جيل الستينيات ...وينكم؟؟؟؟

[ورود خضرا]

بنات أول من عمرها 15 وأهي يعتمد عليها بس هالحين تصير فوق العشرين وللحين عبالها بيبي

 

[منيرة خالد]

اذكر المضاهرات كنت انا بالمتوسط وكانت ناظرتنا فلسطنيه وعجوز حيل كانت دايما تقول ما راح اتجوز الا لما اتحرر فلسطين وكنا نضحك ونقول ما لج امل

ام مشارى الظاهر انت اللى مو من جيلنا

درر

حتى انا ناظرتي بالمتوسطه كانت فلسطينيه ومارضت تتزوج لين تتحرر فلسطين >>> مدرسة هند المتوسطه بالسالميه وكانت ناظرتنا اسمها ست ميسر البربري

 

[فوفو22]

رد : رد: جيل الستينيات ...وينكم؟؟؟؟

ياااا حلوكم والله

حبايبي بطرح عليكم سؤال وباجر بشوف ردودكم عليه لان الحين حدييييييييييي دايخه

بما انكم من جيل الستينات والسبيعات الله يطول بأعماركم ان شاء الله وعاصرتوا جيل الثمانينات والتسعينات وأكيييد شفتوا تطورات حدثت في حياه المرأة بشكل عام بكل جيل سواء بالايجاب او بالسلب

شنو اهوا هالتغييرات والتطورات من وجهه نظر الشخصيه لكل وحده ؟؟
وشنو اهيا نصايحكم لحريم جيل الثمانينات والتسعينات ؟؟



:hjy5jewf:
​

بعد فينا خير ما نرد

باجر يتسكر موضوعنا

التغيرات بين الجيلين

اولا من ناحية الشكل اشكالنا احجامها اكبر

ثانيا هم واعين اكثر منا للدراسه والتعليم والحصول على الماجستير والدكتوراه بس حنا اشطر منهم بالتدريس

ثالثا هم يتشرطون بمواصفات الزوج وحنا نمشي على شور اهلنا

فوفو

 

[منيرة خالد]

السلام عليكم حبيباتي بقدملكم بطاقتي الشخصية وهي انا من مواليد احلى جيل وهو الستينات ومتزوجه وجده وعندي ثلاث بنات وولدين البنت الكبيره عندها ثلاث يهال بنتين وولد وعقبها الثانيه عندها بنت والثنتين يشتغلون اما الاولاد الكبير توه متخرج من مصر طب اسنان ومن كم يوم استلم الشغل والثاني يدرس حقوق بجامعة الكويت سنه ثالثه والقعده بنتي الحلوه اللي للحين في نظري بيبي في رابعه ثانوي علمي والله يوفقها الله يخليهم لي ويوريني برهم وما يوريني غلاتهم وانا ربة بيت انخطبت عقب الثانويه وتزوجت وما رضا اكمل دراستي لانه ما يبيني اشتغل ووالله اني ماني ندمانه على القعده في البيت لانه احنا اشدعوه يمسكنا شي ما شاء الله رحنا كل مكان وتقريبا درنا العالم ودراستي كانت في ثانويه السالميه لاني من مواليد و سكان السالميه ويا حلو السلميه وذكرياتها الحلوه

هلا والله بالغاليه ام احمد


الله يخلي لج عيالج ويصلحهم ويفرحج فيهم ويحفظج لهم ويطول بعمرج وتشوفين عيال عيالهم - انا مثلج بنت السالميه بس ما درست بالثانويه وقتها رحت لنظام المقررات بثانوية خالده بنت الاسود بمنطقة سلوى وباص الله وكيلج اربع سنين

عاد قبلها الابتدائي مدرسة الامه والمتوسط مدرسة هند - و كله مشي من بداية الدوام الى نهاية الدوام وعادي نمشي بالحر والبرد والمطر والغبار

 

[Ameeraaaaaa]

