جيل الستينيات ...وينكم؟؟؟؟

[ام خالد الغلا]

فطوووووومه اهلين وسهلين فيج

شلونج وشلون الحلوات

ام خالد شخبالاج وينج يالغاليه طمنينا عليج

هلا وغلا ام احمد امس كنت تعبانه انام واقعد ومالى خلق كلش ونمت مبجر والحمدالله على كل حال العوار يروح ويرد

 

[ام خالد الغلا]

اهلين ام احمد اشلون معاريسكم يكلمونج

اشلون دلوله ان شاء الله صارت زينه

 

[الغاليه ام احمد]

هلا وغلا فيج معاريسنا بخير واليوم كلمونا

ودلوله طيبه والحمد لله

 

[الغاليه ام احمد]

 

[الغاليه ام احمد]

وييييينكم

مني اللي تبي تتقهوى معاي

هذا اول فنجان لها

 

[ام خالد الغلا]

ما تقصرين على القهوة ومشكورة

اليوم دقت على بنت خالتى انى اروح لهم ورحت مع بنتى ودتنى والا قاعدين بالحوش وشاى وقهوه وجايبين شوى وعندها عيالها وجناينها واستانست عندهم والجو كان بارد الظاهر بوادر الشتا بينت

 

[ام خالد الغلا]

اليوم محد بين وين الحلوات

 

[الغاليه ام احمد]

وييييييييييينكم زهبت الدله والقدوع (الحلو)

 

[الغاليه ام احمد]

عليكم بالعافيه اليوم انا وابو احمد قاعدين بالحديقه

ويانا اخوي وصج الجو روعه

قعدنا من العصر لغاية اذاان العشا وبعدين رحت للوالده

 

[ام خالد الغلا]

تصبحين على خبر يا الغاليه الظاهر ما فى احد اليوم

تعبانه اشوى وجانى النوم اللى اللقاء

 

[الغاليه ام احمد]

وانتي من اهل الخير واحلام ورديه

 

[ميثا الغريب]

السلام عليكم شلونكم

اليوم دشيت متأخره

كنت مشغوله وانا قاعد انطر ولدي الكبير بيرد مع ربعه

قلت خل اطلع على ربيعاتي شلونهم وشأخبارهم

سلامات يا أم خالد

وما تشوفين شر

 

[ميثا الغريب]

اليوم صراحه الجو روعه مع إن الصبح كان ما يشجع

رحت الصبح حق الوزارة وللحين ما طلع قرار التقاعد

والعصر رحت الحديقه متجمعين الأهل

الجو كان بديع والهوء يهفهف علينا

 

[فطووومة]

هلا وغلا فيكم يقلبي.

عليكم بالعافيه الزوارة والقعدات الحلوة. الله يديمها يارب

انا بعد كنت عند حماتي فديتها حاطتلنا الشاي والقهوة والذي منه فوق بسطحهم والجو يهبل ماشالله



ام خالد حبيبني ماتشوفين شر اجر وعافيه. وديري بالج علي نفسج



الله يديم الصحة والعافيه علي الجميع

 

[ميثا الغريب]

أدري أني أسولف على عمري

تصبحون على خير

 

[ميثا الغريب]

هلا وغلا شلونج عساج طيبه

صراحه الجو اليوم ربي يتمم عليه

إنشاالله بوادر خير

 

[فطووومة]

هلا وغلا ميثا شلونج.


انتي ام عبدالله. او. ام محمد


الله يعينج علي اوراق التقاعد الظاهر يحبونج مايبون يفرطون فيج


اليوم انا زرت. رفيجاتي فالدوام يحلوهم
كلهم يقولون مااشتقتي حق الدوام

اقولهم. لا ان شالله.

بس اني اشتقت لكم.

 

[فطووومة]

حافظكم الرحمن.

حياج الله حبيبتي.

 

[فطووومة]

اسعد الله ايامكم بالايمان وطاعه الرحمن :yaaaaaarb:

 

[أم ناصر93]

مساكم الله بالخير

انا من الجيل الذهبي جيل الإبداعات

ياحلاتنا كنا على قلب واحد 00وللحين اذكر صديقاتي اللي معاي بالروضة والإبتدائي

لحد ماتخرجت واشتغلت وللحين اذا شفتهم بجمعية او سوق أسلم عليهم

وفي ناس للحين علاقتي معاهم مستمرة وقوية

ونتذكر سوالفنا ونضحك واحنا اللي ماشين00 مافي حقد وحسد مثل الأجيال اللي ورانا

الحمدلله والشكر0

أتمنى ان تقبلوني صديقة معكم

وانا من سكان منطقة كيفان 00 وحاليا حطين

وانا على استعداد لأي سؤال تطلبونه

واشكركم مقدماً


********


لكم تحياتي