جيل الستينيات ...وينكم؟؟؟؟

[الغاليه ام احمد]

شلونكم يالغاليات

سامحوني امس ما دخلت سادحتني الانفلونزا

الظاهر تغيير جو

 

[فطووومة]

هلا وغلا ام احمد

ماتشوفين شر يقلبي والله يعينج على الانفلونزا من تغيير الجو والحركة في العمرة

الله يشفيج ان شالله ويتقبل منكم صالح الاعمال

 

[ام خالد الغلا]

السلام عليكم ورحمه الله وبركاته اشلونكم يا الغاليات وحشتونى

ما تشوفين شر ام احمد واجر وعافيه هذا من تاثير التعب بعد العمره

فطومه اشلونج واشلون بناتج الله يحفظهم

 

[ام خالد الغلا]

وين الغايبات اللى ما طلو علينا هاليومين ام حمنو وعصير ليمون وميثا وام عبدالله

والغايبين من زمان ما ندرى عنهم وعن اخبارهم مشاوى وانا شفتك وام ثامر والعيوف والجدد اللى طلو وسلمو وما ارجعو علينا عسى المانع خير عليكم كلكم طمنونا عنكم لكم وحشه

 

[الغاليه ام احمد]

السلام على الغاليات

 

[الغاليه ام احمد]

شلونكم

فطووووومه وام خالد الشر ما اييكم

انتم شخباركم ووين باقي البنات

 

[عصير ليمون]

مساكم الله بالخير

شلووونكم شخبارك

أم أحمد ما تشوفين شر وعمره مقبوله ،، والله الكل باديه فيه تغير الجو ،، والحمد لله على كل حال


فطوووومه شلووونج وشلون بنياتج عساكم بخير ،، وبشري عن الوالد شلووونه

أم خالد شلووونج والله لك وحشه يالغاليه ،، وشلون الأحفاد الحلووووييين

أم حمنو شلووون العرايس الصغار ،،، الله يخليج لهم ويتشوفين عرايس يا رب

وسلامي للكل الحاضرين والغايبين

 

[عصير ليمون]

صج صار لنا مده ما اجتمعنا ،، انشغلت في بدايه السنه

الحمد لله الحين الوضع أحسن استقرينا ،،،، والدوام ماشي

الله يجعلها سنة خير على الجميع يا رب

شنو آخر الأخبار ؟؟؟؟؟؟ يالله عاد سولفووووووووووووووو

 

[الغاليه ام احمد]

هلا وغلا عصوووووره

الله يسلمج يالغاليه انتي شلونج وشلون بنتج

وشلون التدريس

 

[الغاليه ام احمد]

اي والله على الاقل بدينا نرد للنت

انا وايد لاهيه هاليومين بس والله ما اصبر لازم اشبك احس في شي ناقصني اذا ما شبكت

على الاقل اسلم واطلع

 

[عصير ليمون]

صاجه والله لازم نفعل الصفحه على طول
الله يجممعنا على الخير

 

[عصير ليمون]

الحمد لله إحنا بخير
وهالأيام قاعدين نفكر نغير غرفنا أنا وبنتي ،،، يعني تجديد
والله يعين ،،، نفكر بالصبغ والأثاث
غيرت غرفة المعيشة وبعد اسبوعين تخلص ،، وبصبغ الغرفه
وقاعده أحوس بالمنتديات أشوف أشكال الصبغ والنقشات
أنا وبنتي رافعين هالأيام راية التجديد ،،

 

[ميثا الغريب]

السلام عليكم

شلونكم شاخباركم

معاي احد والا اليوم كسالى

 

[فطووومة]

السلام عليكم

شلونكم خواتي


حيا الله الحلوين


الله يسلمكم حبايبي انا والبنات بخير وماشي الحال :eh_s(15):



ليمونة هلا وغلا الله يعينكم يقلبي ون شالله تجددون بالافراح والسعادة يارب


ولاتفارقينا عاد



ام خالد شلونج حبيبتي والله احنا بخيرر الحمدلله :eh_s(15):

ام احمد يا الغالية الله يعينج وتعب الافراح ان شالله كلها اسبوعين وان شالله يتمم عليكم العرس والافراح بخير وسعادة :eh_s(7):

وللجميع يارب :yaaaaaarb:

 

[فطووومة]

هلا وغلا ميثا حياج الله

شلونج وشلون العيال

وشسويتي على التقاعد خلصتي اوراقج ؟؟


الله يوفقج يارب

 

[ميثا الغريب]

شلونج ام خالد شاخبار الاحفاد مع المدارس

شلونج ليمونه عساج على القوه

التغيير حلو بس خلصو قبل لا يجي البرد .

ام أحمد عسى ربي لا يحوسكم بدا العد التنازلي عسلكم تتهنون

 

[ميثا الغريب]

هلا فطووووومه

شلونج بالنسبه اللتقاعد للحين ما طلع
بس الظاهر بطلع من المدرسه وهو ماجاهم عادي ؟

 

[ميثا الغريب]

وينج

تصبحين على خير

الاسبوع الأخير يبدأ باكر الله يعينا على الفراق

 

[راعية الطويلة]

حبيباتي في الله
أختنا الغالية علينا كلنا​

>>كيك و عسل<<​

بحاجة لدعواتكن الطيبة ​

و لمواساة من قلوبكن الصافية ​

أخوها توفاه الله ​

هذا رابط الموضوع​

http://www.q8yat.com/t945561.html​

الله يرحمه و يغفر له
آمين ​

 

[فطووومة]

هلا ميثا اسفة والله طلعت شوي صار عندي شغل

القرار لازم يوصلهم ما يصير تطلعين بدون اخلاء طرف



انتي ليش ماتراجعين الوزارة ؟؟


شوفي انا سجلت تقاعدي شهر 5 وسويت جم ورقه فيه
واول ماخلصنا امتحانات رحت وقعت من المنطقة ووديتها الوزارة


انتي تابعي ورقتج شوفي وين وصلت؟؟ لاتنطرين لان مرة قالوا لي احنا ندق عليج وتموا اسبوعين ويوم رحت استفسر وبعد صعدة ونزله وطلعه روح اكتشتف ان الورقة للحينها في نفس المكتب اللي هديتها فيه ناسينها مع ورقة جم وحده تحت الاوراق مايدرون عنهم

عاد ديري بالج


انتي راجعيهم اول باول والله يوفقج