ṦάЯỢηά ĚŁђĻώạ;25091095 قال:
المهم ياطويلات العمر
قبل العملية بيوم فيني ضيجة الله لا يراويها لاحد جني اودع كل شي اودع اعيالي بيتي امي غرفتي ملابسي احساس خايس
سهرت معاكم بالنت و نسيتوني عمليتي وانا قاعدة بالصالة وبنتي تدرس مواصلة عندها امتحان وتخيلو ما جهزت جنطتي للحين عشان بنتي ما تحس بشي والكلبة تسالني يمة متى عمليتج وااااااااااي باللحظة تخنقني العبرة شقولها بعد ساعات
المهم اسوي نفسي ما اسمعها
نمت شوي وبعدها جهزت جنطتي ونطرتها تطلع من الباب ولما تاكدت ان عيالي نايمين طلعت وتوكلت على الله وحتى انا اسكر باب البيت جاني احساس اني خلاص ما راح افتح هالباب مرة ثانية وفيني عبرة وطبعا كاني رايحة للاعدام برجولي وللله الحمد على لساني الاستغفار الي هون علي وصلت وطبعا انا صايمة 12 ساعة وصلت ودقيت عالطبيبب ونطرني خلاني على اعصابي لين الساعة 12 ظهر وقتها ما فيني صبر اتحلطم على نفسي واشوف السسترات الي تحط الدرب والي تغزني ابرة والي تلبسني والي تهز الملف وانا اتحلطم واكل نفسي والوم نفسي شسويتي يالمستغفرة بعمرج مرة عجوز وغصب تعيشين دورج ودور غيرج شالطمع احمدي ربج مو من متنج جان قعدتي وحمدي ربج عالعافية شفية الشحم شحلاتة كافي انة يدفيج بالشتا .
اتحلطم ليييييييييين اتصل الطبيب عالسسترات يالله جيبو المريضة لغرفة العمليات فوق وغطوني وودوني بالسرير والله يابنات احساس كاني جثة يودونها للقبر ما فيني حيل صرت اطقطق من لبرد وارتجف لين دخلت على غرفة واسعة كانها مسلخ والله يابنات شفت بعيني سرير يشيلونة وسرير يحطونة وشفت البنت الي قبلي مسويلها عملية تكميم وزاد الرعب
وجا الدكتور وامنتة ان يدير بالة على عندي عيال بحاجتي وانا ندمت ولو ينعاد الزمن ما اسويها جان يضحك علي ويقول للسسترات يعطوني ابرة بالوريد مهدئة وفعلا بنات صرت وحدة ثانية هديت وقعدت اوصي الطبيب ان يقصص كثر ما يقدر من هالمعدة وقعد يضحك علي وقالي لا توصين حريص ومن بعدها ما دريت الا بالسستر لما قالتلي حطي الكمام وتنفسي حيل والله يابنات ما دريت بنفسي الا السستر تقولي مدام قومي شوي شوي على سرير ثاني عشان عملية خلاص ونوديج للغرفة ودوني والا اسمع صوت زوجي كانة حلم يقولي الحمد للله على سلامتج ,,,
