هههه

أطلع ؟؟

 

[الغاليه ام احمد]

انا فاقده لؤلؤيه

عسا المانع خير

اي والله فاقدينه وعسى المانع خير ان شاء الله

 

[كنفاني]

[/url][/IMG]
تذكرون العكوس كنا ميمعين منهم وايد
واذا زارتنا امي العوده نخليها تلعب معانا وكله غالبتنا

هلا وغلا بالدموع التائهه وانشالله دموعج تصير دموع الفرح دايما
وااااااااااااااااااااااااي عليج وعلى هالصور الحلوووووووووه
امبيه كنت مغرمه بالعكوس
اهم شي تذكرين العلج اللي فيه للحين اذكر ريحت العلج يهبببببببببل
انا اصغر خواتي وكانت عندي اخت ماشالله مانقدر عليها كله غالبتنا
وانا الدلوعه فيهم ابجي واحكم ويعطوووووووووووووني ههههههههههه
واحلا شي عندي سعاد حسني وشاديه وزبيده ثروت....
واللي ما احبه توفيق الدقن ومحمود المليجي :dddds::dddds:
يلا صج بااااااااااااي

 

[الغاليه ام احمد]

طالعوا الصوره

واي شخباري من وين هالصور الحلوة

 

[nona307]

تصبحووووووووووووووون علي خيررررررررررررر

 

[الغاليه ام احمد]

السلام عليكم

،، شلونكم خواتي وحشتووووني كلكم


الصراحة امس قرأت الموضوع للصبح احس وايد اشياء طافتني لاني شبكت متاخر بس كنت متشوقة حق الموضوع


انا من سكان الصباحية سيتي

مثل ما قلت لكم معلمة لغة عربية توني تقاعدت والحمدلله مرتااااااااااااحة


والله يوفقكم

يا مرحبا فيج يا فطومه

 

[الغاليه ام احمد]

مرحبا يااحلا جيل ..............مع اني من اواااااااااااخر الستينات بس تقريبا ذاكره كل شي بالايام الحلوه
ايام الفريج اللي عايله وحده من صج
تطلعين برا عند الباب .. يصارخ عليج ولد الفريج براس العاير دشيييييييييييييييييي داخل والا يحذفج بصخرا يعني عشان ما يناديج باسمج وينتبه اخوج وييلج يطقج ... يعني دشي داخل بسرعه .................
كنت مليحه السكه وكانو يخافون علي من اصحاب البقالات كان كل فريج فيه بقاله او بقالتين ايرايين وكنت لما باروح مايخلوني لا انا ولا جم وحده وخاصه سكتنا اهل بجد .................
الله على الكيكه السويسرول عشتو كنا نسميها الكيكه الطويله كانت ب150 فلس الكامله يعني غاليه بذيج الايام وكاكاو المثلث وكاكاو عصار كلهم تغير طعمهم الحين ...
من يذكر كاكاو تريز ... الاصفر يابنات ...........
تذكرون قلم بو اربع الوان ................ الحين موجود ومتوفر قبل كان غالي وعزيز نحطه بالخيط ونلبسه قلاده يعني كشخه عندي بواربع الوان ...ونخاف عليه من البوقات .....
قلم الرصاص المخطط كانت امي تيبه حقنا لانه اصلي الحين وينه الاصلي كله تقليد ..........
تذكرون كروت صور الفنانين ......مثل الجنجفه ..... نتفاخر بالكميه اللي عندنا ..........
العروسه اللي تغمض وتفتح .... للحين عندي وحده محتفظه فيها صج انها بدون الصوت اللي فيها بس كل ماتطري علي اروح اطالعها احبها لانها هديه العالي حقي لما نجحت ب اولى ابتدائي...
وتذكرون النشاطات بالمدرسه ... تذكرون مسابقه انظف بنت .... وي كل سنه نتنافس عليها ونفرح بالجائزه اللي اذكر مره كانت بودره بيبي جونسون مع ماشات على الحيوانات ....
واي بنات ...... ياحلوها من ذكريات ...
وعلى فكره انا بعد من هواة الا من عاشقات القرايه الظاهر السيتينات زمن القراءه ....

حياج الله معانا

 

[دموع تائهه]

في أحد موجـود وإلا كلكم نمتوا هههه

أطلع ؟؟

لا يالغاليه انا موجوده
حياج الله