جيل الستينيات ...وينكم؟؟؟؟

[ام حمنو]

هلا ام احمد البنات كلهم بخير الله يسلمج والحفيدات كلهم زايرين اليوم وما راحوا الا الساعه 10

ام خالد شلونج وسلامتها جنتج عسى ما شر اشفيها؟؟

 

[ام محمد الشمري]

هلا والله بالغاليات خواتي وحبيبات قلبي


المقر ياعمري للحين ماقررت يمكن بالبراحه

للي قبال بيتنا بس كل وحده تجيب معاها

جايها وقهوتها وحلوها وفطايرها

 

[الغاليه ام احمد]

هلا وغلا ام محمد

شلونج وشلون الوالده

اشدعوه حتى الشاي ما فيه مخيمج

ما بقى الا نقول للناس جيبوا عشاكم ولا احنا مسوين رجيم

 

[الغاليه ام احمد]

ام حمنو

ام خالد جنتها مسويه حادث بسيارتها

بس الحمد لله اهي مافيها الا رضوض والسياره رايحه فيها

 

[ام حمنو]

ام احمد ما يشوف شر بو احمد

ام محمد وين مقرج الانتخابي ؟؟عندج بوفيهات؟؟؟ حسافه ماعندنا احد بالرابعه الا العيووووف الله يذكرها بالخير هي من سكان تل ابيب على قولتها وربعها كلهم هناك

 

[الغاليه ام احمد]

الله يسلمج ام حمنو

الظاهر بنتخلى عن ام محمد

يا حافظ ما عندها شي حتى الشاي والقهوه تبينا نييبه

اشوه اني بالدائره الاولى

 

[ام حمنو]

الحمد الله فكها خطاها السو والحمد الله على سلامتها في الحديد ولا فيها

ام محمد دام ما عندج بوفيهات ابشرج محد راح يوصل مقرج

انا بعد بالدئره الاولى وعيالي بالخامسه مع ابوهم وولدي العود الثالثه

 

[الغاليه ام احمد]

انا بعد انا وريلي والصبيان ووحده من البنات بالاولى والبنت الثانيه بالثانيه مالت الخرافي

 

[الغاليه ام احمد]

ما ادري وين راحت ام محمد الظاهر راحت تتفق مع المطاعم حق البوفيهات

 

[ام حمنو]

اليوم طلبنا غدى من ملاس بو خماس ابونا قال لاتطبخين لان الخدامات كلهم رايحين حق الكريسمس طلبت صينية ربيان طري وصينية مجبوس لحم خوش طبخ بس انا سويت سلطه ومحاشي

ام محمد مالج الا ملاس بو خماس انصحج فيه :eh_s(15)::eh_s(15):

 

[ام حمنو]

تصبحون على خير

 

[الغاليه ام احمد]

عليكم بالعافيه

عاد يستاهل هالمطعم ولا يمشي الحال

لان مره ابو احمد فال خلينا نطلب منه ما رضيت

قلت ما سمعت احد جربه

تنصحينا فيه

والربيان خذيتيه مشوي

 

[الغاليه ام احمد]

وانتي من اهل الخير واحلام ورديه

 

[ام محمد الشمري]

لا يبه ينصحوون بالتخفيف وربط

الحزام لانه احنا الكويتين اعلي


نسبه سمنه مما تؤدي الي امراض

عديده وانا خايفه عليكم موبخل

 

[ام محمد الشمري]

وان شالله اطلب لكم صموون مشكل

من افراح الخليج وبيبسي دايت

شرايكم عرض مغري

 

[ام محمد الشمري]

لازم تساندوون وتقفوون معاي

حتي اصل للكرسي

وعقب عاد ابشرووا اكووون

ريشت عمري

 

[فطووومة]

صبااح الخير خواتي شلونكم


ام خالد خطاكم السوء وسلامتها ام الحلوين


ام احمد بالعافية الريوق الصحي

هلا ام محمد مبروك الفوز مقدما ولو اني اشك ههههه اذا مافي اكل ولا ضيافة محد بينتخبج


ام حمنو يعطيج العافية على التوجيب والمشاوير وبالعافية الغدا




استمتعت بسوالفكم

ادري الحين نايمين واحلام وردية

 

[عنزروته]

احلي جيل ولله ............. حبيته بس لانج انتي منة خخخخخ جيلي اضغر <<لازم نسوي مثلج الهمتينا لجيل الثمانينات

 

[ام حمنو]

عليكم بالعافيه

عاد يستاهل هالمطعم ولا يمشي الحال

لان مره ابو احمد فال خلينا نطلب منه ما رضيت

قلت ما سمعت احد جربه

تنصحينا فيه

والربيان خذيتيه مشوي

السلام عليكم ورحمة الله وبركاته

الله يعافيج ام احمد المطعم زين طالبين منه اكثر من مره والعيال عجبهم المربين اكثر من اللحم

 

[الغاليه ام احمد]

السلام على الغاليات