السلام عليكم حبيباتي بقدملكم بطاقتي الشخصية وهي انا من مواليد احلى جيل وهو الستينات ومتزوجه وجده وعندي ثلاث بنات وولدين البنت الكبيره عندها ثلاث يهال بنتين وولد وعقبها الثانيه عندها بنت والثنتين يشتغلون اما الاولاد الكبير توه متخرج من مصر طب اسنان ومن كم يوم استلم الشغل والثاني يدرس حقوق بجامعة الكويت سنه ثالثه والقعده بنتي الحلوه اللي للحين في نظري بيبي في رابعه ثانوي علمي والله يوفقها الله يخليهم لي ويوريني برهم وما يوريني غلاتهم وانا ربة بيت انخطبت عقب الثانويه وتزوجت وما رضا اكمل دراستي لانه ما يبيني اشتغل ووالله اني ماني ندمانه على القعده في البيت لانه احنا اشدعوه يمسكنا شي ما شاء الله رحنا كل مكان وتقريبا درنا العالم ودراستي كانت في ثانويه السالميه لاني من مواليد و سكان السالميه ويا حلو السلميه وذكرياتها الحلوه

يا مرحبا ام احمد حياج الله اي سنة تخرجتي من ثانوية السالمية
لاني كنت فيها لفترة من الزمن وبعدين رحت لثانوية العصماء بنت الحارث
اخاف كنا ربع
ومنو تذكرين من ابلات !!
لحقتي علي :
ومس ايمان الفلسطينية لللانجليزي
وتعرفيني ابلة سعاد الشيباني ؟؟؟

مدام نعمات ابلة الفرنسي ؟؟؟
والله يخليج البنات والاولاد وتفرحين فيهم كلهم

 

[ملح و سكر]

تذكرون مظاهراتنا لما صار اتفاقية كامب ديفيد مادري اشدخلنا فيها قصوا علينا المدرسات والبنات الفلسطينيات وسووا مظاهرة في المدرسة وخذونا معاهم نهتف معاهم بالدم بالروح نفديك يافلسطين

اى والله ذكرتها واذكر كانوا الشباب متفقين مع الفلسطينيات على اساس يطلعونهم من المدرسه ويمشون على شكل مسيره

بس الشباب خاب ظنهم لان الناظره درت بالسالفه ودقت على الشرطه علشان يحاوطون المدرسه ....وتصدقون مع ان الناظره كانت فلسطينيه بس ماكانت ترضى بالمظاهره تقول اللى تبى تروح المظاهره تروح بعد المدرسه مو الحين

صج كانت ماسكه المدرسه عدل ..على الطارى انا كنت بالفروانيه المتوسطه ..عجيبه ..
بينى وبينكم احنا كنا نستانس على المظاهرات لان ماخذينها وناسه ولعب وطلعه من المدرسه ...

 

[$$درر والماس$$]

تذكرون لما يصير الجو مغبر وطوز كانوا يهدونه مبجر

 

[فوفو22]

رد : رد: جيل الستينيات ...وينكم؟؟؟؟

السلام عليكم حبيباتي بقدملكم بطاقتي الشخصية وهي انا من مواليد احلى جيل وهو الستينات ومتزوجه وجده وعندي ثلاث بنات وولدين البنت الكبيره عندها ثلاث يهال بنتين وولد وعقبها الثانيه عندها بنت والثنتين يشتغلون اما الاولاد الكبير توه متخرج من مصر طب اسنان ومن كم يوم استلم الشغل والثاني يدرس حقوق بجامعة الكويت سنه ثالثه والقعده بنتي الحلوه اللي للحين في نظري بيبي في رابعه ثانوي علمي والله يوفقها الله يخليهم لي ويوريني برهم وما يوريني غلاتهم وانا ربة بيت انخطبت عقب الثانويه وتزوجت وما رضا اكمل دراستي لانه ما يبيني اشتغل ووالله اني ماني ندمانه على القعده في البيت لانه احنا اشدعوه يمسكنا شي ما شاء الله رحنا كل مكان وتقريبا درنا العالم ودراستي كانت في ثانويه السالميه لاني من مواليد و سكان السالميه ويا حلو السلميه وذكرياتها الحلوه

ربي يحفظ لج عيالج

انا عندي 6 بنتين و4 صبيان

البنات محاسبة 4 جامعه
والثانية حقوق 2 جامعه

وبعدين سادس ورابع وثاني واولى ابتدائي يحفظهم الرحمن

فوفو

 

[تم مشاري]

