جولتي في محلات الحلويات للتجهيز للولاده

[أسيرة الأحزان]

يعطيج العافيه حبيبتي على هالموضوع المفيد

 

[ورد طائفي]

بنات وين مجمع زاوية سنتر؟ وين صاير

 

[Emanova]

مجمع زاويه سنتر صاير آخر شارغ ابن خلدون كانج رايحه امبرس مجمع كبير لونه رمادي تحت فيه كيك اند بيك و فيه محل جي ان سي للفيتامينات

و نفس المجمع راح تلقون جيلي بينز مال اليهال

 

[++The DuchesS++]

حبوبه متابعه جولتج
ووالله قاعدع اتخيلج وانتي تسولفين
يا حلوج ويا حلو سوالفج

 

[m.a.m154]

رحت امس افتريت ورا الافينيوز ما لقيت شي وبعدين رحت لشوقر اند سبايسي ما عجبني كلش جدا عاااااااااااااادي عاد رديت رحت للدكان انا على طول اخذ منهم بس قلت بشوف يمكن شي جديد واحلى والله انا عندي الدكان وامبرس اهم التوب لا يعلى على شغلهم

 

[زري وترتر]

الله يهون عليج وتقووووووووووومين بالسلامه .الله يعطيج العافيه على الجوله وذكرتيني بأيام استقبالي بس نصيحه خليج على سلفرينا .وشجر أند سويت .وامبرس وفددددددددددددددددددددتج

 

[pretty_woman]

والله خووووووووش موضوع يعطيج العافية

وانا عارفة امبرس وشغله مية مية خاصة حلو الجبن عجييييييييييب

وجنيفا تحتارين شنو تاخذين كل شي عندهم حلو

بس ابي اسأل منو تعرف محل يبيع ورق عنب صغير ميني تقديمه يصير بأعواد ملونة بلاستيك مرة ذقته باستقبال بس استحيت اسأل :080402ask_prv:​

 

[moonkides]

اتوقع تلقين عند واو هذا الورق العنب الحين هابين فيه يقولون حلو وعجيب

 

[oum^zozo]

مشكوره عالموضوع اللي اكثر من روعه

ياريت يتثبت

 

[عطاء أنثى]

بعد عمري الله يسهل عليج وتقومين بالسلامه

مشكوووووووووووووووووووووووره حبيبتي

 

[fluffy]

يعطيج العافيه ما قصرتي

الله يقومج بالسلامه ان شاء الله

 

[haytotaa]

الله يعطيج العافيه

 

[Emanova]

الله يعافيكم

باجر الجزء الثالث ان شاء الله

 

[ام ناييف]

الله يهون عليك وعلينا ويقومك بالسلامه ويرزقك طفل سليم معافى

 

[<' توت توت '>]

خواتي بسألكم عن بيض الصعو الي ينكتب عليه الاسم بجم الكيلو

ابي محل لا غالي ولا بوطقه لأني ابي 600 حبه بيض الصعو لأني بسوي 200 علبه في كل علبه 3 حبات بيض الصعو

يا ريت تساعدوني

 

[Emanova]

خواتي بسألكم عن بيض الصعو الي ينكتب عليه الاسم بجم الكيلو

ابي محل لا غالي ولا بوطقه لأني ابي 600 حبه بيض الصعو لأني بسوي 200 علبه في كل علبه 3 حبات بيض الصعو

يا ريت تساعدوني

لحد الحين شفته عند سلفيرينا ال100 حبه ب 25 دينار

 

[Anestazya]

يعطيج العااافيه على الجوولة المفيده

 

[Emanova]

الجزء الثالث من الجوله

اليوم رحت الدكان اللي صاير في مجمع الاوقاف بس بره على الصافط

سعر كيلو حلو القهوه 10 دنانير و في انواع تتغلف بالسولوفان و ينحط عليها شريطه يصير الكيلو 13

الانواع اللي عجبتني

شيز كيك الاوريو بس قالت انه مشكلته حق يوم واحد يعمر او يومين بالكثير

كوكو نت كب ... على جوز الهند وايد حلوه

مارشملو براون ... صايره كيكه براوني و داخلها خد البنات و عليها من بره جوز الهند خفيف

بون بون ... الصراحه شكلها فنتك لانها عباره عن مكسرات و كورن فلكس و عصاتها من دارسين


و عندهم موالح

الصغيره حيل 1 دينار الدرزن

الوسط 1,500

و في كفته و فخوذ دياي حجمهم متوسط 1,500 الدرزن

الكبب و السمبوسه 1,500 الدرزن

عندهم سوالف مثل الشباتي المحشى 1,200 الدرزن

الروول عباره عن لفليف من الخز الايراني و حشوات مختلفه 1,500 الدرزن

و في الكبه المفتوحه 2,500

بيبي بطاط .. عباره عم بطاط صغير حيل محشى 2,500 الدرزن

كانابيه ... اللي اهو عباره عن توست دوائر و عليه حشوه 2,00

و في سندويتشات ملونه 1,250

و هذي نهايه الجوله في الدكان ترقبوا الجزء الرابع

 

[لوكريسيا]

يعطيج العافية امونة

الصراحة احترنا من وين ناخذ

 

[لون المطر]

يعطيج العافيه ولايخلينا منج أمونه