رد : جيل الستينيات ...وينكم؟؟؟؟

شوفي حبوبة بلو دايمن

اولشي بنات الحين تشوفين الوحدة جنها اكبر منج من قبل لا تبلغ تشوفينها جنها مرة لا تلعب لا شي

لازرنا ماشاء الله علينا معافر ولعب ترى على فكرة احنا في بيت ابوي لي الحين جنه يهال معافر ورقص وغشمرة واحمد ربي انه بناتي طلعوعلي
لاني اقول لعيالي عيشو عمركم باجر تتحسفون تقولون ما عشنا طفوله ما شاء الله عليهم

النت وجودة الحين فتح عيونهم على اشياء وايد والموبايل اكثر

 

[ورود خضرا]

والله مدرستنا لما يكون غبار يردونا من عند الباب ونستاااااااااااانس

 

[فوفو22]

رد : جيل الستينيات ...وينكم؟؟؟؟

تدرون امس ابوي دق علي تلفون على الساعه 1 الظهر بما اني مفتي بيت ابوي طبعا مو داعية بس الله يعافي الشيخ قوقل

قال لي يصير البنات او الصبيان ينامون بفراش واحد قلت له ما يجوز الا اذا كان كل واحد بكمبل لوحدة

على حسب الحديث الي يقول قال رسول الله صلى الله عليه وسلم (( مرو اولادكم بالصلاة بسبع , واضربوهم لعشر , وفرقوا بينهم بالمضاجع ))

بس تدرون هالحديث كان رايح عن بالي تذكرته لمن ابوي سالني فحبيت انبهكم حبايبي انا عيالي كل واحد دار بس ساعات بناتي الصغار يحبون ينامون بفراش واحد انا ما اخليهم بس الحين راح ازيد رفض

لانه ابوي لقا اختي وبنت اخوي واختي الثانية الي من ابوي نايمين بدار وحدة سوى لهم زلزال الصبح اكسرو خاطري قامو على خرعه جنهم داشين جيش

واليوم طبعا على الغدا كان هذا نقاشنا

يالله الحين قولو لي اشرايكم بالي صار

انا ضد نوم البنات والصبيان بنفس الغرفة

البنات بغرفة والصبيان بغرفة وسراير منفصله

فوفو

 

[فوفو22]

رد : جيل الستينيات ...وينكم؟؟؟؟

حدي فيني النوم

بروح انام

واشوفكم بعد الصلاة باجر بإذن الله

فوفو

 

[وسن 11]

انا ما باعدكم جيل السبغينات

 

[تم مشاري]

رد : جيل الستينيات ...وينكم؟؟؟؟

انا ضد نوم البنات والصبيان بنفس الغرفة

البنات بغرفة والصبيان بغرفة وسراير منفصله

فوفو

فوفو اسم الله عليج منو ياب طاري بنات وصبيان بغرفة وحدة انا كتبت بنات او صبيان
يعني صبيان ينامون بفراش واحد - او بنات ينامون بفراش واحد

 

[ملح و سكر]

درر

حتى انا ناظرتي بالمتوسطه كانت فلسطينيه ومارضت تتزوج لين تتحرر فلسطين >>> مدرسة هند المتوسطه بالسالميه وكانت ناظرتنا اسمها ست ميسر البربري

ست ميسر فعلا ماتزوجت واهى استلمت ثانويه الرابيه وصارت عليها ناظره ...بس والله للامانه كانت خوووش ناظره

وماتفرق بين فلسطينيه او كويتيه ...واللى مايسمع كلامها توديه ورا الشمس خخخخخخاضحك معاكم ..


بس اللى اذكره منها انها كله تدور بالمدرسه جنها نحله ....مع حجابها بوصره وتنورتها القصيره ....صح ولا انا غلطانه .....وبعدين على فكره اهى اسمها ..ميسر شاهين اذا ماخاب ظنى ..مو ميسر البربرى....

 

[ورود خضرا]

بنات وامهات وجدات
عطونا ذكريات خلونا نرد للزمن الجميل ونعيش على ذكرياتنا الحلوة وبناتنا يشوفون زمنا اشلون كان حلو
انا وحدة من بناتي اتمنى انها من زمنا اتحب كل ذكرياتي وتمنى انها عايشة بنفس زمنا

 

[فوفو22]

رد : جيل الستينيات ...وينكم؟؟؟؟

فوفو اسم الله عليج منو ياب طاري بنات وصبيان بغرفة وحدة انا كتبت بنات او صبيان
يعني صبيان ينامون بفراش واحد - او بنات ينامون بفراش واحد

حتى او ما احب

احب كل فرد بسريره الخاص

ما احب التلزق بين اليهال

فوفو

 

[لؤلؤية]

رد : جيل الستينيات ...وينكم؟؟؟؟

وااااااااااي بناااااااااات موتوني من الضحك
قاااااااعدة اطالع واضحك:krkrkr:

درر والماس

دوني وميري ....كنت اموووت فيهم
وكنت اصك باب غرفتي....وافتح الكبت لانه فيه مراية من داااخل >>> تصميم مغبر
واقلد رقصاتهم:ada:
:lolo:
هههههههههههههههههههههههههههه


الغالية ام حمد

انا حاشتني العسكرية
كان ونااااااااااااااسة...بس نتعب شوي
اعتقد انه كان يوم ثلاثااااااااا
بنات تذكروون وجباتهم..؟؟
والدياي البارد

منيرة خالد

من وين مطلعة هالصور..؟؟؟؟
امبيه متتتتتتت من الضحك
الكوب...!!!!
و....
مع حمد قلم
انا كنت ما اعرف اكتب كلمة مع >>> العين اتخربط فيهااااااا
طبعا غير كلمة حمد احط الميم فوق...:O_SHH_:
ههههههههههههههههههههههههه
وكان واحد زاير بيت اهلي...وانا ابجي..ما اعرف اكتب الواجب
قام الاخ كتبه لي وكان ينقش نقش :nocommint:...وانا باولي ابتدائي
وثاني يوم الابلة كتبت لي بالدفتر الرجاء عدم الكتابة للطالبة
وانا كنت محتارة من قالها ؟؟؟!!! :080402ask_prv:

ماسيتي

امج الله يطول بعمرها
اي سنه كانت بثانوية الفحيحيل...؟؟؟؟

 

[منيرة خالد]

ست ميسر فعلا ماتزوجت واهى استلمت ثانويه الرابيه وصارت عليها ناظره ...بس والله للامانه كانت خوووش ناظره

وماتفرق بين فلسطينيه او كويتيه ...واللى مايسمع كلامها توديه ورا الشمس خخخخخخاضحك معاكم ..


بس اللى اذكره منها انها كله تدور بالمدرسه جنها نحله ....مع حجابها بوصره وتنورتها القصيره ....صح ولا انا غلطانه .....وبعدين على فكره اهى اسمها ..ميسر شاهين اذا ماخاب ظنى ..مو ميسر البربرى....

والله اللي اذكره عنها انها عجوز وما تمت بالمدرسه اذكر طلع قرار بتكويت الناظرات وشالوها مدري وين ودوها وجابوا ناظره كويتيه بدالها كان مجلس الامه بذاك الوقت اهو اللي طالب بهالشي >>> وكانت مشهوره بينا باسم ميسر البربري

 

[Ameeraaaaaa]

blue diamond
انا اشوف واايد تغيرات صارت
اول شي احنا تربينا علي اساس ان احنا بنات وللبنت مواصفات معينه منها :
عيب يطلع صوتها جدام الغرب .
عيب تناقز وتطامر .
وما كنا نعرف سوالف البنات من حف وصبغ شعر الا من نتزوج او نخلص الثانوية
وكنا نحترم واايد كلام امهاتنا مع انه ماكانو متعلمات
الحين احنا اغلبنا متعلمات وجامعيات وعيالنا ما يقتنعون بوجهة نظرنا او نصايحنا !!يشوفونا جهلة او ما عندنا خبرة بالحياة !!
البنت ما طلعت من البيضه وراسمة حواجبها خط !! والشعر مصبوغ
اشوف وااايد امور بجيل هالوقت ما تعجبني
كل شي يقيسونه بالماديات
اذا زوجها ما عطاها مبلغ وقدره معناها ما يحبها ولا يقدرها ,

والله يستر علي عيالنا
ويحفظهم لنا